الفصل 44
وفي اليوم التالي كانت فريدة تعاني من نقص الموارد
وحاولت الاتصال بعدد من الموردين لاحضار المواد الناقصه
واثناء انشغال اسر وادم في العمل و العمال
تفاجئت فريده بوجود ياسر في الغرفه الخاصة بها
و بادم وقد اغلق الباب خلفه
ياسر بنظرة خبيثة:الحلو قاعد لوحده ...
قولت اونسه....ليلتنا فل
ظنت فريده ان من يتحدث هو اسر
فهي كانت تتحدث في الهاتف ولم تلاحظ
فريده بضيق:هوا ده وقت هزارك يا اسر
....حل عني مش فيقالك
ياسر بخبث:انا ياسر مش اسر.
..يعني انفع برضو
انتبهت فريده:هه....انت... انت بتعمل ايه هنا....
ياسر:ابدا يا فراوله....جيت اشقر عليكي...لو محتاجه حاجة.
..اصل عرفت ان عندك نقص في المواد
...حبيت اساعد علشان عيونك
فريده بعصبيه:افندم....انت بتقول ايه.
..هوا انت اللي ورا تاخير المواد....انت عايز ايه بالظبط....
ياسر:مقلتلك....قبل كده عايزين كلنا نشتغل
......وبعدين مالك متعصبه...مقلتلك قبل كده الوش الحلو ده
ميلقش ليه التعصيب...ده حتي بصي انا جايبلك معايا هديه
...افتحيها يا فراوله هتعجبك اوي...
فريده بغضب:اتفضل اطلع بره ...انت فاكرني ايه
.....انا مش فاضيه لتفاهتك ديه...يلا
ياسر:ليه بس مدياني الوش الخشب ده...وهو يقترب منها.
...ده انا اعجبك...بس حقك يا فراوله تتدلع
فريده:انت بتقول ايه....انا هندهلك الرجاله يرموك برا.
..انت واحد زباله...وهمت بالاتجاه للباب
امسك ياسر بمعصم فريده:ليه بس كده....
ده انا كنت عايز اراضيكي وادلعك....بس انتي اللي مصعباها....
وبعدين يا هندسه...ما كل المهندسات الحلوين
اللي بتعامل معاهم بيطروها معايا
....ليه تعملي معايا انتي كده...متقلقيش انا هعملك
كل اللي انتي عايزاه وهجبلك الاسمنت وكل اللي ناقص عندك
بس انا زهقت من البلدي....وحابب اجربك يا مستورد
يا تقفيل برا انت يا جميل...واقترب ياسر من فريده بشده ....و
>>>>>>>>>>>>>>>>>>>>>>>>>>>>
لاحظ اسر اختفاء فريده...
اسر:ولا يا ادم...امال فريده فين...
ادم:معرفش ....اخر مرة كنت شايفها رايحه ناحيه المكتب.
...علشان تتصل بالموردين....
اسر:اهااااااا...طيب انا رايح اشوفها....
ولا وخداها حجة علشان تهرب من الشغل
ادم:اسر...خف ع البت شويه....انت مزودها
...شخط ونطر فيها...وهيا مش بتفتح بقها...لم الدور
اسر:الله...وانا عملت حاجة...هوا انا مستقصدها يعني
...ده كله شغل...بطل رغي انا رايح اشوفها
ذهب اسر ناحيه المكتب
>>>>>>>>>>>>>>>>>>>>>>>>
اقترب ياسر من فريده وهم ان يقبلها ولكنه تفاجئ بصفعة مدويه
علي وجهه من فريده التي كان وجهها احمر وعيناها تشتعل غضبا...
فريده بغضب:انت يا زباله .....طراااااخ...انت فاكر نفسك ايه
...انت فاكرني واحده من اياهم ... اللي بهديه وكلمه ...هقع فيك
....يبقي متعرفش مين فريده الحسيني.....اطلع برا حالا والا
....هخليهم يشيلوك علي نقاله
ياسر بغضب وهو يتحسس مكان الصفعة:انتي قد القلم ده.
