جنوني و عنادك - الفصل 25 - مكتملة | روايتك

في اليوم التالي توجه اسر الي الفندق وفي نيته معرفة من قام بذلك المقلب اسر :بس اعرفه وانا هوريه يوسف:انت هتروح وتسال الجرسون علي ايه اسر :اركن انت علي جمب واستناني في العربيه اسر وقد وجد النادل الذي اخذ بدلته:لوسمحت النادل:خير يافندم اسر:انا اسر سيف الدين اللي خطوبتي كانت من يومين فاكرني النادل:طبعا يافندم غني عن التعريف اسر:شكرا ......انا كنت بس عايز اسال عن حاجة كده النادل:اتفضل يا فندم اسر بحرج:احم ..... طبعا انت فاكر لما العصير اتكب علي البدله النادل:ايوه يا فندم فاكر ده انا بنفسي اللي اخدت بدله سيادتك اسر :تمام ....بص بقي انا عايز اعرف مين اللي نضفلي البدله النادل بتلقائيه:انسه فريده المسئوله عن الحفله اخدتها مني واصرت تنضفها بنفسها وهيا اللي ادتني القميص النضيف وكمان قالتلي ادي حضرتك العصير علشان تروق دمك لان حضرتك كنت متعصب ع الاخر يخربيتك انت قريت بكل حاجة ده انت فتان قوي عيني عليكي يا فريده ده انتي هتتعلقي النهارده اعاااااااااااااااااي اسر وهو يفرغ فاهه من الصدمه:فريده هي اللي عملت كل ده النادل :ايوة يا فندم ........حضرتك انا لازم امشي بيندهو عليا ماتمشي يا خويا منتا قولت كل حاجة اهئ اهئ اهئ احم احم نرجع لقصتنا اسر للنادل:اتفضل ........ وشكرا اسرلنفسه:بقي كده يا فريده انتي تعملي فيا كده قال وايه وهو يقلد صوت فريده : مالك يا اسر مش علي بعضك ليه والفقرات لسه مخلصتش وخد امسح بالمنديل ده ده انا هطين عيشه اللي جابوكي هطلع علي جتتك البلا انا تهزئيني وتخليني مسخرة للي يسوي و اللي مايسوش انا تخليني داخل طالع ع الحمام اصتبري عليا ان ما وريتك يوسف الذي كان ينتظر اسر في السيارة :ايه يا معلم سالت الواد الجرسون وعرفت اسر بغيظ وتفكير :ايوه يوسف:امال مالك ماشي بتكلم نفسك ليه مين اللي عمل كده قولي وانا اظبطهولك اسر:لا انت ملكش دعوه بالموضوع ده ..... بص انزل يوسف:نعم انزل فين اسر:بقولك انزل من العربيه انا ورايا كام مشوار كده وعايز اقضيهم يوسف:طب ماتخدني معاك في طريقك انا هعمل ايه دلوقتي هنا لوحدي اسر:لا انا عايز اقضيهم لوحدي...... بص انا هوصلك للنادي وهوا قريب من هنا والشله هتكون هناك يوسف:بس انا مش عايز اروح النادي انا عايز اروح الشركه ورايا اشغال اسر بضيق:هتركب اوصلك النادي ولااسيبك هنا لوحدك يوسف:وعلي ايه النادي ارحم ..... انا من هنا ورايح هاخد عربيتي علشان مكنش تحت رحمه حد اسر وهو شارد في شئ ما يوسف :انت ياعم وحياه ابوك متسرحش وانت سايق لحسن تلبسنا في حاجة وتموتنا مش كل مرة كده اسر وقد وصل الي النادي: انزل يا يوسف وصلنا وابقي خلي اي حد يوصلك في طريقه وتركه ورحل يوسف لنفسه:ربنا يتوب عليا من ديه قرابه وصحوبيه....... وقد وجد معتز مع بعض الفتيات يوسف وهو يتجه اليهم: العب هو ده الكلام ولا بلاش يلا خلاص بالسلامه انت يا اسر اروح اقلب رزقي هنا >>>>>>>>>>>>>>>>>>>>>>>>>>>>> قرر اسر ان ينتقم من فريده وذلك عن طريق ارعابها وذلك اسر وهو ينتظر فريده في الجراج اسر: استني عليا ان مانشفت الدم في عروقك انا ترقديني في السرير يومين انا كنت شاكك ان الحركات القرعة ديه منك بس انا هوريكي اللعب علي اصوله ورن هاتفه:اووووف..... وده وقته مين الرزل اللي بيتصل دلوقتي انجي صبرني يا رب علي التدبيسه السوده اللي وقعت فيها اسر بضيق:الو ايوه يا انجي خير انجي:ايوة يا حبيبي عامل ايه كده برضو يا اسر متسالش عليا من بعد الخطوبه لا انا زعلانه منك انت لازم تصالحني ايه اصله ده(كده برضو يا سونه يا خاين متسالش فيا ... احبك... اموووه اعبدك اموووه ....اموت في هواك....هستناك .... هستناك العمر كله يا حبيبي )بصوت هند رستم سهوكه بنات احم احم نرجع لقصتنا اسر :معلش يا انجي اصلي كنت عيان مانتي عارفة اللي حصل انجي:ايوة يا حبيبي ...