❴🔢❵☟الــبــــــ❴ 7️⃣ ❵ـــــــارت☟
➖➖➖➖➖➖➖➖➖➖➖
تعبت نفسيتو لعز وراحلها هالمرة والشر بعيونو .....
دق باب المخزن بوقت متأخر ....
مطر: ......مين .
عز: هاد انا مطر عزالدين .
مطر: يوووووو شو جابك بهيك ساعة ....روح من هون بلا مايحس عليك حدا .
عز: مطر افتحي بدي احكي معك بشي ضروري .
مطر من قفا الباب: ....لك انت مامليت ما تعبت ....لك انا تعبت من الأخد والعطى مشان الله افرقني بريحة طيبة بلا مابوصل الكلام لأسامة انو بتجيني بهيك وقت وتنزع اللي بينا.
كانت عم تحكي هيك لتجاكرو اكتر.
عصب منها وخبط الباب برجلو وحكى بعصبية بصوت واطي...
عز : ......لك آخر همي التافه اللي عم تتحامي فيه ....افتحي عم قلك للمرة الأخيرة والا والله بضل برفس الباب برجلي لفيق كل الحارة مو بس اهل البناية .
حست مطر بجدية كلامو وخافت من الفضيحة ...
فتحتلو الباب وهي متوقعة شو رح يعمل ....
دخل ومسكها من كتافها بعصبية كانت رح تفجر عروقو ...
عز 😡: .......مين اسامة اللي عم تخوفيني فيه كل شوي اااااه .....ليكي كلمة وحدة ومابتنيها انتي الي مو للزفت تبعك ولا لغيرو ....انتي لعزو وبس عم تفهمي انتي الي انا ...
مطر: ليش .....ليش كل شي بدك اياه لازم تاخدو ....ليش لتجبرني ارجعلك وكون الك وانت ما بتعرف تتعامل مع اي انثى ....ما بدي ارجع عيد كلامي لأن مليت منو عقد ماسمعتك اياه عن الاهانة والضرب والتقليع والذل اللي ماتركت اي فرصة لتستغلها وتذلني ....شو بعد بدك مني .....لك مشان الله اتركني عيش براحتي بدون قيودك بدون اوامرك اللي كانت عندي احلى من اي طلب انا مقتنعة فيه .
عز: بحبك ....بحبببببببك مافيي عيش بدونك والله والله .
مطر: امبلى فيك تعيش بدوني الي شهور عايشة بعيد عنك وليكك عايش وآخد راحتك ولسا لهلأ عم تحس حالك انو فيك تفرض رأيك عليي بس لأ ياعزو لأ بعد اللي صار ماالك عندي شي وبحقلي اعمل شو مابدي .
طالعت المحبس تبعها ورجعتلو اياه وقالتلو : .....نسيت تاخدو مني وقت اللي قلعتني بالبيجامة اللي استكترتا عليي ....بجوز ماخطرلك والا كنت رجعتلي وحملتني من شعري كمان مرة لتاخدو .
صار يبكي متل طفل مضيع حضن امو: .....مشان الله حااااج حاج والله ماعاد فيي استحمل اكتر لك من وقت اللي رحتي وانا مو عبعضي ....سامحيني ياعمري والله كنت معزور ماحملني عقلي شوف صورك عندو انتي لازم تعزريني لان بتعرفي حبي الك وغيرتي عليكي وهنن كانو مرتبين لخطتون منيح .
بعدت عنو: ......مافيي ارجعلك خلص اتفثت انا واسامة عكل شي وبدك الدغري انا بلشت اتعلق فيه كتير وصار لازم شوفو كل يوم ماعاد فيي بلاه ....
التفتتلو بعيون كلا دموع: روح وشوف حياتك انساني بالأول لحتى ماتظلم اللي رح تتزوجا .
عز بقهر وصوت مخنوق: قلتيلي بلشتي تتعلقي فيه يعني بلشتي تحبيه ....يعني نسيتيني جد مطر .
مطر: .........اي عزو نسيتك جد وبلشت مع اسامة حس بمشاعر جديدة كل يوم عم حس بمشاعري عم تتجدد وتحلا اكتر .
عطاها نظرة بتعني كتير الها ولحتى ماتضعف من وراها عطتو ضهرا من جديد وغمضت عيونا لتسمح لدموعا تنزل براحتا بدون شهقات وصوت عالي .
قرب منها وحكى بالهمس اللي بتعشقو منو: ......مافي مجال تغيري رأيك .
