تعبت اشكي - الفصل 31 - بقلم وصيت قلبي عليك - مكتملة | روايتك

مرت ايام العزاء بطيئه على الكل وام حنين مسكت العده والحريم يتوافدون عليها من كل مكان..وهي صابره وحسابه أجرها عند اللي عيونه ماتنام.. عمر طلع من المستشفى بعد ليلتين وكره عمره على اللي صار له وحس نفسه غبي لأته ماعرف مين يصاحب..!! وكل مايتذكر أيش صار له..!! ومين تعرض له..!! يحس نفسه وصخ ..والود وده يموت ويفتك من هالأحساس الميت.. ويم درى أنه لولا الله ثم ناصر صديقه ..كان هو في حاله مايعلم فيها الا الله سبحانه... لكن الحمد لله..ناصر بلغ بالوقت المناسب والشرطه هجمت على المكان .. بس بعد أيش..!! بعد مانولد أحساس القرف والأهانه عنده.. وماتوقع أبدا ابدا.. انا في اشخاص يفعلون هالعمل الخبيث اللي لايرضي الله ولارسوله.. وهذا الشيء قانونا وشرعا صاحبه مجرم وملعون الا ذا تاب عند ربه.. والحمد لله أحمد ووكل اللي موجود بالمزرعه خذوا جزائهم واكثر بعد لكن اللي يعور القلب أن اغلب الأولاد بعمر الزهور.. ناس مايتعدون 18 سنه.. منهم قاصدين هالشي والأغلبيه جرتهم المتعه العنود هي الوحيده اللي متماسكه بينهم وحاسبه أجرها عند ربها ..وكل لهم مستغربين منها ومن قوتها اللي جات فجأه...أبدا ابدا ماتوقعوا هالصبر وألأراده القويه عند العنود.. لكن بتلاقيها من وين..والا من وين..!! البيت كله فوق راسها..وهي محتاره في أمرها وقلبها يتقطع كل ماتشوف أنه كل شي ينهدم يوم عن يوم.. لكن لحد الآن متماسكه بوظيفنها اللي ماتركتها.. أما سمر ..ماتدري عن شي...البنت تكسر الخاطر.. وكل اللي يشوفها يتحسر عليها.. اذا شافت أهلها صاحوا..صاحت معهم...وهي في بالها ليش أهلها يصيحون...!! لكن اللي عرفته منهم .. أنه أبوها اللي ماشبعت منه..ولاعرفته اساسا.. مــــات ومستحييل يرجع.. معقوله تتأثر ..!! توها صغيره..!! ماحست بطعم الأبوه..!! ولالمست حنانه..!! معقوله تتأثر..!! أما الوحيده اللي ماتحس بطعم الحياه بالبيت... أكيد عرفتوها...!! حنين...!! حنين من اول مادرت بالخبر...وهي حابسه نفسها بالغرفه.. واللي يبي يعزيها يجيها لحد غرفتها.. ماااات كل أحساس عندها..!! لاتاكل ولا تشرب ولاتذوق طعم النوم.. جالسه بالظلمه وسرحاانه.. مايدرون وش تفكر فيه..!! ودمعه ..وحده ماذرفتها لحد اليوم.. تحس نفسها ماتقدر تسوي شي.. تبي تعبر.. تبي تقول...وتتكلم.. .وتعزي نفسها... تبي تصرخ ..وتقول لاااااااا بس ماتقدر... الكل يصيح...وهي دموعها جفت... الكل يصرخ من الم القلب..وهي تحس أن قلبها ماات.. الكل ينام ويرتاح..وهي عيونها ماذاقت الراحه... وكل ماتتذكر كلام خالها يوم جاء وعزاها وهو يقول لها أيش قال ابوها...!! تموت الف مره...والسكاكين اللي في قلبها تقطعها أكثر وأكثر.. أبوها ذكرها قبل مايموت... أبوها مانساها... ابوها وصى عليها هي بالذات.. أبوها يحبها..!!قال يحبها... أبوها يبي قربها.......ويطلب رضاها.. أبوها مااااااااااات وهي ماااتت بعده... . . . . . . . .. ماسكه دمعتها..وحرقتها... مو قت دمووع اللحين.. وحاطه ايدها على خدها.. تنتظر نظره.. تنتظر كلمه.. تنتظر معنى.. تنتظر أحساس ..ييريح قلبها الضايع بين زحمة الهموم.. ملقت الا تشتكيبنت خالها.. يمكن تفرج كربتها.. \وبعديين...!!لين متى..!! ريم\شنوا.. العنود بكآبه وتناظر الفراغ اللي حولها\مر شهر..وأحنا ضايعين..!! ريم\اللي يسهلها أن شاء الله و راح الكثير ومابقى الا القليل.. العنود وتنهدت\أي قليل ياريم..!!أي قليل اللي تتكلمبن عنه...!! امي السكر مرتفع عليها..وماتدري شالحل عشان نطلع من جو الكآبه.. وعمر...