بس انت دلوقتي كويس مش كده اسر:ايوه يا انجي كويس انجي:تمام قوي بص بقي انا عيزاك تعوضني عن ليله الخطوبه ديه اسر بضيق:يعني عيزاني اعملك ايه انجي:يعني يا حبيبي عيزاك تخرجني وتفسحني اسر:لا والله فاضي انا علشان اسيبلك شغلي واخرجك انا انجي :امال ايه يا اسر احنا من ساعة ما اتخطبنا ولا خرجنا ولا حتي جيت شوفتني اسر:من ساعة ما اتخطبنا..... ا نجي يا حبيبتي الخطوبه اللي بتتكلمي عنها ديه كانت من يومين مش شهرين انجي بفرحه:بجد يا اسر انا حبيبتك يابت اتهدي بقي شويه انتي مابتصدقي اسر وقد لمح فريده تدلف الي الجراج:اكيد يا انجي .... بصي انا لازم اقفل دلوقتي ورايا شغل ضروري اكلمك بعدين اسر وقد لمح فريده تدلف الي الجراج:اكيد يا انجي .... بصي انا لازم اقفل دلوقتي ورايا شغل ضروري اكلمك بعدين انجي:بس يا اسر انا كنت ...... لم يمهلها اسر ان تنهي حديثها و اغلق الهاتف ليتفرغ لفريده الذاهبه الي سيارتها اسر لنفسه:ايوه كده وبصوت جهور غاضب ارعب فريده لدرجة انها اسقطت مفاتيح سيارتها من يديها اسر :فريده فريده بخضة:بسم الله الرحمن الرحيم .....هما بيطلعوا امته دول ..... ايه يا اسر خضتني اسر:والله.... سلامتك من الخضة وقد اقترب منها وهو ينظر لها نظرات غضب فريده بخوف:ايه فيه ايه مالك ... وايه اللي موقفك في الجراج دلوقتي اسر:كنت مستني الاتوبيس فريده بتهكم:والله ...طب وجه ولا لسه ...طب وسع بقي خليني امشي اسر:لا ازاي اخليكي تمشي ده انا عايزك فريده:وعايزني في ايه ان شاء الله عايزني اعملك حفله جوازك بالمرة اسر بغيظ:لا شاكر افضالك انا مش مستغني عن عمري المرادي فريده:قصدك ايه اسر بغضب: وحياه طنط يعني مش فاهمه فريده بتعلثم:ايه اسر بعصبيه:انتي هتستعبطي ولا ايه انا عرفت كل حاجة فريده بارتباك:عرفت ...... عرفت ايه اسر:اللي عملتيه يا قطة استني لما اعدلك(بودره عفريت ....عصير فيه ملين ..... الوان في ايدي ووشي )اكمل ولا دول كفايه ولا الواد المصور اللي بعتيه ورايا علشان يصورني وفضيحتي تبقي في المجلات بس اللي متعرفيهوش ان الواد ده رئيسه صاحبي وكتم ع الموضوع يا حضرة المتصل المجهول وبصوت غاضب:وعزة جلاله الله يا فريده ماهرحمك الليله اسر وهو يشمر عن ساعديه اللي عملتيه فيا ليله الخطوبه هطلعه عليكي دلوقتي فريده :بخوف انت هتعمل ايه اعقل يا اسر وهي ترجع الي الخلف .....ابعد عني يا اسر لو قربت هتندم انت هتعمل ايه اسر:ابدا يا قطه هروقك زي ما روقتيني فريده :قولتلك لو قربت هتندم ارجع اسر وهو يقترب منها:يعني هتعملي ايه يا قطة فيه حاجة تانيه معاكي لسه مجربتهاش فيا فريدة وقد التصقت بالحائط وحاصرها اسر فريده وهي ترش برزاز في عينيه: هعمل كده وبعد ذلك قامت بضربه في قدمه اسر متالما:ااااه يا عيني يا بنت ال...... انا هوريكي فريده وهي تسرع الي سيارتها:قولتلك هتندم يا اسر انت مسمعتش الكلام واسرعت بالتحرك بسيارتها اسر المشتعل غضبا منها اسرع الي سيارته:وربنا ماهسيبك هوريكي انا مين وبدات المطارده بين اسر وفريده حاول اسر اللحاق بسيارة فريده ولكنها كانت تسرع حتي قام باللحاق بها واوقف سيارته امامها مما اجبرها علي التوقف ونزل اسر من السيارة واتجه الي فريده اسر:بقي انا تعملي فيا كده طب ماشي ....انزلي فريده بخوف:لا مش نازله وابعد علشان اعدي اسر وهو في غضب عارم وفاقد لسيطرته وقد فتح باب سيارة فريدهوانزلها منها بالقوة انا هوريكي انا هعمل فيكي ايه وهم باخذ فريده الي سيارته فريده التي لاحظت وجود بعض الماره فاسرعت بالصراخ والاستنجاد بهم فريده:عااااااااااااااااااا...... الحقوني حد يلحقني يا ناس اسر بغضب:اكتمي وامشي معايا من سكات فريده بصوت عالي :لا مش همشي معاك احد المارة :فيه ايه يا استاذ ايه اللي بيحصل ده اسر:مفيش حاجة اتوكل علي الله انت يا عم فريده برجاء:لا والنبي اوعو تسيبوني ده عايز ياخدني غصب عني اسر:بقولك اكتمي فريده:لا مش هسكت وسيب ايدي مش هاجي معاك هيا عافيه احد الماره:ليه بس كده باين عليكم عرسان جداد ومتخانقين فريده بدهشه :بس ده مش جوزي شخص اخر: ازاي يعني معلش يا بنتي امشي مع جوزك اسر وقد استغل الموقف:ايوه مراتي وعايز اخدها معايا فيها حاجة ديه وهيا مش راضيه