الفصل 18
في منزل فريده حضرت كاميليا لتواسي صديقتها علي ما اصابها من خبر اسر
كاميليا: فريدة يا حبيبتي انتي كويسه
فريده: الحمد الله يا كامي
كاميليا : انا مش عارفة ازاي اسر يعمل كده يخطب ويسيبك
فريده: عادي هنعمل ايه يعني كل واحد حر يعمل اللي هوا عايزه
كاميليا بدهشه واستغراب وقلق: فريده......... انتي كويسه
فريده: ايوة
كاميليا : فريده انتي مستوعبه الكلام بقولك اسر هيخطب
فريده: ايوه يا كاميليا عارفة هوا قالي بنفسه
كاميليا :يا بجاحته هوا فيه كده..... طب وانتي عملتي ايه
فريده: ابدا ولا حاجة باركتله
كاميليا بدهشه: باركتيله طب ازاي
فريده: امال كنتي عيزاني اعمله ايه واحد جاي يقولي انا هخطب
وعايزك تحجزيلي قاعة الخطوبه وكمان تعمليلي الديزاين بتاعها اقوله ايه .....
و اكملت بعصبيه
كنتي عيزاني اترمي تحت رجليه و اقوله انا بحبك
لا والنبي ارجعلي انا هموت من غير ك .......... استحاله مش انا
انا لو هموت عليه استحاله اعمل كده
كاميليا بغيظ: وكمان عايزك انتي اللي تعملي ديزاين القاعة
ده لو قاصد انه يفرسك مش هيعمل كده
فريده:بالظبط هوا عمل كده علشان يردلي اللي انا عملتهوله بس هنشوف انا ولا هوا
كاميليا بترقب: طب وانتي ناويه تعملي ايه مش هتعملي حاجة
فريده بابتسامه : لا ........ ده انا هعمل حاجااااااااااااااات استني و اتفرجي
كاميليا: لما نشوف ربنا يستر
امسكت فريده بهاتفها واتصلت بشاهيناز
فريده: الو ..... هاي انطي شاهي عامله ايه
شاهي: هاي يا ديدي يا حبيبتي انا كويسه انتي اخبارك ايه
فريده: انا كويسه الحمد الله يا انطي ...... انطي شاهي انا كنت عايزة اطلب منك طلب
شاهي: طبعا يا حبيبتي انتي تؤمري وانا انفذ
انتي عارفة غلاوتك عندي اد ايه خير
فريده: ميرسي يا انطي بصي انا كنت عايزة احجز قاعة(.............)
اللي بتاعة حضرتك علشان حفله خطوبه بعد تلت تيام
شاهي بفرحه: بجد يا ديدي انتي خلاص نويتي تتخطبي
فريده : لا يا انطي مش ليا ديه لاسر اصله هيخطب
شاهي بصدمه : اسر هيخطب ......... مش انتي و اسر كنتم متفقين ع الخطوبه
انا كنت فاكرة انك متصله علشان خطوبتك انتي
فريده: لا يا انطي مش انا اسر هيخطب انجي انتي عارفاها انجي السعدني
بنت خالته وهوا كان موسطني علشان اطلب منك القاعة
وكمان انا اللي هعمله الديزاين ......... ها قولتي ايه
شاهي : يعني هقول ايه يا ديدي رغم انه صعب اني احجز القاعة في المده القصيرة ديه
انتي عارفة الحجز بيبقي كومبليت ....... بس انتي مقدرش ارفضلك طلب يا روحي
فريده: ميرسي اوي ليكي يا انطي انا مش عارفة اقولك ايه ....
وانا هاجي اشوف القاعة بكرة علشان الديزاين و الفقرات
شاهي: اكيد يا حبيبتي ومدام انتي اللي هتعملي الديزاين و البارتي
يبقي هتكون تحفه انا عارفه تصاميمك
فريدة: ميرسي ليكي يا انطي شاهي مرة تانيه اشوفك بعدين ......باي
شاهي: باي يا قلبي
كل هذا وكاميليا تشاهد باندهاش : فريده انتي ازاي تعملي كده
فريده : اسر طلب مني كده
كاميليا : تروحي تعملي كده ......... يا قلبك ايه ده ده انا لو منك كنت خنقته
لا وكمان هتعملي الديزاين وهيكون احلي خطوبه اتعملت لا ده كتير
ده انا كاكميليا اتشليت ارحميني
فريده وهي تتحدث في الهاتف وتشير الي كاميليا بالسكوت
فريده: الوووو..........
الشخص:............
