الفصل 45
في اليوم التالي حضر الجميع واحضر اسر كل المواد الناقصة
وذلك نظرا لمعارفه الكثيرين ولم يستطع احد ان يتكلم
وذلك لان اسر احضر المواد من موردين خاصين
والذين يوردون للجميع حتي مع الذين يتعامل معهم فريده وادم
ادم:يابن الايه...عرفت تدخل المواد ديه ازاي
اسر بغرور:ههههه....انا مش اي حد يا بابا .
...ده انا القشاش ...الكل يتمني انه يخدمني
فريده بغيظ:عرفنا يا عم القشاش....بس و النبي بلاش النفخة ديه.
...محسسني انك عملت اللي ميتعملش
اسر ليستفز فريده:اسكتي انتي ...ده انتي شويه وكنتي هتعيطي....
فريده :انا.....
وهنا قاطعتها انجي:ايه يا بيبي....سايبني لوحدي هناك وانت هنا
ادم بدهشه:انجي....انتي جيتي هنا ازاي...
فريده بغيظ ودهشه:ايه ده انتي بتعملي ايه هنا...
انجي بدلال وهي تمسك باسر:ابدا ....
اصل اسر قالي اني وحشاه والشغل مش مخليه يعرف يشوفني
....فقالي اني اجي معاه النهارده
فريده بغيظ مكتوم:ليه ان شاء الله
....فاكرها فسحة هنا...ده مكان شغل
اسر ليستفز فريده:عارف انه شغل بس .
...انا اديلي مده مش عارف اقعد معاها
وبعدين انا معزوم ع الغدا ...
ومقدرش اكل برا من غير خطيبتي
فريده بغيرة وتحاول ان تداريها:والله...يا حنين....
بقولك ايه ده مكان شغل مش مرقعه....
....انت هتبقي فاضيلها ولا فاضي للموقع و الشغل
ادم:بصراحة فريده عندها حق...احنا كده هنتعطل
انجي:متقلقيش يا فيري ...انا مش هعطله
فريده بغضب:ازاي يعني ....وانتي هتقعدي فين ان شاء الله
.... ولا هيفضل ماسكك في ايده في كل حته
اسر:متشغليش بالك بينا يا فريده وروحي شوفي شغلك
....ولانجي يلا يا قلبي تعالي افرجك ع الموقع
انجي بدلع:يلا يا حبيبي
بعد رحيلهم
فريده بغضب:شايف عمايل اخوك....ي
عني جايبهالي هنا علشان يفرسني بيها
ادم:اهدي بس...وبعدين ايه اللي يغيظك بس سيبك منهم
فريده:ازاي يعني...لا وقال ايه تعالي افرجك ع الموقع
...الهي تروح ما ترجع...وربنا اسيب عليها انشراح
....تغيرلها ديكور وشها
ادم بضحكه:ههههههه....لا فعلا مش غيرانه خالص
...ده انتي ودانك بتطلع دخان ...
فريده بغيظ:انا نقصاك انت التاني
انا ماشيه اشوف شغلي بدل ما ارتكب جنايه
كانت فريده تراقب اسر وانجي من بعيد....
وانجي تتدلل علي اسر ومشهد غرامي لم تتدخر انجي
اي شئ لاغاظه فريده التي كانت عصبيه مع الجميع في الموقع
ولاحظ اسر ذلك...وفي المكتب الملحق بالموقع
كانت فريده تجلس هناك تعمد اسر البقاء في المكتب هو وانجي و اغاظتها
...وحاولت فريده ان تتماسك ولكن كان هناك بركان علي وشك الانفجار
فريده:لا بقي... ديه مسخرة زياده عن اللزوم....
احنا هنا في موقع شغل ولا كازينو ع النيل
ادم:فريده اهدي ...هتولعي في ام المكتب ....
انجي:ايه يا فيري...مالك متعصبه ليه...
فريده بعصبية:اسمي فريده...وبعدين انتو قاعدين هنا ليه...
اسر:مش فترة استراحة ....ولازم نريح شويه
....الواحد تعبان من الشغل
انجي:اه يا بيبي...انت بتتعب اوي ...
فريده بغيظ:تعبان لما يقرصك منك ليها...
