جنوني و عنادك - الفصل 34 - مكتملة | روايتك

اسر وهو يشرب العصير:ها عرفت بيقولوا ايه يوسف وهو يتناول كاس العصير من يد اسر : ابدا يا عم ابوك كان بيخطب فريده ليه قام اسر ببخ العصير من الصدمه وشرق اسر:كح كح كح ..... وبحده ايه انت بتقول ايه ....انت اتجنيت يوسف:ايه ياعم وانا مالي ...هوا ده اللي كان بيتقال ....ده كمان كانوا بيحددوا ميعاد الخطوبه .... اسر بغضب:ازاي بابا يعمل كده.... وهي ازاي توافق يوسف:ازاي توافق ايه...ده ابوك ماصدق وقالها تقوله يا سوفه اسر بعيون مشتعله من الغضب:ازاي ...انا لا يمكن اسمح بالمهزله ديه .... يوسف:يا عم انت متزربن ليه.......ايه اللي يخصك يعني... اسر بغضب:ازاي ....اوافق ان ابويا يتجوز بت زي ديه .... انت ماتعرفش البت ديه ايه....طبعا تلاقيها ما صدقت ...تلاقي حد تلبسه العمه يوسف:ايه يا عم انت هتلبخ خلاص.......ده هزار انت صدقت اسر :هزار... يوسف:ايوة يا عم هزار .... اسر بغيظ:تصدق انك عيل.......احلي شتيمه....كنت هتجبلي جلطه ...غور ياض من وشي....غور جاتك الهم ....نشفت دمي.... يوسف:شاكرين افضالك يا محترم.....انا ماشي ...ماهو فعلا ... .اخره خدمه الغز علقة....انا ماشي..... انا كان مالي ماكنت بظبط نفسي مع المزة الحلوة اللي هناك. ...يلا اروح الحقها بدل ما حد يعلقها بسرعة ......................... انجي:ايه يا اسورة يا حبيبي مشغول عني في ايه اسر بضيق:ابدا يا انجي معاكي اهو انجي:طب تعالي معايا علشان نسلم علي صحاب مامي اسر بضيق:طيب ماشي >>>>>>>>>>>>>>>>>>>> عند ادم وفريده ادم:بتضحكي علي ايه يا فريده فريده:انت عارف يوسف جه ليه ادم باستغراب :ليه ماهو قال علشان يسلم عليكي... ..بس غربية انه يعمل كده فريده :بضحكه :ههههههههه......اسر هوا اللي باعته علشان يعرف بنقول ايه....بص شوف جري لعنده ازاي ادم وهو ينظر لهم:اهااااااا...عندك حق فريده:هاي يا كامي عامله ايه...بجد وحشتيني كاميليا:اه يا وحشه .....بقي كده تقطعي وتنسيني ولا حتي تكلميني...انا زعلانه فريده:خلاص يا كامي ...متزعليش الشغل واخد كل وقتي ادم:معلش يا كامي ...مشاغل ...بس ايه يا بت الحلاوة ديه ...ايه الفستان الجامد ده كاميليا بخجل:ميرسي يا ادم ...ده من ذوقك ادم:علي فكرة انا مش بجامل فريده لتترك لهم المجال:ايه ده مش ديه الاغنيه اللي انتي بتحبيها يا كامي ....متروح ترقص انت وهي يا ادم كاميليا:طب ....طب وهنسيبك لوحدك يا ديده في نفسها(قولي روحي ....قولي ...روحوا) فريده بضحكه:لا متقلقيش انا مش هتوه يعني ....وبعدين انا هعمل مكالمه دلوقتي ادم:خلاص يا كامي يلا بينا فريده بغمزة لكامي وبهمس:الله يسهلو ...عدي الجمايل بقي كاميليا وهي تمشي مع ادم والتفتت الي فريده وبتحريك الشفايف:بحبك اووووووي ادم وهم يرقصون:بس تعرفي ان البت فريده بتفهم كاميليا باستغراب:ليه يعني ادم:ابدا علشان خلتني ارقص مع اميرة الحفله كاميليا بخجل:بس بقي يا ادم مش للدرجة ديه ادم بابتسامه:ايه ده انتي بتتكسفي ....ب جد انا شايفك النهارده اميرة الحفله كاميليا في نفسها:اييييه ده انا بحلم ولا ايه الواد باينه هينطق ويقول....قول قول يا ادم ياحبيبي) ادم:كامي انتي روحتي فين ....نحن هنا كاميليا:هه...لا ابدا معاك ادم:لا معايا فين ده انتي سرحتي مني... اقولك تعالي نشوف حاجة نشربها في ام الحفله الناشفة ديه كاميليا بخيبة امل:اوك ...يلا بينا لنفسها: يعني كان لازم اسرح... ماكان ابو الهول هينطق ) بعد رحيل ادم وكاميليا شعرت فريده بالضيق الشديد خاصة عندما رات انجي ملازمه لاسر وملتصقة به فريده لنفسها:اووووووف....يا رب صبرني .... انا نفسي اروح واجيبها من شعرها البت ديه .. .لا و البيه ماصدق ومقضيها......خرجت فريده من القاعة الي الخارج لتستنشق بعض الهواء..... انا عارفة هوا بيعمل كل ده علشان يغيظني .... بس وانا ايه يهمني ...ياكش يولع وانا مالي متكدبيش علي نفسك يا فريده ... ده انتي هتفرقعي ..انتي بتحبيه وهتموتي عليه فريده:بسسسسس...بقي كفايه انا مش هخلص منك قامت فريده بالاتصال باخيها فادي فريده:الووو.... حبيبي وحشتني موت فادي:ديده...ياروحي.... ولك اشتقتلك ..... .