الفصل 46 والأخير
وصل اسر الي منزله ووجد يوسف
يوسف:حمدلله ع السلامه يا معلم ...
ايه الغيبه الطويله ديه ...محدش شايفك يعني....
اسر:ازيك يا جو ...عامل ايه...
يوسف:زفت طبعا....انت سايبني في الشركه لوحدي
كله علي دماغي وغطسان فين...
يعني لا انت ولا ادم ولا حتي فريده...ايه هيا شوطه وجتلكم
اسر :ههههه...اهدي يا جو مش كده....مالك عامل زي الوليه المطلقة
...ايه اللي مضايقك بس ...اللي شاغلني مشروع جديد
يوسف:مشروع ايه...انا بصراحة مبقتش قادر ع الشركه لوحدي....
اسر:خلاص يا عم انت هتعيط...من بكرة هبعتلك ادم...ولا تزعل
ادم من خلفه:...تبعتني فين ياعم اسر
اسر:اهلا انت شرفت...هبعتك الشركه
...يوسف لوحده هناك
ادم:لا يا حبيبي...انا مش هسيب مشروعي...
اسر:بقولك ايه ياض ..انت تسمع الكلام...انا هتكفل بالمشروع مع فريده
...وانت ع الشركه عدل...وانا قلتلك الكلام ده قبل كده
....وخلاص عرفت كل التفاصيل
ادم:بس ده مشروعي من زمان ...وانا مش هسيبه
اسر بتحذير:انت هتسيبه بكيفك...
ولا تسيبه غصب عنك وانت متجبس...
ادم:وقد تذكر انه يمكن لاسر ان يلقيه من الروف....خلاص
...خلاص ..هروح ع الشركه...بس فريده هتبقي لوحدها
اسر:مالها... ليه هوا انا مش مالي عينك...منا هبقي معاها
ادم:ماهو ده اللي انا خايف منه...ممكن حد فيكم يقتل التاني...
اسر بخبث:متقلقش ...انا هبعد عنها خالص...
ادم بقلق:ياخوفي ...ديه لما تعرف...هتقوم الدنيا ومش هتقعدها
يوسف:ماتخلصونا بقي في يومكم ده...انا مش هكون في الشركه لوحدي
...والا والله اسيبها انا التاني...مش كله مرار علي دماغ يوسف
ادم:خلاص ياعم جو...انا جاي معاك من بكرة...بس اقول لفريده
...بس مين هيوديها ويجبها
اسر بمكر:لا متقولش لفريده...انا هقولها بنفسي.
..وان كان علي توصيلها..انا هتولي المسئوليه ديه بنفسي متقلقش
ادم:ياخوفي منكم انتم الاتنين..
>>>>>>>>>>>>>>>>>>>
في منزل فريده كانت قد عادت الي المنزل ويعلو وجهها الضيق
سليم:فريده كنت عايزك
فريده:معلش يا بابي انا تعبانه النهارده ممكن نتكلم بكرة
سليم بصرامه:لا انا عايزك دلوقتي...حصليني ع المكتب
فريده لوالدتها:خير يا مامي..فيه ايه
ليلي:تعالي يا ديده جوا ...نشوف
في المكتب
سليم:فريده انا عايزك تسافري عند فادي
فريده باستغراب:ليه يا بابي...فيه حاجة
سليم:عادي...انا شايف انك اديلك مده مغيرتيش جو
..وبعدين علشان صحتك...وفيه شغل هناك
فريده:بس انا كويسه...وبعدين هوا ده الموضوع المهم..
بابي معلش ممكن تقولي فيه ايه...
انا مش طفله علشان تقولي الكلمتين دول
سليم:قولتلك انا عايزك تسافري لاخوكي
....فيه شغل هناك عايزك تمسكيه...مهم بالنسبه ليا
فريده:طب وشغلي اللي هنا..
سليم:تصفيه...انتي مش كنتي قولتي انك هتصفي
كل حاجة وتسافري...وعلشان كده فضيتي الشراكه
فريده:انا قولت اني هسافر لما اخلص شغلي...
