جنوني و عنادك - الفصل 36 - مكتملة | روايتك

في الصباح طلبت فريده في الهاتف من ادم ان يلحق بها علي الشركه ادم:الشركه ليه يا فريده....احنا مش هنروح الموقع فريده:لا يا ادم فيه حاجة مهمه في الشركه لازم نعملها فريده:عميل مهم جدا .......واااه وابقي قول لاخوك انه يحضر ادم بشك:فريده ....فيه ايه .....ايه اللي حصل امبارح.....صوتك مش مطمني فريده:ابدا يا ادم هوا علشان بقولك اننا نروح الشركه النهارده يبقي فيه حاجة ادم:لا ....بس....... فريده:يلا يا ادم سلام انا سايقة دلوقتي .....اشوفك في الشركه فريده لنفسها:هدفعك تمن اللي قولته ده يا اسر .... هخليك مش طايق نفسك.....استني عليا مبقاش انا فريده ان مخليتك تلف حوالين نفسك >>>>>>>>>>>>>>>>>>>>>> دلف ادم الي حجرة اسر ليوقظه ادم:اسر....انت ياعم.....اصحي اسر وهو يغطي راسه بالغطاء:عايز ايه يا زفت ....سيبني انام ادم:قوم ...قوم ....ياض....نموسيتك كحلي... فيه اجتماع مهم في الشركه اسر بنصف بنصف عين مفتحه وهو يستند علي الفراش:ا جتماع ازاي وانا وانت في البيت.... ادم:بقولك قوم ....اتصلوا بيا من الشركه فيه عميل مهم جاي ....ولازم تحضر اسر:حضرلك عفريت يا بعيد يقلقك زي ما قلقت منامي.... مفيش زفت اجتماع مانا في الشركه ... .ومفيش اي نيله علي دماغك النهارده ادم:بص قوم ...و فوق كده ..... والبس علشان هنروح الشركه الوقتي اسر بضيق:اخفي ياض من وشي ..... .انا اصلا حيلي مهدود من امبارح....البت انجي هدت حيلي في الرقص ....... انا اصلا مش رايح الشركه النهارده ادم:لا هتروح.....ماهو اصل فريده نبهت عليا انك لازم تحضر اسر وقد افاق:اممممممممم....قولتلي بقي.... ست فريده هي اللي قالت....هيا اتكرمت ورجعت الشركه.... ادم:ايوة ....مش هنروح الموقع النهارده علشان الاجتماع و العميل. ....اصلها بتقول لقت شريك لمشروع روني السياحية اسر :اهااااااا....طب غور بقي علشان البس .... ادم:ماشي....وانا هروح اصحي جو علشان يلبس اسر لنفسه:...هه فريده رجعت ...وجابت شريك. ......ياما جاب الغراب لامه....لما نشوف >>>>>>>>>>>>>>>>>>>>>> في الشركة كان الجميع علي قدم وساق وفريده توبخ بعض العاملين فريده للموظفين بغضب:ايه الاهمال ده بقي اغيب مده الاقي كم الاستهتار ده كله احد الموظفين:يافندم احنا ماشين تبع الجدول المحدد فريده:قصدك نايمين...الشغل متاخر ...والعملاء بيشتكوا موظف اخر:بس يا فندم حضرتك...البشمهندس اسر قال..... فريده بغضب :مليش دعوة اسر قال ايه..... العملاء عندي هما الاهم....مخصوم منكم تلت ايام.... وهتقعدوا وقت اضافي لغايه ما الشغل يخلص...... والكلام للشركه كلها....اتفضلوا علي شغلكم خرج الموظفين مكفهري الوجه احد الموظفين:مالها جايه حاميه اوي.... ده البشمهندس اسر ده عسل موظف اخر:ماكنا مستريحين من تحكماتها ......وكانت الحياه عال العال موظف اخر:هيا دايما كده.....ربنا يستر منها..... يلا بينا علي شغلنا ...كفايه الخصم >>>>>>>>>>>>>>>>>>>>>> كاميليا:ايه يا فريده ....انتي متعصبه كده ليه. ......صوتك واصل لاخر الشركه فريده:استهتار.....اغيب ...ارجع الاقي الشغل متعطل ....