الفصل 16
اسر: انا بقول قررت اخطب بس مش فريدة
سيف الدين: امال مين
اسر: انجي
ادم بصدمه: انجي انجي مين ........انجي بتاعتنا
اسر ببرود: ايوة انتو تعرفوا كام انجي ............انجي بنت خالتي
يوسف :بس انت مكنتش بتطيقها
اسر :لا انجي بنت كويسه وانا عارفها كويس
علي الاقل عارف اصلها وفصلها يعتبر مربيها
ادم بضيق: طب وفريده
اسر :فريده نهت كل اللي بينا وانا مش هفضل مستني لحد ماتحن عليا وترجعلي
وبعدين انا خلاص اتفقت مع انجي وخطوبتنا بعد تلت تيام
سيف الدين بغضب: بتقول ايه يا بيه يا محترم يعني انت رحت خطبت واتفقت بدون علمي
وجاي دلوقتي تبلغنا من باب العلم بالشئ ايه ملكش كبير
اسر: يا بابا انا مقصدش انا بس اتفقت مع انجي علي كل حاجة وهي وافقت
فلاش باك
في النادي:
اسر : هاي يا بيبي شفتي متاخرتش عليكي
انجي:هاي اسر miss you too much
اسر :وانتي اكتر يا انجي ها تطلبي ايه انا عازمك النهارده
انجي: ايه ده يعني تكلمني وتقابلني وكمان عزومه لا كده فيه حاجة كبيرة
اسر : ولا كبيرة ولا حاجة ابدا وحشتيني قولت اشوفك
انجي: وحشتك من امته ده
اسر: ايه يا انجي انتي مش عارفة غلاوتك عندي ولا ايه
انجي بزعل : اه ماهو باين منفضلي ومركز مع الست فريده
اسر: ولا منفضلك ولا حاجة وبعدين انا سبتني من موضوع فريده
انجي: سبتك منها ولا هي اللي سابتك بعد ما عرفت بالرهان
اسر: اديكي قولتي موضوع الرهان فريده بالنسبالي كانت رهان لكن انتي حاجة تانيه
انجي: تقصد ايه
اسر : من غير لف ودوران انا عايز اتجوزك
انجي بذهول وعدم فهم: مين .... ايه .......انا
وبنظرة حزن: اسر انت جاي تلعب بيا بجد حرام عليك
اسر بحنان مصطنع: معقول تقولي كده يا انجي انا ممكن اعمل كده في اي حد
لكن انتي مهما كان بنت خالتي لا يمكن ارضالك الاذيه
انجي: بجد يعني انت عايز تخطبني
اسر : ايوة وفي اسرع وقت وهكلم خالتي وعمو
ونتفق علي الخطوبه اخر الاسبوع ايه رايك
انجي بفرحة وعدم تصديق: بجد يا اسر انا مش مصدقة نفسي انت بتتكلم جد
طب بص انا اعمل ايه دلوقتي وبعدين مش هلحق اخلص
اسر : اهدي انا هجهز كل حاجة متقلقيش انا هعملك احلي خطوبه مصر كلها هتتكلم عليها
انجي: بجد ربنا يخليك ليا انا هروح اقول لمامي والكل
اسر: ايوة قولي للكل عايز الناس كلها تعرف اني هخطبك واني عايزك انتي انتي وبس
انجي: اوك يا اسر انا بحك اووووووووي
اسر: وانا كمان يا بيبي يلا علشان اوصلك واقول لعمو
انجي : اوك
في منزل انجي اتفق اسر مع والد انجي علي كل شئ و ميعاد الخطبه نهايه الاسبوع
باك
سيف الدين: اعمل اللي انت عايزه انت طول عمرك بتمشي بمخك
بس مش عايز ده ياثر علي شغلي مع سليم الحسيني انت فاهم
ونهض سيف الدين وتركهم
يوسف لاسر: انت بتتكلم جد انت هتخطب انجي
اسر: ايوه
يوسف: بس انت شوفتها امتي واتفقتوا امته
اسر:عادي اتكلمنا واتفقنا
ادم:انت اتجنيت في عقلك:طب وفريده
اسر: ايه فريده فريده هي اللي نهت كل حاجة
ادم:بس انت بتحبها
اسر:يمكن اه ويمكن لا وبعدين انا فعلا فكرت انا وفريده مش هننفع مع بعض
ادم باندهاش: وده من ايه ان شاء الله
اسر:فريده واحده عمليه ومش بتحب حد يتامر عليها
وانا برضو راجل ومش هخلي الست بتاعتي تتحكم فيا
ادم :لا وهتقدر تتحكم في انجي مش ديه اللي كنت بتقول عليها مدلعه
اسر:ايوة انجي مدلعة اه بس هعرف امشيها علي طريقتي وبعدين انا عارفها كويس
ادم بعد ان فاض به الكيل: يعني انت كنت فعلا بتلعب علي فريده تصدق انك واطي