ليلي:فريده...اسمعي كلام باباكي...
حتي سافري الفترة ديه وبعدين ابقي ارجعي
فريده:هوا فيه ايه...كلكم سافري سافري
...ايه اللي بيحصل..انا مش هسافر غير لما اخلص شغلي..
سليم بحده:يعني ايه..انتي مش بتسمعي الكلام ليه...قولت هتسافري
فريده وهي تنهض الي غرفتها وبصرامه:قولت مش هسافر
..عندي شغل هنا ومش هسيبه...تصبحوا علي خير
بعد ذهاب فريده
سليم:البنت ديه هتجنني...لازم تسافر
ليلي:مش كده يا سليم بالهداوه انت عارفها عنديه
سليم:هيا مش فاهمة اللي بيحصل هنا...ديه ممكن تتأذي
..انا هسفرها ولو غصب عنها
ليلي:اهدي يا سليم انا هخلي فادي يكلمها ويقنعها...وربنا يستر
سليم:ليلي الناس ديه مش بتهزر ...دول هددوني ...وانا خايف عليها
ليلي بخوف:انا هحاول اقنعها وهضغط عليها وكمان هكلم فادي...
انا خايفة يا سليم...انت مكنش لازم تدخل في الصفقه ديه انت وسيف
سليم:اللي حصل حصل يا ليلي...انا قلقان بس عليها هي مش عليا
..اللي مطمني شويه ان معاها ادم ...هيقدر يحميها ولو شويه
ليلي:ربنا يستر...بنتي وعنديه ومش ممكن حد يفرض عليها حاجة
>>>>>>>>>>>>>>>>>>>>>>>>>>>>>>
في الصباح انتظرت فريده ادم كالعاده ليقلها للموقع
ولكنها تفاجئت باسر هو من اتي ويتكئ علي السيارة ينتظرها
فريده بدهشه:اييييه ده...انت بتعمل ايه هنا ...فين ادم
اسر ببرود:راح الشركه....ومش هيجي تاني
فريده بغيظ:ليه ان شاء الله...وانا مين اللي هيوصلني..
اسر بابتسامه واسعة وبرود:انا...ماهو انا
اللي هيوصلك ويجيبك من هنا ورايح
فريده بحده:وليه ان شاء الله ...انا عايزة ادم.
..وبعدين ازاي يسيب المشروع بتاعنا
اسر:انا قولت كده ...وبعدين الشركه مينفعش كلنا نسيبها..
فريده :لا بجد...طب ما تروح....
وهنا قاطعها صوت والدها
سليم:فريده...انتي رايحة فين...
فريده بضيق:ع الموقع يا بابي...عندي شغل
سليم:انا قولت ايه امبارح....مفيش شغل...وهتسافري يا فريده
فريده بعصبيه وهي تتجه الي سيارة اسر:قولت لا
...ورايحة الشغل وركبت السيارة وصفعت الباب خلفها...
اسر:اهلا يا عمي عامل ايه...
سليم بضيق:الحمد الله يا اسر...انت رايح معاها الموقع...امال فين ادم
اسر :ايوة يا عمي ...انا اديلي مده بشتغل هناك...ادم راح ع الشركه
سليم:معلش يا اسر...خد بالك منها...متشلش عينك من عليها
فريده بعصبيه من داخل السيارة:انا مش صغيرة علشان
محتاجة حد يراعيني....متخلص انت التاني وتركب
اسر بقلق:هوا فيه حاجة يا عمي ...
سليم:بعدين يا اسر...بس خد بالك منها...
انت عارفها مجنونه وعنديه... انا همشي عندي ميعاد دلوقتي
اسر بضحكه وهو ينظر لها:اكيد عارف ياعمي...سلام
فريده بغيظ:انبسطت قوي من كلامه.
