جنوني و عنادك - الفصل 12 - مكتملة | روايتك

في صباح اليوم التالي في الشركة كان اسر غاضب جدا ويصب غضبه علي كل من يراه اسر في مكتبه وهو يلقي بالملف في وجه موظف وبغضب وصوت عالي: الملف كله اخطاء انا مش عارف انا مشغل بهايم معايا في الشغل الموظف بخوف: يافندم انا عملت الملف بناء علي كلام سيادتك اسر : وانا بقولك ان الملف ده كله يتعاد والميزانيه تتظبط زي ما قولت دلوقتي ويكون علي مكتبي بعد ساعتين الموظف: ساعتين بس يا فندم اللي حضرتك قولت عليه عايز يومين شغل اسر بصوت مرتفع: وانا قولت ساعتين والا انت مرفود مش قد الشغل ما تشتغلوش يلا من وشي الموظف وهو خارج من المكتب يتمتم بهمس: ماله ده هوا حد يعصبه ويطلعهم علينا ربنا يتوب علينا بقي يوسف و ادم وقد اتو علي صوت اسر المرتفع ادم : ايه يا عم صوتك جايب لاخر الشركة فيه ايه يوسف: مالك يا معلم متزربن كده ليه اسر : بقولك ايه انت وهوا انا مش فايقلكم حلو عني يوسف: طب كنت بتزعق في احمد ليه اسر:الملف كله اخطاء و الميزانيه غلط يوسف:ملف شركة دريم اسر : اه ادم : بس انا راجعت الملف امبارح والميزانيه مظبوطة ومفيهاش لخبطة اسر بعصبية: تقصد ايه اني مش بفهم ولا ايه ادم : لا مش قصدي بس اسر: لا بس ولا مبسش انا المسئول عن الصفقة وقولت الميزانية لازم تتغير يوسف وهو يحاول تهداة الوضع: خلاص يا اسر مقلناش حاجة اهدي انت بس اسر : ليه شايفني بشد في شعري ولا بتنطط ادم : لا انت الكلام معاك مش بيجيب نتيجة انا ماشي اسر بعصبية : المركب اللي تودي وينظر ليوسف وانت التاني قاعد ليه مش وراك شغل ولا احنا فاتحنها سبيل يلا علي مكتبك انت هتفضل لازقلي كده يوسف باستغراب : طب يا عم ماتزقش انا ماشي لوحدي يخربيت اللي يزعلك وخرج يوسف ولكنه عاد بفتح الباب مره اخري يوسف بسهوكه : اسر اسر هو ينظر ليوسف بتسائل: نعم يوسف : الحب بهدله اسر بغضب شديد : غور ياض يابن ال..................... (احلي شتيمه) وهو يهم لضربه يوسف وهو يسرع بغلق الباب وبضحكة مكتومه : تستاهل يا اسر فريده هي بس اللي هتعرف تربيك اسر بعد ان ذهب يوسف وبحزن: اااااااااه لو تعرف اللي فيها في فترة البريك في كافيتريا الشركة فريدة لادم بهمس : ها يا ادم عملت ايه ادم: اطمني كله تمام اسر وهو يجلس علي طاوله اخري وينظر لفريدة ولاحظت ذلك فريدة : ماله ده بيبصلي كده ليه ادم وهو ينظر لاسر نظره خاطفة: معرفش بس كان متعصب قوي النهارده فريدة علي فكرة اسر بيحبك فريدة بحزن: سيبك من اسر دلوقتي لما اخلص من المصيبة اللي انا فيها الاول ادم: متقلقيش انا مظبط كل حاجة وهتنتهي بكرة ان شاء الله فريدة : انا حاسه اني في كابوس مش مصدقة امتي اصحي منه ادم اطمني كل حاجة هتبقي تمام ثقي فيا كاميليا وقد اقبلت عليهم: بقي انتو قاعدين هنا وانا قاعدة لوحدي بجد اخص عليكي يا فريدة فريدة: معلش يا كاميليا كنت بكلم ادم في موضوع كاميليا : امممممممممم طيب فريدة : انا طالعة علي مكتبي ادم : ماشي يا فريده بت يا كاميليا ماتقعدي ناكل سوا وتفتحي نفسي حاكم صاحبتك قاعدت تتكلم ومكلتش حاجة كاميليا بفرحة: اكيد طب يلا اطلبلنا الاكل بس انت اللي هتدفع مش انا هفتح نفسك ادم بضحكة: مستغله ماشي يا ستي اروح الحقلنا حاجة بسرعة قبل ما الواد علي يخلص ع البوفيه كاميليا بابتسامه: اوك مستنياك في اثناء صعود فريده الي مكتبها وجدت اسر في مكتبها مما اصابها بالارتباك فريده بخضة: ايه ده انت بتعمل ايه هنا اسر : ابدا وحشتيني قولت اجي اشوفك و اتكلم معاكي فريده بعصبية بسيطة : تتكلم في ايه اسر: فريده انا بحبك ومش قادر ابعد عنك فريدة :اسر احنا فضينا من الموضوع ده قولتلك خلاص اسر : فريده انتي قولتي ان اللي بيحب بيسامح وبعدين موضوع الرهان ده كان من زمان فريده في نفسها(نفسي اصدقك يا اسر ) فريدة بحزم: اسر بقولك ايه انا ورايا شغل يلا امشي متعطلنيش اسر وقد اقترب منها وفي عينيه نظرة غريبة فريدة بريبة: انت بتبصلي كده ليييييييييييه اسر : عارفة يا فريده انا اللي بيلعب عليا بعمل فيه ايه