❴🔢❵☟الــبــــــ❴ 6️⃣ ❵ـــــــارت☟
➖➖➖➖➖➖➖➖➖➖➖
نهلة عم تبكي : ....مو سهل ياامي ترضى عليك وتسامحك من اولها .....مطر جرحها كبير انت نسيان كيف عاملتا وكيف قلعتا من البيت بالليل وماسمحتلا تاخد معها شي .
قام عز وعطا ضهرو لأنو وحط ايدو عراسو متل اللي عندو صداع..
عز: بعرف ياامي والله بعرف بسسسس........الله يلعن الشيطان ويلعنك يارأفت انت وسوزان .....لك ليش هيك عم يصير معي انا مو طالب شي هلأ غير انو احكي معها عرواق واستسمح منها واطلب انو ترجعلي ....مابدي غير هيك ياامي .
نهلة: ....اي امي ومتل ماقلت عرواق وقت العصبية مافي شي بينحل ...اتركها شي كم يوم وبعدا روح واحكي معها بتكون هديت شوي.
التفت لأمو : .....لسا بدي استنى كم يوم لا مافيي مابقدر انا لو هلأ تقبل تحكي معي بروح لعندا بس بعرف انو مارح تعطيني مجال احكي حرف .
نهلة: ....طيب شو رح تعمل .
عز: ...بكرة اي بكرة رح روح لعندا ولازم انا واياها نتواجه ونحكي لازم كل واحد يحكي اللي عندو لازم قلا وحقي انو تعزرني مو حقي غار عليها مو حقي اتدايق وجن ويطير عقلي وقت المس شي من اللي قالو واللي اخترعو هالتعلبين .
نهلة: ...اعمل اللي بريحك بس بالرواق متل ماقلنا لا اتضوج لأن الحق كلو معها لو شو ماقالت يعني مابيطلعلك اتضوج عليها او تعصب وتحكي اللي عندك بس ...اتركها تفش البا وتحكي كل اللي بدها اياه يعني لازم اتطالع اللي جواتا مشان ترتاح عم تفهمني امي .
قعد ورجع راسو لورا وحط ايديه عراسو بوجع.
عز: الله يقضي هاللحظات عخير لأنو لو غير هيك رح يصير مابعرف شو ممكن ساوي .
صباح تاني يوم اتصلت ام حمزة بمطر لتشوف ازا فاضية تروح لعند اختا لتساعدا بشغل البيت ورفضت مطر بحجة انو تعبانة ومافيها تعمل شي او تطلع من البيت .
بقيت مطر كل اليوم بالبيت ماراحت لمكان ولا اشتغلت شي كانت كتير مزعوجة ومصدعة من كتر مابكت قبل بيوم ، كانت حابة تبقى لحالا مابدا تحتك بأي حدا ومالا خلاق لشي .
المسا راحت مطر لبيت ابو نادر لتعطي الأجرة وهي راجعة عم تسكر باب المخزن وراها ماحست الا حدا دفشها لجوا وسكر الباب وراه ..
جفلت مطر وقت شافت عز كامشها ...
مطر بصوت واطي وبعصبية: ...شو هالتصرف هاد افرض حدا شافك شو بدو يحكي عليي ااه.
عز: ....ماتخافي ماحدا شافني وقت اجيت والي حصة ناطرك لتطلعي من عند الجيران .
مطر: ....بعد عني ..ًاتركني عز شو بدك مني .
عز مربط ايديها لحتى تسمحلو يحكي : ....طولي بالك مطر بدي نحكي بهدوء اي ....مابدي عصبية .
مطر: ......لك اتركني حاج ماسكني هيك .
عم يتطلع فيها ومشتاق لعيونا : .ً.كنتي اتدوبي بين ايديي بتتزكري .....كنتي تجني من قربي منك .....كان البك يدق كتير وقت المسك .
مطر: كنت غبية .....وهالحكي كان زمان مو هلأ ....وكل شي تغير.......لك اتركني خلص بقى .
عز : بتركك بس بتتركيني احكي اتفقنا .
مطر: ما في بينا حكي .....اجى دوري لأمنعك تحكي متل مامنعتني دافع عن حالي بتحب زكرك شو عملت فيي ازا نسيت .
تركها بهدوء : .......رح اتركك بس مشان الله خليني احكي .