....انتي كده كتبتي تصريح خرجتك يا فراوله....
مع انه بدري ع الحلاوة ديه تتداري
...بس انتي اللي جنيتي علي نفسك....
مش ياسر هنداوي اللي تعمل فيه حرمه كده
فريده:ههههه....انت بتهددني ...يبقي متعرفش انا مين
...انا اوديك ورا الشمس...وغور بقي من هنا..
.قامت فريده بفتح الباب بغضب وتفاجئت بوجود اسر امامها...
>>>>>>>>>>>>>>>>>>>>>>>
عادت ليلي الي مصر وفي الفيلا...
فاطمه:حمدلله ...ع السلامه ياست هانم...وحشتينا والله ...
ليلي:تسلمي يا فاطمه...هوا مفيش حد هنا...
فاطمه:لا يا هانم...سليم بيه هنا....
ليلي: طب و فريده فين....
فاطمه:يا حبه عيني ...في الشغل
....بترجع متاخر وهلكانه...هوا حضرتك مقلتلهاش انك راجعة...
ليلي:لا حبيت اعملهالها مفاجئه....معلش يا فاطمه...
خليهم يطلعوا الشنط فوق...هوا سليم بيه فين
فاطمه:في المكتب يا هانم...احضرلك الغدا
ليلي:لا...مش دلوقتي ...انا رايحه لسليم...روحي انتي
في المكتب
سليم:ليلي...انتي وصلتي امته...مقلتيش ليه
كنت جيت استقبلتك.... وقبل وجنتها....وحشتيني اوي
ليلي:بنفسك يا سليم...غريبه....وبعدين وحشتك ...من امته
سليم:ايه يا ليلي...انتي عارفه اني بحبك اوي....
بس هيا ظروف الشغل اللي مخلياني مقصر...
ليلي بسخريه:ظروف الشغل اللي عمرها ما هتخلص مش كده...
سليم:ماشي يا ليلي اتريقي براحتك....فادي عامل ايه..
ليلي:كويس...وكان عايز فريده تروح تقعد معاه شويه...
سليم:وانا كمان عايزها تسافر هناك شويه...عايزها تبعد عن هنا...
ليلي:بقلق...خير يا سليم قلقتني ....مالها فريده
سليم بأسي:هقولك يا ليلي ...بس بعدين
...ارتاحي انتي دلوقتي...وبعدين نتكلم
ليلي بقلق:ماشي يا سليم ...اللي تشوفه
>>>>>>>>>>>>>>>>>>>>>>>>>>>
تفاجئت فريده باسر الغاضب امامها
اسر بغضب:فيه ايه ...صوتك عالي ليه ...مين ده
فريده بارتباك: ا اا اسر...انت...انت هنا من امته...
اسر بغضب بعد ان راي وجهها الاحمر من الغضب وهو يعرفه جيدا :
بقولك مين ده والمكتب كان مقفول ليه...ردي
ياسر: هوا ده بقي اسر...ده غير اللي كان المرة اللي فاتت
اسر :انت بتقول ايه...انت مين اصلا وبتعمل ايه هنا
فريده لتنهي الحوار:ابدا يا اسر...ده...ده الاستاذ ياسر
...صاحب المول اللي علي اول الطريق...
اسر:وكان عايز ايه...كان جاي يفرجك علي
احدث كولكشن نازل عنده ولا ايه
فريده بارتباك:ابدا ....ده جاي يسال
علي الاسعار اللي احنا بنبيع بيها ...
اسر:اهااااا...مش انتو اللي جيتوا قبل كده
علشان نرفع سعر الشقق...وقولنالكم لا...جاي هنا ليه
ياسر وهو ينظر لفريده:ابدا يا هندسه انا كنت جاي
اشوف يمكن تكونوا غيرتوا رايكم ولا حاجة
فريده بغضب مكتوم:اظن ان الجواب وصل يا استاذ ياسر
...ومش هنغير راينا
اسر بغضب بعد ان لاحظ نظرات ياسر وود ان يفتك به:
فريده...اتفضلي روحي عند ادم شوفي شغلك يلا
>>>>>>>>>>>>>>>>>>>>>>>.