ليش ما اجيتي مع الماما لهون فريده:معلش ياحبيبي ...ظروف الشغل فادي:لك تقبريني ...مشتاق شوفك واحكي معك امته راح تجي فريده:وانا كمان يا قلبي ....اوعدك اول ما اخلص شغلي هسافر علي طول واجيلك فادي:بدك توعديني....انك ما راح تطولي وراح تجي بكير فريده:اكيد ياحبيبي ...هو انا اقدر اتاخر عليك فادي:ماشي حبيبتي بتركك هلا نادين بدها ياني .... ...بحاكيكي بعدين فريده:ههههههه ...ماشي ماشي ... سلام يا حبيبي كل هذا واسر يستمع الي المكالمة وهو يشتعل من الغضب فهو عندما لمح فريده تخرج من القاعة خرج خلفها مسرعا اسر :ايه يا حلوة بتعملي ايه هنا فريده بخضة:اسر ...انت هنا من امته اسر ببرود مصطنع:ابدا من ساعة حبيبي وحشتني كنتي بتكلمي مين فريده:انت بتتصنت عليا...و انت مالك بكلم مين......... وبعدين ايه اللي طلعك هنا وسايب خطيبتك ليه اسر بغيظ مكتوم:ابدا كنت بشم الهوا فريده بسخريه:كنت بتشم الهوا ولا الهوا هوا اللي رماك اسر:قصدك ايه....اني جاي علشانك فريده:الله اعلم....وبعدين انتي بتكلمني ليه ....ماتروح تشوف خطيبتك اسر بابتسامه بارده:وليه الوش ده يا ديده .......ماكنتي من شويه مديه دور الحنيه وبصوت غاضب :ولا هي ناس وناس ...ليه المعامله الناشفة معايا ديه فريده بحدة:ايه ناس وناس ديه ...ماتحترم نفسك وبسخريه:ولا انت بتحب تجيب لنفسك التهزيق اسر بغضب:بقي انتي ياحته بتاعة تهزئيني انا ...... ده لاعاش ولا كان اللي يعمل فيا كده....ده انا هوريكي الويل فريده بضحكة استفزازيه:هههههه....انت كل ما تشوفني تقولي البقين الحمضانين دول ومش بتعمل حاجة ...اوووف ...غير بقي يا اسر بلاش الملل ده اسر وهو يمشي بخطوات غاضبه تجاهها وعيناه تدل علي الشر:طب انا هوريكي الوقتي انا هعمل ايه هم اسر ان يمسك بفريده ... ولكنها اسرعت الي الداخل في خوف منه سليم:مالك يا فريده فريده وهي تلتفت خلفها:هااا...ابدا يا بابي مفيش سليم:انتي كنتي فين انا كنت بدور عليكي فريده:ابدا يا بابي كنت بره بشم هوا سليم :/طب يلا تعالي علشان تسلمي علي عوني النجار. ......ده من اكبر رجال الاعمال في مصر ...اظنك سمعتي عنه فريده:اه ...ده بتاع شركات التعمير والاسكان سليم:ايوة وهينفعك كتير في مشروعك فريده:اممممممم...عندك حق يا بابي سليم:عوني بيه ...اقدملك فريده بنتي عوني :اكيد غنيه عن التعريف... وده ابني حسام فريده:ميرسي لحضرتك يا فندم..... وحضرتك كمان اشهر من النار علي العلم عوني:بجد يا فريده انا مبسوط من مشروعك وبفكر اساهم فيه وقلت عليه لابني...حسام حسام:فعلا مشروعك هايل يا انسه فريده وانا بنفسي بعمله دراسه علشان نبدا في المشاركه فريده بابتسامه:بجد انا مش عارفة اقول ايه .... بس المشروع ده انا فيه علشان بيساعد ناس كتير عوني:اكيد يا فريده الواحد لازم يساعد الناس .... ومنها برضو دعايه لنفسه مش كده ولا ايه يا سليم سليم:اكيد يا عوني فريده بابتسامه صفراء :اهااا دلف اسر الي الداخل في ضيق يحدث نفسه اكيد كانت بتكلم حبيب القلب مش قادرة تبعد عنه شويه لا وايه بتقوله انها هتخلص وتسافرله يعني فعلا زي ما الزفته سارة قالت يكش وهي مسافره الطيارة تولع بيها البعيدة لا وهي عماله حبيبي وروحي وقلبي يارب قلبك يقع اسر وقد لمحها مع عوني وابنه وده مين التاني ان شاء الله حبايبها بقو كتير لا بقي وارتسمت اليه فكرة شيطانيه اهو كده بقي مش هتعرفي تفلتي استلقي وعدك اسر وقد اقبل عليهم ايه ياعمي حضرتك هنا وفريده كمان سليم: ازيك يا اسر يابني عامل ايه اسر :الحمد الله يا عمي... عوني بيه هنا ....اهلا اهلا عوني :اهلا يا اسر...مبروك ولو انها متاخرة شويه اسر: الله يبارك في حضرتك ....عمي انا كنت حابب ارقص مع فريده فريده:هاااااا.....لا بس انا مش عاوزة....يروح يرقص مع خطيبته اسر بخبث:ليه بس يا فريده ديه فرصة كويسه علشان الناس تاخد صورة كويسه ان العلاقات مابين العيلتين متاثرتش بفض الشركه وكمان خطوبتي ....ولا ايه ياعمي سليم:عندك حق يا اسر....روحي يا فريده ارقصي معاه فريده:بس يا بابي اسر وهو يجذبها من يديها :معلش يا ديده تعالي علي نفسك شويه وبهمس فكرك انك هتخلصي مني بالسهوله ديه....ده انتي وقعتي ومحدش سمي عليكي