عمر مايدري عنا..اللي فيه كافيه.. وحنين..الله العالم بحال حنين... زوجها كذه مره جاء عشان يكلمها وهي ماتسمع شي.. ولا كأن أحنا نكلمها.. وبا لأخير نستسلم...ونقوله حنين تعبانه...ويروح مثل كل مره يجي فيها...!! تخيلي ياريم ماشافها الا يوم العزاء عشان يعزيها ..وهي بس ردت عليه ..وبعدها مانطقت بحرف.. وبعده اذا جاء يحاول يكلمها..بس هي ماتحس فيه..تظل سرحاانه وتفكر بشي ثاني.. وأحنا ماندري وش تفكر فيه..!! ريم\ اللي جاء لــ حنين مو هيين وبعدين هي تلقت صدمه ورى صدمه يعني يكفي صدمة عمر...وبعدين ابوك ..وغير اللي ماندري عنه..أنتي تعرفين حنين بحر مكنون.. العنود\الله يهديها..ليتها تتكلم..أو حتى تعبر..المهم نسمعها..نحس أنها عايشه مابيننا.. ريم\وأنتي..!! العنود\أنا.. ريم\أنتي وينك من هذا كله..!! العنود\أنا..أنا ضايعه ياريم...ضايعه بينهم..مدري أوقف مع مين والا مين.. الكل تخلى عني وماأهتم الا بنفسه... بس انا والله عذرتهم..حاسه بجروحهم.. حاسه بألمهم.. بس كل واحد له وقت وينفجر.. وأنا احس أني بنفجر... كل شي فوق راسي.. حسيت بالمسؤليه وأنا صغيره.. حسيت أني لازم أكون اقوى..لأن الكل فجأه أنهار .وبقيت لوحدي حسيت انه غصبن عني لازم اتماسك..!! مدري من وين جاتني القوه هالشهر اللي مضى... بس حسيت اني لازم اكون جامده.. لازم ماأنهزم من أول صدمه... مدري...!! مدري شقول...!! يمكن لأن اللي صار فرض علي أني اكون كذه.. وحاولت ..وقدرت.. أو يمكن لأني مش حاااسه أني أبوي مات أو لأني أصلا ماحسيت فيه.. كنت متضايقه منه وزعلانه... زعلانه ليه ابوي يتصرف معانا بهالوحشيه..وأحنا عياله..!! يمكن كرهته... حقدت عليه... بس صدقيني.. وارتجفـــــت شفايفها وهي تنطق ... كنت..كنت احبــــــ ــــــه.. كان عندي مشاعر بداخلي تقول أني أحبه.. أحب أبوي..وابتسمت كنت أتمنى يتغير ويصير مثل أي أب .. مش مهم يكون مثالي.. المهم على الأقل نحس فيه... نحس أنه عندنا سند نستند عليه.. نحس بوجوده وقت ألأزمه... وقت مانحتاجه.. بـــس ... أنا ماطلبت الكثيير.. كنت اتمنى أني أحس فيه... أحس فيه.. لكن رااااح... رااااح وأنا حتى وجوده... ماحسيت فيه... الله يرحمك يايبه.. الله يرحمك... غمضت عيوني بشده.. على أمل أني أنسى اللي صار... لكن حتى وانا مغمض.. الحدث أعيشه وكأنه صار اليوم وبهالوقت.. عشت عذاب نفسي مابعده عذاب.. وأنا أتذكر اللي كل شي.. حاولت أنسى.. أبتعد أقاوم ألهي نفسي باي شيء... لكن مافي أمل أني أنسى .. أحس أني أتألم وانا اتذكر,, أحس أني أحترق غيض وقهر تذكرت العزيمه...الشباب..أحمد..الشيشه..الزقاير..الظحك..لي ن اخر شي... مابعد الظحك.. عطوني شاي... في البدايه مابقيته... لأني كنت شاك .. كان لونه غريب... كثير غريب مايل للسواد.. بس مع اقناع أحمد شربته... وبعد الشرب اللي صار بصعوبه... حسيت الكون دار فيني... الدنيا صارت تدور ... ماعدت أميز شي... بس اللي عرفته.. أني بعد مافتحت عيوني لقيت شباب مجتمعين حولي في غرفه منفصله وكان معهم أحمد...وكذا واحد عرفته.... تقريبا عشره أو أكثر حتى.. وكلهم يظحكون... ويتكلمون بنفس الوقت ويوم شفت اللي شفته صرخت بصوت عالي.. وانهرت.. واغمى علي... بس هذا اللي اذكره... مافيني أتحمل أكثر... يكفي اللي شفته.. وبعدها ماحسيت بنفسي الا بالمستشفى وجنبي أهلي.. والظابط يحقق معي... وانا ساكت... والدموع متجمعه في عيوني... حاول الظابط يكلمني.. يستدرجني بالكلام.. بس الموقف كان أكبر مني... خلاص.. أحس مالي طاقه... ماقدرت اقول شي... أكتفيت بدموع الم وقهر وبعدها حسيت نفسي وصخ.. صرت مش طايق روحي كرهت نفسي بمعنى أصح... وماصرت أتحمل من أي شخص كلمه..