عند ادم
ادم:كنتي فين يا فريده...اسر كان بيدور عليكي...
فريده بغضب:منا شوفته....
ادم: شكله ضايقك....عملك ايه
فريده بغضب ودموع مترقرقه في عيونها :
مش هوا ده الواطي اللي اسمه ياسر ....طلع كلامك صح يا ادم
ادم:قصدك بتاع الارض اللي علي اول الطريق....
عملك ايه ...انا مش قلتلك متلكميهوش
فريده:والله ما كلمته... انا لقيته داخل عليا المكتب
.....حكت فريده لادم ما حدث بينها وبين المدعو ياسر
ادم بغضب:ابن ال.....ورحمه امي لاوريه
هوا فين وهم ادم بالرحيل ناحيه المكتب
>>>>>>>>>>>>>>>>>>>>>.
اسر:ولما انت جاي علشان كده ....مفيش رجاله تكلمهم ولا ايه
ياسر:ماهو اصل اللي وصلني ان البشمهندسه هيا الريسه هنا
اسر بغضب ونظرات حادة:لا ....انا هنا المسئول
...ولما تحب تتكلم... تيجي ليا انا
... وقولنالك قبل كده اللي عندنا واتفضل امشي
ياسر:ماشي يا هندسه....الرد وصل خلاص
رحل ياسر وهو يتوعد لفريده لرد الصفعة التي تلقاها:
ماشي يا فراوله انتي اللي جنيتي علي نفسك...خسارتك...يا فراوله
>>>>>>>>>>>>>>>>>>>>>
فريده وهي تمسك بادم:الله يخليك يا ادم
...مش عايزين مصايب اهدي...انا اديته اللي فيه النصيب
ادم:لا ....انا مش هسيبه ...ابن ال....بقي يعمل كده
...ليه مش شايفنا رجاله ادامه...
فريده برجاء:خلاص بقي يا ادم...خلينا نشوف هنعمل ايه
اسر:هوا فيه ايه....مالك يا ادم...
ادم بغضب:ابن ال......رايح لفريده ..و
فريده وهي تمسك يد ادم :خلاص يا ادم محصلش حاجة ...اهدي
اسر بغضب وهو ينظر ليد فريده الممسكه بيد ادم:ايه اللي حصل
...ادم متعصب كده ليه....كان عايز ايه الزفت ده وعملك ايه....
وعنيكي مدمعه كده ليه...وبعصبيه انطقي
>>>>>>>>>>>>>>>>>>>>>>>>>>>>>>
في منزل زوزو
زوزو:بقولك ايه يابو خليل....كنت عايزة اعزم اخو ادم ع الغدا
ابراهيم:والله فكرة يا زوزو...خلاص انا هقول لادم يقوله
زوزو:اعزمه بكره يا ابراهيم ...
ابراهيم:حاضر يا زوزو....هقوله النهارده ..
زوزو:تمام.....وبابتسامه لنفسها....
لما نشوف سي اسر اللي مجنن فريده ده شكله ايه
>>>>>>>>>>>>>>>>>>>>>>>>
اسر بغضب وهو ينظر ليد فريده الممسكه بيد ادم :ايه اللي حصل
...ادم متعصب كده ليه....كان عايز ايه الزفت ده وعملك ايه....
وعنيكي مدمعه كده ليه...وبعصبيه انطقي
.........................................
مهما حاولت ان اكرهك لافعالك واقول انك لا تهميني...
ولكن عندما اري دموعك اتحول لوحش كاسر يفتك
بمن حاول المس بك
...انا فقط من يحق له مضايقتك يا مدللتي
..فويل لمن يحاول ايذائك
ديدي
..................................................
فريده بخوف وهي تنظر لادم:ابدا ...معملش
....كل الحكايه انه هوا اللي طلع ورا تاخير المواد في الموقع
....بيعمل كده علشان يضغط علينا علشان نرفع السعر...
