جنوني و عنادك - الفصل 35 - مكتملة | روايتك

عمي انا كنت حابب ارقص مع فريده فريده:هاااااا.....لا بس انا مش عاوزة....يروح يرقص مع خطيبته اسر بخبث:ليه بس يا فريده ديه فرصة كويسه علشان الناس تاخد صورة كويسه ان العلاقات مابين العيلتين متاثرتش بفض الشركه وكمان خطوبتي ....ولا ايه ياعمي سليم:عندك حق يا اسر....روحي يا فريده ارقصي معاه فريده:بس يا بابي اسر وهو يجذبها من يديها :معلش يا ديده تعالي علي نفسك شويه وبهمس فكرك انك هتخلصي مني بالسهوله ديه....ده انتي وقعتي ومحدش سمي عليكي فريده بضيق:اييه ده انت بتجرني وراك كده ليه....سيبني اسر ببرود:ابدا .....انا حابب بس ارقص معاكي.... فريده:وانا قلت مش عايزة يا بارد.....روح ارقص مع خطيبتك ....ولا انت خاطبها ديكور اسر وقد احاط بخصرها وامسك بيدها ويرقص معها رغما عنها: ابدا .....بس زي ماقلت لابوكي ده علشان المنظر قدام الناس..... بس ايه الفستان الجامد ده.....ايه انتيجايه حفلة ولا رايحة عزا فريده بغيظ:عزاك ان شاء الله....يا باااااااي..... ايه الخنقة ديه. انت قافش فيه كده ليه...ابعد شويه اييييه ده اسر وهو يقربها اكثر اليه:لا ...انا مبسوط كده.... فريده:اووف...وانا مخنوقة منك....ياساتر ....انت خنقه ...حاجة كده تطبق علي النفس اسر بابتسامه بارده:ايوة انا فعلا ....بطبق علي النفس ...ب س مش بسيبها الا لما تطلع....بعدين يا ديدة احنا لازمن نتحاسب....... فريده:حساب ايه ....انت بتتكلم عن ايه.... اسر بغيظ:يعني مش عارفه المقالب اياها يا ديده فريده باستفزاز:اهااااااااااا....قصدك لما روقتك اسر بغضب وهو يضغط علي يد فريده ويعصر خصرها و يجذ علي اسنانه: ترويق....مقالب ....هتتحاسبي عليها ... فريده بالم و اقتضاب:ايه اللي بتعمله ده ....ابعد عني اسر:افردي بوزك يا حلوة....علشان الناس بتبص علينا اسر بغضب وهو يضغط علي يد بقوه فريده و خصرها و يجذ علي اسنانه: ولا انتي فكراني هسيبك فريده بالم و اقتضاب:ايه اللي بتعمله ده ....ابعد عني .........وبعدين....ولا تقدر تعمل حاجة قدام الناس اسر بابتسامه: وهما فين الناس دول يا فريده فريده بخضة :اييييييييييييه ده احنا فين >>>>>>>>>>>>>>>>>>>>> انجي بغيظ :ايه ده....شايفه يا مامي اسر ...... سايبني وبيرقص مع الهانم ازاي خلود:شايفة....بس عادي انجي:عادي ازاي......ازاي يرقص معاها ....هيا حفلتي ولا حفلتها خلود:بطلي هبل بقي ....ديه شكليات ...ان اسر يرقص مع فريده....... ده علشان يبين ان العلاقات بين العيلتين مش متاثرة ...افهمي بقي انجي:ولو ده انا مش هعديها خلود:بطلي حنان ...وعدي الليله علي خير..... واضحكي علشان الناس بتبص علينا >>>>>>>>>>>>>>>>>>>>>>>>>>> كاميليا:ايه ده مش ده اسر وفريده اللي بيرقصوا هناك ادم:ايوة صح......بس ايه لم الشامي ع المغربي كاميليا:اصلا فريده مش طيقاه .....ازاي ترقص معاه ادم:احم احم ......لاحظي ان اللي بتتكلمي عنه ده اخويا يا كاميليا كاميليا:سوري يا ادم .....