أوحتى نصيحه... ويوم دريت بالخبر اللي زلزل كياني.. أنهرت أكثر واكثر.. ,, وتعبت نفسيا.. وصار اقوى من التعب الجسدي.. أيام مرت علينا صعبه.. نحاول نتماسك الأمور... لكنها تفلت من ايدينا.. وكله بسبب .. الذكرى الأليمه اللي نتذكرها.. يكفي موتة ابوي.. اللي نحرمنا منه حتى في اخر أيامه... من كان يتوقع هالشي يصير لنا..!؟ والله لاجاء على البال ولا على الخاطر... واللحين... أحس أني خسرت كل شيء.. خسرت أب ماعرفته... خسرت صداقه كنت اعتبرها وفيه.. لكنها هزتني وقلبت كياني... هذا اذا ماذبحتني... مشكله اذا كنت تعتبر الوفي خاين والصديق عدوا.. أنا اللحين جالس أرثي حالي.. لكن حتى وانا أرثي حالي.. أذكر الحادث المؤلم.. اللي طعن قلبي.. فتحت عيوني بصعوبه وظغطت على راسي وانا ابي أنسى اللي صار... لأني تعبت...تعبت من التفكيير.. اللي ماله نهايه.. وجاني صوت قريب لي.. صوت حنون.. صوت مالي غيره في الدنيا.. صوت بعيش له وبظل اعيش... صوت القلب الحنون.. صوت امي... مسكتها من ايدها وجلستها جنبي... وانا أتصنع الأبتسامه عمر\هلا يمه..حياك.. ام حنين\وبعدين ياولدي....لين متى بتظل حابس روحك.. عمر\معليش يمه...سامحيني. أم حنين\طيب ليه جالس لوحدك..تعال اجلس معنا عمر\عادي يمه..أنا بس كنت افكر وبجيكم... أم حنين\وشنوا اللي تفكر فيه...!! أبتسمت بألم وقلت عمر\في حالنا... أم حنين\وشفيه حالنا ياولدي....الحمد لله احنا أحسن من غيرنا...واللي الله كاتبه بيصير.. لاتفكر كثير..فكر بدراستك بس... يالله يايمه..وحتى وانتي حزينه..تبعثين ألأمل في قلوبنا.. عظيمه..ياأمي أنتي عظيمه... عمر\يمه.. أم حنين\نعم.. عمر\الله يخليك لنا..ولايحرمنا منك.. أم حنين\وأنتوا بعد الله لا يحرمني منكم...عمر...حبيبي..لاتعب نفسك وحاول تنسى اللي صار...عشاني يمه..انسى.. حب عمر يد أمه وأشر على عيونه عمر\من عيوني يمه..بحاول أنسى.. أم حنين\طيب يالله تعال اجلس معنا..بنت خالك بره... عمر\منوا..ريم... أم حنين\أيه... عمر\أن شاء الله..شوي واجيكم... ظلت ريم مع بيت العنود..وكانت تتمنى تشوف عمر... أيام مضت وهي ماشافته.. المره الوحيده اللي شافته فيها قبل اسبوعين... وبعدها لمحته مره وهو طالع للمجلس عند الرجال.. تحس أنها من زمان ماشافته.. ولهانه عليه.. وخايفه اكثر.. تبيه يرجع مثل اول.. تبيه يتغير.. وينسى اللي مضى... تبي تشوف ابتسامته.. بس شكل هالشي مستبعد هالوقت... ويوم زهقت ... دقت على لافي وأستأذنت منهم.. لأن الوقت تأخر وهي من العصر موجوده... في السياره بصوت ملهوف\شخبارها...!! ريم\الحمدلله..تسلم عليك.. لافي\الله يسلمها..ماتتوقعين قد أيش وحشتني...والشوق ذابحني... ريم\الله يصبرك ويصبرها..هي بحاله صعبه ومتضايقه ومش قادره تتنفس ..كل المسؤليات فوق راسها.. لافي\ياعمري يالعنود ليتني أخفف عنها شوي..أو حتى اواسيها..لكن ماباليد حيله..بنتظر لمن الله يفرجها... ريم\أن شاء الله.. سكرت منه السماعه بعد ماقطع اخر امل عندي... مدري حسيت أنها المكالمه الأخيره.. كل شي خلاني أستنتج هالفكره... وهذا شي مو جديد على شخصيته.. طبعه أناني وبيظل أناني..قصر الزمن ولا طول.. حاولت أكلم أمي واقنعها بأني ماابيه..بس ماقدرت.. حاولت أصرخ واقول لا..تعبت..ونفس الشي ماقدرت.. كلمت روابي وطنشتني.. أبي أحد يفهمني... لأني خلص تعبت..طفح الكيل.. طفح الكيل منه ومن تصرفاته.. كرهته...أقسم أني كرهته... وانا اللي ماعمري كرهت أحد.. لدرجة أنه كرهني بنفسي.. ماصرت اهتم بشكلي..