ومتاخر وانتي مقلتيش ليه ان الشغل متعطل كاميليا:الشغل كويس يا فريده....واسرممشيه كويس فريده بغضب:لا مش كويس....طبعا البيه مقضيها حب وغرام.... ومنفض للشغل....اربع عملاء لغايه دلوقتي اتصلوا وقالوا ان الشغل موصلهمش كاميليا:فريده اهدي ...متخليش اللي حصل امبارح ياثر علي الشغل فريده بوجه احمر وعصبيه:وانا من امته يا كاميليا هانم بدخل الامور الشخصيه في الشغل....بقولك ايه يلا روحي علي مكتبك شوفي شغلك ولا عيزاني اخصم من مرتبك انتي كمان كاميليا:وعلي ايه انا رايحه .... فريده:وانتي طالعه اندهيلي مريم كاميليا:حاضر >>>>>>>>>>>>>>>> مريم:ايوة يا فندم حضرتك عيزاني فريده بعصبيه:ازاي يا استاذة متقوليش ان فيه عملاء شغلهم متاثر وكمان اتصلوا بيا مريم بخوف:والله يا فندم انا قلت للبشمهندس اسر ....... وهوا قالي هتصرف فريده بغضب:ليه هوا انتي سكرتيرتي ولا سكيرتيرته هوا مريم:انا يا فندم..... فريده بعصبية:انتي ايه.....عارفة يا مريم لولا حمزة ...... انا كنت اتصرفت معاكي تصرف تاني .... انا هكتفي بلفت نظر وخصم زيك زي الموظفين... لكن لو اتكرر تاني اللي حصل ده ......رفد علي طول ...سامعه مريم:حاضر يا بشمهندسه فريده:اتفضلي علي شغلك...وحضري الاجتماع...... واول ما العميل يوصل بلغيني فورا في اوضه الاجتماعات >>>>>>>>>>>>>>>>>>>>>>>>> وصل كل من ادم واسر ويوسف الي الشركه ووجدوها تضج بالحركه الغير طبيعيه و ذلك لوجود فريده ... ....وهنا قابلوا علي و كريم كريم بضيق:اهلا انتو شرفتوا يوسف:ايييه ...فيه ايه مالها الشركه مقلوبه كده علي:ابدا فريده رجعت .....وعامله حمله تفتيش ادم:ومالك يا كيمو زي اللي مضروب ع الصبح كريم بحنق:هوا اللي يشوف فريده عايزه يبقي ازاي... .ديه هبطت علينا زي زعابيب امشير ...وخصمت للشركه كلها تلت ايام ادم:هههههههههههه.....ليه ده كله علي:ابدا لقت فيه شغل متاخر .....وقال ايه العملاء بيشتكوا كريم:هيا كده تموت في التكدير ......غابت شويه وارتحنا ....لازم ترجع تطلعهم علينا يوسف:هيا البت ديه مش بتتهد ......مفتريه دايما كده ....ولا ايه يا اسر ويغمز له اسر بنظرة ناريه:انا رايح علي مكتبي...سلام كريم:ماله ده .....طب احنا واصطبحنا بخصم.... انما هوا لاوي بوزه ليه....هيا ناقصه ادم:خلاص يا عم مكنوش تلت ايام..... يلا كل واحد يشوف شغله ...ولا عايزين فريده ...تخصم مرتبكم كله المرادي علي :وعلي ايه انا ماشي ادم:يلا ....وانا كمان اروح اشوف....هتلر.....ههههههه قصدي فريده >>>>>>>>>>>>>>>>>>>>>>> عند فريده ادم:ايه يا هتلر ده .....خصم من اول يوم رجوع....اهدي شويه فريده بضيق:بس و النبي يا ادم ده الشغل بايظ خالص ....والبيه مروق ع الاخر......وياتري جه ولا لسه ادم:ايوه جه معايا....هوا في مكتبه ....بس ايه حكايه الاجتماع ده فريده:ابدا زي ما قولتلك....لقيت الشريك اللي هيكون معانا في صفقة روني ...علشان القريتين اللي عايز يعملهم للسياحه ادم:بجد ...ده كويس اوي ....انتي عارفة ان الصفقه ديه مهمة ...اسر بيحارب علشانها قد ايه والمنافسين..... اسر اول ماعرف انك لقيتي شريك فط من ع السرير وجه فورا فريده بابتسامه خبث:ولسه لما يعرف مين الشريك هيتبسط جامد ...