جنوني و عنادك - الفصل 26 - مكتملة | روايتك

فريده:عااااااااااااااااااا...... الحقوني حد يلحقني يا ناس اسر بغضب:اكتمي وامشي معايا من سكات فريده بصوت عالي :لا مش همشي معاك احد المارة :فيه ايه يا استاذ ايه اللي بيحصل ده اسر:مفيش حاجة اتوكل علي الله انت يا عم فريده برجاء:لا والنبي اوعو تسيبوني ده عايز ياخدني غصب عني اسر:بقولك اكتمي فريده:لا مش هسكت وسيب ايدي مش هاجي معاك هيا عافيه احد الماره:ليه بس كده باين عليكم عرسان جداد ومتخانقين فريده بدهشه :بس ده مش جوزي شخص اخر: ازاي يعني معلش يا بنتي امشي مع جوزك اسر وقد استغل الموقف:ايوه مراتي وعايز اخدها معايا فيها حاجة ديه وهيا مش راضيه فريده لنفسها :اه يابن ال.......... بقي كده طب استلقي وعدك اهئ اهئ لا انا مش عايزة اروح معاه شخص ما:ليه بس كده يا بنتي فريده:اهئ اهئ ده انسان كداب وسافل احد الماره:عيب كده يا بنتي مينفعش تتكلمي كده عن جوزك اسر:وهو مندهش من فريده لانها ايدت كلامه فاسترسل في الحديث: قولها يا عم الحاج فيه واحدة تشتم جوزها ومش عايزة تمشي معاه الحاج:عيب يا بنتي روحي مع جوزك وبلاش فضايح في الشارع فريده:لا مش ممكن انت مش عارف ده ممكن يعمل فيا ايه ده انسان غشاش انا بكرهه سيده ما:عيب يا حبيبتي الكلام ده وبعدين جوزك باين عليه ابن ناس ومتربي فريده:اهئ اهئ اهئ ...حضرتك متعرفيهوش ده بيضربني ويبهدلني ولو فتحت بقي اهئ اهئ مش قادرة اقول اسر بدهشه:انا فريده بدموع خادعة وخبث :ايوه واللي زاد وغطي انه خاين عرفت انه متجوز عليا وكمان عنده اهئ اهئ ......... بيبي وراميه لمامته وضحك عليا واتجوزني علشان فلوس بابي اسر بدهشه:انا ........شوفي ازاي فريده:ايوه ولما جيت اواجهه بهدلني وكمان عايز ياخد فلوسي قلت لازم اروح بيت بابا بس هوا زي مانتو شايفين منعني وعايز يرجعني معاه بالعافيه اهئ اهئ اهي اسر لنفسه: اه يكدابه يابنت الكدابين بقي انا كده طب ماشي امشي معايا يا فريده ولمي الليله وكفايه لحد كده اسر لفريدة: السيده:اخص عليك راجل واطي بقي بتضحك علي بنات الناس علشان فلوسهم ورامي ابنك ضناك السيده وهي تاخذ فريده في حضنها: تعالي يا حبيبتي في حضني بطلي عياط يا ضنايا انا عارفة كان ايه اللي وقعك الوقعة السودة ديه رجاله اخرزمن فريده وهي تنظر الي اسر في خبث وتتصنع البكاء: اهئ اهئ اهئ ...ضحك عليا وفهمني انه بيحبني وانا صدقته اسر لنفسه: (يخربيتك كل ده لحقتي تالفيه امته ده انتي تاخدي جايزة اوسكار ببراعه بس صبرك عليا) واكمل للماره: متصدقوهاش ديه بتكدب شخص اخر:قال وانا اللي بقول عليك ابن ناس طلعت لامؤاخذه اخص عليك اخص اسر وهو يشعر بالغضب :عاجبك كده فرجتي عليا الناس طب يلا انجري قدامي وربنا لاربيكي يا فريده فريده :لا و النبي متخليهوش ياخدني انا عايزة اروح بيت بابا امسكوه الله يكرمكم لحد ما امشي انا خايفة منه شخص ما:بقي بتستقوي علي واحده ست ده انت مش راجل اسر وهو يمسك بقميص الرجل:انا مش راجل طب انا هوريك انا مين الشخص: مين يعني عيل رمه بتضحك ع البنات علشان فلوسهم وعايش علي قفاهم شفولكم شغله بقي الله يخربيوتكم اسر وقد بدا يدخل معه في شجار : انا رمه طب انا هوريك الرمه ده هيعمل فيك ايه وطرااااخ بوووووووم كل هذا وفريده تتابع بضحكات مكتومه فقد صدق الماره مسلسلها واصبحوا يعنفوا اسر واستغلت هي الموقف وركضت الي سيارتها وقادتها مسرعة حيث منزلها وسط ضحكاتها وهي تغني انت معلم واحنا منك نتعلم نسكت وانت موجود ما نرضي نتكلم واللي خلاك ما يفهم يجيله