ولا بأسلوبي..ولابشخصيتي.. اهم شي أني أدرس واكل وأنام.. هذه حياتي اليوميه.. صارت روتينيه... وين ظحكتي.. وين راحتي..ووناستي.. ماعاد لهم مكان هالوقت.. فكرت أني أكلم متعب..لأنه هو الوحيد اللي فاهمني وحاس فيني... بس بعدها تراجعت.. ماأبي أعكر عليه وهو في بداية زواجه.. والمشكله هو مايعطيني مجال أتكلم فيه.. كل أحاول أفتح الموضوع معه..وأساله عن مريم وزواجه.. مايرد علي الا بكلمه وحده.. الحمد لله.. بس هذا اللي يعرفه... طالع على مين ياهيفاء...!! طالع عليك...!! كل واحد منكم ساكت ومنطم.. ومش عارف الأيام وش تخبيله بكره...!! فهد\أنتي هنا وامي تناديك..!!يالخبل.. هيفاء\أنت خبل.. فهد \حلفي.. هيفاء\والله.. فهد\هيوفه.. هيفاء\ها... فهد ويقلد صوتها\ها..الناس يقولون ..نعم ..هلا ..لبيه..مو ها..ماااااااااااالت عليك..المهم تعالي..العشاء.. هيفاء\طيب يالخبل..جايه.. فهد\بسرعه.. هيفاء\ان شاءالله فهد\يالله هيفاء\طيييييييييييييييب..فكنا.. فهد\أحترمي نفسك أنا اخوك الكبير.. هيفاء\أن شاء الله عمي.. فـي غيـبتك كل المـلا عنـدي أغراب ماأحـــد أبي قــربـه..ولا أحـــد يبـني لا يــا غـــلا القرابــــة والأصـحـاب ضاع العـدل في الناس لـــو تظلميـني ضايع بدونها...!! أحس نفسي مو أنا...!! أحس أني غريب..!! تركت كل شي..وابتعدت.. شغلي.. بيتي.. أهلي.. .ديرتي...!! كل شي تركته... ماأتحمل أعيش لحظه بدونها.. وبساعتها سافرت من أي مكان يذكرني فيها.. ورحت البحريين ... لعل أنسى الشوق اللي ذبحني.. بس هيهات يافيصل تنسى... كنت متوقع أنساها بزحمة الجو .. أنساها بالمكان اللي تعودت أجلس فيه قبل ماأعرفها.. لكن للأسف كل محاولاتي باأت بالفشل... لأن خــــــــــلاص.. حبها تغلغل داخل ضلوعي.. صرت اسير له... صرت ماأعيش بدونه.. صرت لــ حنين.. لها لوحدها..!! لكن .. وينها..!! وينها ..اللي علمتني أن الدنيا غير.. وين اللي نستني كل شي.. كل شي وحشني فيها..!! أبتسامتها.. حنانها.. جمودها.. شخصيتها.. كل شي وحشني فيها..!! حنين.. تسمعيني..!! وحشتيني ياحنين..!! صرت ضعيف بدونها..!! صرت ضعيف بالحب... ساره\..فيصل ارجوك أرجع... فيصل بملل\غيري الموضوع ساره...شخبار أمي وأبوي وأخواني..!! ساره\أمي متضايقه علشانك...أنت تركت البيت..وحنين تركته قبلك...وابوي نفس الشي ماتغيروأكيد أنت تعرف أخباره اكثر مني.. .. وسوزان وخالد..كل واحد فيهم لاهي بخصوصياته... فيصل بتردد\طيب..ساره.. ساره وكأنها عرفت سؤال اخوها\هلا فيصل وغمض عينه\مافي أخبار... عن حنين..!! ساره\لا ياخوي ..حنين على نفس حالها ماتغيرت..ولحد الحين ساكته مش راضيه تتكلم.. الله يعينها..شكل الصدمه قويه عليها.. فيصل بخاطره\وانا اقوى ياساره...أقوى.. فيصل\أوكي ساره ..سلمي على أمي..مع السلامه.. ساره بحزن\مع السلامه سكرت ساره التليفون..وهي متضايقه على حال أخوها مع حنين.. لحد اللحين زواجهم مش راسي على بر.. ماتدري توقف مع ميين..!! مع حنين اللي تعبت من هالدنيا..!! والا مع اخوها اللي حاس بالذنب أتجاه حنين..!! وكل ماتتذكر وحدتها العميقه..تكره نفسها أكثر.. البيت صار فاضي..بعد ماكان ممزوج بالسعاده من كل جانب.. يأست من الصبر نفسه.. وزهقت من الأنتظار... كل مره تقول الله بيفرجها عليها وحدتها.. ويوم تزوجت حنين من اخوها..فرحت كثيير لأنها بتلقى الأخت الللي بتعوضها الوحده.. (زي ماقلت لكم سابقا أن ساره من زمان مخلصه كليه ..