بس فعلا هوا جرح فريده.... ومش عارفة هيا قبلت ترقص ازاي ادم:محدش يعرف دماغ فريده بتفكر في ايه.....بس وشها مش مبشر بالخير .... كاميليا:ربنا يستر ومتقلبش الحفله ادم:اقولك سيبك منهم وتعالي نرقص احنا كمان كاميليا:اوك ....يلا بينا >>>>>>>>>>>>>>>>> عوده الي اسر استغل اسر انشغال فريده في توبيخه وظل يرقص معها ويمشي بها حتي ابتعدوا تماما عن الحفل فريده:احنا ايه اللي جبنا هنا اسر :رجلينا يا حلوة....وبعدين مش قلتلك احنا لازم نتحاسب ..... فريده :ياوشك البارد يا لوح ....انت عايز مني ايه.....متغاظ من ايه اسر:مش انا اللي عايز ...انتي يا حلوة اللي عايزة.... وبعدين يا ديده مش انا اللي متغاظ وهطق .....ده انتي ... .اللي بتهري ....علشان كده عملتي المقلب ده فريده :قصدك ايه اسر بابتسامه:يعني انتي متغاظه ..... .علشان انا خطبت انجي وسبتك... فريده لاغاظته:لا يا بابا ...انا اللي سبتك... ولا انت ناسي وبعدين انت ولا تفرق معايا اسر :لا والله.....امال عملتي كده ليه ... وكل اما تشوفيني مع انجي ...بتولعي محدش يعمل اللي انتي عملتيه غير لو كان غيران... فريده:هاهاهاها....ايه ده انت بتراقبني بقي...لا يا حبيبي .. .انت انسان مغرور علشان كده فاكر اني دايبه فيك... .انت اصلا اللي محروق اني سبتك.... وعملت الخطوبه ديه علشان بس تفش نفسك.... وكنت فاكر اني اول ما هسمع انك هتخطب غيري ... هجري و ارجعلك.....ياخي ده بعدك مش انا فريده:هاهاهاها....ايه ده انت بتراقبني بقي...لا يا حبيبي .. .انت انسان مغرور علشان كده فاكر اني دايبه فيك... .انت اصلا اللي محروق اني سبتك.... وعملت الخطوبه ديه علشان بس تفش نفسك.... وكنت فاكر اني اول ما هسمع انك هتخطب غيري ... هجري و ارجعلك.....ياخي ده بعدك مش انا اسر :هههههه....وانتي فاكرة اني كنت دايب فيكي... .لا يا حلوة ...انا عملت كل ده وبينت اني بحبك علشان اتسلي و اكسب الرهان مش اكتر فريده بصدمه تحاول مداراتها: :يعني بتعترف انك كنت بتكذب عليا ...وكنت بتشتغلني ..... طب ابعد بقي وداست بحذائها علي قدمه.....انت فاكرني انا اللي دايبه فيك اسر بالم وهو يسك علي اسنانه:ااااااااه......يا بنت ال....ماشي قام اسر بازاحه فريده بقوة مما جعلها ترتطم السور واكمل ايوه يمكن انا مش فارق معاكي..... بس انا عارف اللي فارق معاكي وكايدك.....اني روحت وخطبت انجي.... انتي كنتي فاكرة اني هفضل اتحايل عليكي واقعد فترة اتحسر علي انك سبتيني....بس انتي اصلا ولا تفرقي معايا لاهو انتي فاكرة ان اسر كازنوفا ممكن يقع في حب عيله زيك. ...لا يا ماما كله كان تمثيل انا كل اللي كان يهمني انك تكوني رقم من الارقام اللي عندي في السجل مش اكتر ...لكن احبك انتي ...مستحيل فريده وهي تحاول كبح دموعها:اكيد طبعا كازنوفا لايمكن يكتفي بواحده بس امال يسيب مغامراته لمين اسر:انتي بالنسبالي زيك زي اي بنت انا بتسلي بيها ...