نهفات عيلتنا - ❴🔢❵☟الــبــــ❴ ألأخير ❵ــــــارت☟ - مكتملة | روايتك

_*البارت الخامس والأخير*_ 🔵🔵🔵🔵🔵🔵🔵🔵🔵🔵🔵🟣🟣🟣🟣🟣🟣🟣🟣🟣🟣🟣 بعد يومين و قبل ما تخلص العطلة ، بنسمع عن خالتي نهى بدها تخطب لابنها علاء .. تفاجأنا بزيارتها عند امي بتقلها بدي احكي معك كلمتين على انفراد .. امي حبست حالها هية و اختها بغرفة الضيوف و سكرت الباب .. اكيد انا و خواتي ال4 صافين طابور ورا الباب مشان نتسمع .. و انا ادعي يارب ما اكون العروس .. فتحت الباب امي فجأة .. و لقتنا زي سرب النمل .. و ماشاءالله ما اسرعهم خواتي اختفوا بلمح البصر .. و انا زي الهبلة واقفة .. بتقلي ليش بتتنصتوا .. حكتلها هلا اجيت بدي ادق الباب اسالكم شو حابين تشربوا بس انتي فتحتي سبحان الله .. سبحان الله شو احنا بمطعم .. خلصيني اعملي اشي لخالتك قومي بواجبها .. خالتي محششة ضحك .. فتت عليها بقلها شو مالك خالتو ؟ .. بتحكيلي شو رايك ب ريم بتناسب علاء لو خطبتله اياها ؟ .. حكتلها وصلتي و ما تسمى عليكي ما الك الا هيفا قصدي ياسمين .. اصلا ما حدا بناسبه غيرها .. من اي ناحية ؟ .. ها هااا سالتيني من اي ناحية و انا لازم جاوبك طبعا هاي جوازة مو حياالله .. و عدلت جلستي و قعدت رجل على رجل ، و تناولت كاسة العصير اللي جبتها لامي و شربت منها شفة و رجعتها .. و امي فاتحة عيونها من عمايلي .. قاطعت صفنتها بكلامي اللي تابعته لخالتي اللي قاعدة بتستنى فيي انطق و اريح قلبها .. خالتي يا حبيبتي ريم اول اشي عمرها مناسب بينها و بين علاء 4 سنوات يعني سبحان الله كانهم مخلوقين لبعض .. تانيا و الاهم .. لسانها قصير و ما بتحب تعمل مشاكل يعني متل ما تقولي مفصلة تفصيل اله .. و الاهم من هاد كله بس بحيات ربك يا خالتي ما يطلع من بيناتنا هالحكي .. قولي .. صراحة ريم بحسها معجبة فيه .. عنجد .. هلا هية ما قالت بصريح العبارة بس دايما بتهتم بتفاصيل حياته و اخباره كلها عندها حتى شو لون بيجامته اللي لابسها بتكون بتعرف .. اوف من وين بتعرف .. و الله يا خالتي ما بعرف يعني بجوز بجوز حاطة كميرا مراقبة .. معقول ؟ كيف حطتها .. شو اللي معقول خالتي يستر على خواتك ركزي معي .. ولك مركزة .. لا واضح مركزة ، يختي يا حبيبتي شو كميرا حاطة ، في عندها اشي اهم من الكميرا اسمه سيرين .. ااااه والله راحت عن بالي .. يا حبيبتي انتي الحمدلله فهمتيني .. طيب كيف بدي اقنع علاء فيها ، هديك ام بريص طلعت بوجهه العين تطرقها طرق و ما عم يهدى بدو اياني اروح ادور بالبيوت عليها تخيلي .. لا بالاحوال المدنية اسهل ههههه .. لا ناقصني خلص اليوم بحكي مع ام قصي و بناخد موعد .. موعد شو يختي دقي الحديد و هو حامي هلا رني .. ولك لازم اقنع الولد .. حطيه تحت الامر الواقع اعملي حالك ضغطك ارتفع من غير شر عنك كش برا و بعيد .. قولتك .. بدها تنين يحكوا فيها .. لا خلص هاتي هالتلفون .. الو ايوا سهى كيفك فاضيين اليوم ؟ شو عم تحكي لا لا الغي الموعد الله يرضى عليكي بدنا نيجي احنا بدالهم ، شو اللي شو قصدي انتي بس الغي الموعد و ما عليكي يلا سلام .. شو فيه مالها سهى ؟ .. جايين جماعة يشوفوا ريم اليوم .. ها شفتي يا خالتي منيح اللي فتت قال امي مسكرة الباب بالمفتاح .. يختي بعرفش انك خطابة .. هيك عرفتي يلا دبريلي عريس ههههه .. ولك انتي عريسك جاهز اصبري عنصيبك بس .. اااخ هيني كل يوم بغني صابر و راضي لجورج وسوف .. يقطع شرك هههه .. خلص يلا قومي ادرسي او اعملي شغلة مفيدة .. امي طلعتني بشلوت على طول رجلها و رجعت لاجتماعها المغلق .. طلعت انط من الفرحة .. و رنيت على ريم و فهمتها خطتي بالتفصيل .. انتقامي من علاء وصلني على طبق من ذهب .. المسا بتبعتلي ريم انه هيهم و صلوا و علاء الشيطان تافف بنص وجهه .. شكلها خالتي جابته غصبن عنه .. يا حرام ريم عاد و الله انها احلى من هديك اللي ما بتتسمى مش عارفة عشو عجبته .. ضليت على اعصابي لحد ما ريم رجعت اتصلت عليي تخبرني بالتفاصيل .. يا للهول علاء بيك معجب فيها و رايدها بس عشان امه جابته غصب بدو يمطمط الشغلة بينه و بين ريم .. انا كنت متفقة مع ريم على هاد الموضوع انه اتدللي و ارفضيه اكثر من مرة عشان اهزؤه .. بس شكلها الهبلة ما صدقت عحالها انه اجا و خطبها و مشيت معه و نسيتني .. حكتلها الله يوفقك اعملي اللي بناسبك .. العيلة كلها انشغلت بموضوعهم .. و خالتي منى نسيت ابنها .. و المسكين جلده انهرى من الغيرة .. اليوم الثلاثاء و عندي دوام بالجامعة و معجوقة كتير بالدراسة .. برن تلفوني .. الو الحمدلله و ين ايامك انت اه تمام بس بدي اخبر اهلي ولك ليش ما بتزعل طيب خلص زي ما بدك .. هاد احمد بدو اياني بموضوع ضروري قال لاقيني بكوفي شوب .. الله يستر ما يكون بدو اياني اخطبله بدال امه .. لا و اوعي تحكي لحدا انه طالعين سوا .. بالله جد .. انا ما بعمل اشي غلط ليش اخبي عن اهلي .. الو ماما منيحة انا اسمعي احمد عزمني على فنجان قهوة بمكان لا لا و لا يهمك خلص ماما حفظتهم للوصايا العشرة .. يا حبيبي على منظري كيف بدي اروح على كوفي شوب هيك .. خلص عادي المهم احمد يعجبه .. ولك مالك بتحكي مع حالك .. انجنيت .. اهلا سهلا تأخرتي .. ازمة .. حقك عليي عجقتك .. خير شو الموضوع المهم .. ياسمين بتتذكري لما كنا رايحين عالعقبة و ماما حكت عن بنت بدها تخطبلي اياها .. اه و دي حاجة تتنسي .. شو حكيتي .. بقلك اه متذكرة خير البنت رفضتك .. هههههه ليش ترفضني يصحلها .. مادح نفسه بسلم عليك .. ياسمين لا تبلشي خلينا رايقين .. ههههه طيب .. انا شو المطلوب مني اوعى تحكيلي اروح اطلبلك اياها .. لا بدي تقنعيها توافق عليي .. شفت معناها رفضت .. لا لسا ما خطبناها ولك .. احمد رفعت ضغطي احكي شو بدك .. البنت اللي كنا نحكي عنها هي انتي .. شوووو .. ياسمين بتقبلي تتجوزيني .. ولك وين رحتي ، اطلعي اطلعي .. مش عارفة كيف وصلت تحت الطاولة اللي كنا قاعدين عليها و صار يترجى فيي اطلع بلا فضايح .. امانة احمد انت مريض اليوم ؟ شكلك مرضت مع الجو .. و لك مش مريض خلص ما بدك اياني احكي .. لا شو ما بدي اياك .. يعني موافقة .. اعطيني شهر افكر و استخير .. ولك شهر كثير خلص معك 24 ساعة .. لا كتير قليل .. خلص متل ما بدك ، المهم انك موافقةعلى واحد بحرف الألف ههههه .. بعدك متذكر ؟ .. من هداك اليوم بشوف كوابيس .. خايف ارفضك ؟ .. حكتلك ما بخاف الا من ربي ، يلا قومي اوصلك .. مستحيل شو توصلني بدك اياني اصير علكة بتم الناس .. انجنت هالبنت مش عارف عشو بحبك انا .. شو قلت ؟ .. ليش ما بتعرفي .. لا من وين بدي اعرف .. طلعتي نايمة طول الطريق معناها .. لا صاحية بس عشان لابسة نظارات شمسية مو مبينين عيوني .. طيب لازم تعرفي من وقتها اني مهتم فيكي و نفسي اضل اتفرج عليكي طول الوقت .. اه يعني هيك الحب عندك .. المهم جاوبيني و انتي شو ؟ .. كمشوه .. ههههه بقلك هبلة ما بتردي .. ماشي يا احمد انا هية الهبلة و اللي لسانها طويل اللي حكتلي عنها لما كنا نحكي عالفيس؟ .. اه و بستناكي تتخرجي بس خلص بطلت اقدر استطيع اتحمل ، هلا جاوبي انتي بتحبيني ؟ .. ما في استعانة بصديق .. لا ممنوع .. يييي كم الساعة تأخرت كتير يلا باي باي .. ولك وين رايحة استني ما بتقدري تهربي مني انا قدرك و نصيبك يا بنت .. احمد اللي كنت بس اسمع اسمه جسمي يرجف من الخوف و ما استرجي ارفع عيوني بعيونه .. ركض وراي متل الولد الصغير .. و مسكني من شنتتي و لفني لجهته .. خلص احمد بدي اروح ليش لاحقني .. طيب بس خلينا نروح سوا شو المشكلة .. لا امي عارفة انه بدي التقي فيك و هلا بتكون بتضرب اخماس باسداس و بتتهمك بجريمة قتلي اللي رح ترتكبها هية اذا تأخرت اكتر من هيك .. ليش حكيتي لخالتي ؟ .. شو شايفني مراهقة اعمل شغلات من ورا أهلي ، ليكون نسيت اني دكتورة .. والله احلى دكتورة فيكي يا بلد هو انا من قليل بحبك ، الحمدلله تعبي عليكي ما راح عالفاضي .. ههههه عارف حالك يعني .. طبعا و واثق كتير منك .. بس احمد ليكون اهلك مو موافقين عليي يعني قصدي عشان امي جابت بنات .. عالحساب دكتورة و فهمانة معقول يطلع من وحدة متلك هيك حكي رح تخليني ازعل .. طيب يعني عشان انا و اياك مشاكل كتير دايما بلكي ما اتفقنا بعد الزواج .. هههه مشاكل شو ؟ بس تصيري عندي بتبطلي تعملي مخالفات .. اه يعني بدك تتجوزني عشان تحكمي لا ما حزرت بعد عن وجهي .. هاد اللي طلع معك ؟ خلص ماشي هيني رايح بس كنت بدي احكيلك سر ؟ .. اه انا بحب الاسرار احكي .. اول شي اعتزري .. بدون اعتزارات يلا احمد نطفتلي قلبي .. يلا بالطريق بنحكي اركبي .. هات لنشوف شو هالسر ؟ .. تتزكري لما كويتيلي هداك القميص اللي لقيتي عليه عطر و روج .. اااه .. انا اللي رشيت عليه و حطيت الروج عشان اشوف اذا بتغاري عليي او لأ .. اه و شو طلع معك ؟ .. ههههه ولك كل اللي عملتيه و شو طلع معي كنت رح اكلك قد ما حبيتك وقتها ، بس بعدين زعلتيني منك و نكدتي عيشتي .. عشان حكتلك انا و علاء بنحب بعض .. لا تزكريني رحت على علاء بعد ما وصلتك يومها و ضربته بوكس بنص وجهه .. و بس عرف السبب زعل و حطك براسه .. هههههه مسكين اكل قتلة من حيث لا يحتسب .. الله يسامحك على هالمزحة قعد فترة زعلان مني و كيف صدقت كلامك و نسيت انه انا حاكيله عن حبي الك .. حقكم عليي انتو التنين خلص .. يلا انزلي و سلمي عخالتي و ما تحكيلها شو حكينا .. ما بدك تعرف انك طلبتني للزواج بدون خاتم الماس .. لا خليها مفاجاة و بتعرف بس بنيجي انا و اهلي بنطلبك و خاتم الالماس لسا ما شريته .. ههههه بمزح معك اصلا انا احلى من الاماس و اغلى جوهرة .. يا جوهرة حياتي طمنتيني كنت رايح ابيع السيارة عشان اشتريه .. لا دخيلك هاي السيارة كل ذكرياتنا فيها .. معك حق مستحيل افرط فيها اصلا .. كانت احلى لحظات بحياتي .. انا و احمد خلص رح نكون لبعض عن قريب .. و فوق هيك احمد بحبني .. يا الله خلص لازم تعقلي يا ياسمين و تتحولي ل الليدي .. ستايلك كله لازم يتغير .. من ساسي ل راسي .. كلماتك لازم تكون دافية و تقصي لسانك قبل ما هو يقصلك اياه باسلوبه الخاص .. هو ضل لسان يا حسرة اكلوه بدون ملح .. خلينا انبلش من ساسي اول .. كنت نايمة و بفكر بكل شي صار معي اليوم .. قمت من تختي و ضويت ضو موبايلي عشان خواتي حنين و رنين نايمات و ما بدي ازعجهم قال .. و لبست صندل كعب و صرت امشي متل اللي بنشوفهم بالتلفزيون و اروح و اجي .. و احكي بصوت واطي و اعمل حالي بسلم على ناس .. و اطلب عشاء كاني قاعدة بعشاء عمل .. ناسية انه الكعب بطلع صوت .. و الدنيا ليل .. و الكل نايم .. فجاة بشوف اشياء بتحبي عالارض .. و بفتح باب الغرفة شوي شوي .. انا من الرعبة طلعت عالتخت و صرت انط و اصرخ .. ما لقيت الا ضو الغرفة تشغل .. كانو خواتي حنين و رنين متخبيين ورا بابا .. انا انصدمت هدول كانوا نايمين .. بحكيلي ليش بتصرخي .. قلتله في اشياء كانت تمشي عالارض و انفتح الباب فجأة .. بحكيلي هدول خواتك يابا فكروكي انجنيتي اجو يصحوني مشان اشوف شو مالك .. شكلنا رح نفوت كلنا على مصحة عقلية و انتي اولنا .. الله يسامحك هاد اللي طلع معك .. انا بس بدي اجرب الصندل عشان حفلة ريم و علاء كنت افكر اني البسه .. شو رأيك تنطمي تنامي صحيتينا بنصاص الليالي عشان تتدربي .. خلص اسفة يلا طفو الضو حبيبات قلبي سوري عالازعاج .. عملت طوشة مع خواتي اللي عنجد فكروني انجنيت .. بس بالآخر اعترفتلهم بالحقيقة و انجنوا اكتر مني .. بعد اسبوع بننعزم على خطبة علاء وريم .. كانت حفلة كتير حلوة .. ريم قدرت تاخدله عقله لعلاء .. لانه فعلا عندها مواصفات جذابة كتير .. و اكيد ما بنسّي المرأة الا مرأة متلها .. و ملاك كانت نزوة تافهة بحياته .. احنا كنا عاملين اجواء حلوة .. بس خبر خطبتي انا و احمد ما كان حد بيعرف عنه الا خالو هيثم و دار خالتي ام احمد .. بعد الحفلة خالو هيثم طلب نحكي انا و اياه .. قعدنا بالسيارة .. كلام خالي معي كان كتير جدّي .. و نصحني فكر على أقل من مهلي .. و انه اذا مو مرتاحة لاي شغلة في احمد حتى لو كانت تافهة ما اوافق .. لانه الزواج مو لعبة اولاد صغار و كل شي بيختلف عن الحياة اللي هلأ عايشينها .. هالكلام كان مقصود الي لانه معروف عني بتولدن و بعمل مقالب .. و الزواج عالم آخر .. ما كانوا عارفين اني بموت عالارض اللي بمشي عليها احمد .. و مو شايفة اي شي غلط فيه .. مش لأنه كامل مكمل لأ .. بس الحب بخليكي تتجاوزي عن كتير شغلات .. بس انا بنت واعية و فهمانة و لازم فكر بعقلي اكتر من قلبي .. ما بدي اخلي الحب يعميني .. مو غلط لو اخدت وقتي