يوم ويندم وماتسمع اللي يخدعك انت معلم لا ماتسمع اللي يخدعك انت معلم وتحدث نفسها: هههههههههههه الله عليكي يا بت يا فريده زمانهم روقوه الوقتي احسن علشان يحرم يقف في طريقي بس الحمد الله انهم لحقوني لو كان اسر مسكني كان فرمني هههههههههه تلاقيه هوا اللي بيتفرم دلوقتي >>>>>>>>>>>>>>>>>>>>>>>> انتبه اسر الي سيارة فريده المسرعة فترك الشخص الذي امامه واسرع الي سيارته في غضب:بقي كده يا فريده تعمليها فيا لا انتي كده حسابك تقل معايا قوي بس هتروحي مني فين ورحمة امي ما هسيبك يا فريده اسر وقد طلب هاتف فريده اسر بغضب :بقي انا يا بنت ال........ تعملي معايا كده فريده :هههههههه بلاش غلط يا اسر انت اللي بدات اسر:انا تخلي الناس تشتمني و في الاخر يقولو عليا رمه عايش علي كد النسوان فريده:ههههههههههه مش انت اللي عاملي فيها سبع رجاله في بعض وعايز تضربني استحمل بقي اسر بغضب شديد واستفزه ضحكات فريده: انا راجل غصب عن اللي جابوكي وارجل من عيلتك كلها وهوريكي يا فريده فريدة:انت بق ع الفاضي يا اسر ......وبلاش تلعب معايا لحسن انت مش قدي وسلام بقي ...ههههههه ......ياجوز الست .....هههههه واغلقت في وجهه الهاتف اسر:انا مش راجل يا فريده طب وعزة جلاله الله لهوريكي انا مين حاول اسر اللحاق بسيارة فريده ولكنها كانت قد اسرعت ولم يجدها فاستشاط غضبا وذهب الي المنزل وهو يسب ويلعن في فريده >>>>>>>>>>>>>>>>>>>>>>>>>>>>>>>> في اليوم التالي مر اليوم في الشركه وسط غضب اسر العارم لعدم حضور فريده الي الشركه حيث انها كانت تتحاشي ملاقاه اسر وايضا تستعد الي يوم الغد اسر لنفسه:يعني مجتيش النهارده بتهربي مني بس هتروحي فين ان مكنش النهارده اكيد بكرة انا وراكي و الزمن طويييييييييييييل ///////////////////////////////////////////////////////////// كان ادم يحاول ان ينظم المواعيد مع كل من كريم وعلي للتفرغ الي مشروعهم ادم:كدة تمام قوي احنا يعتبر ظبطنا المواعيد كريم:ايوة يا سيدي ..... بس فيه كام اجتماع الشهر ده لازم تكون موجود فيهم ادم:يا عم عارف وهكون موجود باذن الله كريم:انا نفسي اعرف انت بتغطس فين الايام ديه محدش بيشوفك شغل ايه ده ادم:يا عم وانت مالك خليك في شغلك مش لازم تحشر مناخيرك في كل حاجه علي:بس يا ادم متنساش صفقة الحديد بتاع شركه امجد بيه ده ديه مهمة ادم:متقلقش انا هخلي اسر يظبطها علي : ومتنساش الحلاوه بتاعتنا كريم:ايوه الله لا يسيأك يا ادم حاكم صاحبك ماشفر ع الاخر ادم:اكيد يا سيدي انت و هوا مش هنسي نسبتكم مش انتو المسئولين عنها كريم:حبيبي يا ادم ايوه كده حكم الواد ده داخل علي جواز وانا محتاج شويه حاجات برضو علي:ايوة يا ادم والنبي حكم ملك عماله تزن علشان نخلص ادم :طب علي ووراه جواز وكل فلوسه ضايعه علي الجهاز و الشقة انما انتي ياسي كريم فلوسك بتروح فين وانت لاوراك ست ولا عيل ولاحد كريم:ياعم قول يا باسط الفلوس بتطير معرفش فين ادم:بطير ....... اه اكيد بطيرها مع العصافير(المزز يعني) كريم:هههههههه عيبك انك فاهمني ادم:اكيييييييد فاهمك ده انا مربيك علي :تربيه زباله كريم:اخرص ياض بدل ما اخليه يلغي نسبتك علي :وعلي ايه اقولك تعالي ربيني انا كمان يا ادم زي كريم الكل:ههههههههههههههههههه >>>>>>>>>>>>>>>>>>>>>>>>. في الصباح ارتدت فريده ملابسها و انتظرت ادم ليقلها الي مكان مشروعهما اتي ادم وتحدث: الله اكبر ايه يا فريده اللي انتي لابساه ده لا مش للدرجة ديه يعني وكانت فريده ترتدي.............. >>>>>>>>>>>>>>>>>>>>>>>