الفصل الخامس
فاطمه قعدت تتكلم مع نور وشويه تليفون فاطمه رن مامتها بتتصل عليها علشان اتأخرت فاطمه كلمت مامتها وقالت لنور معلش هروح علشان ماما قلقت عليا و متقلقيش هعدى عليكي كل يوم اسلم عليكي واقعد معاكي شويه سلام. ومشيت فاطمه نور لاحظت ان الدكتوره نامت كتير راحت صحتها بكل هدوئ فالدكتوره فائت فمشيت نور راحت جابت اكل ورجعت للدكتوره فالدكتوره لما شافتها ابتسمت قالتلها نور انتى شكلك مكلتيش ولا أنا يلا ناكل سوا ابتسمت الدكتوره وقالت لنور انتى طيبه اوى وان شاءلله هتحققى حلمك. فرحت نور من كلام الدكتوره وخلصو اكل والصيدليه كانت فاضيه مفيهاش حد على المغرب الدكتوره قالت لنور الصيدليه فاضيه ايه رايك نقفل حالا وتروحى تذاكرى وأنا ورايا ورق عايزه اخلصه نور قالتلها ماشى وقفلو الصيدليه. وروحت نور للبيت وفتحلها جوز اختها قالها بسخريه انتى جايه بدرى ليه طردوكى ردت نور لأ و دخلت على غرفتها نادتلها اختها يا نور راحت لها نور قالتلها خالتك هتيجى تزورنا كمان شويه اقعدى بره علشان تسلمى عليها ردت نور أنا بقول ادخل أنام ولما تيجى قوللها نايمه علشان انا مش بحب كلامها دايما بتزعلنى بكلامها وبعدين هى هتجيب محمد معاها وانتى عارفه ان خالتو كانت عايزانى اتجوز محمد وانا رفضت وماما وصتها انها متخلنيش اتجوز محمد و من ساعتها وهى بتعاملنى وحش. اختها قالتلها نور انتى عارفه ان ماما الله يرحمها كانت بتحب خالتك جدا وكانت ديما تقولنا ان احنا نعاملها كويس. سكتت نور شويه وقالت خلاص أنا هسلم عليها علشان خاطر ماما الله يرحمها وبعد شويه الباب خبط خالت نور جت. راحت نور فتحت الباب خالتها ازيك يا نور عامله ايه ردت نور الحمدلله بتقفل الباب لاقت محمد داخل قال سلام عليكم ردت نور وعليكم السلام دخلو قعدو شويه وبعدين محمد قال استأذن يا جماعه علشان عندى مشوار مهم ومشى وقعدت خالت نور تتكلم وقالت بسخريه لنور أنا عايزه اعرف انتى بتتعبى نفسك فى المذاكره ليه هتستفادى ايه يلا، معلش أنا همشى بقا علشان ورايا حاجات يلا سلام دخلت نور لغرفتها ونامت على السرير وهى نايمه بصت جنبها شافت صوره باباها ومامتها قالت الله يرحمكم انتو الوحيدين اللى كنتو بتشجعونى ديما انى احقق حلمى من بعد ما سبتونى ومفيش حد بيشجعنى و بعدين قالت أنا هشجع نفسي علشان احقق حلمي وعلشنكم. وبعدين افتكرت خالتها قالت هى ليه بتقولى متذاكريش ومش عايزانى اتعلم مع ان ابنها متعلم وفى كليه حقوق وبعدين افتكرت كلام الدكتوره لما قالتلها انتى صح متفكريش فى كلام حد قالت لنفسها سيبك منهم يا نور روحى نامى علشان متتأخريش على الشغل زى انهارضه
يتبع........