ولسه ماجاتها وظيفه..) وعاشت ساره في الأيام الأخيره سعيده مع تغيير جو البيت.. حتى اختها سوزان تغيرت وصارت قربيه منها... وفيصل تغير بشكل ملحوظ جدا... لكن اللحين.. وبهالوقت تحس نفسها وحيده... وحيدة الأخت... وحيدة الصداقه... ومافي أحد حاس فيها..غير الله سبحانه... عشان كذه.. بتظل صابره طول العمر... يمكن الله بيفرج عليها وحدتها.. أم فيصل\ساره..!! ساره بابتسامه حزينه\هلا يمه... أم فيصل\شفيك يابنتي... ساره\مافيني شي يمه...على فكره فيصل يسلم عليك.. أم فيصل بلهفه\كلمك..شخباره...ووينه اللحين..ومتى بيجي...!! ساره\الحمد لله بخير يسال عنكم..والصراحه ماقالي متى بيجي..!! أم فيصل\حرام عليه..والله أن قلبي يتقطع ..أبي اشوفه..حتى مافكر أنه يدق علي.. ساره\معليش يمه..فيصل متضايق هالأيام..وان شاء الله فتره وبتعدي.. أم فيصل\آميين..والله البيت ماله طعم بدون فيصل وزوجته..المهم أنا بطلع غرفتي..تبين شي.. ساره\سلامتك يمه..روحي أرتاحي... طلعت أم فيصل لغرفتها.. وتركت ساره وحيده.. مثل ماكانت.. بين الدموع..والكتمان... بين العذاب..والجروح.. بين الألم ..والأهات.. كان في قلب كبير وتعباان.. قلب شتته الدنيا من كل جانب.. قلب تعذب من صغره وبيظل يتعذب في شبابه.. قلب حنون.. قلب حي..ماماات.. قلب يون من الألم.. قلب يصرخ.. ويقول كافي عذاااااااب.. يادنيا أكتفيت... يدنيا تعبت.. يادنيا أختسرتي لحظه.. أختسرتي فينا لحظة سعاده.. لحظة امان لين متى بنظل بهالعذاب..!! قبل مايموت مشتيتين.. وبعد مامات ضعنا... أنجرفت وانا اللي في وسط التيار.. صرخت.. ومحد منهم سمعني.. بكيت وجفت دموعي من الصدمه. مت أمس واليوم وبكره ولا أحد درى عني وبعدها يتسألون ويقولون علامها هالبنت..!! وبسهوله يكملون ترى عمركم الباقي..والحي أبقى من الميت..!! وهو مانفعكم عشان تبكون عليه..!! عيشوا حياتكم...!! ولاتتذكرونه... لابخيره.. ولابشره... وأرد عليهم واقول.. أنا اللي ضحيت..بعد ماشكيت.. أنا اللي أبتليت بعد ماحييت.. يادنيا رسينا على بر...!! والله مليييت..!! .................................................. ............. أحداث قصتنا أنتهت بأحزان وبدت بأحزان جديده.. مرت الشهور عليهم غريبـه...صعبـه...بطيئـه كلن تايه بجهه.. كلن ضايع بدوامه.. كلن ينتظر لحظة امل عشان يكمل مشواره.. ومرت ايام وأيام وهم على نفس الموال... ومافي شي جديد يسعد حياتهم.. ياترى كيف بيكون الزمن معهم...!!! معقوله بيوقف ضدهم بنهاية المشوار...!! (2) أم حنين\العنود يمه..روحي نادي أختك خليها تتغدى.. العنود\يمه أنتي تعرفين أنها مستحييل ترضى..خليها على راحتها مردها بتطلع وبتاكل .. أم حنين\بس ياحبيبتي هي ماكلت شي من امس... العنود\طيب هذا مو شي جديد..من متى هي تاكل أصلا... أم حنين\عنود...ماهقيتك كذه..شاللي غيرك... العنود بضيق\خلاص يمه..بروح اشوفها.. عمر\اذا ماتبين بروح اناديها العنود\لا خلاص ياعمر بروح انا... طلعت العنود من الصاله وهي متضايقه.. أمها فهمتها غلط.. تفكرها أنانيه...ومالها خلق لأتها... بس اللي ماتعرفه أن العنود ماتبي تشوف أختها بهالحاله وتحاول قد ماتقدر أنها ماتناظر عيونها اللي الحزن بينفطر منها.. بس أكتمت بنفسها وهي تقوي نفسها عشان أمها ماتزعل. فتحت الباب وشافت حنين نايمه على السرير.. وهذه عادتها ماتغيرها .. تسوي نفسها نايمه عشان محد يكلمها.. قربت من اختها..وهي تتنفس بعمق.. العنود\حنين...حنين...حنين قومي الغدى... العنود\حنين..حنين.. قربت أكثر وهزت كتفها العنود\حنين..حنين.. خافت العنود وأستغربت من هدوء أختها.. لفت الجهه الثانيه عشان تشوف وجه أختها.. واخترعت اكثر... كان وجه حنين أصفر ومعرق وخصلات من شعرها مغطيه على عيونها المسكره.. مسكت ايدها وصرخت العنود\حنيــــــــــــــن....