كنت بعمل كده علشان كنتي عامله فيها البت اللي محدش يقدر عليكي...لكن طلعتي لا مؤاخذه فريده بحدة ووجه احمر من الغضب:انت ...بتقول ايه ....قصدك ايه من الكلام ده اسر :ابدا يعني يا حلوة عامله فيها قدمنا البت اللي مش سهله وانتي مدوراها فريده بعصبية:انت اتهبلت في دماغك ايه اللي بتقوله ده .... انت فاكر نفسك بتكلم واحده زباله من اللي تعرفهم اسر:لا ابدا ....وبعدين انتي هتنكري ليه منا سامعك وانتي بتكلمي حبيب القلب من شويه ....وكمان هتسافريله فريده بصدمه:انت ....انت بتقول ايه ...انت عارف انا كنت بكلم مين ....ده يبقي........ >>>>>>>>>>>>>>>>>>>>>>> سيف الدين:الله..... امال الولاد راحوا فين سليم:فريده واسر كانوا بيرقصوا مع بعض.... .بس هما فين ...كانوا هنا من شويه سيف الدين:انا مش عارف...ايه اللي بيحصل ده... .الاتنين اعند من بعض ....وبيحبوا بعض ...ليه الغلب ده سليم:بص يا سيف...اسر غلط......وكمان راح خطب واحده غيرها.... .وفريده عنيده ومتحبش حد يلعب عليها ولا يمكن تتخلي عن كبريائها سيف الدين :عارف يا سليم....بس احنا لازم برضو نوقف اللي بيحصل ده.... اللي بيعملوه ده شغل عيال ....وممكن بعد كده تقلب بحاجة مش كويسه ... والصراحة انا قلقان سليم:وانا كمان قلقان بس ربنا يستر يا سيف....احنا مفيش في ادينا حاجة نعملها.... سيف الدين:بس احنا مش المفروض نفضل نتفرج كده كتير >>>>>>>>>>>>>>>>>>>>>>>> اسر بغضب مكتوم:مش عايز اعرف...... اللي عارف كفايه انتي اخرك كده اصلا وبلحظة اقترب منها اسر وقبلها بقوة فريده بصدمه وهي تصفعه علي وجهه:انت ... انت واحد حقير وواطي.....طرااااخ اسر بغضب وهو يمشك بشعرها:ااااااااه يا بنت ال....... انا تضربيني بالقلم بصي انتي حسابك معايا تقل ....ومش هعديلك اللي عملتيه...بس مش دلوقتي.. .انا هسيبك بس علشان الناس ميلاحظش حاجة بس اصبري عليا يا فريده انا مش هرحمك......وسلام حاليا علشان زمان خطيبتي مستنياني وقام بدفع فريده بقوة مما جعلها تسقط ارضا ورحل ترك اسر فريده في صدمه مما سمعته فقد عرفت انها لم تكن في حياته سوي رهان اراد ان يربحه ويلهو به قليلا كما يفعل دائما مع الفتيات فهي في نظره مثلهم ليس لها دورا الا امتاعه اطلقت فريده لدموعها العنان حتي هدأت قليلا ثم عادت الي الحفل لابيها حتي تغادر >>>>>>>>>>>>>>>> عاد اسر لانجي التي كانت تستشيط من الغضب انجي بغيظ:حمدلله ع السلامه يا بيه ماهو بدري ... اسر :فيه ايه يا انجي ....بتتكلمي كده ليه انجي:لا والله ....يعني انت مش عارف اللي عملته ....سايبني ورايح ترقص مع ست فريده اسر:بقي انتي عامله الهليله ديه علشان كده انجي بغيظ:امال يعني ايه.... ديه حفلتي وانت سايبني اسر:يا انجي يا حبيبتي ...كل الموضوع ان ديه شكليات .... كان لازم ارقص معاها...علشان يبان ان مفيش حاجة ماثرة علي العلاقات انجي:يا سلام...انت تقولي كده ومامي تقولي كده....طب وانا اسر:انتي خطيبتي..... ومتزعليش يا ستي انا هفضل ارقص معاكي الليل كله لغايه ما تتعبي وتقولي كفايه....