الفصل 40
حمزة :فريده ....ادم... كنت عايزكم
فريده:خير يا حمزة...
حمزة:بصي يا فريده....فيه شويه مشاكل كده انا سامع بيها
ادم:مشاكل .....مشاكل ايه يا حمزة...
حمزة:انتو عارفين الارض اللي علي اول الطريق وانتو جايين ديه
ادم:ايوه .....مالها
حمزة:بصراحة كده يا جماعة .... مجموعه الناس الي اشتروها
... سامع انهم بتوع مشاكل
فريده:طب واحنا مالنا ومالهم يا حمزة
حمزة:منا جايلك في الكلام
هما عملوا فيهاعمارات ومول كبير....
ومش عاجبهم اللي انتو بتعملوه
فريده :ازاي يعني...
حمزة:يعني انتو بتبنوا الشقق وتجددوا الحي
ومشروعكم جاي عليهم بخسارة
....الناس بتشتري منكم وتشطب علشان السعر اقل...
ادم:اهااااااا...قصدك يعني اننا بنقطع عليهم
فريده:بس احنا بنعمل كده من سنين.
...ايه اللي جد يا حمزة
حمزة:اللي جد يا فريده انهم كانوا فاكرين انكم خلصتوا الموضوع
....لكن لما رجعتم تاني ....اضايقوا
ادم:يعني هما عايزين ايه بالظبط
حمزة:يعني ...تزودوا السعر شويه....زيهم...
فريده:بص يا حمزة احنا مش بنعمل حاجة غلط....
هما عايزين يشتغلوا يخفضوا سعر الشقق...هي مش سرقة
.... كل واحد يبنيله عمارة ويقشط الناس الغلابه اللي مش لاقيين....يتفلقوا
حمزة:انا حبيت بس اقولكم علي اللي بيحصل
ادم :وانت عرفت منين
حمزة بضحكه:ايه يا ادم ....انت نسيت اني الظابط
المسئول عن المنطقة ولا ايه....كل الاخبار بتوصلني
....وبعدين انا كنت معاكم في المشروع من الاول ....واي حاجة تبعه تهمني
فريده:كتر خيرك يا حمزة
حمزة:ماشي ....انا همشي ورايح القسم الوقتي
....بالحق يا فريده متزعليش من مريم
فريده:هيا لحقت تقولك....بص ياحمزة
انت عارف انا مليش وسطه في الشغل
حمزة:ابدا والله...هيا بس كانت خايفة لتكوني لسه زعلانه منها
ادم:لا يا سيدي ...هيا مش زعلانه من مريم
...وبعدين ديه شدت الشركه كلها ...مش خطيبتك بس...اطمن
فريده:انت عارف ياحمزة لولا معزتك عندي ....انا كنت طلعت عينها
حمزة:ههههههههه....متشكرين يا ست فريده....الحق اشوف شغلي انا بقي
حمزة هوا الظابط المسئول عن الحي و الموقع الذي يعمل به ادم وفريده
جاد في عمله وهو ايضا خطيب مريم سكرتيرة فريده.
...رأها مع فريده منذ عام وقام بخطبتها
>>>>>>>>>>>>>>>>>>>
في اليوم التالي ذهب اسر الي مكتب فريده ولم يجدها وتحدث الي مريم
اسر:مريم هيا فريده مش جايه ولا ايه
مريم:لا يا فندم ...مش جايه النهارده
اسر بضيق:امال هتيجي امته....والشغل المتعطل ده....هيا مشغوله في ايه
مريم:معرفش يا فندم بس هيا مشغوله اليومين دول ومش جايه الفترة ديه
وبلغتني اي حاجة ابلغهالها في التليفون.....حضرتك عايزني اقولها حاجة
اسر:يعني مش جايه الفترة ديه.....هه لا يا مريم شكرا انا كنت بسال بس
>>>>>>>>>>>>>>>>>>
اسر كان يفكر في طريقة حتي ينتقم من فريده
وذلك عن طريق المشروعات الخاصة بها
اسر:ولا يا جو عايزك
يوسف:خير يا اسر ....
اسر :بص كنت عايزك تجبلي كل المشاريع اللي فريده مشرفه عليها
يوسف:بس يا اسر...اللي اعرفه ان فريده
خلصت كل شغلها اللي في الشركه هنا
اسر:ازاي يعني ....ده كان فيه مشاريع لسنتين قدام
.... وفيه لسه الشغل فيها مخلصش
يوسف:ماهو اصل هيا ...كانت ظبطت الامور مع كاميليا.
...وخلتها مسئوله عن كام مشروع...علشان هيا مش فاضيه اليومين دول
اسر بضيق:يعني ايه....هيا سايبة شغلها لكاميليا.