و فكرت منيح .. و فعلا مضى وقت كبير بدون ما ارد خبر لأحمد .. و ضلت علاقتنا متجمدة و ما في اي كلام بيني و بينه او تلميحات من اي حدا .. لوقت كان اخر امتحان بالفصل عندي .. رجعت عالبيت و متجمدة من البرد .. كانت في موجة ثلجية لانه نحن بكانون الثاني و الشتا لسا ما خلص .. بلاقي بيتنا معجوق و امي بتحكي مع حالها .. بقلها خير ماما .. يلا اجيتي الحمدلله عالسلامة فوتي جهزي حالك كمان ساعتين زمن جايينا ضيوف .. طيب اسأليني كيف امتحاني .. اتطمني عليي بلكي مريضة .. يا عالم انا مش نايمة من اكتر من اسبوع ارحموني .. طيب ملحقين على هالاشياء هي جايتك عطلة و بتنامي و بتشبعي نوم .. اوك شو هالضيوف المفاجئين .. ناس جايين يخطبوكي و ممنوع ترفضي .. شووو مستحيل انا ما بدي .. ابوكي وافق خلص .. على اي اساس .. طيب بلكي العريس ما عجبه ؟ .. لا بعرفه خلصيني ما ضل وقت .. ركضت على غرفتي و انهرت من العياط .. مستحيل شو اللي بصير معي .. ليش هيك حظي انا .. مين هالعريس هاد اللي اجاني .. و احمد شو بدي احكيله ؟ و الله لاطفشه .. قعدت البس و ازبط حالي .. ما خليت رموش بلاستيك و لا مكياج و لا عدسات و لا اشي يبشعني الا حطيته .. و اهم من هاد كله بعتت وحدة من خواتي الشريرات متلي عالصيدلية تجيب ملح انجليزي .. فتحت باب غرفتي امي و بدها تسألني اذا جاهزة أو لاء .. حطت ايديها على وجهها و صرخت صوت بعدها وقعت عالارض و اغمي عليها بس بعيون مفتحة و مبحلقة بالسقف .. بابا مسكين سمع هالصوت و ركض يشوف شو اللي صار .. حملها و حطها عالتخت .. و صار يحكي معها و يسألها شو صار .. هي لسانها صار تقيل و بس ايديها اللي بتتحرك و بتأشر على اشي .. بابا صار يدور عاللي بتأشر عليه امي .. .. انا كنت بعيط على امي و كل شي على وجهي خرب .. و وقعت عدسة و نزلت ادور عليها عشان صاروا عيوني وحدة عسلي و وحدة رمادي .. بقلها على شو بتاشري حاولي تحكي حبيبتي .. ي ي يا سسس ياسمين .. مالها ياسمين ، وينها ياسمين شو مااا .. لسا ما كمل الكلمة الا هو ماسك بشعري و جرني عالمغسلة و حطني تحت المي الباردة .. حكالي اذا بتحطي اشي على وجهك يا ويلك .. و البسي كأنك رايحة عالجامعة .. ليش بابا العريس من داعش .. ضبي لسانك اوعي تفضحينا قدام الجماعة .. رحت على نبع الحنان اترجاها و ابوس ايديها و اجريها .. يمة مشان الله ما بدي اتجوز ، و الله خلص بقعد عاقلة من يوم و طالع اصلا انا عقلت .. و لا حرف ابوكي ما بكسر كلمته .. ناوي اتطلعيه ابو ريالة قدامهم و بحكوا عنه محكوم للنسوان .. هلا بابا ازا رفض بكون ابو ريالة و محكوم ؟ انا بنتكم و لا بنت الجيران .. يلا قومي البسي و امسحيلي هالدموع .. امي اليوم تحولت الآنسة منشن اللي بتيجي بكرتون سالي .. استسلمت للامر الواقع و اجو الجماعة المنتظرين و انا لسا بغرفتي .. اجت امي عندي بتحكيلي خلصيني قومي صبي عصير و بس اضيفهم بتلحقيني .. حكتلها توكلي عالله ثواني و بكون العصير جاهز .. هالمرة قررت يكون الانتقام جماعي و ما رحمت حدا .. كنت ناوية اخلي الملح الانجليزي لقهوة العريس بس بعد اللي عملوه فيي اهلي .. حطيته بكل الكاسات و ناديت امي .. و راحت اتضيف و انا القيت نظرة اخيرة على حالي بالمراية و لحقتها .. كانت مضيفة الاب و الام و اخوانه التنين و اخته كمان جاية و طبعا ماما و بابا .. انا شفتهم و نسيت وين انا و شو بعمل هون .. و ركضت اخد الصينية من امي .. و احلف اللي اخدوا الكاسات ما يشربوا .. للاسف كان ابوه شارب نصها شكله جاي عطشان .. لا يا عمو أبو احمد ليش شربت .. ولك ياسمين ليش هيك بتحكي مع ابوي .. احمد اوعى تشرب .. شو مالك هيني شربت شوي و خلص .. لاااااا .. الله يسامحهم اهلي همة السبب .. ما حكولي انكم جايين عنا .. انا حكيت لخالتي تعملك مفاجأة .. تضرب انت و مفاجآتك .. اسكتي يا بنت و اقعدي عاقلة .. وين الحمام يا ام امير .. يا حبيبي بلشنا هههههه .. عمو تفضل هي من هون شو نسيته ؟ .. ياسمين حسابك بعدين .. خلص بابا شو حكينا .. ياسمين في حمام ثاني عندكو صح .. اه طبعا عنا 3 بدل الواحد .. طيب بسرعة خديني عليه .. احمد شو صار معك ماما شكلك اخدت برد انت و ابوك .. ههههه و الله يا خالتو شكلهم ماخدين برد .. طلع عمو ابو احمد من الحمام قعد شوي و رجع قام مرة ثانية .. الحمدلله ماما و بابا سمعوا نصيحتي و ما شربوا كان رحنا على حمامات الجيران .. طلع احمد من الحمام بحكيلي ولي ياسمين شو حاطة بالعصير كشفتك .. و لا شي شو بدي احط يعني .. مش مصدق بس يلا .. طلبوني دار خالتي و انقرأت فاتحتي على احمد و كان بداية مشوارنا سوا .. قضينا هاد الاسبوع و نحن ننزل عالسوق انا و امي و خالتي و احمد مشان الذهب و تجهيزات الحفلة .. اما وقت اختيار الفستان ما كان احمد معنا .. انا فعلا كنت ناسية حالي و متخيلة حالي بس لابسة فستان حلو متل ما بتحلم كل بنت و اطلع متل الاميرات .. و خالتي اخدت راحتها بالتنقاية.. امي تقرصني و تحكيلي ارفض .. و انا بعالم آخر مش فاهمة اشي على امي .. اخترته لون غامق و شيالاته رفيعة كتير .. لانه بدون اكمام بدو وحدة مليانة تكون و انا هيكل عظمي متحرك .. اليوم كتب كتابنا و جاهتنا و بعدها حفلة الخطبة ، و كله بالقاعة كان .. بعد ما انكتب الكتاب و طلعو كل اللي معانا من مكان اللي كان فيه كتب الكتاب .. انا لساتني لابسة برنص البدلة و منزلة راسي من الخجل .. قرب مني و المصورة بتستنى فينا حكالها هينا جايين بس احكي كلمتين مع خطيبتي على انفراد .. المصورة ما عجبها قلبت وجهها و طلعت .. قرب اكتر مني و رفع وجهي بايده و باسني على خدي .. شو هالحلاوة يا بنت .. شكرا .. هههه كلك خجل .. احمد بلا زناختك .. خلص ماشي .. يلا اشلحي الجكيت هاد طالعة متل ليلى و الذئب .. لا مستحيل .. و لك شو مستحيل خلص صرتي حلالي .. بالصالة بشيله .. ما بصير انا اكون متلي متل الناس يعني لازم اتميز خلص انا بساعدك ..