مطر: احكي واختصر مابدي تبقى هون كتير .
عز: ....كل شي بدك تقولي معك حق فيه قبل ماتقولي لأن بعرف قديه ظلمتك وقديه هنتك .....مطر انا انخدعت والله انخدعت .....حس فيي يعني تخيلي لاقي صورك بموبايل رجال غيري شو موقفي وقتا ...شو بتتوقعي مني اعمل ....وقتا حاولت خلي يحكي ويغير بكلامو وقت قلي انو انتي اللي باعتيتهن من موبايلك بالبداية ماسدقتو لكن وقت ارجاني انو من الواتس تبعك والكتابة اللي بينكن وانو واعديتو تهربي معو بيوم العرس خلتني جن .
مطر بلذو دموعا ينزلو: لك كيف سدقت هيك كلام عني مابتعرفني يعني .
عز: لك ماعم قلك عطاني اثباتات انو من موبايلك وصورك وكلامك معو عني وعنك وعنو شو بتت قعي يصير فيي بهيك حالة ....والله حاولت ماسدق بس .......سدقيني غصب عني والله مطر .....مشان الله سامحيني .
مطر وهي عم تبكي صارت تضحك: ......ههههههههههههه بهالبساطة بتقلي سامحيني .....ياالله انتو الرجال شو انانيين .....يعني بتحكو كل الي بيطلع معكن وبتعملو اللي بدكن اياه وبتضربو اهم شي وبتذلو وبتهينو وبعدين بكل سهولة بتطلبو السماح ......وانا شو المفروض اعمل المفروض مني انو سامحك .....ليش ياعز ...لك حتى لو شفتني شوف عينك عم احكي معو والا عم اضحكلو المفروض ماتسدق عني هيك شي بتعرف ليش لأني تربيت عايديك كبرت قدامك وعيت عليك ماعرفت غيرك وماكان بدي اعرف غيرك لأني مكتفية فيك وبحبك ....اللي شفتو منك من اهتمام وحب ماحلمت فيهن مع غيرك ماكان بدي الا انت من هالدنيي......ظلمتني وهنتني وذليتني ورميتني لقمة طرية لكلاب الشوارع مشان شووو مشان عز ينقال عنو ماسكت عخطيبتو باللي عملتو .....مو يثبت رجولتو اكتر ويكون حليم ويمسك اعصابو و يتركني دافع عن حالي واحكي اللي عندي لأثبت عكس اللي صار وعكس اللي سمعو .
عز: ....والله معك حق بس المصيبة انو شفت بعيني انا ماباخد بس بالحكي اللي جنني انو كان كل شي قدام عيني وضربتو كتير لرأفت لحتى يغير كلامو والله كسرتلو ايدو وشوي تانية كنت رح افتح راسو وضل عموقفو .
مطر بصراخ وعم تروح وتجي : لك حتى ولو مابسدقوازا الحكي والشوف ماكانو بالمنطق .....اتت مابتعرفني ياعز مابتعرف مين هيي مطر ......مطر اللي عشقتك اللي ماتت فيك اللي مو شايفة قداما اي رجال تاني مابدا من الدنيي غير حضنك وبس ....كان بدي تكمل معروفك معي وتاخدني بحضنك وتكتبني عأسمك لتشهد الدنيي كلا انو مطر لعز وبس كان بدي حس بحالي ملكك لحالك .....لك حتى مارأفت بحالي ورميتني واستكترت عليي اخد شي بسيط من تيابي وهتيتني انو كلو من خيرك ....لك شو بدي قول ....بدك سامحك وانا عشت ايام سودة هون بالبرد والحر ماعندي شي البسو ماعندي شي يدفيني ماعندي لقمة قيت البي فيها ...لك ماعندي ضو اشعلو لشوف قدامي لأنو مو مسموحلي من صاحب البناية لانو مسامحني عقولو بفاتورة الكهربا .
خبط ايدو بالحيط بعصبية وعم يشد على عيونو بقهر ...
عز: ......حقك حقك حقك ......بس مشان الله خلينا نفتح صفحة جديدة ....بترجاكي مطورة حياتي عطيني فرصة .
مطر: .....فرصة تانية هههه وين كان عقلك هاد وقت كنت تحت رجليك عم اتوسللك واترجاك لتعطيني فرصة احكي ودافع عن حالي وانت عم ترفسني برجلك وتحملني من شعري ااااه .