فريده بعدم فهم: انت بتتكلم عن ايه اسر بغموض: انا اللي بيشتغلني بفرمه ايا كان حذاري يا فريده احذري غضبي فريده بشئ من الخوف و الارتباك لفرب اسر منها : انا مش فاهمة حاجة انت بتتكلم عن ايه اسر : بكرة كل شئ هيبان يا فريده بكره وخرج اسر وترك فريده تتخبط في صدي كلماته وهي لا تفهم مخذاها ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,, راحتي ان اكون بكرامتي .... حتي و ان كان قلبي ممزقا <<<<<<<<<<<<<<<<<<<<<< في صباح اليوم المنتظر وسط فرحة وخوف و رجاء وشماته فرحة وشماته سارة في اسر و فريده وخوف فريدة مما ينتظرها و رجاء اسر ان يكون ما قالته سارة مجرد افتراء <<<<<<<<<<<<<<<<<< كانت فريده في قمة توترها وقلقها ولكن ادم كان يحاول تهداتها فريدة وهي تفرك يدها من كثرة التوتر:ادم انت متاكد من صاحبك ده ادم: يابنتي اطمني سالتيني السؤال ده ميه مرة وانا بقولك متخافيش فريده بعصبيه: يا برودك يا اخي انتي عايزني ازاي ابقي هاديه وانا واقعة في مصيبة ........... اوووووف ادم وهو يشرب عصير : اممممممم بقولك ايه ماتخدي بق عصير برتقان يروقلك دمك فريدة بغضب: تصدق انك مستفز امشي من هنا يا ادم انا مش نقصاك اسر وقد اتي الي مكتب فريده فريدة : اهي كملت .......... يانعم عايز ايه يا اسر خير اسر : فيه ايه مالك ابدا جاي اطمن عليكي انتي هنا ولا لا فريده بقلق: وهكون فين يعني اسر : يعني يكون وراكي مشوار كده ولا كده فريدة بشك: مشوار ايه .......بص شكلك رايق النهارده وانا مش فايقالك اسر :بجد امال فايقة لادم .....وبعدين انت بتعمل هنا ايه ياض مش عندك مكتب ادم: اه بس المكتب ده عاجبني اسر : وحياة امك يلا انجر من هنا ادم : لا انا مش همشي من هنا الا لما فريده تقولي وهي عمرها ما هتقول كده صح يا ديده اسر وقد استشاط غضبا وغيرة: طب يلا يالا من هنا بدل ما اروقك ادم ليستفز اسر: يعني هتعمل ايه هات اخرك ده مكتب فريدة مش مكتبك هي اللي تقول امشي ولا لا .....ها امشي يا ديده اسر وهو يسك علي اسنانه من الغيظ : دوده لما تاخد اجلك يا بعيد ماتردي يا ست ديده فريده : بسسسسسسسسسسس انت وهوا انا مش فيقالكم اقولكم حاجة انا اللي همشي وخرجت فريدة من المكتب وذهبت الي سطح الشركة لكي تهدئ من روعها فريدة لنفسها : انا خايفة قوي استرها معايا يا رب انت عالم بحالي في المكتب اسر وقد امسك بقميص ادم: شكلك مش هتجبها لبر يا ادم لم الدور احسنلك وابعد عن فريده مش كل شويه الاقيك لازقلها في كل حته ادم وهو يتصنع البراءة : انا ابدا احنا بس الشغل هوا اللي بيخلينا ديما مع بعض اسر: شغل ايه ان شاء الله ده ادم: لا متاخدش في بالك وقد رن هاتفه بص انا لازم امشي الوقتي يلا سلام اسر : ماشي يا ادم ان ما وريتك اسر في مكتبه وهو يعد الوقت الذي يمشي ببطئ ويكلم نفسه ياتري هتروح ولا مش هتروح هوا ماله الوقت مش بيمشي ليه وانت عايزه يمشي يعني وانا هفضل في حرقة الدم ديه يوسف وهو يقبل عليه: لا حول ولا قوة الا بالله كان بدري عليك ايه ياعم انت بتكلم نفسك ولا ايه اسر بضيق: والنبي يا يوسف انا مش فايق سبني دلوقتي يوسف:بس مالك يا اسر احوالك مش عجباني اليومين دول قولي فضفض دنا جو اسر بحزن: بعدين بعدين يا يوسف سكرتيرة اسر: اسر بيه انسه فريدة لسه نازله دلوقتي انا قولت لحضرتك زي ماطلبت اسر ووجهه يعلوه الصدمه: نزلت الوقتي مني: ايوه يا فندم اسر :ماشي روحي انتي وهم بالخروج مسرعا يوسف : مالك يا اسر ورايح علي فين اسر وهو يلملم اشيائه سريعا اسر بغضب: سبني الوقتي يا يوسف سبني وخرج مسرعا من مكتبه يوسف: ربنا يستر حاسس ان فيه مصيبة هتحصل النهارده بعد فترة هاقد اتت الساعة الثالثة والنصف فريده في الجراج متجهة الي سيارتها فريده بارتباك : هاه يا ادم انا نازله ورايحة اهو ادم: تمام وانا كمان متخافيش انا شايفك انا معاكي متقلقيش فريدة وقد اغلقت الهاتف وتتمتم: ربنا يستر وفجاءة وهي تستعد للانطلاق وجدت احدهم يفتح الباب ويركب بجوارها فريده بزعر : انت انت ..... انت بتعمل ايه هنا