هاد اللي ما كنت حاسبة حسابه .. كان موقف كتير مخجل اني اطلع بلا حجاب و ببدلة بهالموديل مرة وحدة قدام احمد .. حتى هو كان مبين عليه انه خجلان .. بس الفرحة باينة بعيونه بإني من نصيبه و هو من نصيبي .. سبحان من جعل بين الحلال و الحرام شعرة .. بس لبسنا الخواتم و رقصنا slow .. كل ما يسحل شيال البدلة يرفعلي اياه و يقلي ضبي حالك .. تذكرنا مواقف طفولتنا اللي انرسمت ملامح حبنا فيها .. و كل شي مرقنا فيه من مغامرات .. و آخر موقف كان الملح الانجليزي اللي انحط في العصير .. ضحكنا كتير و نسينا حالنا .. حلفتله يمين انه ما كان قصدي .. قال انتي الشر عندك فطري و لازم اقضي عليه .. يعني رح تنتقم مني .. لا رح احبك اكتر و اكتر مشان اخلي الحب يحتل قلبك بدال الشر .. و انا رح اعطيك اكبر جرعات من العشق بكل نظرة مني الك .. و فعلا بلشنا بهالنظرات لما قعدنا نتصور الصور الخاصة بنص الحفلة .. المصورة جننته اشي حطها بحضنك و اشي امسك ايديها و اشي اقعد و هية توقف و بعدين وقف و هية تقعد .. اما اللقطة اللي خلت المصورة تعتزل لما طلبت منه يعطيني بوسة على تمي .. هون احمد حكالها اعطيني كرت الكميرا و تفضلي ارجعي على بيتك .. و انا ميتة ضحك .. اجت عليه خالتي بتفكر صار اشي بيناتنا عشان كان بصرخ و معصب كتير .. المهم المصورة اعتذرت و لغت الصورة بعد ما فهمتها خالتي انه لسا جديد كتبنا كتابنا و مش ماخدين على بعض .. و عند تلبسية الدهب اشتغلت فيه .. كل ما يمسك قطعة يلبسني اياها احكيله لأ اول هديك القطعة .. طيب صرت طايلها خلص البسيها .. لا ما بصير عالدور لازم .. و هو منفعل بالتلبيس و انا الف وجهي عالكميرا و ادقره بكوعي عشان يتطلع عالصورة .. كل الصور طلعت فيها ايدي ببطنها محشورة .. يسم بدنها المصورة حقدت علينا عالاخر .. و بس خلصت الحفلة و بدهم يدخلوا القرايب .. طلب من الموظفات يمنعوا اي حد يدخل لحد ما اتستر .. ايوا هاي الكلمة كمان اليوم بس السترة اللي من العيار الثقيل .. انهلكت و هو بضب في شعري تحت طاقية البرنص .. و ليش مش جايبة قمطة متل اللي بتلبسيها تحت الشال .. استغفر الله شو اجيب قمطة و التسريحة وين اودي فيها .. بنفكها .. فاتوا الرجال و اخيراً .. و بكل صورة عيون احمد بدل ما تكون عالكميرا بتكون عليي .. مش عشان اشي لا بس بدو يتطمن انه مستورة ههههه .. قصة حياتنا انا و احمد .. فارس احلامي و يمكن فارس احلام كتير بنات ، ما توقفت هون و مغامراتنا سوا مستمرة اكيد .. متل حبنا .. هيك بتكون قصتي مع عيلتنا انتهت .. بس قصص كتير مخبية بكل عيلة .. كانوا يقولوا انه اصعب الحماوات العمات و الخالات .. و انا بقلكم انه الخالة متل الام و العمة ريحة الاب .. خلوا الخير يسيطر على قلوبكم و ما تعموا قلوبكم بالحقد و الافكار السلبية .. اعملوا كل شي بتحبوا الناس تعمللكم متله .. و لا تنسوا حديث رسولنا الكريم ( لا يؤمن احدكم حتى يحب لأخيه ما يحب لنفسه ) .. *★االــــنـــــهــــــاايةة★* =========༻👍🏻༺=========== ◈◉ ༺༻ انتـهـت الروايــة ༺༻◉◈ =========༻👍🏻༺=========== 📚 "فضلا وليس أمراً " ارجو منك أن لا تبخل علينا بتعليقك واخبارنا كيف كان رأيك عن هذه الرواية من أجل معرفة انتقاء الروايات التي تعجبكم ونستمر في نشر المزيد =========༻👍🏻༺=========== ◈◉ ༺༻تذكر أن رأيك يهمنا༺༻◉◈ =========༻👍🏻༺=========== ◈◉༻ ونراكم قريبا إن شاء الله༺◉◈ ◉✹◉◈༻ في رواية جديه༺◈◉✹◉ ==========༻👍🏻༺==========