مبسوطه انجي:بجد ...يا اسر ....يعني انت عايزني مبسوطه اسر:طبعا يا روح اسر ....هو انا ليا بركه الا انتي كل هذا عندما لمح اسر فريده تاتي باتجاههم كاميليا:ايه ده مالك يا فريده انتي معيطه فريده بصوت مبحوح:ابدا يا انجي ديه حاجة دخلت في عيني ادم بشك:فريده هوا اسر عملك حاجة ...انتو كنتوا فين فريده:مفيش يا جماعة حاجة ....انا بس تعبانه وعايزة امشي ادم:فريده.... فريده:قولت مفيش يا ادم انا هشوف بابي علشان نمشي ادم لكاميليا:شكلها مش مطمني كاميليا:فعلا ....شكل فيه حاجة حصلت ادم:ايوة ....انا عارف اسر اخويا وغباوته كاميليا:طيب انا هروح معاها واشوف ايه اللي حصل.. ..... استني يا فريده انا جايه معاكي ....سلام يا ادم ادم:سلام.....ياتري يا اسر عملت ايه ربنا يستر >>>>>>>>>>>>>>>>>>>>>>> رحلت كل من سليم و فريده وكاميليا التي اصرت علي المبيت معها في غرفة فريده كاميليا:مالك يا فريده انتي من ساعة ما مشينا وانتي متكلمتيش ولا قولتي حاجة فريده:مفيش يا كاميليا كاميليا:ايه اللي حصل في الحفلة ...وازاي وافقتي ترقصي مع اسر فريده:هوا اللي اصر اننا نلرقص علشان نبين ان العلاقات بينا كويسه كاميليا:وبعدين ايه اللي حصل...ومتكدبيش عليا فريده ولم تستطع ان تتحمل اكثر وببكاء:البيه جاي يقولي ان انا كنت مجرد تسليه ورهان ....وكمان انا مدوراها وعامله فيها الشريفة قدامه وقاعده بحب في ده وده كاميليا:ايييييه...ازاي يقول كده فريده ببكاء مرير:سمعني وانا بكلم فادي ....وافتكرني بكلم واحد وبحب فيه كاميليا:طب وانتي مفهمتهوش ليه فريده:مش اداني فرصة اوضحله ...ده كمان.. .اهئ اهئ اهئ....باسني بالعافيه كاميليا بصدمه:ايييييييه...فعلا انسان قليل الادب ووقح فريده:انا خلاص ...مش طيقاه ....انا بكرهه بكرهه... كاميليا:خلاص يا فريده ....ده ميستهلش انك تعملي في نفسك كده علشانه فريده:عندك حق كل الرجاله صنف واطي ...محدش يستاهل ..... بس انا اللي عملت في نفسي كده من الاول وحبيته.... بس زي ما حبيته انا هسففه التراب هخليه يندم علي الكلام اللي هوا قاله ده كاميليا:فريده يا حبيبتي ...بلاش جنان ....انتي ناويه تعملي ايه فريده:هتشوفي >>>>>>>>>>>>>>>>>>>>>>>>>>>> في الصباح طلبت فريده في الهاتف من ادم ان يلحق بها علي الشركه ادم:الشركه ليه يا فريده....احنا مش هنروح الموقع فريده:لا يا ادم فيه حاجة مهمه في الشركه لازم نعملها فريده:عميل مهم جدا .......واااه وابقي قول لاخوك انه يحضر ادم بشك:فريده ....فيه ايه .....ايه اللي حصل امبارح.....صوتك مش مطمني فريده:ابدا يا ادم هوا علشان بقولك اننا نروح الشركه النهارده يبقي فيه حاجة ادم:لا ....بس....... فريده:يلا يا ادم سلام انا سايقة دلوقتي .....اشوفك في الشركه فريده لنفسها:هدفعك تمن اللي قولته ده يا اسر .... هخليك مش طايق نفسك.....استني عليا ..... مبقاش انا فريده ان مخليتك تلف حوالين نفسك