الفصل السابع
صحيت نور تانى يوم بدرى وراحت على الصيدليه لاقت الدكتوره لسه مجتش قعدت فى الصيدلية وبعد ساعه جت الدكتوره قالتلها ازيك يا نور بصى انتى هتقعدى فى الصيدلية ولما ييجى معاد درسك تروحي وبعد الدرس تيجي. ردت نور ماشي وبعد شويه جه شاب للصيدليه بص لنور بدهشه وكلم الدكتوره وقالها ايه دا انتي شغلتى حد عندك مش مهم أنا عايز فلوس علشان اخرج مع صحابي راحت الدكتوره جابتله فلوس قالتلى ما تشتغل ما بتشتغلش ليه قالها مش عايز يلا سلام. قالت نور بدهشه مين دا ردت الدكتوره دا ابنى ادم اللى قولتلك عليه معرفش عنه حاجه كل ما بييجى بياخد فلوس ويمشى ومعرفش بيروح فين. بعد شويه معاد الدرس بتاع نور جه فاطمه دخلت الصيدليه يلا يا نور هنتأخر وراحو الدرس دخلت نور الدرس لاقت الكل بيبصلها بسخريه. لان ملك اللى بتكره نور عرفت الكل ان نور بتشتغل ولان كتير كانو بيغيرو من نور لان هى اشطر منهم بيعاملوها بسخريه دخلت نور وقعدت فى الدرس لاقت البنت اللى جنبها بتقولها انتى صعبانه عليا اوى يا نور يا حرام بتشتغلى طول النهار علشان تجيبى فلوس الدروس وكمان لما تيجي الدروس تلاقى محدش بيكلمك ويا ترى هتعرفى تذاكرى وتروحى الدروس مع الشغل مستحيل أنا بقول تشتغلى علشان تعرفى تعيشى وخلاص. دخل استاذ علي مدرس العربى اللى كان شاف نور فى الصيدليه دخل بص لنور بدهشه وقالها كويس انك جيتى يا نور علشان فاتك حاجات كتير ابقى ذكريها بقا. وكل دا وتعبيرات الحزن مرسومه على وش نور وبعد ما الحصه خلصت مقدرتش نور تتحكم فى دموعها وهى رايحه الى الصيدلية كانت معاها فاطمه قالت ل فاطمه أنا مش هروح الدروس تاني أنا هذاكر لوحدي ردت فاطمه بصى يا نور الناس بطبعها بتحب تتكلم على اى حد لو كل واحد مننا ركز الناس بتقول عليه ايه عمره ما هيكون انسان ناجح ومتقدم ارضاء الناس غايه لا تدرك مفيش حد مهما عمل للناس الناس هتقول عليه حلو ف كلام الناس دا اخر حاجه تيجى فى دماغك أنا عارفه ان كلامهم يزعل بس انتى معملتيش حاجه غلط مش عايزه تيجى الدروس ليه عايزه تهربى من كلامهم لأ انتى كدا مش هتهربى من كلامهم انتى كدا بتبعدى عن حلمك حطى حلمك قدامك ومتشوفيش غيره انتى قويه يا نور وعديتى بحاجات كتير. بصت لهم نور وكلام فاطمه هداها شويه راحت بقيت الدروس و اصحبها مبطلوش كلام علشان يزعلوها بس هى كانت ساكته ورجعت الصيدليه الدكتوره لاقتها زعلانه قالتلها فى ايه المفروض تكونى مبسوطه دلوقتى انتى روحتى الدروس حكتلها اللى حصل قالتلها يا نور قولتلك متهتميش لكلام حد ومتفكريش فى كلامهم. قعدت تشتغل لحد ما جه المعاد اللى بتروح فيه وهى فى طريقها للبيت ماشيه زعلانه ولما دخلت البيت اختها لاقتها زعلانه استغربت الان المفروض تكون مبسوطه انها رجعت الدروس. دخلت نور على غرفتها اختها خبطت على الباب نور فى حاجه قالتلها أنا هنام قالتلها ماشى دخلت نور ومسكت صوره باباها ومامتها وقالت بحزن كل يوم بيقابلنى حاجه توقفنى وتبعدنى عن حلمى اكتير بس متقلقوش مهما حصل انا لازم اوصل لحلمى الامتحانات قربت لازم اذاكر كتير كلها شويه واكون الدكتوره نور وبعدها قالت يارب قالت اول ما هوصل لحلمى مش هنسى ابدا الدكتوره وفاطمه اللى وقفو جنبى ودعمونى ومش هنسى بردو اللى بيبصولى بسخريه بكره هبصلهم بثقه وانا ناجحه ومحققه حلمى ونامت من التعب وهى حاضنة الصوره.
يتبع.........