اسر بحده:ماتحترم نفسك يا ادم مش علشان ساكتلك هتسوق فيها
وبعدين انت محموق قوي عليها كده ليه خلاص ياخويا سبتهالك
نفسك فيها اشبع بيها انا زهقت منها
ادم :فعلا انت واحد بصراحة مش لاقي وصف عليك
انا ماشي من هنا لاني اتخنقت وتركهم ورحل
اسر ليوسف: وانت التاني قبل ما ترغي كتير
ايوة هخطب انجي وعجباني ومش عايز كتر كلام
يوسف وهو ينظر له بتعجب: وانا كنت قولت حاجة براحتك
هوا انا اللي هتجوز ولا انت عموما انا ماشي سلام
اسر بعد رحيل يوسف: ايوه كده بقي هشوف انا ولا انتي يا ست فريده
>>>>>>>>>>>>>>>>>>>
في الشركة وصل ادم بعد مدة وهو في غايه الضيق
ولا يعرف كيف يوصل هذا الخبر الي فريده
ادم : انا هقول الموضوع الزفت ده لفريده ازاي ديه لسه خارجة من موضوع هباب
يجي اسر ويكمل عليها استر يارب
كريم :ايه يا عم مالك بتتخانق مع دبان وشك ليه....... بتكلم نفسك ع الصبح
ادم: وحياة ابوك يا اخي سيبني في اللي انا فيه
كريم: مالك يا عم فيه ايه فضفضلي
ادم :فيه موضوع كده حصل ومش عارف هعمل فيه ايه
كريم : موضوع ايه قولي يمكن اقدر اساعدك
ادم: موضوع كده مش عارف اوصله ازاي لفريده
كريم : قصدك موضوع خطوبه اسر اخوك من البت انجي
ادم وهو يفتح فمه من الدهشه: ايييييييه ده وانت عرفت منين
ده ده لسه قايلي ع الموضوع ده الصبح
كريم: يا عم ديه الشركه كلها عرفت اخوك مكدبش خبر
وقال للكل ده حتي معلق دعوة ساعة ما جه
بس اخوك ايه معلم مبيقعش غير وهوا واقف
ادم: طب ..... طب وفريده عرفت
كريم: زمانته قالها اصل شوفته كان رايح ناحية مكتبها من شويه
ادم: طب بص انا رايح دلوقتي اشوف ايه اللي حصل
اشوفك بعدين تركه وهو يتجه الي مكتب فريده
في مكتبها وصل ادم ووجد اسر هناك
>>>>>>>>>>>>>>>>>>>>>>>>
ادم: فريده انا
فريده بابتسامه :خير يا ادم
تعجب ادم من ابتسامه فريدة وشرد كيف يمكن ان تبتسم
وقد اخبرها اسر بنبأ خطبته ولكن قطع شروده اسر
اسر: ايه انت شرفت يا ادم ايه كنت فين دنا افتكرتك جيت من بدري
ادم باندهاش : انا كنت في مشوار كده
اسر: طيب اسيبك انا يا فريده وزي ما اتفقنا يا فريده
فريده بابتسامه : اكيد يا اسر وانا اقدر اتاخر عليك في حاجة زي ديه
اسر: شكرا يا فريده سلام الوقتي اروح اقول لانجي ديه هتفرح قوووووووووي
وخرج اسر
ادم بدهشه لفريده: ايه اللي بيحصل ده
فريده : ايه فيه ايه
ادم: اسر وبتتفقوا علي ايه
فريده : كان عاوزني اكلم انطي شاهي علشان تحجزله قاعة(..............)
علشان خطوبته من انجي
ادم بدهشه: وانتي وافقتي
فريده ببرود: ايوه
ادم: وانتي ازاي توافقي
فريده : امال عايزني اعمل ايه
ادم بقلق: فريده انتي كويسه
فريده : مش عارفة ........انا عايزة اطلع فوق
وصعد كل من ادم وفريده الي السطح
وهنا انفجرت فريده في ادم
فريدة بغضب: انت ازاي متقوليش علي الموضوع ده
ادم: والله يا فريده ماكنت اعرف ده لسه قايل الصبح
فريدة بوجه احمر من الغضب: لا والله يعني اخوك وعايشين في بيت واحد
ومتعرفش طب ازااااااااااااااااااااااي
ادم: والله ماعرف ده حتي بابا اتعصب منه لما عرف انه راح وخطب من غير ما يقوله
فريده بدموع: ازاي ازاي يعمل كده فيا ازااااااااااااااي
ادم: اسر بقاله يومين مش متظبط وكمان رجع للسهر انا مش عارف ايه اللي جراله
فريده : لا وببجاحته جاي يطلب مني اني احجزله القاعه
ادم : قوليلي ايه اللي حصل بالظبط
فريده ببكاء وهي تسرد ماحدث