الفصل 37
لجم اسر من المفاجأه فهو لا يصدق ان مايراه حقيقة
ادم:يا ليله سودة .....يا ليله طين علي دماغك يا فريده
مش ممكن ....معقوله ده الشريك
فريده بابتسامه :ايوة ....اتفضل يا طارق
طارق بابتسامه وهو يرمق اسر بنظره خبث :شكرا يا فريده
.....ازيكم يا جماعة ...ازيك يا اسر عامل ايه
اسر بعيون مشتعله من الغضب و الكره:زفت علي دماغ اللي خلفوك ......
انت .....انت بتعمل ايه هنا
طارق :ايه يا اسر....هيا فريده مقالتلكش ا
ني الشريك الجديد معاك في المشروع ولا ايه
اسر بغضب:مين اللي قال كده
فريده بتحدي :انا .....
اسر بغضب بالغ:وده ازاي ....انا لايمكن اسمح بده......
انتي اتجننتي ....انا وهوا في مشروع واحد
.....انتي جايبة عدوي وتقوليلي شريك
فريده:بص يا اسر المفروض الواحد يفكر بعمليه شويه
.....وميدخلش الخلافات الشخصيه فيها....business is business
يوسف:بس ده .....ازاي ...اشمعنه هوا
فريده:ابدا انا لقيت اننا بنتنافس علي مشروع واحد ......
.فقلت ليه منتعاونش مع بعض بدل ما حد يجي ياخد المشروع مننا
....واظن ان طارق من احسن الاختيارات
اسر بغضب:خيار مهبب علي دماغك ودماغه .....انا لا يمكن اوافق
انا مستعد اشارك اي حد الا البني ادم ده
فريده بتحدي:مش مشكلتي انك توافق او متوافقش
انا مضيت العقد وانت مجبر انك توافق .....انا هسيبك انت وطارق
تناقشوا الموضوع وتتفقوا علي البرنامج....وبلاش الحمقيه الزياده ديه....
انا رايحة مكتبي عندي شغل
بعد ان خرجت فريده علا وجهها بسمه انتصار
فهي تعلم كم يكره اسر طارق فهما من الد الاعداء والجميع يعلم ذلك
حيث انهما يتنافسان علي كل شئ....
فاذا حضر الاثنان في مكان واحد لا يمكن ان ينتهي الا بشجار ...
منذ الثانويه وحتي الكليه دخل كل منهما الهندسه عندا
في الاخر وتوالت الخلافات والعداء في العمل وخارجه
واصبح كل منهما يحاول ان يجعل الاخر يخسر مالديه
فريده:وريني بقي هتعمل ايه يا اسر بيه
فلاش باك
قامت فريده بالاتصال بطارق السيوفي
فريده:الوو....ايوة يا طارق .....معاك فريده الحسيني
طارق باستغراب:اهلا فريده عامله ايه
فريده:الحمد الله....طبعا يا طارق انت مستغرب انني بكلمك
طارق:بصراحة ايوة .....ولاني عارف انك شريكه اسر....
وانتي عارفة اني انا وهوا ....يعني.....
فريده:ايوة عارفه.....وعارفه كمان انك عايز مشروع روني وبتحاول تاخده من اسر
طارق:ايوة....
فريده:بص يا طارق من غير لف ودوران ......
....انا عيزاك تبقي شريك معانا في المشروع
طارق بدهشه:معاكو...تقصدي انتي واسر.....مستحيل ....
انا لايمكن اكون معاه في حاجة واحده.....وبعدين حتي اسر لا يمكن يوافق
فريده:عارفة يا طارق .....علشان كده انا بقولك ياريت نسيب الخلافات الشخصيه ...
طارق بخبث:اهاااااااا.....خلافات شخصيه....المفروض تقولي كده لنفسك يا فريده
فريده بارتباك :قصدك اييييه
طارق:قصدي انك عايزة تضايقي اسر بيا زي ماهوا خطب وسابك..
.....لانك عارفة هوا بيكرهني قد ايه
فريده بغيظ:علي فكرة ده مش صحيح.....انا بفكر في مصلحة الشغل
طارق:خلينا نلعب ع المكشوف يا فريده......
انا موافق اني ادخل معاكي المشروع....منها شغل...
.وبرضو فرصه اني اضايق بيها اسر ....ولو اني اشك انه هيوافق ع الشراكه
فريده:اوك.....ماشي يا طارق خلينا ع المكشوف....
.وانا موافقه ....ومتقلقش من اسر هوا كده كده هيوافق
....بس انت لازم تستحمل شويه....بص انت يهمك انك تضايق اسر
...وانا يهمني الشغل يمشي ومحدش ياخده
....ومادام مضايقتك ليه مش هتاثر علي شغلي ....ديل
طارق :ديل يا فريده......طول عمرك دماغك بيزنس......نتقابل امته
فريده:نتقابل النهارده في الشركه الساعة 12 علشان نوقع العقود
طارق:تمام ...هتلاقيني عندك في الميعاد ...سلام
فريده بابتسامه نصر:سلام.....(عدو ...عدوي....صديقي)
>>>>>>>>>>>>>>>>>>>
عوده الي غرفة الاجتماعات
اسر بغضب بالغ:انا هطلع عين اللي جابوك....انت ازاي تيجي هنا
طارق ببرود:اهدي يا اسر مش كده ....انا جاي علشان الشغل
اسر:شغل ايه يا ابن ال.......انت هتستهبل
...انت عارف اني لايمكن اوافق علي الشغل ده
طارق:مش بكيفك فريده وقعت علي العقد وانت مجبر .