مطر: هاد مو رأي هاي مشاعر ومو سهل بدلها ....الله معك عزو .
استنى شوي وكانت حاسة بصوت نفسو قريب منها ...لكن بعد شوي رااح ......راح عز وراح كل شي حلو معو ..
قعدت عالأرض وبكت بصوت عالي .....حرق البها بعدو جنت عحبها بعنادها لكن قدرت تسترد كرامتها .....لكن ماكانت بتعرف عواقب اللي صار بآخر لقاء .....
طلع عز مصدوم دموع وقهر وصوت مخنوق ونيران الغيرة والحب والشوق عم تلتهم البو ...
ركب سيارتو وبلا وعي وبلا تركيز كان عم يسوق ماانتبه وين كان ماشي موشايف شي قدامو غير صورة مطر حبيبتو عروس عم تنزف لرجال غيرو وعم توهبو حبها واهتمامها وصارت عأسمو ....وثمرة حبهن عم يكبرو بأحشائها .
خانتو دموعو ومو شايف شي قدامو ،لوقت فتح عيونو وشاف حالو بالمشفى بعد ماانكتبلو عمر جديد .....
بعد مافاق اتزكر آخر شي كان عم يسمعو ويشوفو عم يسمع صوت سيارات الاسعاف وصوت ناس عم تحكي لكن ماكان فهمان منهن شي .....
نهلة عم تبكي: حمدالله عسلامتك ياامي .
اتطلع بأمو: ....شو صار .
نهلة: الله سترك ياامي ....لسا الك عمر ياحبيبي لتبلش من جديد .
عز: ليه ماتركتوني موووت .....ليه بدكن اياني عيش ....مشان مين .....مشان شو ...مطر وضاعت مني .....مابدي غيرا ومابدي عيش بدونا ....ليش ماتركتوني روح لحتى ماشوفا عم تروح لغيري .
نهلة: بعيد الشر عنك ياحبيبي ماتقول هيك .....خلينا نأجل هالحكي هلأ مابدنا نحكي بشي سابق لأوانو .
عز عم يبكي : لاامي مو سابق لأوانو ولا شي امي ...مطر رح تتزوج واحد غيري عم تفهمي عليي يعني مارح تصير لعزو .
نهلة: ....لك امي عم تبكي ....معقول عز الدين يبكي ...لك ليش.
عز: اي ببكي وببكي دم كمان مو دموع ازا بضمن انو مطر رح ترجعلي ياامي .
مسحت نهلة دموعا : وكل الله امي وان شاء الله كلو خير.
طلبت من الممرضة تعطي ابرة ليهدا وينام .
وصلت نهلة عبيت مطر ....
وقت شافتها مطر ماعرفت شو تعمل تركض عليها لتضمها والا تعاتبها عاللي صار .....احتارت وضلت واقفة مكانها .
نهلة: مابدك اتضميني ياامي .
وقت سمعت هالكلمة ارتكت بحضنها وبكت كتيييير لتعبت ..
نهلة: مارح قلك سامحينا لأن سهل الطلب لكن المسامحة بدها قوة وبدها قلب ابيض صافي طيب ......وانا بعرف انو هاد كلو عندك لكن مارح استغلو مشان مصلحتي الشخصية .....بس رح اترجاكي هالمرة تعطي عز فرصة جديدة يامطر ....عزو ندم كتير انو ماتركك تحكي لتدافعي عن حالك .
مطر: عزو ماسمحلي ....طيب وانتي .....ليه ما طلبتي منو يتركني احكي .....هلأ مابتعرفي شو ربيتي ......مابتعرفي مطر ياامي ....لك انتي امي اللي وعيت عليها امي اللي حنت عليي وخبتني وربتني مع بناتا كيف سدقتي عني هيك كلام كيف.
نهلة عم تبكي: والله ماسدقت كل شي ...لكن اللي شافو عز بعينو هو اللي خلا عقلي يغيب عن تربايتي الك وثقتي فيكي ..
مطر: بس انااا.....
قاطعتها نهلة: عز بالمشفى عمل حادث مبارح بالليل وقلي انو كان وقتا عندك ......عمل حادث انسكرت رجلو ورضوض بجسمو كامل ...
جنت مطر: شوووو ......يعني بعد ماراح من عندي عمل الحادث .
نهلة: اي ....عم يبكي مترجي فرصة اخيرة منك .....كرمال امك اللي تعبت عليكي تحكي معو للمرة الأخيرة وتعطي فرصة يا بنتي .
