الفصل 43
ومن خلفها اتي صوت تعرفه جيدا
وهتتصرفي ازاي يا هندسه في الموضوع ده
فريده باندهاش مصحوب بالصدمه جعلها لا تعرف كيف تتحدث:
اسر ... انت .....انت .....جيت هنا ازاي.... وبتعمل ايه هنا
اسر:ابدا يا هندسه..... سالت واللي يسال ما يتوهش
فريده:خير وعايز ايه
اسر وقد مال عليها ليهمس في اذنها:
ابدا لقيتك مش بتيجي قولت اجيلك انا
....انتي ناسية ان فيه بينا حوار لسه مخلصش
....ولا انتي نسيتي
فريده بعصبية:بص انا مش فاضيه للعبك ده
... انا ورايا شغل هنا اتفضل امشي
اسر وقد امسك بمعصمها :لا ... لا ...لا
يا حلوة صوتك ميعلاش عليا
وخصوصا هنا ده احنا هنطول مع بعض
فريدة:قصدك اييييييييه
منصور:فيه حاجة يا هندسة
فريده: لا ابد......
قاطعها اسر :اهلا..... اعرفك بنفسي انا بشمهندس اسر سيف الدين
و المسئول الجديد عن المشروع ده...حضرتك مين بقي
منصور :انا الريس منصور المسئول هنا عن العمال و توريد الاسمنت
....حضرتك اخو البشمهندس ادم مش كده...
اسر:ايوة... تشرفنا ياريس منصور انا هبقي اعدي عليك
علشان تقولي عدد العمال والاسمنت
اللي انت بتورده وافهم منك علي شويه حاجات
منصور وهو ينظر الي فريده :تحت امرك يا هندسه اني في الخدمه.
....اسيبكم اني بقي واشوف العمال
اسر:عشت يا ريس منصور منشتغناش
كانت فريده تستمع له وهي في دهشه
وبعد ان رحل منصور انفجرت في اسر
فريده بعصبية: انت ايه اللي قولته ده...
مين اللي مسئول جديد عن المشروع.....ومين عينك اصلا
اسر وبكل برود: انا....بصي يا حلوة ....
المشروع ده من الاول تبع اوميجا نصر واي حاجة
تبع اوميجا نصر انا شريك فيها ومسئول عنها والعقود بتقول كده.
..وانا عاجبني المشروع وقررت اتابعه بنفسي
فريده:العقود ديه تبلها وتشرب الميه بتاعتها
....المشروع ده بتاعي انا وانا المسئوله عنه
اسر:قصدك بقي بتاعنا وانا بقي مش هسيبه
.....انتي ناسيه اني المشرف والمسئول عن اي مشروع يا ديده
فريده بعصبية وصوت عالي:لا بقي ....كله الا ده انت بتحلم
اسر بغضب:قولتلك وطي صوتك احنا هنا في موقع شغل
اتي ادم من بعيد بعد ان لمح اسر
ادم:ايه ده انت جيت فعلا
فريده بغيظ لادم:انت كنت عارف انه جاي ومقلتليش
.....لا وكمان عين نفسه المسئول عن المشروع
ادم: والله يا فريده هوا اللي فرض نفسه علي المشروع
....واصر انه ييجي هنا
فريده:وان شاء الله ازاي يبقي مسئول
عن المشروع وهوا ميعرفش عنه اي حاجة
ادم بخوف من اسر:بصي انا مش هقدر اتكلم في الموضوع ده
....عندك اسر اهو اتصافي انتي وهوا وارسو علي حل
وخلوني انا بره الموضوع كفايه اللي حصلي منه
اسر :جدع ياض انا كده مبسوط منك
.....وبعدين مين قلك اني معرفش حاجة عن المشروع
مش عيب عليكي يا هندسه..... بقي اسر سيف الدين يبدا في مشروع
من غير ما يعرف عنه كل حاجة.... انتي تعرفي عني كده
فريده لادم:اهااااااا....انا كده فهمت سبب اللي عمله فيك
.....علشان تقوله علي المشروع ...
وانت من اول قلم روحت معترف وبعت القضيه
......تصدق يا ادم حلال اللي عمله فيك
ادم:ماهو انتي مجربتيش ايده ده مفتري
....وبعدين قضيه ايه اللي بعتها يا فريده...
محسساني انها قضيه قوميه
فريده:واكتر كمان
اسر :يلا بقي يا هندسة نشوف الشغل
...وترسيني ع الحوار كده علشان نظبط مع بعض.
...يلا يا ادم روح انت علي شغلك...
فريده:بعينك يا اسر ....اللي بتقول عليه لا يمكن يحصل
...ده مشروعي... مش ممكن اوافق
اسر وهو يقلد فريده:مش مشكلتي توافقي او متوافقيش
....العقود بتقول كده ..زوانتي مجبره انك توافقي
.....بلاش الحمقيه الزياده ديه يا ديده....
