الفصل 38
اسر بغضب:ده انا اللي هطيرك من الدنيا ديه كلها
بصي ...انا هموتك وارتاح منك ...كل اللي حصل ده كوم
....وطارق كوم تاني
هجم اسر علي فريده وقام بخنقها وسط صراخها:
عااااااااااااي...الحقوني.....ابعد عني هتخنق
اسرع ادم لانقاذ فريده:يادي النصيبه السوده .....البت هتموت في ايدك
اسر:انا هموتها وارتاح ....بقي انا يابنت ال......تعملي فيا كده
...مش سايبك غير لما اطلع روحك
يوسف وهو يبعده عنها: ....يالهووووووووووووي ابعد عنها يا اسر هتموتها
استطاع يوسف وادم ابعاد اسر عن فريده بعد معاناه
كانت فريده تعاني صعوبه في التنفس:اسرعت الي حقيبتها
واخذت بخاخ الخاص بها واستنشقت منه
وبحده:انت اتجننت كنت هتموتني
اسر:انا مش كنت..... انا هموتك ....سبوني عليها
كان ادم ويوسف يمسكان اسر بشده
فريده:ليه فاكرها سايبه ...ده انا اوديك في داهيه
اسر:هوا فيه داهيه جاتني اكتر منك...
.رايحة تجيبيلي طارق وعملاهولي شريك.
...ده انا هقتله واقتلك وارتاح ...
يوسف:اهدي يا اسر ...هتودي نفسك اللومان
اسر:السجن ارحم من خلقتها ...علي الاقل اريح نفسي
فريده:ههههه ومين اللي هيطولك انك تعمل كده
....يلا يا بابا روح العب بعيد
يوسف:يالهوي عليا وعلي سنيني.
.....اسكتي شويه.....انتي مش شايفاه عامل ازاي
اسر بغضب وهو يحاول الافلات من ادم ويوسف:
انا هلعب في عداد عمرك واخلصه....سيبوني عليها ...
ادم بحده:اسكتي يا فريده وامشي اطلعي بره من وشه
فريده:ده مكتبي ....هوا اللي يمشي....
يوسف:مش مهم مكتب مين امشي من وشه يا فريده احنا ماسكينه بالعافيه
فريده:هه....ولا يهمني .....انا هطلبله الامن
اسر بغضب :تطلبي لمين الامن
....بصي انتي اطلبي الاسعاف احسن
تحرر اسر من يوسف وادم وانطلق الي فريده مرة اخري
وجرها من ذراعها وهم ان يفتك بها
وكان سيلقي بها من النافذه
اسرع ادم و يوسف مره اخري ليخلصا فريده منه
فريده:عااااااااااااااااي ابعدوه ....ااااااااه
ادم بحده:امشي بقي يا فريده ....امشي
اسرعت فريده الي خارج المكتب ....وهي تقول لاسر
:برضو مش هغير رايي وطارق هوا الشريك الجديد....
واعلي مافي خيلك اركبه يا اسر......ولا قول انك خايف من طارق
اسر:يا بنت ال.....وربنا لموتك.....سبوني
...انتو ماسكيني كده ليه.....انا هموتها وهخلص البشريه منها
ادم:اهدي يا اسر مش كده ....الكلام بالعقل
اسر:هيا خلت فيا عقل.....ده انا هطلع عين اللي جابوها.....طارق....
ملقتش الا طارق ....منافسي ....وكمان اللي كان عايز ياخد المشروع
ادم:يا اسر ...انت عارف فريده بتفكر بطريقة عمليه مش اكتر
اسر بعصبيه:لا هي عامله كده ....قاصده انها تعفرتني....
انا مش هسيبها......هيا قاصده تجنني......انا هقتلها وادخل السرايا الصفرا
يوسف:طب ماهي بتفكر صح يا اسر.,...فكر فيها شويه
....لو كان خد المشروع كان ضاع علينا
اسر بغضب: انت اتهبلت انت التاني ...ما يغور ولا يولع بام المشروع.
....انا لا يمكن اشارك ابن ال......ده في حاجة حتي لو فيها حياتي
ادم:يا اسر طب هنعمل ايه ...فريده ومضت العقد و الشرط الجزائي كبير
ده ممكن يخرب بيتنا.....هو انا هقولك ....مانتا اللي عامل العقود
اسر وقد جلس علي الكرسي:لعبتها صح بنت الذين.....
بس انا برضو مش ممكن اسكت علي اللي حصل
يوسف:طب هتعمل ايه....اللي حصل حصل
اسر :ماشي هي جابتلي طارق في مشروعي
.....انتي الجانيه علي نفسك
يوسف:ناوي علي ايه.......
