جنوني و عنادك - الفصل 31 - مكتملة | روايتك

عودة الي اسر اسر: معزوم علي الغدا يوسف:يا راجل وديه مشكله حد يبقي معزوم ويبقي زعلان كده.. طب منغير ما تقولي .....انا اجي معاك اسر:ماانت مش فاهم انا معزوم عند انجي وخالتي هيا اللي عامله الغدا يوسف:خالتك خلود ...... لا ليك حق تبقي بالمنظر ده.... بص انا رجعت في كلامي الصراحة الواحد مش مستغني عن عمره كريم بخضة:خالتك خلود واكل ....لا فعلا ليك حق تعمل كده ده اكلها ياساتر عليه ....... انا فاكر يوم الحفله اللي عملتوها علشان تخرج ادم وخالتك هيا اللي كانت عامله الاكل ..... كانت حاجة استغفر الله العظيم.... ده حتي الواد علي اللي مش بيعتق اي اكل مهما كان مرضيش ياكل اسر:ايوة وادم ساعتها خالتي قعدت توكل فيه باديها .... وياعيني الواد كان هيموت لولا لحقناه وساعتها عملناله غسيل معده يوسف:ههههههههههه.....لا وخالتك ساعتها مكنتش مصدقة ان اكلها هوا السبب ... وقالت انه كان واكل حاجة من برا هيا اللي عملتله كده.....بصراحة كان يوم مسخرة اسر:من ساعتها ادم حلف انه ماياكل من اكلها تاني ولو كان ايه....ا نا بقي مش عارف اعمل ايه....طب ادم وكنا موجودين ولحقناه ...طب انا مين هيلحقني يوسف: الله معك يا اخي ....طب معتزرتش ليه اسر:وهيا ادتني فرصة ارفض ولا حتي اقول حاجة كريم:طب انا عندي الحل اسر بلهفه كمن وجد طوق نجاه:قول قول بسرعة يا كريم الله يكرمك >>>>>>>>>>>>>>>>>>>>>>>>>>>>. عودة الي فريده وادم ادم:ياااااه .....كان يوم متعب تصدقي انا كنت نسيت الشغل ده فريده:مش قوي كده يا ادم كان يوم عادي ادم بغل:طبعا ياختي هو انتي كنتي بتعملي حاجة ..... غير كركر كركر عليا وانا عمال اروح هنا وهنا علشان اخلص من انشراح وهي لازقه زي الغرا فريده:هههههههه ....بس يا ادم انت بصراحة بتحرج البت ...وبتتكلم معاها وحش ادم:والبعيدة يعني بتحس ....ولا الهوا ....بقولك ايه انا جعان هموت من الجوع فريده:طب يلا بينا علي زوزو هيا محضرالنا اكله حلوه ادم:ايوة كده.....احبك يا زوزو ....اكيد اكله متينة من اكلاتها اللي ترم العضم فريده:طب يلا بينا بسرعة ....انا برضو جعانه >>>>>>>>>>>>>>>>>>>>>>>>>. كريم:بص انت اول ما توصل عند خالتك تتصل بينا علشان نعرف ان انت وصلت .... هوب شويه ونتصل بيك كان فيه شغل مهم جالك فجأه..... وهوووب تخلع من هناك يوسف:يابن اللعيبة جبتها ازاي ديه ....فعلا فكرة هايله اسر:حلو قوي ......تمام انا اول ما هوصل هناك هتصل بيكم وانتو بعديها تتصلو وتكلموني..... بس الله يكرمكم تلحقوني وتتصلوا بسرعة قبل ما ادبس في الاكل كريم:متقلقش يا كبير احنا هنظبطك...... ماهو برضو انت بتظبطنا في السهرات لو حصلك حاجة كده ولا كدة نلوص من بعدك اسر:ااااه يا واطي طول عمرك مصلحجي حقير ...وانا اللي فاكرك خايف عليا كريم:الله انت هتغلط ولا ايه ......يعني بعد الفكرة النيرة ديه مش هنطلع بمصلحة اسر:ماشي بس يعدي النهارده علي خير وليك عندي سهرة انما ايه مقولكش يوسف:الله عليك هوا ده الكلام .....بس يلا علشان نلحق نعمل الصوان يووووووووووووه قصدي تلحق توصل ونكلمك اسر:طيب انا ماشي بس اوعو تخلوا بيا يوسف:ياعم خلاص متقلقش هنلحقك ....مش كده يا كيمو كريم:كدة يا جو .....سلام يا اسر اسر :سلام >>>>>>>>>>>>>>>>>> >>>>>>>>>>>>>>>>>>>>>>> وصل اسر الي ال فيلا خالته وقام بالاتصال علي كريم اسر:ايوة يا كريم ....بص انا وصلت ...