مش ده كلامك ولا انا نسيت حاجة....
ويلا بقي علشان نلحق نخلص
فريده بغل:انت بتردهالي يعني
....بس انا مش هسكت وهتشوف
اسر ببرود:منكم نستفيد يا ديده....
بس ايه النيولوك الجديد ده....انتي بتشتغلي هنا ايه يالظبط .
...هوا فيه ورشه تصليح عربيات هنا متطوعه فيها ولا ايه
فريده بغيظ:اوووووووف...
اسر:بالراحه علي نفسك يا ديده
....لحسن يطقلك عرق ولا حاجة
فريده:بطل تقولي الاسم ده...
اسر:ليه يا ديده...ده اسم حلو
...ولا تحبي اقولك يا فيري....اختاري
فريده وهيا تمشي من امامه بعصبيه وغيظ:صبرني يارب...
اسر بابتسامه:هههههههه....انتي لسه شوفتي حاجة...
>>>>>>>>>>>>>>>>>>>>>>>>>
ياسر لنفسه:يومين وجايلك يا فراوله
...اسيبك بس تستوي شويه
>>>>>>>>>>>>>>>>>>>>>>>>>
رحلت فريدة بعيدا عن اسر
وبغضب عاتبت ادم :كدة يا ادم يعني كنت عارف انه جاي
....وكمان عين نفسه مسئول عن المشروع.....
يعرف ايه هوا عن المشروع....وبعدين مسكني من ايدي اللي بتوجعني
.... وان العقود بتقول انه المسئول عن ادارة المشاريع...
ادم.:فريدة انتي اللي بدأتي.... وجبتي طارق...
والمفروض تكوني عارفة ان اسر مكنش هيسكت
.... ع اللي حصل وهيردلك الالم
فريدة:.ماكله بسببك لو مكنتش قولتله.
.. مكنش عرف عن الموضوع حاجة.....
وبعدين احنا ناقصينه هنا.... مش كفايه الزفت اللي احنا فيه
.... وتعطيل الحال فاضيه انا لاخوك
ادم:معرفش بقي...اللي حصل حصل.
...بعدين اسر يعني مش هيبوظلنا المشروع.
...هوا اعقل من كده
فريدة بسخريه:.هوا اخوك عنده عقل اصلا
....وبعدين هيتعامل مع الناس هنا ازاي...
انت ناسي احنا اخدنا وقت قد ايه علشان نخليهم يثقوا فينا
...هيقدر يتحمل هوا الناس هنا...ده انسان متكبر مش شايف غير نفسه
اسر بغيظ مكتوم من خلفها.:ده اللي هوا انا.
..بصي لولا اني عايز اشوف الشغل ماشي ازاي.
...كنت هقف معاكي واسمعك...
وانتي بتمدحيني وتمجدي في صفاتي
..بس انا في الشغل مش بحب العطله....
واتفضلي قدامي علشان نشوف الشغل ماشي ازاي...
اتفضلي ومتنسيش اني هنا الامر الناهي
يعني كلامي هوا اللي يتسمع
فريده بغيظ:.انا ماشيه من هنا رايحة لزوزو.... بدل ما اطق
اسر ببرود:.علي فين يا حلوة.... لسه الشغل مخلصش...
ومفيش تزويغ انا احب كل حاجة... تمشي مظبوط ...
وبعدين اتعدلي معايا احنا مطولين هنا مع بعض
فريدة:.اللهم ما طولك يا روح...
بص انت مش بتقول انك مكان ادم
اسر: ايوة
فريده.:يبقي خلاص ادم عندك....
اهو يفهمك اللي انت عايزه... وحل عني بقي
... خليني اشوف شغلي ومصالحي
اسر:.قصدك مصالحنا...وبعدين انا عايزك انتي اللي تفهميني
....اصل الولا ادم مش بيعرف يشرح ويفهم
فريده: ....صبرني يا رب انا ماشيه..
ادم:.اسر وحياه ابوك خف شويه...
احنا هنا في موقع شغل مش ناقصين جنانك....
انت وفريدة وبعدين المشروع ده مهم عندي انا وفريدة...
ومش عايزين لخبطه ده شغل ناس
اسر:.ماهو علشان مهم عند فريدة...
انا هتوصي بيه زيادة وبعدين متقلقش انا من امته
بهزر في الشغل..انا ناوي اظبطه متقلقش
ادم:.تظبطه ازاي.... انت متعرفش حاجة عنه
اسر:.لا يا خويا اعرف انا عملت سيرش عنه....
وعرفت كل حاجة ...حتي النقص اللي في المواد عندكم
دهش ادم من المعلومات التي بحوذة اسر عن المشروع
وعلمه ايضا بالمشاكل الحاليه.