..طب انجز وخلينا نشوف مصالحنا
اسر:اكيد...بس شوفتي ابوكي وصاني عليكي
...يعني تسمعي الكلام..والا
فريده بغيط:بقولك ايه...اخلص في يومك
...انا مش طايقة نفسي ....هوا يوم باين من اوله
>>>>>>>>>>>>>>>>
في الموقع كان الجميع يعمل بجد وايضا لا يخلو من
مضايقات اسر لفريده بحجة طلب والدها من اسر الاهتمام بها
مر يومان وفجأه
احد العمال:الحقوا يا هندسه...فيه عامل وقع من علي السقاله
اسر بسرعة:انت بتقول ايه...ازاي ده حصل..تعالي قدامي نشوف
اتجه اسر و فريده ليروا ماحدث...وجدوا ان العامل قد وقع وكسر ساقه ويده
احد العمال:لا حول ولا قوه الا بالله ديه تاني مره يحصل كده ...
فريده بعصبيه:هوا فيه ايه...احنا مش قلنا تاخدوا بالكم ...
اسر ينظر لها شزرا:اتفضلوا انقلوه علي المستشفي بسرعه...
ولفريده....ميه مرة اقولك بطلي تتكلمي وانا موجود...ايه مش مالي عينك
فريده بحده:ايه هوا انا طيشه في الموقع
...انا مهندسه زيي زيك...انت متزدش عني حاجة
اسر بعصبيه:وعزة جلاله الله يا فريده ان ماسمعتي الكلام
...لاوريكي الوش التاني
فريده بسخريه:هوا انا لسه مشفتوش...بعدين انت ملك....
قاطعهم احد العمال:يا هندسه...فيه لجنه جايه تفتش
اسر:لجنه ايه...تعالي وريني...هوا يوم باين من اوله
ذهب اسر وفريده ووجدوا لجنه تفتيش علي المواقع
واخذت تفتش وتبحث في كل شئ
اسر:خير يا فندم فيه ايه
احد المفتشين:حضرتك جتلنا شكوه انكم بتغشوا
في الاسمنت و المواد علشان كده بتبيعوا باسعار اقل
فريده بعصبيه:ازاي ...انت بتقول ايه...ديه شكوة كيديه
...مفيش كلام من ده اتفضلوا امشوا من هنا
>>>>>>>>>>>>>>>>>>>>>
في الشركه تولي ادم امر عدد من الاجتماعات
وانجز بعض الاعمال وطلب كاميليا
ادم:تعالي يا كاميليا...عامله ايه...ولنفسه(وحشتيني يا بنت الايه)
كاميليا:الحمد الله انت عامل ايه يا ادم(ياااااااااه وحشتني اخيرا جيت)
ادم:بصي يا كاميليا...كنت عايزك معايا في مشروع روني
كاميليا:هوا مش اسر كان هوا اللي ماسكه
ادم:اه...هوا لسه ماسكه ..بس هوا مشغول اليومين دول.
..فلغايه ما يرجع هنكون انا وانتي مع بعض..قصدي في المشروع
كاميليا بفرحه:ماشي يا ادم ...انا تحت امرك.
.عايز حاجة تانيه ولا امشي
ادم بلهفة:ماتخليكي شويه...قصدي انتي وراكي حاجة مهمه هناك
...قصدي...روحي يا كاميليا
كاميليا برقه:سلام يا ادم ...اشوفك بعدين
ادم لنفسه بعد خروجها:لا كده شكلي هسلم نمر بدري
...انا وقعت ومحدش سمي عليا...
كاميليا لنفسها:اخيرا يا ادم هنكون مع بعض
في مشروع واحد ...بحبك اوي امته هتحس بيا بقي
>>>>>>>>>>>>>>>>>>>
اسر الذي امسك بمعصم فريده ونظر اليها بحده واكمل
للمفتش:اتفضل حضرتك خلص شغلك واحنا منتظرين
فريده بحده:استني هنا...انتي ازاي تسمحلهم بانهم يفتشوا
سحب اسر فريده بعيدا وبغضب:انا لسه قايلك ايه....