بعمرها مطر ماكسرت كلمة لنهلة اللي ربتها. احتضنتهاو اعتبرتها امها وحست انو رجاها الها كسرة نفس ورفضها رح يكسر بخاطرها ...
مطر: كرامة الك مرت عمي رح روح شوفو واحكي معو .
ابتسمت نهلة: هي هيي بنتي .
راحت مطر مع نهلة عالمشفى وتركتا تدخل لعند عز لحالها ليحكو براحتهن.
دخلت لعندو بهدوء كان نايم ...
اخدت وقت وهي عم تتطلع فيه بشوق كبير ولهفة لتقلو قديه بتحبو لكن ماكان عندا الجرأة لتعملا .
كانت حابة تلمس شعرو وتهمس بأدنو لتفيقو متل زمان غمضت عيونا ورجعت فيها الزكريات لقبل اللي صار ....
فاق عز عليها وهي واقفة قبالو وشافها كيف مغمضة عيونا...
عز بلهفة: .....مطورة هي انتي حياتي والا انا عم احلم .
مطر: ......حمدالله عسلامتك .
عز: سلامتي وراحتي بين ايديكي بس.
مطر: مو وقتو هالحكي ....شد حيلك انت رجال ولازم ماتضعف من كسر رجل او شوية رضوض.
عز: انتي ضعفي وقوتي ....هاللي فيي مو مأثرين عليي .....اللي مأثر عليي هون (كان عم يأشر عألبو ).
مطر: ......اجيت لأنو مرت عمي طلبت مني شوفك .
عز: ......طيب هيي رديتي عليها وانا ليش لأ .
مطر: شو بدك انت .
عز: .....بتعرفي شو بدي ......بدي ترجعي لعزو اللي بحبك ومابدو من هالدنيي شي تاني .
مطر: .......موافقة ارجعلك بس بدي قلك عشي قبل كل شي .
عز بفرحة كبيرة: جد حبيبي جد رح ترجعيلي .
مطر: .....ماتتحمس كتير بس بدي قلك عشغلة ووقتا بجوز تغير رأيك .
عز: مستحيل ....مستحيل غير رأيي بدي اياكي وبتعرفي هالشي .
مطر: اي خليني قلك بالأول وبعدا قرر.
عز: ......قولي حياتي.
مطر عم تبكي : .......بعد اللي صار من شهور وانا لحالي بالشوارع ......اعترضو طريقي تلات شباب .....واعتدو عليي ....يعني انا هلأ مو متل اول ....يعني انا ماعدت البنوتة اللي كنت بدك تتزوجا ....انا تلوثت وراح مني اغلى شي عندي .....هالشي ماحدا بيعرفو وماقلتو لحدا من قبل الا هلأ بس ..بعد الي سمعتو وعرفتو ....بتوافق ارجعلك وكون الك وانا مو متل قبل .
عز مصدوم😲: ......عم تحكي جد والااااا .
مطر زاد بكاها اكتر : ....هيك شي ما بينمزح فيه ومابيتكزب بخصوصو .....انا قلتلك لتعيد حساباتك وهلأ صار القرار عندك مو عندي .....ووقت تقرر ابقى تعى لعندي لنحكي بالبقية.
اجت لتروح مسك ايدها ....
عز: مطر ......مطر اللي قلتي هلأ مزبوط والا انا عم يتهيألي .
مطر بعصبية: لك حاج تقلي مزبوط والا مو مزبوط .....مو مجنونة لأرمي حالي بهيك شغلة ، هاد سري من وقت رحت من عندك وانا عم اتعزب بسببو نسيتك ونسيت اللي عملتو معي وقت صار معي هيك صرت بس فكر بحالي وكيف بدي حل هالمشكلة .....انت بتقبل تتزوج من وحدة فقدت ......مافيي احكي اكتر عز .
عز: .......موافق.
مطر: .....عشو موافق .
عز: ....موافق انو اتزوجك وانتي هيك .
مطر: ..........عم تحكي جد .....بتتزوجني وانا مو متل بقية البنات .
عز: ....اي لأن انا السبب باللي صارلك ولازم اتحمل نتيجة هالشي ولأني بحبك لازم ساعدك وخليكي تتجاوزي هالمرحلة كمان .
مطر: كيف يعني مافهمت .