...امال هيا بتعمل ايه
ومختفيه ليه اليومين دول....ديه مبتسبش الشركه غير للشديد القوي
...لازم اعرف الشغل اللي هيا مشغوله فيه ده ايه
بص خلاص روح انت ...
يوسف:اسر ...ناوي علي ايه
اسر:مفيش ...انا مشغول الوقتي ....يلا سكه السلامه ...انت بقي
>>>>>>>>>>>>>>>>>>>
في الحي
منصور:يا هندسه فيه ناس عايزين يقابلوكم...من فتره
فريده:ناس ...ناس مين يا ريس منصور
منصور:الجماعة اللي اشترت الارض اللي علي اول الطريق
ادم:اهااااا....اهلا هما شرفوا ....ماشي يا ريس منصور خليهم يتفضلوا
في المكان المخصص لاستراحه ادم و فريده
وهي غرفه صغيرة مبنيه لانهاء بعض اعمالهم فيها ومقابله الاشخاص
ادم :اهلا ....اهلا اتفضلوا...انا البشمهندس ادم
...وديه البشمهندسه فريده المسئولين عن الموقع ...خير
احد الاشخاص ويسمي مدحت:اهلا ...اهلا طبعا غني عن التعريف
...بص يا هندسه احنا كنا جاين في حاجة كده
ادم:خير ...اتفضل
مدحت:بصراحة كده ...احنا لينا عندكم حق عرب من اللي بتعملوه ده
فريده بضيق وقد فهمت ما يرنو اليه:
بص كده يا استاذ من غير لف و دوران....حضرتك جاي ليه...
مدحت:ماهو اصل....
ليقاطعه شخص اخر كان معه ويدعي ياسر:
انا اقولك احنا عايزين ايه يا هندسه:بصوا بقي اللي انتو بتعملوه
ده مينفعش معانا...انتو كده بتحاربونا في رزقنا
ادم:وده ازاي يعني....احنا بنعمل كده من سنين...
حتي من قبل ما انتو تشتروا الارض و تبنوها
ياسر:ايوة مختلفناش بس ...ده كان قبل ما نبني
...وانتو كنتوا خلصتوا ....وجه دورنا احنا
فريده:ايه هوا اللي دوركم بالظبط.... هيا جمعيه
...وبعدين احنا مش بنحارب حد
ياسر وهو ينظر الي فريده نظرات غير مريحه:لا يا هندسه.
...لما تبنوا وتبيعوا باسعار اقل مننا ...يبقي كده قطع عيش لينا ولا ايه
ادم:ديه مش مشكلتنا...احنا ده نظامنا من زمان ...ومش هنغيره
مدحت:بس يا هندسه....كده مش كلام الاسعار
ديه مش هتخلي حد يشتري مننا
فريده بضيق:والله عايزين تبيعوا نزلوا الاسعار
...كفايه جشع بقي...مش تبنوا الحاجة .......
وتاخدوا ضعف سعرها اربع مرات
ياسر و هو يتفحص فريده:ماهو السوق كله كده....وبعدين هوا ده النظام
ادم وقد لاحظ تلك النظرات:انت يا كابتن ...خليك معايا هنا.
..بص احنا النظام ده متفقين عليه من الاول
وكمان مش احنا بس لا الشركاء اللي معانا كمان ...فمتتعبش نفسك
فريده:ايوة هو ده النظام....عايزين تشتغلوا
....نزلوا الاسعار....ارحموا بقي علشان ربنا يرحمكم
ياسر وهو ينظر لفريده:يعني هو ده اخر كلام ليكم
ادم بضيق:ايوة ....مفيش اي كلام تاني
ياسر بضحكه خبيثه:وماله...بس افتكر اننا جينا لحد عندكم وعدانا العيب
....علشان متزعلوش من اللي هيحصل
فريده بحده وعصبيه:ايه ...انت جاي تهددنا هنا ولا ايه
ياسر:بالراحه يا هندسه مش كده...الوش الحلو ده ميلقش ليه التعصيب
...ولو اني مستغرب ازاي الحلاوه ديه كلها تشتغل وسط القرف ده كله
ادم بغضب:ماتحترم نفسك يا جدع انت ...لولا انك في مكاني
كنت عرفتك مقامك...اتفضل انكشح من هنا
...اللي عندنا قولناه...مشفش وشك هنا تاني
ياسر :وماله ....بس موعدكش اننا منشوفش بعض تاني
...الايام بنا كتير ونظر الي فريده ثم رحل
ادم:انسان غبي معندوش دم....والله كنت هتغابي عليه
فريده بضيق:معلش يا ادم هما كده
....ناس عبده للقرش....ميهمهمش غير القرش
ادم:لا وعمال يعاكس وانا قاعد....ويبصلك....