قاطعها عادل الفتي الصغير
وهو يشد يدها:يا هندسه....يا هندسه
فريده:خير يا عادل فيه ايه....
عادل وهو مازال ممسك بيدها:زوزو بتقولك انها عايزاكي ...و
اسر مقاطعا بغيظ:ايه يا بني انت....انت ماسك ايدها كده ليه
....سيب اديها واتكلم هيا هتهرب منك
عادل بلماضه:الله....وانت مالك....انا بكلمها هيا
...اش حشرك انت
اسر بغضب:ماتتكلم عدل يالا...والا هعدلك انا...وسيب ايدها
قاطعته فريده:خير يا عادل زوزو عايزة ايه...
عادل:عايزاكي تروحيلها الوقتي...
فريده:بس انا عندي شغل لسه مخلصش يا عادل...
اسر بخبث:لا روحي انتي يا فريده...مفيش شغل كتير
...انا وادم هنخلصه
فريده بتهكم:شاكرين افضالك...انا هخلص شغلي واروح....
عادل:بس هيا قالت انها عايزاكي ضروري....
ونبهت عليا اني اجيبك واجي
ادم:خلاص يا فريده روحي شوفيها عايزاكي في ايه...وانا هخلص الباقي
فريده:ماشي يا ادم ...وفعلا انا محتاجة امشي من هنا لحسن هتخنق.
..يلا بينا يا عادل ولاغاظه اسر...هات ايدك يا دوله يا حبيبي
عادل:ماشي يا هندسه....يلا بينا
>>>>>>>>>>>>>>>>>>>>>>>>>>>>>>>>
في منزل زوزو
فريده:خير يا زوزو عايزاني في ايه ...قلقتيني
زوزو بضحكة:ابدا يا قلبي...بس عندي عزومه النهارده.
..وعيزاكي تساعديني
فريده:عزومه ...مين يعني...وبعدين انتي عازمه حد غيري انا وادم
...ايه حبايبك كتروا يا زوزو...انا كده هبتدي اغير
زوزو:لا يا قلبي...بس ابو خليل عزم واحد معرفه له ع الغدا
...وجاي فعلشان كده محتجاكي تساعديني
...عيزاكي تعملي البانيه اللي علمتهولك وكمان الكريم كراميل
...يلا يا قلبي عندنا شغل كتير
فريده:ماشي يا جميل ...كله علشان خاطرك...
انا هغير هدومي اوجيلك...لبسي جوا مش كده
زوزو:اكيد يا قلبي ....يلا بسرعة وانا مستنياكي...
ولنفسها...لما نشوفك هتعملي ايه مع سي اسر النهارده يا فريده
ابدلت فريده ملابسها وساعدت زوزو في اعداد الطعام
وايضا صنعت ما امرتها به ...ووضعوا الطعام علي السفرة
زوزو:يلا يا ديده...غيري هدومك ...الضيوف زمانهم جايين
فريده وهي تغسل يديها:ماشي يا زوزو...داخله اهو
>>>>>>>>>>>>>>>>>>>>>>
في الطريق الي منزل زوزو
ادم:اسر انت جبت انجي معاك ليه
اسر:وماله...مش خطيبتي...
ادم:بس انت عارف ان فريده هتكون في العزومه.
..انت مش ناوي تجيبها لبر
اسر بخبث:وهي مالها ...بعدين ايه اللي يضايقها.
..مش هيا اللي فضت كل حاجة...
انجي:ايه يا ادم...انت مضايق اني جيت.
..مكنتش اعرف انك مش طايق تشوفني كده
ادم بحرج:مش القصد يا انجي...انا بس مش عايز مشاكل
بين اسر و فريده علشان الشغل
انجي:وايه اللي هيعمل مشاكل....