ادم:بس انت عرفت ازاي
اسر بغرور وهو يلكز ادم في ذراعه:.
عيب اوي لما تسال القشاش... ازاي يعرف المعلومات ديه.
... انا هعرفك اخوك ولا ايه
ادم بضحكة: .لا طبعا هوا القشاش تخفي عنه حاجة...
لازم يمشي ورا اللي عاوزه لحد ما يجيبه
نسيت اقولكم ان اسر معروف في عالم رجال الاعمال باسم القشاش
وده لانه اي صفقة بيعوزها او اي مشروع بيدخله بيقش فيه عمره ماخسر في
حاجة قبل كدة عامل زي قطر القشاش بيقش اي حاجة قدامه
اسر :.طب يلا بقي علشان نشوف مصالحنا يا دومي...
.الا مين زوزو ديه اللي فريدة راحت عندها
ادم:.وبتسال ليه ...ده مش تبع الشغل
اسر.لا ماهو انا عايز اعرف كل حاجة...
عن الحي ده بره و جوا الشغل
شرح ادم لاسر العمل واراه العديد من الاشياء
وقابل اسر الريس منصور وافهمه عن المشاكل التي تواجههم
>>>>>>>>>>>>>>>>>>>>.
بعد انتهاء الاعمال رحل اسر وعاد ادم الي منزل زوزو
زوزو:يا فريده اهدي مالك بس ياحبيبتي ...
فريده:انا يعمل نفسه ريس عليا
...ليه فاكر نفسه مين...انا هوريه
زوزو:يا بنتي خوتيني...عماله تكلمي نفسك من الصبح...
فريده:انا يقولي قدام العمال مسمعش صوتك..
.انا يتامر عليا...لا وايه هوا اللي هيشرف عام
زوزو:لا اله الا الله...طب قوليلي انتي بتتكلمي عن مين
فريده:عن المخفي اللي طلعلي في المقدر ده....
زوزو:مين يا بنتي
فريده:الزفت اسر...
زوزو:اهااااا....انا كده فهمت
...مش ده اخو ادم اللي حكيتيلي عنه...وانك بتحبيه
فريده بعصبيه:حبه برص في ليله العرس.....
انا احبه ...لا ده انسان غبي ...
زوزو بضحكه:امال متعفرته ليه ...ايه اللي جاب سيرته الوقتي
فريده بغيظ:البيه جاي الموقع وعاملي فيها الريس
وهوا اللي هيمشي الشغل...بس انا مش هسكت
ادم :يا بنتي اهدي...هوا عملك حاجة الراجل
كان بيشوف شغله...واهو مشي
فريده بغيظ: في داهيه الهي ما يرجع البعيد
...انا لو شفته هطلع روحه في ايدي
ادم:من ايه ده كله ....هوا معملش حاجه...ده...
فريده:اخرس ...مش عايزة اسمع صوتك انت السبب
...امال لو مكنتش قيلالك انك متجبش سيرة لحد عن المشروع
كنت عملت ايه....مسكت ميكروفون ولا ذعتها....انت السبب
ادم:الله...انتي هتقلبي عليا ولا ايه....
وبعدين من اعمالكم سلط عليكم يا فريده
زوزو:خلاص بقي ...ارحموني شويه.
...وانتي اهدي شويه يا فريده بقي
...بعدين ماهو الراجل معملكيش حاجة
...انتي بس اللي بتتلككي...
فريده بغيظ:انا اللي بتلكك ماشي يا زوزو....انت كمان في صفه
زوزو:لاني عارفاكي يا فريده...وبعدين هوا شكله جد في الشغل...
فريده:كلكم عليا يعني....
ادم:بقولك ايه يا فريده..انا تعبان وعايز امشي ....يلا بقي
فريده:...بقولك ايه يا ادم انا مش عايزة امشي
...امشي انت وانا هبقي امشي بعدين
زوزو:لا....يلا يا فريده الوقت اتاخر...وانا اخاف عليكي في الليل ده
ادم:سمعتي ...يلا بقي انا عايز انام
فريده:يلا يا خويا...
>>>>>>>>>>>>>>>>>>>>>>>.
مر اسبوع بدا اسر فيه التعود علي العمل ولا يخلو من مضايقه فريده
سواء بالتدخل في عملها او نهرها امام العمال
وعدم قدره فريده علي الرد وذلك لان اسر
كان جادا في عمله ويتخذ ذلك حجة لتوبيخ فريده
وفي اليوم التالي كانت فريدة تعاني من نقص الموارد
وحاولت الاتصال بعدد من الموردين لاحضار المواد الناقصه
واثناء انشغال اسر وادم في العمل و العمال
تفاجئت فريده بوجود ياسر في الغرفه الخاصة بها و بادم
وقد اغلق الباب خلفه
ياسر بنظرة خبيثة:الحلو قاعد لوحده ...قولت اونسه....ليلتنا فل