بقولك ايه ملكيش دعوة بالزفت ده لو شفتيه تاني متكلميهوش
فريده:يبصلي ....ازاي يعني....فيه ايه يا ادم
ادم:متخديش في بالك....يلا بينا ع الشغل ...ناس تفور الدم...
فريده:يلا بينا
>>>>>>>>>>>>>>
اخبر اسر مني ان تطلب كاميليا لمكتبه وبعد فترة حضرت كاميليا
كاميليا:خير يا بشمهندس ...حضرتك طلبتني
اسر:ايوة ...اتفضلي يا كاميليا...كنت عايز اسئلك عن شويه حاجات
كاميليا:خير ...انا تحت امرك
اسر:انا عرفت ان فريده كلفتك بكام مشروع
هيا كانت مسئوله عنه....ممكن اعرف ليه
كاميليا:والله معرفش....بس هيا قالتلي انها هتبقي مشغوله
في مشروع مهم ...وعايزة تتفرغله
اسر وهو يحاول اخذ معلومات منها عن المشروع:
مشروع ايه ده اللي يخليها تسيب
باقي المشاريع والشركه كمان علشانه
كاميليا:انا معرفش...كل اللي اعرفه انه مشروع مهم ليها
وكمان معاها ادم فيه
اسر:اهااااااا....طيب انتي متعرفيش اي حاجة عنه...
كاميليا:لا والله يا بشمهندس.....بس حضرتك بتسال ليه...
اسر :هه....لا بس كنت عايز اعرف علشان المشاريع وكده.....
شكرا يا كاميليا..... تقدري تتفضلي علي شغلك
كاميليا:انا تحت امرك يا فندم
اسر بعد خروج كاميليا:اهااااا....مشروع مهم ليها
....وكمان ادم معاها...يبقي مفيش غيرك يا ادم
اللي هيقولي علي كل حاجة والا....
>>>>>>>>>>>>>>>>>>>>>>
عاد كل من ياسر و مدحت الي جماعتهم
هنداوي:ها يا ولاد عملتوا ايه
مدحت بضيق:ابدا يا حاج ....مصممين علي اللي بيعملوه
هنداوي:يعني ايه ...مش هيرفعوا السعر...
مدحت:لا ....منشفين راسهم...
هنداوي بغضب:لا بقي ...كده هيتخرب بيتنا...
مدحت:يا حاج احنا اتكلمنا معاهم
...بس المهندسه اللي معاهم ديه صعبه شويه
هنداوي:ايه....يعني احنا هتعطل مصالحنا عشان
.... حرمه ممشياهم
ياسر: ومش اي حرمه يا حاج.
...حاجة كده تقفيل بره ...فراوله
هنداوي:انت رايح تشوف مصالحنا ولا تبصبص يا غبي
...هنعمل ايه في المصيبه ديه
ياسر بخبث:متقلقش يا حاج انا هتصرف.....
مدحت:ازاي يا ياسر....انت مش شايف راكبين دماغهم ازاي
ياسر بابتسامه خبيثه:متشلش هم...انا هعرف ازاي اتصرف
...ومع المهندسه ديه كمان
مدحت:اهاااااا...قولتلي...يبقي دخلت دماغك ....يابن عمي
ياسر:طبعا...وبصراحه انا زهقت من البلدي
...وحابب اجرب المستورد
اهو منها نشتغل ....ومنها نتمتع
مدحت:طب و الواد اللي معاها.
..انت مكنتش شايف بيبصلك ازاي
مدحت:متعولش همه...انا هتصرف معاه التاني
مدحت:انت مدام حطيت ايدك في حاجة
...بيقي خلاص نقول عليهم يا رحمن يا رحيم
ياسر :ههههههههه.....منتا عارفني قرصتي و القبر
>>>>>>>>>>>>>>>>>.
ذهب اسر الي انجي في النادي لمقابلتها
اسر:خير يا انجي اديني جيت اهو
انجي:بص يا اسر .....انا عايزة اعرف
...انا بالنسبه ليك ايه...وخطبتني ليه
اسر:يعني ايه......ما قولتلك اني بحبك....
انجي بحزن:بتحبني.....انت كداب يا اسر
اسر:انجي ...انا مش كداب....انا فعلا بحبك
انجي:انت بتكدب علي نفسك يا اسر...انت يمكن بتحبني
.....بس مش اكتر من اخت ليك
اسر: انجي....انا
انجي:لو سمحت خليني اكمل كلامي
....انا عارفة انت خطبتني ليه...علشان تغيظ فريده بيا لما سابتك مش كده
اسر بارتباك:انجي انا.....
انجي:بص انا عارفة انك لسه بتحب فريده....
اسر:لا يا انجي انا مش بحب فريده....
انا نسيتها خلاص بدليل اني خطبتك انتي
انجي:انت بتكدب علي نفسك يا اسر.
...ارحعلها ....ارجعلها وبطل تعذب في نفسك