قعد تحت رجليها بطريقة خلتا تجن عليه رغم انو هانها كتير لكن ماحبتلو اياها ....
عز: هلأ اما بقعد تحت رجليكي وبترجاكي تسامحيني .....بحبك والله بحبك ومانسيتك ولا تكة وكنت حس حبك بألبي عم يكبر رغم البعد والفراق لكن مانسيتك رغم انو كان البي تقلان عليكي لكن بقيت عحبي لهاللحظة.
مطر : ....قوم عزو ....قوم انت رجال مابرضالك اياها رغم اني كنت بمكانك هاد تحت الرجلين لكن انا مو متلك مابقبل حدا يرتمي تحت رجليي ويترجاني لحتى سامحو.
راح لعندها وقرب عليها وهي عاطيتو ضهرها وعم تبكي ...
عز: .....يعني شو هلأ .
مطر: ......ولاوشي متل ماقلتلك من قبل مالك شي عندي روح عزو روح شوف حياتك خليني شوف حياتي انا كمان.
عز بصدمة: يعني ......رح تتزوجي .
خطرتلا بهالوقت فكرة لتحرق البو : .....اي ليش لأ وقت يجيني الشخص المناسب اللي يستاهل البي بوافق .
عز: ......واناااااا وانا يامطر .
مطر: انت شو ......روح شوف بنت تستحمل عقلك وظنونك وقسوتك وقت العصبية بس انا لأ ماتحلم انو ارجعلك .
عز: بقتلك مطر بقتلك وبقتلو اللي بدو ياخدك مني عم تفهمي .
مطر: ......ليش شو دخلك بحياتي مو انت طالعتني من حياتك .....وانا هلأ طالعتك من حياتي ....وخاصة وقت انكشفت برائتي وعرفت انو ماخنتك ....روح من هون ازا بتريد وماتخليني شوفك مرة تانية .
حاول يحط ايدو عشعرها بس تراجع: ......رح روح بس رح تشوفيني كتير مارح استسلم بسهولة رح نطلك من وين ماكان وغير الي مارح تكوني .
بكت مطر بعد ماراح وبنفس الوقت انبسطت كتير انو واخيرا انكشفت الحقيقة وطالعت كل شي بألبا وفشت خلقا واعترفت انو مستحيل تكون لرجال تاني حتى لو ماكانت الو .
رجع عزو عبيتو متأخر بقي كل الوقت لحالو عم يفكر بكلامها وقال انو الحق معها هلأ لكن صمم انو رح يرجع يعتزر منها اكتر من مرة وانو رح يرجعها لبيتو معززة مكرمة .
رجعت مطر لشغلها والتقت بأبو اسامة وحكتلو عكل شي بماانو عندو خلفية عن كل شي صار معها وبكت كتير قدامو .
ابو اسامة: ....ابكي يابنتي وارتاحي ...بس افرحي انو اخيرا انكشف كل شي وبينت برائتك الظلم ظلمات ومافي ظلم بيدوم والحق موجود .
مطر: .....انقهرت مباؤح كتير ياعمي وقت كان قريب مني وعندم يترجاني سامحو .....لكن ماقدرت والله ماكان فيي قلو مسامحتو .
ابو اسامة : خدي وقتك عمي هلأ انتي بأزمة عاطفية مشاعرك مخربطة موجوعة مجروحة ماتاخدي قرار وانتي متدايقة او بلحظة عصبية ديري بالك لأنو وقتا بتاخدي قرار متسرع ونتيجتو غلط.
مطر : ....يعني شو اعمل .
ابو اسامة: انتي ادرى بحالك شو تقرري لكن انا بقلك تأني بالأول وروقي وفكري بعقلك مو بألبك لا تاخدي قرار وقت ضعف .
مرق يوم ويومين وكانت مطر وين ماراحت ووين مااجت تشوف عز قدامها وكل مرة يترجاها وهيي على موقفها .
بيوم اتصل فيها اسامة وقلا انو بدو يشوفها بموضوع ضروري .
التقت بأسامة بمكان عام ....
اسامة: ....مطر بدي احكي معك بموضوع ..
مطر: عم اسمعك.