يمه لحق علي.. ركظ عمر ووراه أمه وسمر...بسبب صرخة العنود... عمر\العنود ..شفيك... سكتت العنود ..ماقدرت تتكلم...الموقف أكبر منها قربت أم حنين لبنتها وشافتها وحضنتها أم حنين\حنين يمه...شفيها بنتي...وأذرفت دموعها...يمه حنين..شفيك يابنتي ردي علي...ردي علي يايمه.. عمر\يمه...بروح أشغل السياره لازم نوديها المستشفى لبسوها عباتها بسرعـــــــــه... لبسوا حنين عباتها بسرعه ولبسوا عبيهم وجاء عمر وحاول يمسك أخته من جهه والعنود من جهه ثانيه.. وركبوها بصعوبه السياره... العنود تصيح على أختها وتمنت أنها تشوف أختها قبل ماأمها تطلب منها هالشيء... حست بضيق بسبب تصرفها.. وندمت أشد الندم على هالشيء.. أما ام حنين ماسكه بنتها وتقرى عليها وهي ميته خوف ..بس تحاول تقوي نفسها... وعمر كل شوي يطل من المرايه يطالع أخته اللي وجهها مافيه أي نوع من انواع الحياه... الكل خايف..وخصوصا من المستقبل .. ومايدرون وش تخبي لهم الأيام... ولين متى بيعشون بهألالم..!!! أخيرا وصلوا المستشفى ودخلوا حنين أقرب غرفه وأمها دخلت معها وهي متجاهله كلام الدكتور.. وبعد أقناع من عمر قدر يطلع امه.. وجلسوا ينتظرون الدكتور بره... \أأأأأأأأأأأأأأأأي..يألم...مش قادره...بمووووت... رهف\ترفوا شفيك يالخبله... ترف\لحقيني رهف..راسي...أذني...أسناني..يألم.. رهف وتبرد أظافرها\شفيك أنتي...وش اللي يألمك بالظبط...أسنانك ولا راسك والا أذنك...!! ترف \كلهم..آآآه كلهم يألمونــــــ ــــــي...رهف لحقي علي..بموووووت.. نادي أمي بسرعــــــــــــه وجلست على السرير وهي ماسكه راسها اللي بينفجر بلحظات.. رهف ومبرده\زين لاتصارخين....صبري شوي.. ترف\رهفوا الله ياخذك..بموووت وأنتي مبرده...يالثلج يالبقـــــــــــــــــــره....نادي أمـــــــــــي بمووووت رهف\أوكي..وقامت ببرود وهي تبرد اظافرها ولمن سمعت صرخة رهف ركظت زي البرق رهف\يمه بنتك..ترف.. أم زياد\شفيها...!! ترف\تعبانه... وطلعت الأم أبرد من بنتها.. أم زياد\ياربي على هالترف دلعها زايد ..يعني شفيها..تعبانه!!كل يوم على هالحال... رهف\لا يمه هالمره جد تعبانه..تعالي شوفيها تبيك... أم زياد\زيين.. راحت أم زياد لــ بنتها وأول ماشافتها ترف صرخت اكثر وهي تدعي على رهف المبرده.. وعلى طول راحوا المستشفى.. ترف\دكتوره..مدري شفيني من يومين احس راسي يألمني وكله مصدعه وأسناني ذابحتني... الدكتوره\أنتي من متى ماشديتي أسنانك ...!! ترف\من أسبوعين..بس ماأتوقع هذا السبب... الدكتوره\طيب خليني أسوي لك أشعه وأشوف... ترف\لا دكتوره أخاف...!! الدكتوره\يابنتي أشعه عاديه مافيها شي... ترف\لا ام زياد بصوت واطي\ترف بلا دلع..والأشعه ماتضرك.. ترف بضيق\أوكي.. طلعت ترف مع النيرس لغرفة ألأشعه... وبعد جهد جهيد أنتهوا وبعد ماخلصوا طلعوا على البيت لأن الأشعه نتيجتها بكره وأعطوا بعض الأدويه لـ ترف عشان الصداع.. ≈ حـــــــــــــامــــــــــــل≈ رمى هالكلمه علينا وسكت.... حنين حامل وبالشهر الثالث... ياربي...ياحبيبي... شكثر أنت رحيم... حضنت أمي ودموعها تسبق كلماته ..وهي مش مصدقه... أخيرا بتصير جده... وبعدها من فرحتي حضنت عمر اللي أول مره أشوف الفرحه بعيونه بعد هالحادث المشئوم... ومسكت سمر وانا فرحانه.. واقول لها... حنين حامل.. حنين بتجيب بيبي.. حنين بتصير ام... الدكتور\بس لحظه..أنا ماكملت كلامي.. ام حنين\شفيه يادكتور... الدكتور\المريضه تعرضت لنزيف قوي...