ده هيموت من الفرحه ادم:الا هوا مين ده يا فريده فريدة:اصبر علي رزقك ...وحصلني علي الاجتماع >>>>>>>>>>>>>>>>>>>>> في غرفه الاجتماعات حضر الجميع(اسر...ادم...فريده....يوسف) فريده لاسر:ايه يا بشمهندس اللي بيحصل ده .....كل ده شغل متعطل....امال كنت بتعمل ايه حضرتك في الشركه اسر ببرود:بقولك ايه مفيش حاجة متعطله ........واطلعي من دماغي دلوقتي انا اصلا مصدع فريده بتهكم:مصدع من ايه.....وبعدين اربع عملاء اتصلوا واشتكوا ومريم قالت انها قالتلك علي العملاء وانت قولت هتتصرف وبسخريه....بس طبعا حضرتك مقضيها حب وسرمحة مع الست انجي وسايب الشغل يضرب اسر بعصبيه:بت انتي بقولك ايه متستفزنيش ....والا انتي مش عارفة انا ممكن اعمل ايه ....ولا نسيتي امبارح...ويغمز لها فريده بعصبيه:ولا تقدر ....انت اصلا هوا ده اللي انت فالح فيه.... اسر:والله..... تحبي اوريكي الوقتي.... ادم:بسسسسسسسسسسسس.....هاف تايم ....انتو مش بتبطلوا خناق فريده :مش بقول اللي حاصل اسر:بصي في يومك اللي مش فايت ......انا اصلا مكنتش جاي ولا عايز اصطبح بخلقتك فريده بتهكم:امال ايه اللي جابك يا حيلتها. ....طبعا ماهو مال سايب اسر بعصبيه:لمي لسانك .......اللي جابني الزفت علي دماغك الشريك اللي قولتي عليه ....واخلصي وقولي فريده:خلصت روحك يا بعيد يوسف:ارحموني بقي .....انتو ايه مفيش غير خناق...اتهدوا بقي فريده واسر في صوت واحد ليوسف:اخرس انت يوسف:حاضر هتكتم ....ممكن بقي نتكلم في الشغل بقي فريده باقتضاب:طبعا انتو عارفين مشروع روني كبير مهم للشركه قد ايه ....وليه منافسين كتير عايزينه .....علشان كده انا لقيت شريك لينا .....وده هيساعدنا كتير علشان نبدأ في المشروع يوسف:ايوة اكيد.....والعقود جاهزة اهيه فريده :تمام اوي ..... اسر باقتضاب:المشروع مهم بالنسبه ليا انا شخصيا .... ومش هسمح باي غلطه فيه ....وعلشان كده انا عامل العقود ديه بنفسي..... فريدة:عارفة ....وانت كلفتني باني اشوف شريك مناسب ليه وبمجرد توقيع العقود هنبدا علي طول ادم:طب انتي واثقه في الشريك ده يا فريده فريده:ايوه طبعا.....وبعدين انت عارف اني لايمكن اشرك اي حد معانا وخلاص يوسف:طب هوا مين بقي فريده:هوا شويه وهتلاقيه داخل. ...انا همضي العقد بتاعي دلوقتي .... ادم:فريده انتي بمجرد ما توقعي العقد مش هينفع تراجع . ...انتي نسبتك 50% من الشركه .....يعني .... فريده:يعني ...ده يديني الحق اني اختار الشريك ....وكمان انتو توافقوا عليه علي طول ....واكيد انتو بتثقوا في قراراتي وقعت فريده العقد ....واخبرتها مريم ان العميل قد وصل ....فاوصتها بادخاله فريده:العميل وصل.....وداخل دلوقتي فتح الباب ليجدوا فريده بابتسامه خبيثه:اقدملكوا يا جماعه شريكنا الجديد .....طارق السيوفي يوسف وهو لا يصدق عينيه :اييييييييييه......مين... لجم اسر من المفاجأه فهو لا يصدق ان مايراه حقيقة ادم:يا ليله سودة .....يا ليله طين علي دماغك يا فريده مش ممكن ....معقوله ده الشريك فريده بابتسامه :ايوة ....اتفضل يا طارق >>>>>>>>>>>>>>>>>>>>>