اسامة: رح احكي بدون مقدمات طويلة بحكم معرفتي فيكي من فترة منيحة.....مطر انا من وقت شفتك اول مرة حسيتك قريبة كتير مني ....حسيت بشي غريب تجاهك ....يعني بحس بميول كتير ناحك وبرتاح كتير وقت شوفك واقعد معك بنسجم معك كتير بالكلام وبشوفك انسانة واعية فهمانة وهادية .
مطر عم تضحك عليه😂 ....
اسامة: ليه عم تضحكي .
مطر: كل هاد ومابدك تحكي مقدمات كتير مااا..
صار يضحك اسامة: هههههه اي مابعرف كيف بيطلع معي الحكي بعدين بدي احكي معك بموضوع مو معقول احكي المغزى هيك دج ....لازم شوية مقدمات مااا.
مطر: ههههههه اي امبلى .
اسامة: خلص رح احكي دغري بالعربي انا معجب فيكي كتير وناوي انو اطلبك ....شو رأيك .
ابتسمت بخجل: ......طيب بماانو بدك رأيي شو رأيك انت نحكي وانت عم توصلني مشان مااتأخر .
قامو وكملو الحديث مشي ...
مطر: ...ليك اسامة انت شب بتطير العقل والف بنت بتتمناك ....بس بصراحة انا عندي قصة بحياتي وماحدا بيعرف فيها ....الا عمو ابو اسامة بس هو الوحيد اللي خبرتو بقصتي حسيتو رجال حكيم فهمان الدنيي منيح وقلت باخد النصيحة منو ......ازا بدك تعرف قصتي اسألو وخلي يقلك وعاساسو بتقرر ازا بتضل عطلبك والا بتغير رأيك .
اسامة: يعني انتي ماعندك مانع ابي يقلي قصتك .
مطر: لأ طبعا بعد ماانكشفت الحقيقة مابهمني لو تدرى الدنيي كلا مابهمني .
اسامة: طيب ليه مابتقليلي انتي .
مطر: ااااااااخ مالي خلق والله يااسامة مليت من الحكي بهالموضوع حتى مع حالي مابحب احكي في .
اسامة: اعترفلك بشي .
مطر: اي .
اسامة: وقت خبرت ابي عشو ناوي تجاهك رحب بالفكرة كتير وقلي قصتك لحتى آخد قرار صح .
مطر: اهااا يعني عندك علم بقصتي .
اسامة: بصراحة اي.
مطر: اي وشو رأيك ...عندك استعداد تعيش مع بنت لسا بتحب خطيبا الأول .
انصدم من كلاما: .......لسا بتحبي يامطر بعد كل شي عملو فيكي .
مطر: للأسف اي .....مو سهل انسى رجال متل عزالدين ....وعيت عليه حبيتو من صغري رميت مسؤولياتي عليه عطاني كل شي كرس كل وقتو الي حبني بجنون وانا مابنكر هالشي ومابنكر اني بعشقو رغم انو ظلمني لكن مو بأيدي لسا بحبو بس ماخبرتو بهالشي لحتى مايطمع فيي ويضل يزعجني رغم انو مابيتركني بحالي .
اسامة: ......اي وشو يعني .
مطر: ....بتقبل تتزوج من وحدة لساتا بتحب خطيبا وتتحاوز هالشي معك وقت تتعلق فيك وتنساه .
سكت اسامة وتغير لونو .
مطر ابتسمت: ههههه لا تحكي انا رح جاوب عنك .....مافي رجال بيقبل بهيك شي ...مافي رجال بيقبل انو مرتو او خطيبتو تكون الو وعأسمو والبا معلق بغيرو ....صح كلامي .
اسامة:...... مزبوط ....مافي عقل بيستحمل هيك شي .
مطر: لهيك خبرتك مشان ماتقلي وتلومني لقدام .
كملت مطر: ....بتقبل نكون اصدقاء او تكون اخ لألي .
اسامة بابتسامة: ....اكيد مطر رح كون الك اخ وصديق بأزن الله .
مطر: ....بدي منك شغلة .
اسامة : ....عالموت وحياتك.
مطر: ....سلامة البك ....بدي ازا شفت عزو بأي وقت وكنا مع بعض انا وانت نعمل حالنا بنحب بعض وانو رح نخطب ونتزوج.
اسامة 😳: شووو ...ليش بدك تعملي هيك.
