الفصل الرابع
وفى الهدوء فى الليل صحيت نور على صوت اذان الفجر قالت أنا لازم اقوم اصلى الفجر مينفعش أنام راحت اتوضت و صلت الفجر و الوقت كان جميل جدا قعدت على المصليه تقرأ قرآن وفضلت تقرآ الى حد ما الشمس طلعت وقعدت تدعى ربنا انه يصبرها علشان تحقف حلمها وهو كمان كان حلم ابوها ومن التعب غلبها النوم ونامت على المصليه وبعد ساعات صحيت نور بتبص فى الساعه لاقت انها اتأخرت على الشغل واختها مصحتهاش قامت بسرعه تجهز علشان متتأخرش و بعدين افتكرت ان اختها مصحتهاش بعد ما خلصت راحت الى اختها لاقتها قاعده فى الصاله وحاطه ايديها على دماغها نور قالتلها مالك قالتلها تعبانه نور قالتلها الف سلامه أنا هروح الصيدليه حالا اجيبلك دوا وبعدين اروح تانى قالتلها لأ علشان شغلك نزلت نور بسرعه وراحت لاقت الدكتوره هناك قالتلها اتأخرتى ليه يا نور قالتلها كنت بصلى الفجر وتعبت ونمت وصحيت متأخر قالتلها ماشى بس حاولى متأخريش تانى قالتلها حاضر بس أنا مضطره اروح البيت تانى وهاجى قالتلها ليه قالتلها اختى تعبانه جدا ف أنا هاخد دوا اوديهولها واجى قلتلها ماشى بس بسرعه عشان فى ناس كتير هنا راحت نور بسرعه الى البيت وادت العلاج الى اختها و جبتلها فطار ورجعت للصيدله بسرعه تساعد الدكتوره علشان فى ناس كتير وقعدت تساعد الدكتوره و بعدين الدكتوره قالتلها أنا تعبانه اوى أنا هنام على الكرسى ده شويه نور قالتلها ماشى ولقت نفسها فاضيه طلعت الكتب وقعدت تذاكر وهى بتذاكر افتكرت اللى حصل امبارح من استاذ علي وزمايلها وزعلت وبعدها تليفونها رن ردت لقت واحده بتقول الو الصوت مش غريب لنور بس هى مشيت عارفه تحدد و الرقم مش متسجل لاقت اللى بتكلمها بتقولها نور انتى مش فكرانى أنا فاطمه صاحبتك ودى فاطمه صاحبه نور اللى كانت دايما تقف جنبها وتساعدها فى الدراسه وكانت طيبه جدا قالت لنور انتى فين انا مش هتكلم فى التليفون أنا عايزه اشوفك اترددت نور حست ان هى لو قالت لفاطمه انها فى الصيدليه وجت وشافتها تسخر منها و متكلمهاش زى زمايلها بس قالت مش قدامى حل تانى أنا مش بكذب وقالت لفاطمه انها فى الصيدليه فاطمه من غير كلام قفلت وراحتلها الصيدليه قالت ازيك يا نور وحشتينى معنتيش بتيجى الدروس ليه انا قلقت عليكى فى حاجه حكتلها نور على اختها وان هى لازم تشتغل علشان تجيب فلوس الدروس فاطمه قالتلها انتى بتشتغلى هنا نور قالتلها بحزن اه قالت فاطمه بصى يا نور الشغل مش حاجه وحشه بالعكس الشغل حلو وكمان هتكتسبى مهاره الشغل علشان لما تبقى دكتوره اطفال عسوله تعرفى تشتغلى وأنا هبقى معاكى وهعدى عليكى وأنا خارجه من الدرس انتى بتذاكري نور ابتسمت وحست انها مش لوحدها وقالت اه بذاكر قالتلها طب شطوره زعلانه ليه بقا دا انتى اشطر منى بتشتغلى وبتذاكرى مين زيك يا ستى ابتسمت نور وقالت لفاطمه شكرا انك واقفه معايا ومعملتنيش بسخريه زيهم، فاطمه بدهشه زيهم من دول اللى بيسخرو منك ويسخرو منك ليه اصلا قالتلها خلاص مش مهم قالتلها نور قولى حكتلها نور على استاذ على و على زمايلها ساره وملك ردت فاطمه متهتميش ليهم انتى صح وطول منتى عارفه انك صح متهتميش لحد انتى قويه يا نور و رغم كل حاجه انتى مصممه على حلمك هما غيرك هما اتعودو اى حاجه يحتاجوها يلاقوها معندهمش اراده وقوه زيك واى موقف صعب بيحصلهم مهما مان صغير مش بيعرفو يتصرفو ابتسمت نور وحاست براحه كبيره من كلام فاطمه وحاست بفرح من ان فاطمه واقفه جنبها وبتدعمها.
يتبع........