الله يكرمك خمسه وتتصل بيا ماشي كريم:خلاص يا بني والله هتصل متقلقش سلام بقي اسر:سلام ...... اسر وهو يدلف الي الفيلا ... رب اني لا اسالك رد القضاء ولكني اسالك اللطف فيه انجي بفرحه:اسر حبيبي انت وصلت انا مبسوطه قوي انك جيت اسر :اهلا يا انجي عاملة ايه انجي:كويسه وبقيت كويسه اكتر لما شوفتك من خلفهم خلود:اهلا يا اسر ...عامل ايه اسر لنفسه:لغايه دلوقتي كويس ربنا يستر......الحمد الله يا خالتي ...انتي عامله ايه خلود:كويسة .....يلا علي الغدا علشان عيزاك في موضوع كده بعدين اسر بخضة:غدا....طب مانتكلم الاول وبعدين الغدا ده يجي براحته ولا حتي ميجيش خلود بصرامه:قولت يلا علي الغدا انت عارف الغدا هنا ليه ميعاد محدد اسر بهمس:ايوه ...عامل زي الدوا المر بميعاد انجي:يلا يا اسر تعالي اقعد جمبي اسر:الله امال عمي فاروق فين مش باين خلود:مسافر انت عارف سفرياته مبتخلصش انجي:ايوة يا اسر احنا حتي مش بنشوفه كتير اسر:له حق يطفش من اكل امك ...انا مش عارف هوا صابر عليها ازاي خلود:بتقول حاجة يا اسر اسر :ابدا يا خالتي.... خلود:طب يلا كل قبل الاكل ما يبرد اسر بغصه:حاضر.....هما مالهم دول اتاخروا ومتصلوش ليرن هاتف اسر معلنا اتصال اسر:الوو ....ايوة .....ايه مش معقوله اكون نسيت ....طيب انا جاي حالا...سلام معلش يا خالتي كان بودي اقعد معاكي واتغدي بس فيه ميعاد مهم كنت ناسيه وهما اتصلوا بيا وقالولي....لازم امشي الوقتي >>>>>>>>>>>>>>>>>>>>>>>> معلش يا خالتي كان بودي اقعد معاكي واتغدي بس فيه ميعاد مهم كنت ناسيه وهما اتصلوا بيا وقالولي....لازم امشي الوقتي خلود بصرامه:لا مش هتمشي غير لما تاكل ..... مدام قعدت علي السفرة لازم تاكل.....يلا اسر:ياخالتي مش هينفع .......انا لاز.......... خلود بلهجة حازمه:قلت مفيش خروج من غير ماتاكل.... مش انا اتعب نفسي واعمل اكل وانت تمشي اسر بمرارة:حاضر.....حاضر ياخالتي هاكل اهو..... بدء اسر بالاكل علي مضض وهو يحاول ان يبدو طبيعيا انجي:مالك يا اسر ....انت كويس... .انت زعلان علشان الميعاد بعد الاكل يا حبيبي ابقي روح اسر :بعد الاكله ديه ....مستحيل.....خلاص الميعاد راح خلود بعد انتهاء الطعام:ها يا اسر كنت عيزاك اسر:خير يا خالتي كنتي عايزاني في ايه خلود:يعني عاجبك اللي حصل في الخطوبه ده .... بقينا مسخرة...و سيرة علي لسان الكل اسر بضيق:طب وبعدين يا خالتي ....يعني عايزاني اعمل ايه خلود :لازم نلاقي طريقة نرجع بيها برستيجنا اللي ضاع يا اسر اسر بحنق: وده ازاي ...ان شاء الله خلود:بحفله ننسي بيها الناس اللي حصل في الخطوبه انجي:ايوة يا اسر احنا نعمل بارتي كبير ونعزم فيه الكل ونبينلهم اد ايه احنا بنحب بعض اسر:وانا ان شاء الله فاضي للحفلات ديه انا ورايا شغل ....وبعدين انا ميهمنيش راي الناس خلود:لا ....انا بقي يهمني ....ولازم احسن منظرنا قدامهم يا اسر اسر بضيق لكي ينهي الموضوع:بصوا ....اعملوا اللي انتو عايزينه ....بس انا مش فاضي للكلام ده خلود بتعالي: وانت مش مطلوب منك حاجة ..... غير بس تحضر الحفلة وتبان بشكل يليق قدام الناس اسر بنفاذ صبر: حاضر ....حددوا انتو ميعاد الحفلة وانا هكون موجود ...ممكن امشي بقي علشان الحق ميعادي خلود:انا كده خلصت كلامي اسر :طيب انجي:استني يا اسر انا هوصلك لحد الباب..... بجد يا اسر انت مش عارف انا مبسوطه قد ايه انك وافقت علي البارتي ديه...ا نا هعزم كل اصحابي في البارتي ....علشان اغيظهم وابينلهم ان الحفلة ديه احسن من اللي فاتت اسر بضيق:طيب يا انجي ...يلا سلام انجي بحب:سلام يا اسر اسر لنفسه في السيارة:انا كان ايه اللي وقعني الوقعة السودة ديه...وانطلق الي المنزل