فريده: ههههههههههههه طبعا فريده يا معلم انت اخبارك ايه
الشخص: ................
فريده: هههههههههه دايما انت فاهمني .... طبعا عايزة مصلحة هو انا بتصل غير علشان كده
الشخص:.................
فريده: بص بقي انا عايزة منك شويه طلبات محدش غيرك انت اللي هيجبهم يا برنجي
الشخص:.........
فريده: بص بقي انا عايزة(.............. و.......... و...........)
الشخص:.......................
فريده :ايوة هو ده وعيزاهم بالكتير بعد يومين
الشخص:.................
فريده: لا انا عيزاهم علشان حد عزيز عليا
الشخص:...................
فريده:ههههههههههههه فعلا عزيز عليا قوي وكل واحد بياخد علي قد معزته عندي
وانتي عارفني يا معلم مش بتوصي
الشخص:...................
فريده: تمام قوي يا معلم شاكرة افضالك ......
منجيلكش في حاجة وحشه ههههههههههههههههه....... سلااااااااااااام
كاميليا وهي تفتح فمها من الدهشه:
فريده انتي هتعملي ايه بالحاجات ديه و كنتي بتكلمي مين بالطريقة ديه
فريده بابتسامه : واحد معرفه
كاميليا: وانتي تعرفي الاشكال ديه منين
فريده: متخديش في بالك
كاميليا: طب والحاجات ديه عيزاها علشان مين
فريده :علشان اسر
كاميليا بخضة:انتي ناويه تعملي ايه يا فريده ديه مصيبة
فريده بابتسامه خبيثه: ابدا هتكون خطوبه سوده عليه
وعلي المحروسه علي ايدي ان شاء الله
هيييييييييييييييييييييييح استعنا ع الشقا بالله
كاميليا بخوف وقلق: ربنا يجيب العواقب سليمة
انا قولت انك مش هتعديها بسلام...... ديه هتكون خراب
فريده: متقلقيش كله بامر الله ويانا يا هوا اصبر عليا ياسي اسر وهتشوف
>>>>>>>>>>>>>>>>>>>>>>
في اليوم التالي ذهبت كل من فريده و كاميليا ال القاعة
ليروا التجهيزات و لوازم القاعة و الفقرات و مقابلة شاهي و الاتفاق علي كل شئ
شاهي:كده كل شئ مظبوط يا ديدي
فريده: كده كله تمام يا انطي
شاهي: والفقرات كمان انا هظبط كل حاجة زي ماقلتي
فريده :كويس اوي والغرف اللي هيتجهز فيها العرسان كمان انا عايزة كل حاجة مظبوطه
شاهي :طبعا يا قلبي انتي عارفة شاهي لما تعمل حاجة تكون بيرفكت
فريده:اكيد يا انطي بس انا عايزة كل اللي يحضر الحفلة يشهد بيها
انتي عارفة فريده سليم الحسيني لما تعمل حفلة ميكونش فيها غلطة
كاميليا بصوت منخفض :ياجباروتك يا شيخة
فريده: اخرصي بقي
شاهي: اكيد يا قلبي مع اني كنت اتمني ان كل ده يكون ليكي
فريده بابتسامه : الجايات كتييييييييير يا انطي لسه
شاهي بابتسامه : اكيد يا قلبي
فريده: احنا هنمشي الوقتي وهبقي اجي تاني علشان اشوف التحضيرات ....... باي
شاهي : باي يا حبايبي
كاميليا: باي ياانطي
بعد خروجهم اتجهت كل من فريدة وكاميليا الي النادي
كاميليا : يعني مش بعوايدك انك تجي ع النادي
فريده: عادي قولت بما اننا قريبين منه اجي اديلي مده ماجتش
كاميليا : فريده انا مش مطمنه للي هتعمليه بجد اسر مش هيسكت
لو الخطوبه باظت وبعدين انتي المسئوله عنها
فريده:يابنتي ايه اللي هيبوظها الخطوبه هتبقي زي الفل
كاميليا: امال الحاجات اللي انتي هتجبيها هتعملي بيها ايه
فريده بابتسامه خبيثة : لا ديه لحاجة تانيه
هوا معقوله انا ابوظ حاجة انا عملاها بايدي
كاميليا: والله انا خايفه كل ده يجي علي دماغك انتي في الاخر
فريده: متقلقيش وبس بقي خلينا نستجم النهارده
اليومين الجايين دول ورايا شغل كيييييييييير محتاج مخمخة وتركيز
كاميليا: والله من كتر شغلك مع العمال بقيتي بتتكلمي زيهم
فريده بضحكه: امال زيك فرفورة قاعدة ورا مكتب .....