وفقدت دم كثير أم حنين بخوف\أيه.. الدكتور\لأنها كانت مهمله صحتها والواضح أنها ماكانت تاكل وبنيتها ضعيفه جدا..لذلك لولا رحمة الله كان الجنين ميت من زمان وخصوصا أنه في اشهره الأولى.. عشان كذه أنا مظطر أخليها عندنا أسبوع لمن تستعيد صحتها .. عمر\خرعتنا يادكتور الله يهداك...ولايهمك..أهم شي الجنين ماصار له شي.. الدكتور\خافوا على أختكم أول لأن هي اللي حالتها مدهوره جدا..عن أذنكم..وتقدرون تشوفونها.. العنود\واااي أنت فشلوه.. عمر\بل..اللي يشوفه يقول خايف على أختي أكثر مني.مالت عليه.. العنود\أمش ندخل ..أمي دخلت قبلنا وأكيد قالت لــ حنين... عمر\أي والله أمشي... حنين بهمس\صج يمه...!! أم حنين وتمسح دموعها\أيه يابنتي.. حنين وتمسك بطنها\يعني...انا..بصير أم... أم حنين\أنتي بتصيرين ام..وانا بصير جده... حنين وأختقتها العبره\ياكريم ياربي..ياكريم...ماتتخيلين يمه شكثر أنا فرحانه..أحس أني طايره..طايره فوق... مش مصدقه أنه بيجي لي ولد..مني أنا..ملكي أنا...أسميه.واعتني فيه..والبسه وأعلمه..واعلمه احس تعليم..وأكله أنومه..واغنيله وألعب معاه... أم حنين\وذا صاح تسمين عليه...وضحكت بين دموعها..واذا ضحك تضحك لك الدنيا كلها... العنود\واذا صرخ أشوته بره..واقوله صدعتنا نبي ننام... عمر\أشوتك أنتي قبله يالبقره...شالرومانسيه هذه ويهالوجه. حنين يوم شافت أختها أبتسمت بفرح\عنود...عنود بصير أم...!! عنود\مبرووووووك حنين..مبروك..ويالله ياسمر بيطيح كرتك ..وبيجي الصغير..وطقتها.. سمر\ماما..شوفي عنود..!!كله تطقني... أم حنين\عنود..تركي أخت.. العنود\مقدر..مقدر لازم أجننها... حنين\سمر... سمر\نعم... حنين\تعالي.. سمر ببراءه\طيب.. قربت سمر من اختها وحنين مسكتها وضمتها لصدرها وهي تدمع.. مشاعر... مشاعر أنتهابتها... مشاعر أنتابتها وهي في غمرة فرحها.. تذكرت الطفل..وفرحتها فيه..وشكثر هي ممتنه لربها.. وتمنت يجي اليوم اللي تشوفه وتملي عيونه بشوفته.. ولمن شافت سمر... تذكرت ابوها.. وحزنت على سمر اللي ماحست بمشاعر الأبوه.. ماحست بحنانه.. ضاعت بينهم.. ضاعت ضحيه اب قاطع وأسره مشتته.. ويوم ألتموا.. ورجعت الحياه طبيعيه.. مات اخر أمل.. مات اخر رجا.. مات الأبو.. وضاعواواتشتتوا بوسط هالزحمه ............................. واللحين وبهالوقت.. التموا ثانيه.. وبنفس الألم والأمل... ومايدرون الدنيا بتفرقهم والا بتريحهم.. أنتشر الخبر بيت بيت الخال عادل وعلى طول لافي وريم أسبقوا أمهم وابوهم وراحوا للمستشفى وحتى بيت بو فيصل دروا..وبكذه الكل راح يعرف..! لكن وش موقف حنين من هذا كله...!! \أها...وبعد..بس...أوكي...اذا تذكرتي دقي...أنا عندي بريك اللحين...مع السلامه.. سكرت السماعه من مريم وأنا اضحك على طلباتها اللي ماتخلص... والمشكله أني ماأقدر عليها.. لازم أستجيب لها..!! ليه...!!مدري...!! وفي غمرة تفكيري جاني صوت من بعيد مألوف.. ويم قربت أتضحت الرؤيا...!! عمر..!! شعنده..جاي المستشفى..!! الله يستر..!! عمر\السلام عليكم... متعب\وعليكم السلام..هلا والله عمر..شلونك..وأخبارك..!! عمر\الحمدلله بخير وصحه.. متعب\طمني ..عسى ماشر..!! عمر\الشر مايجيك...أختي تعبت علينا شوي.. مدري ليه حسيت برجفه...وأنتظرته يكمل وأنا عيوني منكسره.. عمر\وأتضح أنها حامل... دارت فيني الدنيا.. تذكرت كل شي... تذكرت أيام حبي لها.. وحاولت أطلع الأبتسامه غصبن عني.. ومدري شلون اطلعت الكلمات من لساني متعب\لا..مبرووووك...والحمد لله على سلامتها... عمر\الله يبارك فيك ويسلمك يارب...يالله مااطول عليك بروح اشوف ألأهل.. متعب\سلم عى الوالده ..