واحد ومعزوم ع الغدا وجايب خطيبته معاه..فيها حاجة ديه
ادم لنفسه:فيها حاجات ...ربنا يستر وفريده
متكنش عرفت انكم جايين...وتحط سم في الاكل
اسر ليقطع شروده:هااااي....انت يابني رحت فين
....هوا ده البيت...شكلها هتبقي عزومه الهنا
ادم:ايوة هوا...يلا بينا...ربنا يستر...ياخوفي تبقي اخر اكله في حياتك
>>>>>>>>>>>>>>>>>>>>>>>>>>
كان ياسر غاضب جدا مما حدث من فريده وتوعد بالرد عليها
ولكن اولا لابد من ان يلقن جميع من في الموقع درسا
ويوقف الحال هناك وخاصة بعد ان علم انهم قد احضروا المواد الناقصه لهم
اتصل ياسر باحدهم واخبره بشئ ما وبعد ان انتهي
ياسر:ههههههههه...ابقوا وروني هتعملوا ايه بقي
>>>>>>>>>>>>>>>>>>>>>>>
في منزل زوزو استقبل كل من ابراهيم و زوزو اسر وانجي و ادم
ورحبوا بهم ودعتهم زوزو الي السفره لتناول الطعام
نادت زوزو علي فريده وحضرت
فريده بصدمه بعد ان علمت ان اسر و انجي هم الضيوف:
انتو...انتو بتعملوا ايه هنا....هما دول الضيوف يا زوزو
زوزو:ايوة يا ديده...ابو خليل عزمهم...
فريده بغيظ وهي تهم بالرحيل:انا ماشيه...
زوزو:ليه يا فريده ايه اللي حصل
فريده:مش ممكن اقعد هنا ثانيه واحده...
دول الضيوف... حاجة تقرف
اسر:شكل حضورنا غير مرغوب فيه...
زوزو:فريده يا حبيبتي ...عيب كده
ابراهيم بصرامه:فريده...اقعدي...يلا
فريده:لا ...انا ..
ابراهيم:قلت اقعدي....الكل هيتغدي...مفيش حد هيمشي
جلست فريده علي مضض وكانت تجلس
بجوار ادم وامامها اسر و انجي..
كان الطعام حقا شهيا ...حتي انجي تناست
انها في مكان شعبي وبدات في الطعام
اسر:ممممم...الاكل طعم جدا....تسلم ايدك يا مدام زينب
ادم:طبعا زوزو طباخة بريمو ...اكلها لا يعلي عليه.
..انت شويه وهيجيلك ادمان ...وهتنط كل شويه هنا زيي
اسر:اكيد ...بس ياريت ماسببش ازعاج ليها
زوزو:ههههه...تانس و تشرف يا حبيبي...و بعدين
انت تقولي زوزو زي الكل مابيقولو....
المهم الاكل عاجباك....دوق البانيه كده
اسر:طبعا يا زوزو...جميل تسلم ايدك
زوزو بابتسامه:لا تسلم ايد فريده... هيا اللي عملاه
اسر بدهشه:ايه ...فريده بتعرف تطبخ..مش ممكن
زوزو:ليه...انا علمتها حاجات كتير وهيا هنا..
..ولسه كمان الحلو بعد الغدا هيا كمان اللي عملاه
اسر بخبث:اهاااا..لا جميل ...دوقي كده يا انجي
...فعلا تحفه... واطعمها بيده
فريده:بالسم الهاري...مطرح ما يسري يهري...
انجي:ممممم...فعلا يا اسر ...ابقي يا فريده علميني
اعمله ازاي علشان اعمله لاسر بعد الجواز
فريده بابتسامه مصطنعه: اكيد...وبسخريه...
بس يا انجي انا اللي اسمعه من ادم ان ماممتك طباخة بريمو.
.المفروض تاخدي كل وصفاتها ..وتعمليها لاسر
..لانه بيحب اكلها وبيشكر فيه دايما
هنا ادم لم يستطع كتم ضحكاته:ههههههه...فعلا اكلها لايعلي عليه
...تاكله من هنا ... ويالحقت يا ملحقتش تشوف اكل تاني...ههههههه
شرق اسر علي ذكر اكل خالته:كح كح كح...
شكل حد باصصلي في الاكل جايب في سيرتي جامد..
فريده بغل:ياكش تطلع روحك ونخلص...
انجي:مالك يا حبيبي...خد مايه...
فريده بغيظ:خد مايه...اجري يا ادم اخبطه علي ضهره
وهي الشرقه تروح... بالراحه علي نفسك شويه...الاكل مش هيخلص
زوزو:عيب يا فريده...بالهنا و الشفا يا حبيبي...كمل اكل يلا
اسر ليغيظ فريده:اكيد يا زوزو...انا مش قايم من هنا
غير لما اخلص اكل..اصل انا في الاكل الحلو مش بحتاج توصيه...