عز: ....يعني بتزوجك ....وباخدك عطبيب نفسي بيعالجو هيك حالات لتقدري تتخطي اللي صار معك هاد ازا بدك لكن ازا مابدك مابجبرك .....مطر انا معك مارح ضيعك من ايدي مرة تانية وشو يعني ازا كنتي ....خلص انسي رح عوضك ونسيكي كل اللي صار والله ....وبوعدك الا تحسي بفرق كبير وقت نتزوج وتحسي حالك كأنك متل اول وكأنو ماصار عليكي شي .
مطر مصدومة انو معقول لهالدرجة بحبا وانو ماعندو مشكلة يتزوجها حتى وقت عرف انو اعتدو عليها شباب.
عز: ....شو حبيبي شو قلتي .
مطر: .....متأكد من قرارك .....مابدي تتسرع وتاخد هيك قرار بلحظة حماس لحتى ماتفقدني ....شو رأيك تفكر كم يوم وتشاور مرت عمي وتاخد رأيا وبعدا بتخبرني باللي رسيت عليه .
عز: .....انا مو بحاجة وقت لأخد هيك قرار ومو ولد صغير لحتى خلي غيري يفكر ويقرر عني ..من طول عمري شوري من راسي وبتعرفي هالحكي .
مطر: .....يعني شووو.
عز: .....يعني كلامي واحد ...انا موافق انو نتزوج ونرجع متل قبل بس مابدي حدا يعرف بهالشي لحتى ماحدا يسمعك كلام مشان مااضطر اتجاوز حدودي مع غيري وزعل اهلي مني .
مطر: ......
عز بلهفة: حياتي والله ماعندي مشكلة .....قلتلك اللي صارلك انا السبب فيه لهيك لازم كون معك مو ضدك ....شوووو ....رجعنا .
مطر: اكيد عزو .
عز: اكيد ياروح البو لعزو .
ابتسمت مطر ومشت لعند الشباك اتطلعت لبرا ورالتفتتلو وقت ناداها ...
عز: مطورة ....شو حياتي بشو عم تفكري.
مطر: .......صدمتني بصراحة ماتوقعتك تقبلني بعيبي هاد .
عز: هاد مو عيبك هاد غلطي انا لأني ماقدرت حافظ عليكي وبوعدك اللي بدك اياه رح يصير.
قربت منو وقالتلو : ......فزت بالجولة الأولى .
عز: ......مافهمت .
مطر: ......يعني كل شي قلتلك اياه مو مزبوط بس قلتلك هيك لشوف ازا فعلا بتحبني ومتعلق فيي وعندك استعداد توقف معي والا هيك شغلة رح تخليك تتخلى عن مبادئك وتتركني روح بفضيحتي .
عز 😳: شو يعني .....يعني انتي لساتك متل ماانتي .
مطر: ...اي انا متل ماانا لساتني عحالي متل ماطلعت من بيتك .
عز: لكان ليه هيك قلتيلي .
مطر: قلتلك بدي اكتشف معدنك مرة تانية وازا رح تتخلى عني من جديد والا لأ .
عز: .....حبيبة البي والله جنيت عليكي وقت خبرتيني ، مو مشاني لأ كمان عليكي انو قدرو يعتدو عليكي وماعندك مين يحميكي منهن ....الحمدلله .....بس لبقى تفاولي عحالك متل هيك مرة تانية .
مطر بابتسامة: .....ان شاء الله .
عز: وهلأ خلص رضيانة يعني
ورح ترجعيلي .
مطر: .....اي موافقة بس عندي شرطين .
عز: .....مقبولين .
مطر: طول بالك لتعرفهن بالأول بعدا بتقول ازا مقبولين او لأ .
عز: مقبولين قبل لأعرف والله لو تقليلي اكتبلي كل شي عندك رح قلك اعتبريهن صارو بأسمك .
مطر: ههه .....بس انت بتعرف انو انا مابفكر بهيك شغلات ....شروطي ابسط من هيك.
عز: قلتلك شروطك مجابين اعتبريهن صارو.
مطر: مارح آخد بكلامك. لا بموافقتك لحتى تسمعهن.....شرطي الأول بدي بيوم العرس تعتزر مني قدام كل الحاضرين ...لأن اكيد بكون الكل عرف انو مطر خاينة وقليلة اصل ...ماهيك.
نزل عز راسو: ......حقك .
مطر: اعتبرا مواففة .
عز: ....اكيد قلتلك حقك ....رح بعتزر منك قدام الكل وقبل الكتاب كمان .