واي شي انا حاضر...وان شاء الله بقول لأمي تمركم العصر... عمر\يبلغ ..مع السلامه متعب\الله يسلمك.. رحت لمكتبي وأنا محتار.. حنين.. حامل... الله يادنيا... شلون هي دواره.. من حال ..لحال... وين كنا..!! ووين صرنا...!! الله يوفقها أن شاء الله... هذا اللي أقدر أقوله... أني أتمنى لها السعاده.. \واااااااااااااي حنين ..مش مصدقه..بيجينا بيبي أخيرا... العنود\أجل أنا شقول بموووت من الوناسه... ريم\طيب...حنين..اذا جات بنت..وأن شاء الله تجي بنت..وش بتسمينها...!! حنين\تصدقين مدري...مافكرت... ريم\وهي يبيلها تفكير..سميها ريم...وأفتكي... حنين\أفكر.. ريم\طيب واذا ولد...وش بتسمينه..!! حنين\ولــــد... نزلت حنين عيونها وهي تتذكر فيصل..وكانت هذه المره الأولى اللي يمر فيها طيف فيصل من أول ماجات المستشفى.. وحتى يوم درت أنها حامل ماتذكرته... واللحين أنعصر قلبها من الضيقه.. ورجع الألم يحتويها بكل مكان... تذكرت أنه كان يحب أسم ويتمنى اذا جاه ولد يسميه تركي.. وكيف هي فرحت يوم درت ان فيصل وده بطفل.. بس مابينت الفرحه لــ فيصل..وغيرت الموضوع بسرعه.. تذكرت..أيامها الأخيره مع فيصل وكيف كانت سعيده بحنانه وعطفه اللي مغرقها ومنسيها همومه... تذكرت كل كلمه وكل أحساس ونظره كانت بينهم.. ويوم وقفت لأخر موقف ..والتوتر اللي كان مغطي على الجو.. دمعت عيونها وهي تتمنى تنسى هذاك اليوم الأسود.. اللي كانت المصايب تتحذف عليها من كل جهه. أولها بزعلها مع فيصل .. وأخرها بموت ابوها.. وماوعت الا بصوت العنود يناديها.. وكأنه يصحيها من حلم مزعج... عنود\حنين...وين رحتي...!! أبتسمت حنين بحزن وهي تهز راسها بالنفي..وكأنها تبي تصحى وتنسى همومها ولو دقايق معدوده.. ساره\يمه..يمه..يمه...مش مصدقه..حنين حامل...ياربي...وناااااسه.. أم فيصل\واخيرا بشوف أحفادي ساره\طيب يمه متى بنزور حنين...!! أم فيصل\والله مدري يابنتي...الود ودي اللحين نروح لهم... سوزان\لا يمه فشله اللحين الظهر... ساره\أي والله صادقه سوزان..فشله ... أم فيصل\صح..نسينا نخبر فيصل.. ساره\وهو يرد على مكالمتنا أصلا...كيف تقوله يعني... أم فيصل\الله يستر والله أني خايفه عليه...من زمااان ماكلمنا.. سوزان\طيب دقوا عليه يمكن يرد اللحين ساره\أوكي..بدق..وان شاء الله يرد.. دقت ساره على فيصل..مره ومرتين..وثلاث...لكن لا رد...والجوال مقفل... ساره\يمه مقفل جواله... أم فيصل\مومعقوله...الجوال دايم مقفله,,لعنبوا شالولد...حتى ماسأل عنا..!! ساره\والله أني خايفه عليه..هو بالعاده مره في الأسبوع يدق..بس اللحين صار له فتره مادق علينا...الله يستر.. أم فيصل\طيب واحنا بنظل كذه ساكتين...لازم نتصرف.. سوزان\يايمه...يعني أنتي ماتعرفين طبايع فيصل هذا هو رجع مثل اول قبل مايتزوج مانشوفه الا مره بالأسبوع وكله مسافر..يعني عادي..لاتحاتون..مرده بيرجع أو بيكلم... ساره\يابرد اعصابك ياسوزان.. أم فيصل\ياخوفي فيصل يرجع مثل أول ..أنا ماصدقت يتغير...واللحين يرجع..!! ساره\لايمه..فيصل تغير... سوزان\أجل شتسمين اللي يصير اللحين..مر شهر كامل وهو مسافر وكان يدق علينا..واللحين مستخسر مكالمه وحده... ساره\وانتي شعرفك بظروفه...!!يمكن فيه شي خلاه مايتصل علينا.. سوزان\وانتي تعلميني بأخوي..الكل يعرف فيصل وطبايعه...عن اذنكم بنام شوي أحس راسي صدع بما فيه الكفايه.. أم فيصل \ساره شنسوي...قلبي ماكلني على ولدي.. ساره\اهدي يمه..والغايب عذره معه..وانشا الله يدق علينا... كانت ساره تهدي أمها.. لكنها من داخلها متضايقه من فيصل.. لأنه له فتره مادق ولاسأل..