اسر:ناوي علي كل خير......انا عايزك بس
تبقي تتصل بابن ال.....وتحدد معاه معاد
ادم:اسر وحياه ابوك يا شيخ....بلاش جنون وتهور.
...انت ناوي علي ايه
اسر بحده:بقولك ايه ياض انت غور من وشي
.....مانتا المطبلاتي بتاعها ....وروح لهبابه بتاعتك ديه منتا معاها في كل حاجة
ادم:انا .....انا يا اسر ....ماشي انا مش هخد علي كلامك علشان انت متعصب الوقتي
اسر:خدك ربنا انت وهيا .....ابقي قولها اني وافقت علي الشريك
انا خارج من ام مكتبها مش طايق اي حاجة من وشها
>>>>>>>>>>>>>>>>>>>
كاميليا:ايه يا فريده اللي سمعته ده......صحيح
...طارق السيوفي....الشركه كلها بتتكلم .....
فريده:ايوة
كاميليا:لا ....يا فريده مش للدرجة ديه...انتي فعلا زوتيها...
طارق.....يافريده الكل عارف ان اسر وطارق اعداء
فريده:مش مشكلتي انا اللي يهمني الشغل وبس
كاميليا:يا فريده ده جنان
ادم من خلفها:قوليلها ....ديه دماغها ضربت ....اسر شايط ع الاخر
كاميليا:فريده اسر مش هيسكت علي فكرة....انتي كده هتضري الشغل
فريده:مفيش ضرر هيحصل ....انا عملت كده علشان المصلحة العامه.
....وبعدين ما طارق كان محترم معاه
هوا اخوك اللي حمقي....ومش بيطيق حد
ادم:فريده بطلي الكلام ده ....هيا مش ناقصه.
.....احنا حوشناكي من ايديه بالعافيه
كاميليا:ليه هوا ايه اللي حصل
فريده وهي تتحسس رقبتها:البيه فاكرها سايبة وكان عايز يموتني
كاميليا بخضة:طب وانتي كويسه......بس الصراحة ومن غير زعل
....عنده حق ....انا لو مكانه وجبتيلي منافسي
وفي مشروعي اللي بحارب علشانه كنت قتلتك
فريده بحنق:بصوا بقي .....انا اتخنقت ....
.ها ياسي ادم البيه خرج من مكتبي ولا لسه مبرطع هناك....وانا هفضل هنا
ادم:لا خرج يا فريده ....اتفضلي .....بس نصيحة يا ريت تمشي من الشركه الوقتي
...علشان لو شافك تاني مش عارف ممكن يعمل ايه تاني
......وعلي فكرة هوا وافق وهيتصل بيه علشان يحدد ميعاد ويشوفوا البرنامج
كاميليا بدهشه:معقوله وافق
فريده بانتصار:مش قولتلك هيوافق ....هوا بس عمله هليله
....وبعدين هيوافق...يلا انا رايحه علي شغلي
كاميليا لادم:ادم الموضوع ده مش هيعدي علي خير ....انا خايفة من اسر
ادم بقلق:وانا كمان اخويا وانا عارفه.....حاسس بمصيبة جايه.....ربنا يستر
ترك اسر مكتب فريده وخرج وفي طريقه قابلها في الردهة
وهي متجهة الي مكتبها وترمقه بنظرات التشفي والانتصار
فريده لاسر:مقولنا كده من الاول لازم تعمل الشويتين دول....وتزعق
اسر بغضب:انتي ايه مبتتهديش ....انتي عايزاني ادفنك الوقتي ويتجه نحوها
اسرعت فريده الي مكتبها بل ركضت اليه
يوسف وهو يمسك اسر:ابوس ايدك اهدي هتفرج الشركه علينا اكتر ما اتفرجت
اسر:انت مش شايفها يعني ....
يوسف:هيا بتعمل كده علشان تستفزك ......اهدي بقي
اسر:ماشي.....ماشي يافريده
>>>>>>>>>>>>>>>>>>>>>>>
انتهي اليوم وعاد كل منهم الي بيته
سليم:فريده...
فريده:ايوة يا بابي....... فيه حاجة
سليم:صحيح اللي سمعته ده.......
انتي جبتي طارق السيوفي شريك ليكي انتي واسر
فريده:ايه ده هوا الخبر لحق ينتشركده......ايوة وفيها ايه
سليم بضيق:ازاي يعني .....انتي بتهزري ....طارق واسر في مكان واحد
امال لو مكنتيش عارفة اللي فيها....سيف اتصل بيا ومضايق
فريده بسخريه:ليه ننوس عين مامي....جري علي باباه علشان يشتكيله
سليم بغضب:فريده اتكلمي عدل....سيف عرف من برا زيي....