ادم لفريده:اهدي شويه...العيال هتموت من كتر مانتي عماله تدعي
...ده انتي شويه و هتقلبي عليهم السفره
فريده:ااااه يا ناري وربنا لو كنت اعرف انهم جايين
...كنت حطيتلهم سم فران في الاكل و خلصت منهم...
ادم:وربنا قلت كده...مجنونه وتعمليها...
فريده بغل:شايف السهوكه....عماله تاكله باديها
...ليه اتشل ان شاء الله ...مش مراعيين انهم عند ناس..قله ادب
زوزو:واضح يا اسر ان انجي بتحبك اوي...
اسر:طبعا يا زوزو ...وانا كمان بحبها اوي...
مقدرش استغني عنها...وقبل يديها
فريده بغضب:باستك عقربه يا بعيد.....
ماهي القرود بتتلم علي بعضها...انا خلاص علي اخري.
..وهي تمسك بسكينه السفرة بقوه...
ادم بقلق:ربنا يهديكي...بلاش جنان ...سيبي السكينه...
اسر :سفره دايمه يا جماعه...
بعد ان انتهوا من الطعام واكل اسر الكريم كراميل عندا في فريده
التي لم تتدخر سباب الا وسبت اسل وانجي به
علي مسامع ادم الذي كان يحاول ان يكتم ضحكاته...
ابراهيم:بجد انا مبسوط من حضوركم ...وبالمناسبه ديه
انا عازمكم علي فرح حامد و سميرة الخميس الجاي...
فريده بسرعه:لا يابو خليل....اصل البشمهندس
ملوش في الافراح الشعبي...
اسر وهو ينظر لفريده بخبث:طبعا يا عم ابراهيم يشرفني
...وجاي هوا فيه احلي من الافراح الشعبي...وكمان هجيب انجي معايا...
ابراهيم:تشرفنا يا بشمهندس..
اسر:لا بشمهندس ايه بقي...انت تقولي يا اسر .
..مش انا زي ادم ولا ايه
ابراهيم:اكيد ..اسر:نمشي احنا بقي.
..علشان الحق اخرج مع انجي شويه قبل ما اروحها ..سلام عليكم
فريده بغيظ:تفسحها....فسحوك انت وقيا في القرافة
...يارب تتقلب بيكم العربيه وتولع مايلاقوش مايه يطفوها...
زوزو:الزياره ديه لازم تتكرر يا اسر
..انت خلاص بقيت من اصحاب البيت زي ادم وفريده...
اسر وهو ينظر لفريده:اكيد يا زوزو ...بعد الاكله ديه
انا هبقي مقيم عندكم....سلام بقي
فريده:في داهيه...
>>>>>>>>>>>>>>>>>>>>>>>>>>>>>.
في سيارة اسر كانت الضحكات تتعالي
انجي:ههههههههههه....شفت شكلها كان عامل ازاي...مش قادرة هههههههه
اسر:هههههههه...كانت هتطق....بس ايه ده يا انجي...ده انتي ممثله محترفه
انجي:ههههه:اكيد يا اسر...بس انا كنت حاسه انها شويه وهتموتني
اسر:ولسه....هيا شافت حاجة
انجي:لا وكله كوم ولما اكلنا الحلو كوم تاني
...بصراحه انا مكنتش قادرة اكل ...بس عندنا فيها اكلت.,..هههههه
اسر:بس متنكريش ان الاكل كان حلو
انجي:الصراحة انا كنت خايفه من المكان
....بس بعد ما شفت حاجة تانيه خالص...بس يا اسر علي فكرة فريده بتحبك
...انت مش شايف وشها كان عامل ازاي....ديه كانت بتطلع دخان
اسر بـأسي:بتحبني...معتقدش ...انا بالنسبه ليها كنت مجرد كوبري...
انجي:معتقدش:شكلها النهارده كان بيقول انها مش بتحبك...ديه بتموت فيك...
اسر :يلا بس علشان اوصلك ...واستعدي للفرح يا انجي
انجي:ديه كده هتستوي بدري ...بس كله علشان هيا حبيبتي...
اوصل اسر انجي الي المنزل وعاد الي منزله