مطر: بدي احرق البو واعصابو متل ماعمل فيي ....هيي قرصة صغيرة وبعرف طريق جنانو لعزو .....مابحب حدا يتطلع فيي او يحكي معي فكيف ازا عرف انو نحنا بنحب بعض ورح نتزوج ....الله يوفقك وقف معي بهالشغلة .
اسامة: مو خايفة يتهور ويأذيكي .
مطر: عزو مابيأزيني بس انا خايفة عليك انت .
اسامة: له يامطر ماحبيتا منك .....لك انا مابخاف الا من اللي خلقني وحياتك.
مطر: يعني موافق .
اسامة: تكرم عينك ....مابنحب بعض جد بنمثل وبنكسب شوية دلال 😁.
مطر: يييي عليك انا بشو وانت بشو ههههههه .
قبل ليوصلو البيت ماشافت مطر الا عزو نازل من سيارتو بعصبية .
عز: شو انسة مطر مين الافندي .
اسامة خبى مطر ورا ضهرو .
اسامة: انت اللي مين .
عز: ايواااا .....انا بكون خطيبا للحلوة اللي معك .
انتبه اسامة على عز انو شب حلو وشخصية والو طلة حلوة ووقت نزل من سيارتو واضح من نزلتو انو مو سائل عن شي .
مطر: عز شو بدك ....بظن اني فهمتك من قبل انو تبعد عن طريقي احسنلك .
عز: اي وازا مابعدت شو بدك تعملي .
اسامة: والله ياضبعي بدك تواجهني الي وقتا .
عز: ...انت خليك عجنب ماحدا وجهلك كلام .
اسامة: الكلام معي مو معها ...بوجودي هي ماالها اي كلمة .
عز: .....شو هالحكي ..شو ست مطر حاطة دفاع عنك .
اسامة: هههه اي وانت قلتا ....دفاع وانا محامي دفاع عنا وعن غيرا كمان .
عز: ايوا الأفندي محامي يعني .
اسامة: ....واضح انك زكي ......بس اللي مجنني انو ليه ماعم تستوعب انو مطر ماعاد بدا اياك .
عز من بين سنانو : لا تنطق اسمها عم تفهم .
اسامة: هههههههههههه لكان بشو بدي ناديها .
عز بصراخ وعينو عأسامة : مططططططر ....فهمي الافندي اللي متحامية فيه يوقف عند حدو والا بتعرفي عقلي وجناني وقت يطلعو .
مطر: ....خلصنا عزو روح من هون وازا بتريد احكي مع اسامة باحترام .
عز: شو تفضلتي ....وعزة لا اله الا الله ازا هلأ مااا....
فهمت عليه وماخلتو يكمل كلامو : ....بعرف شو بدك تقول اسامة طلبني وانا عم فكر بالموضوع .
عز: ........شو قلتي عم تفكري ، لك كيف فيكي تفكري بغيري وانتي الي لك كيييبف.
اسامة: كانت الك ......وهلأ انا طلبتا ووعدتني تفكر بالموضوع (وقتا اتطلع اسامة بمطر نظرات اعجاب وابتسامة ) وحاسسني البي انو رح نتفق و نكون لبعض ماهيك حبيبي .
مسكو عز من قميصو وقت قلا حبيبي: .....اياك تعيدا مرة تانية عم تفهم مطر من يوما الي وماحدا بيطلعلو يحكيلا هيك غيري ....بقى استحي عحالك وافرقنا بريحة طيبة.
اتطلع اسامة بأيد عز وبكل برود اعصاب نتر ايدو منو : ....مارح حاسبك عاللي قلتو .....مو كرمالك بس مابحب خانق ومعي بنات مشان مايتصور قدامهن قتيل ومشان ما يدخلو بمشاكل .
عز: هههههههههه قتيل اي قصدك عن حالك .
اسامة: ههه لا والله قصدي عنك .
مطر: بس انت واياه حاج ....وانت عزو روح من هون احسنلك وحاجتك لاحقني من مكان لمكان .
سحبها عز من ايدها لعندو: مارح اتركك بحالك مطر انا وانتي بينا حكي كتير لسا ماقلنا ولازم نكفي .
قرب اسامة ليسحب مطر منو قام عز حماها ورا ضهرو وضل ماسك فيها .
عز: لا تقرب والا نهايتك هون .