فلاش باك
علم سيف الدين ان فريده قد جعلت طارق شريك لاسر
وان هناك خلاف قد حدث في الشركه فقام بالاتصال بسليم
سيف الدين بضيق:الو....ايوة يا سليم
سليم:اهلا ياسيف عامل ايه
سيف بضيق:زفت يا سليم.....شوفت اللي عملته فريده
سليم:ايه اللي حصل....عملت ايه فريده
سيف الدين:بقي ده كلام......فريده رايحة تجيب طارق السيوفي
....وتعمله شريك لاسر.....هيا مش عارفة اللي فيها
سليم بدهشه وضيق:معقوله....ديه اكيد اتجننت...
سيف :مش بس كده بلغوني ان اسر وطارق مسكوا في بعض
....وهيا مصممه علي انها تخليه شريك
سليم:لاااااااااا.....ده موضوع ميتسكتش عليه يا سيف....انا هكلمها ...
سيف:انا مش قولتلك يا سليم...
.اني قلقان من اللي حاصل وهيقلب بجد
سليم:لا ده ممكن يقلب بكارثة....انا عارف اسر وطارق واللي بينهم.
....كده فريده اتعدت حدودها .....انا لازم اكلمها....متقلقش يا سيف
سيف:ياسليم.....انت مش عارف اسر وعصبيته
ده ممكن يأذي فريده نفسها ....اسر لما بيتعصب بيخرج عن السيطرة
سليم بضيق:عارف يا سيف ......انا هشوف الموضوع ده....يلا سلام
سيف :ماشي يا سليم...سلام
باك
سليم :انتي ازاي تعملي كده...معقوله غيظك من اسر يوصلك للدرجة ديه
...انتي عارفة ان الموضوع ده هيقلب بكارثه
فريده بحنق:ايه هوا ده...كل ماواحد يكلمني يقولي كده.
....ده شغل والمصلحة اهم....وبعدين
حضرتك بتقول business is business ولا هوا لناس وناس
سليم:فريده انتي عارفة اسر ...ممكن يعمل ايه
فريده:ولا حاجة....انتو اللي مضايقين نفسكم ع الفاضي
....ماهو قبل الشراكه اهو
سليم بدهشه:قبل .....قبل انه يشارك طارق.....ازاي
فريده لانهاء الحوار:زي الناس المفروض الواحد يفكر في المصلحة العامه
.....وهوا هيتصل بيه علشان يتفقوا ...كبر بقي يا بابي.
...انا طالعه اوضتي علشان تعبانه موت......سلام
سليم لنفسه:ربنا يستر يا فريده ....انا مش عارف النهايه هتبقي معاكي ازاي
في غرفة فريده وهي علي فراشها :ياتري يا اسر هتعمل ايه
....ناوي علي ايه
بس انا هربيك.....
<<<<<<<<<<<<<<<<<<<<<<
عاد اسر الي المنزل
سيف:اسر....عايزك
اسر بضيق:عارف اللي انت عايزني فيه يا بابا.
...بص انا اصلا مش طايق نفسي
سيف:علشان كده انا مش عايزك تتهور....
...انا كلمت سليم وهوا هيخلي فريده تتراجع
اسر بغضب:بابا انا مش صغير علشان اخلي
حد يحللي مشاكلي انا اقدر اتصرف ....
وبعدين انا وفقت ع الشراكه
سيف:اسر ....انا عارف اللي بينك وبين طارق
ازاي توافق هتشتغل معاه ازاي...انت ناوي علي ايه بالظبط
اسر:مفيش يا بابا....فريده عندها حق
....المفروض الواحد يبعد المشاكل الشخصيه عن الشغل
سيف :اسر..انا مش مرتاحلك....ناوي علي ايه
اسر:قلت مفيش .....انا طالع اوضتي انام
سيف الدين ليوسف:جو ....اسر ناوي علي ايه هدوءه ده قلقني
يوسف بصوت هامس:الهدوء اللي بيسبق العاصفه.
....ابدا يا عمي علمي علمك...
سيف:يا جو ....ده سره كله معاك
يوسف:والله يا عمي ماعرف ناوي علي ايه....ربنا يستر
سيف:بس خليك معاه يا جو....انت عارفه متهور
يوسف:ان شاء الله يا عمي ...انا طالع انام ...كان يوم متعب
سيف:ماشي يا جو ....ربنا يجيب العواقب سليمه
عند اسر وهو علي الفراش:ماشي يا فريده....
انا وانتي والزمن طويل....شغلي قصاد شغلك....
مدام انتي لعبتي عن شغلي ...استحملي بقي
>>>>>>>>>>>>>…