مش تتكتمي شويه...بعدين قالك شكوة
يعني لو منعناهم هيتاكدوا منها ويوقفوا الشغل
...اسكتي لما نشوف اللي بيحصل ده
انتهي المفتشون من عملهم وتاكدوا من عدم وجود
غش في المواد وقاموا بكتابه المحضر
و انصرفوا في تلك الاثناء حضر حمزة
حمزة:خير يا فريده ايه اللي سمعته ده
فريده :شكوه متقدمه اننا بنغش في الاسمنت..
حمزة بضيق:انا قلت مش هيسكتوا يا فريده...هتعملوا ايه الوقتي
فريده :مش عارفة يا حمزة...انت عرفت منين
حمزة:من القسم...واول ما عرفت... جيتلك علي طول...امال ادم فين
فريده:في الشركه..بس تشكر يا حمزة....دايما مش بتتاخر عليا
كان اسر يراقب ما يحدث بغضب شديد:خير ...مين الكابتن
حمزة:مين الاستاذ يا فريده...حضرتك عايز حاجة
اسر بعصبيه:انا اللي بسالك انت مين
فريده:اسر..ده الكابتن حمزة الظابط المسئول عن الموقع
.... وده اسر يا حمزة المهندس الجديد المسئول عن الموقع واخو ادم
حمزة بابتسامه:اهلا تشرفنا يا بشمهندس...ها يا فريده هتعملي ايه معاهم
اسر بغضب:تعمل ايه مع مين بالظبط...ماتكلمني انا يا كابتن
حمزة:اقصد عيله هنداوي ...ماهما اللي ورا الموضوع ده
...انا شفت اسمهم في الشكوة
فريده بغضب:ابن ال....هوا محرمش ....
اسر:مفيش يا حضرة الظابط ...انا هتصرف....
فريده:يعني هتعمل ايه يا اسر...
اسر بخبث:متشيليش هم يا فريده سيبي الموضوع ده عليا انا
>>>>>>>>>>>>>>>>>>>>>>
في اليوم التالي في الموقع كانت فريده تعاين
بعض المنازل القديمه الخاليه ولم تنتبه لمن خلفها وفجأه
شخص ما:انتي بقي فراوله...
فريده:هه...انت مين...وبتعمل ايه هنا
الشخص:انا مين مش مهم...وبعمل ايه هنا...
ده بقي فيه واحد حبيبي باعتلك السلام...
وبيقولك البقيه في حياتك يا فراوله
فريده برعب:انت ....انت...بتقول ايه عايز ايه
الشخص:ماقولنا عايز روحك يا فراوله واقترب منها الشخص
فريده برعب:لاااااااااا...ابعد عني...اااااااه
>>>>>>>>>>>>>>>>>>>>>>
ياسر:زمانك الوقتي مع الملايكه يا فراوله...
كان نفسي ادوقك بس معلش...ملناش نصيب فيكي
...الله يرحمك
مدحت:انت بتترحم علي مين ..
ياسر:علي الفراوله زمان صاحبنا خلص شغله معاها
مدحت:يعني برضو عملت اللي في دماغك...مكنا ماشيين كويس
...شويه حوادث...و شكاوي بس انك تقتلها يا ياسر ده كتير
ياسر بغل:مش ياسر هنداوي اللي واحده تمد ايدها عليه
وكمان تتمنع عنه لا انا يا اما تكون ليا ...يا اما الله يرحمها.
..وسيبني بقي علشان استقبل الخبر
>>>>>>>>>>>>>>>>>>>
فريده بفزع:عاااااااااااي ...ابعد عني
الشخص:محدش هيسمعك الكل مشغول في الشغل
حاول ذلك الشخص ان يقتل فريده وذلك بخنقها وهي كانت تقاومه بشده
ولكن كان بنيانه قوي لم تستطع فريده المقاومه اكثر....وبدأت في الاختناق