مطر غمزتو لأسامة ليهدا ...وقتا بعد اسامة ..
اسامة: قلتلك مو عجزان هلأ ارجيك قيمتك بس مابدي اعمل مشاكل ومعي بنت بالطريق ....لهيك بعد عنها احسنلك.
عز: انت مابتستحي عحالك بقلك انا خطيبا وانا واياها بنحب بعض يعني لو كانت بتحبك مو كانت وافقت عليك دغري بس البا معلق فيي وازا بتقلك غير هالحكي بتكون عم تكزب عليك .
اسامة: اي امبلى قالتلي انو كانت مخطوبة وانا بقدر انو خليها تنساك بوقت قصير وخليها تخبني واتدوب فيي كمان.
عز: هههه واثق من حالك .
اسامة: اي واثق من قدراتي .
قدرت تفلت حالا من ايد عز وهربت بعيد عنو وقربت من اسامة وحطت ايدا بأيدو : اي مع اسامة رح بقدر اتجاوز اي شي ولهيك للمرة الأخيرة بقلك بعد عن طريقي.
وقت شافها عز مسكت بأيدو هيك عزت عليه كرامتو : .....رح روح.....بس مابوعدك تكون هي اخر مرة .
راح عز وهو مقهور ومخنوق ماعم يقدر يرجعا الو لكن قرر انو مايستسلم وانو رح يضل يحاول من جديد.
نزلت دموع مطر لا ارادي وقت راح عز وعيونا معلقة عليه ..
حط ايدو اسامة عكتفها بحنية : ....روقي مطر هدي حالك .
مطر😭: .....لك شو بدو مني ماعم استحمل اكتر والله تعبت .
اسامة: بدك الدغري ......اللي لاحظتو من نظراتو وعصبيتو واصرارو انو بيعشقك بجنون وانو مستعد يعمل اي شي كرمال يرضيكي وترجعيلو من جديد.
مطر: بعرف والله بعرف .....بس اناااا......
اسامة: خلص مطر حاجتك بكي والله مو حلوة وانتي هيك .
مطر: ......
اسامة: ولا يهمك انا معك بكل شي رح نخلي يستوي وبعدا بتقرري شو رح تعملي اي .
مطر: اي وهو هيك.
المسا راحلها عزو عالبيت ووقت شكت انو هو ماقبلت تفتحلو الباب ...وصار يحكي معها من ورا الباب .
عز: عم قلك افتحي بلا مااعمل شوشرة .
مطر: اي لأنو مابتهمك سمعتي .
عز: ولك بتعرفي سمعتك عندي بالدنيي بس ماعم تتركيلي مجال بدي احكي معك .
مطر: خلص الحكي وانت ماعم تفهم انو ما عاد بدي شوفك .
عز: لك يامطر خليني احكي بس هالمرة اسمعيني .
ماردت عليه صار يناديلا اكتر من مرة وهي ماعم ترد عليه .....ليئس وراح .
ماكان ناقص مطر الا يرجع رأفت وينط بخلقتا مرة تانية ...
التقت فيه عباب بيتها وهي طالعة عالشغل ...
رأفت: كيفك مطر .
مطر: ......هاد انت .....شو بعد بدك ماكفاك اللي صار فيك .
رأفت: شوفي هالمتوحش عز شو ساوى فيي كسرلي ايدي وخلع كتفي .
مطر: اي الله يسلم ايديه ريتو كسرلك راسك مو بس ايدك كنت خلصت منك وارتحت.
رأفت: لك كل هالشي عملتو كرمالك وعم تدعي عليي فوق منها .
مطر: وانا ماطلبت منك شي غير انو تروح من خلقتي ولا تأرجيني وشك ....لك احمد ربك انو عزو تركك عايش وماقتلك انت والعقربة اللي ساعدتك .
رأفت: مطر انا برجع بقلك تعي معي وبنبلش حياة جديدة سوا .
مطر: شكلك مارح تزوق عحالك وعم تلعب بدمك انت ....بلا مايشوفك عزو لأن صاير متل الجني كيف بيطلع بوشي مابعرف .
من بعدا حاول عزو اكتر من مرة يحكي مع مطر واكتر من مرة يشوفا مع اسامة ويتصنعو انو بلشو يتعلقو ببعض ويحبو بعض .
*❴🖋️❵↵يـتـبـع...*