لا طبعا لازم انزل و اشوف بنفسي امال ديه حتي اموال ناس
ليقاطع حديثهم شخص ما
هيثم:هاي يا بناويت how are you
فريدة و كاميليا من غير نفس:هاي هيثم عامل ايه
هيثم بترقق لا يصلح لرجل: I'm fine baby
هيثم و هو ينظر لفريده:فيري my darling miss you so much
فريده بابتسامه صفراء: ميرسي يا هيثم ......
في نفسها(فيري في عينك شايفني بيغسلوا بيا الصحون قال فيري قال)
هيثم بمياعه: انا سمعت انك انتي و اسر انفصلتو وانه كمان هيخطب
فريده بنفس الابتسامه :في نفسها (صبري يا رب علي الكائن اللزج ده)
لا يا هيثم احنا اصلا مكناش مرتبطين علشان ننفصل
وفعلا هوا هيخطب وانا كمان اللي هعمل الديزاين بتاع الخطوبه
هيثم: my god ده هيبقي بارتي تحفه يا فيري
كاميليا: اكيد يا هيثم مش فريده اللي هتعمله
هيثم:اكيد ...... فريده انا كنت عايز اتكلم معاكي في موضوع
فريده : خير يا هيثم اتفضل
هيثم:طبعا يا فيري انتي عارفه انا بحبك قد ايه
وكنت فاكر انك انتي واسر كابلز علشان كده كنت باعد
فريده بترقب : وبعدين
هيثم: لكن دلوقتي انتي single وانا كمان فايه رايك يعني اننا نكون كابلز
فريده: يعني ايه مش فاهمة برضو
هيثم: فريدة انا عايز اتقدملك و اخطبك
فريدة بدهشه مما سمعت : نعم بتقول ايه يا هيثم
هيثم: ايه يا فيري بقولك عايز اخطبك
فريدة وهي تمنع نفسها من الضحك بصعوبه : بجد ميرسي يا هيثم انك فكرت فيا
بس انا الصراحة مش بفكر في الموضوع ده دلوقتي .....
و بعدين انا بعتبرك زي اختي .....
قصدي اخويا لكن وعد لو فكرت في الموضوع ده انت اولي
هيثم: بجد يا فيري يعني هتفكري
فريده بضحكة مكتومه : اكيد يا هيثم ...
كاميليا وهي تكتم ضحكاتها ايضا: هيثم احنا لازم نمشي الوقتي عندنا ميعاد
لولا كده مكناش سبنا حديثك الشيق ده
هيثم: اوك ...... see you girls
فريدة و كاميليا: see you too
بعد ذهاب هيثم تنفجر كل من فريده و كاميليا في نوبه من الضحك
كاميليا:هههههههههههههه شفتي .... شفتي كان عايز منك ايه ههههههههه
فريدة: هههههههه مش قادرة هههههههههه هموت قال عايز ..... عايز يخطبني
كاميليا: هيثم my god عايز يخطبك
فريده : ههههههه ايوة....... بقي انا اتخطب لهيثم
ده عامل زي لوسي ابن طنط فكيهة في فيلم اشاعة حب ههههههه
كاميليا: وتبقي حرم هيثم العدلي هههههههه ده انتي هتبقي مسخرة
فريده: يا شيخة اسكتي ده انا ارجل منه
ده لو شاف حد من العمال اللي انا بشتغل معاهم ممكن يغمن عليه
كاميليا: ايوة ويسموه جوز الست هههههههه مش هيعرفوا يفرقوا مين فيكم الراجل و مين الست
بس ايه رايك اقبليه يا ديدة ينوبك فيه ثواب
فريده: ايه انا اتجوز الواد النايتي ده انتي عايزاني اكون مسخرة الكل
يا شيخة حرام عليكي وده لما اخلف منه عيال هيقولو لمين بابي
بعدين اللي زي ده المفروض يحددوا منهم النسل مش ناقصة بلاوي هيا
كاميليا:هههههههههههههه علي رايك بس يا ديدة انتي بتحصلك حاجات اليومين دول غربية
مش عارفة ايه اللي جرالك واخرها ابن طنط فكيهة ده
فريده:ههههههههههه علي رايك هم يضحك وهم يبكي
بس و الله طلعني من المود وضحكني .... يلا بقي سيبك منه وخلينا نشوف مصالحنا
كاميليا: اوك طب يلا قدامي يا مدام لوسي هههههههههه
فريدة وهي تضربها : هههههههههه بس بقي هموت حرام عليكي