...سواء رضيت او لا انا معاك في المشروع......
ومتنساش الشرط الجزائي ...واهدي كده وخلينا نتفاهم في الشغل
اسر:انا مش ههدي انا هقتلك الوقتي
....انت فاكر ان علشان الهانم وقعت معاك العقود هوافق
العقود ديه تبلها وتمسح بيها لامؤاخده قفاك
طارق:لا يا بابا العقود خلاص اتوقعت وانت هتوافق
....وبعدين انت خايف مني ولا ايه ...خايف اتفوق عليك
اسر بغضب:انت .....انت مين اصلا انت حشره انا افعصك برجليه
طارق:انا همشي دلوقتي وبعدين نبقي نتفاهم
ونتناقش في البرنامج ....وبسخريه..سلام يا شريكي العزيز
يوسف:اهدي يا اسر مش كده الشركه اتلمت علينا
كان صوت اسر جهوري غاضب مما جعل الموظفين يتجمعوا
ادم:انتو هنا بتعملوا ايه يلا كل واحد علي شغله
وليوسف :هديه يا يوسف لحد ما اشوف فريده يمكن اقدر احل الموضوع
اسر:انا بنت ال.....تعمل فيا كده....جيبالي ال......وتقولي شريك الجديد
يوسف:اهدي يا اسر ...ادم راح لها وهيخليها تلغي العقد
اسر بغضب:ده انا هلغي اسمها من السجلات النهارده
وانطلق ناحية مكتب فريده
يوسف وانطلق خلفه:استني يا اسر ....استني
>>>>>>>>>>>>>>>>
في مكتب فريده
كانت فريده تغني:انا في انتظارك خليت نارى في ضلوعي
وحطيت ايدى علي خدى وعديت بالثانيه غيابك ولا جيت..
ياريت ياريت ياريتني عمرى ماحبيت..
عايزه اعرف لتكون غضبان او شاغل قلبك انسان تيراريرارار
. ادم بضيق:يابرودك يا شيخة ليكي نفس تغني بعد المصيبه اللي عملتيها
فريده:وانا عملت ايه انا بفكر في الشغل بس
ادم بضيق :يا جبروتك ....فريده متستعبطيش.
...انتي عارفة ان اسر وطارق اعداء
.......انتي رايحة تحطي النار جمب البنزين
....ديه هتولع فيكي انتي
فريد:ياعم اهدي مفيش حاجة هتحصل....هيتفقوا متقلقش
ادم:يتفقوا ايه .....ده انا سابيهم ماسكين في بعض ...
.فريده لمي الموضوع وسيبك من طارق....انا عارف ان اسر ضايقك
.....بس مش لدرجة انك تعملي كده وتجيبي طارق لحد عنده.
...بقولك ايه يافريده ماتمشي من هنا الوقتي
لحسن اسر ممكن يرتكب فيكي جريمه
فريده:ايه اصله ده.....مش انت اللي قولتلي افكر بعقلي مش بقلبي
....روح قول كده لاخوك....ولا كنت فاكرني هستني لغايه ما المشروع يطير من ايدينا
في هذه اللحظة دخل اسر غاضبا وهو يركض ناحيه فريده
وخلفه يوسف الذي اغلق الباب لتفادي تجمع الموظفين
اسر بغضب:ده انا اللي هطيرك من الدنيا ديه كلها
>>>>>>>>>>>>>>>>>>>>>>>>>>>>>>>>
تجمع الموظفين علي اثر الصوت العالي
احد الموظفين:سمعت اللي حصل
موظف اخر:ايوة......ديه شكلها هتبقي معجنه
موظف اخر:طارق السيوفي ....مع اسر سيف الدين.....ديه ولعت
موظف اخر:انت مش سامع صوتهم واصل لحد فين
موظف اخر:وبيقولك ان البشمهندسة فريده مصممه عليه
.....وهتخليه في المشروع.....بس البشمهندس اسر مش ممكن يسكت
ده منافسه...ودايما بيدخلوا عند في بعض في مناقصات ....حتي لو مش لزماه
موظف اخر:ربنا يستر .....يلا بينا من هنا لحسن يطلعوا قرفهم علينا ....كفايه الخصم
موظف اخر:يلا بينا.....بس البشمهندس اسر ميستهلش اللي حصل
....هيا فريده ديه دايما مفتريه....
>>>>>>>>>>>>>>>>>>>>>>>>>>>>
اسر بغضب:ده انا اللي هطيرك من الدنيا ديه كلها
بصي ...انا هموتك وارتاح منك ...كل اللي حصل ده كوم
....وطارق كوم تاني
هجم اسر علي فريده وقام بخنقها وسط صراخها:
عااااااااااااي...الحقوني ....ابعد عني هتخنق
اسرع ادم لانقاذ فريده:يادي النصيبه السوده
.....البت هتموت في ايدك
اسر:انا هموتها وارتاح ....بقي انا يابنت ال......تعملي فيا كده.
......مش سايبك غير لما اطلع روحك