علشان كده ادم متعصب...فريده وهي تنظر الي ادم برجاء
ادم وهو ينظر لفريده تذكر انه لو اخبر اسر بما حدث
سيذهب اسر لقتل ياسر لامحاله...
فهو يعرف رغم ما يحدث حب اسر الشديد لفريده......
ادم :ايوه صح يا اسر هوا ده اللي حصل...
اسر بشك:هوا ده كل اللي حصل....ماشي. ولفريده وبحده.
.وانتي يا ست هانم مش عايزك تتكلمي مع الزفت ده تاني
سامعه...مشفكيش واقفه معاه ابدا
فريده:حاضر وبعد لحظه وبعصبيه...
انت بتكلمني كده ليه ...وبعدين بتشخط فيا ليه...
انت مالك اكلم مين ولا مكلمش مين
...بقولك ايه انا سكتالك بس علشان الشغل يمشي
...بس بعد كده مش هسكت
اسر بعصبيه:بقولك ايه انتي تخرسي خالص.
..اروح الاقيكي قافله المكتب عليكي انتي وهوا .
..ووشك الاحمر ده الله اعلم عملك ايه
...اتقي شري يا فريده واسمعي الكلام
كادت فريده ان ترد ولكن قاطعها ادم:
خلاص يا فريده اسمعي الكلام وبعدين عايزين نشوف
هنعمل ايه في وقف الحال ده
اسر:متقلقش انا هتصرف ...و المواد هتكون في الموقع الصبح
فريده بتهكم:وازاي بقي يا فالح....محدش بيدخل مواد للمكان ده
غير اللي بنشتري منهم....واديهم باعونا علشان شويه فكه
اسر بغرور:هه...لا يا ماما انتو اللي بتشتغلوا مع ناس سكه
...انا هوريكم الشغل اللي علي اصوله ...اتركني انتي علي جمب
...ده انتي من كلمتين عيطي ....قولنا انتي ملكيش في شغل الرجاله ده.
...انتي اخرك تعملي بس غضنفر في الشركه ....لكن هنا سيبي الشغل للرجاله
لم تستطع فريده الرد ورحلت وهي تدب الارض من الغيظ كالاطفال
انتهي اليوم واخبر ابراهيم ادم واسر عن رغبه زوزو لحضور
اسر لتناول الغداء في منزلهم غدا ... رحب اسر كثيرا بالفكرة
فهي فرصه وذلك للتعرف علي زوزو التي يسمع اسمها كثيرا من فريده
اخبر اسر ادم عدم اخبار فريده عن العزيمه حتي لا ترفض الحضور ووافق ادم
اخبر اسر ابراهيم برغبته في احضار انجي خطيبته معه ورحب ابراهيم بذلك
>>>>>>>>>>>>>>>>>>>>>>>>>>
اتصل اسر بانجي واخبرها بالعزيمه
اسر:ايوة يا انجي بصي فيه واحده عزماني بكرة
في الحي هيا تبع فريده فكنت عايزك تيجي
انجي:بس يا اسر الحي اللي بتقول عليه ده
شعبي ومش نضيف وانا بصراحة يعني
اسر/متقلقيش يا انجي...وبعدين احنا
مش رايحين علشان ناكل ولا ايه...
انجي بخبث:هيا فريده هتبقي هناك
اسر :ايوة
انجي:خلاص يا بيبي....عدي عليا بكرة
...بس من اول اليوم كده
اسر:بس انا هيكون عندي شغل
...انا هعدي عليكي بعد ما اخلص و نروح سوا
انجي:لا معلش خليني اجي معاك
....اتفرج وبعدين انا عايزة اقضي اكبر وقت
مع فريده اصلها وحشاني قوووووي
اسر بضحكه:ههههههههههه....ماشي يابنت خالتي
...وانا احب اجمع الحبايب ...هعدي عليكي بكرة من بدري...يلا سلام
انجي:وانا مستنيه علي نار ....سلام يابن خالتي