مطر: حلوو .....شرطي التاني .....بدي انو نكون بغرفتين منفصلين .
رفع راسو: ......مافهمت .
مطر: .....يعني انا بغرفة وانت بغرفة ومابتلمسني ابدا للوقت اللي بحددو انا .
عز: .....ً
مطر: بشوف سكتت .
عز: شو هالشرط يامطر ......لك شو ماالمسك وغرفتين منفصلين لك ليش .
مطر: لحتى يروق البي عليك .
عز: ....هلأ كنتي رضيانة .
مطر: اي رضيانة بس مو بكل شي .....قلتلك لا توافق قبل ماتعرف .
عز: ....لك اي بس والله شرطك صعب ...لكان كيف بدك تعيشي معي وانتي لسا حاقدة علي .
مطر: انا ماقلت اني حاقدة عليك بدليل اني موافقة ارجعلك واتزوجك .....بس انا بدي وقت لحتى انسى اللي صار واتعود عوجودك بحياتي من جديد .
عز : ........
مطر: شووو ماعجبك شرطي التاني مااا .....كنت عرفانة .
عز: .....لك مابنكر انو ماعجبني بس يامطر والله شرطك هاد صعب كتير ....لك كيف مرتي وكل واحد بغرفة وقريبة مني وبعيدة بنفس الوقت .
مطر: قلتلك شغلة وقت بس لأتعود عليك وانسى اللي صار .
عز: بوعدك نسيكي اللي صار .
مطر: انت وشطارتك ....فيك تنسيني بيوم يمكن بأسبوع او بجوز شهر او....
عز: ...حيلك حيلك شو اسبوع وشو شهر ...
مطر: يمكن اكتر .
عز: ......كمان شو رأيك نخليها سنة او سنتين .
مطر: ......بصير برضو مو غلط.
عز: ...ليكي مطر انو موافق عشرطك الاول بس التاني ...
مطر: ....معناها مااتفقنا انسى اللي حكينا فيه .....عن ازنك .
عز: ....طولي بالك لسا عم نحكي .....خلص موافق .....بس بلا الشرط التاني .
مطر: يابتوافق عالتنين يااما انسى اللي قلنا .
عز عم ينفخ لبعيد : .......ماشي موافق .....وانا متأكد انو رح نسيكي اللي صار من اول الزواج.
مطر: قلتلك انت وشطارتك ......ومن هلأ هاد اتفاق يعني مابصير تخل بشروطو ....تمام.
عز: ......امري لألله ......تمام ....وهلأ شو حبيبي.
مطر: .....شوو.
عز: ....رح ترجعي معي عالبيت ماهيك.
مطر: لوقت تطلع من المشفى لكل حادث حديث.
عز: رح حاول اطلع اليوم ورح خلي امي تجي تاخدك اوك.
مطر: .....عطيني وقت لرتب اموري .
عز: لأ مطر ماعاد اتضلي بعيدة اكتر ....ازا بطلع اليوم اليوم بتجي اتفقنا ....وافقت عشرط بدو حلم الله لاقدر اتجاوزو واستحملو .
مطر: ....ماشي الحال .
مدلها ايدو ...
قربت منو وحطت ايدها بأيدو وقشعر بدنها وقت حست بلمستو ....باس ايدها بقوة وطلب تسامحو مرة تانية .
نهلة قاعدة برا عأعصابها ناطرة تعرف شو صار بينهن ....وهي قاعدة وصلت شذى وشيرين ..
شيرين: طمنيني امي كيفو عزو هلأ .
نهلة: الله يستر ياامي .
شذى بخوف: عز صرلو شي .
نهلة: بعيد الشر بس .......مطر عندو جوا وعم يحكو من شي نص ساعة .
شيرين : ...مطر هون !!!!
شذى: ياحبيبة البي شو مشتاقتلا .....بدي فوت شوفا .
مسكتها امها: لأ امي خليهن يحكو لحالهن .....على الله نطلع بنتيجة .
شيرين: ياالله شو خجلانة شوفا وحط عيني بعينا .
شذى: من الاول قلتلكن مطر مابتعملا ماسدقتوني .
شيرين: .....لك والله اللي صار كان صعب الواحد يكزبو كل شي كان ضدا وعم يأكد اللي قالو رأفت .
نهلة: اوعك تجيبي سيرتو قدام اخوكي من دون شي هو ضايج وطالعة خلاقو منو .
*❴🖋️❵↵يـتـبـع...*