ولنا في اللقاء نصيب 💞 - الفصل التاسع والعشرون - بقلم هبة عبد الرحمن - مكتملة | روايتك

وكانت كنده تجلس مع عمها خالد ووجدت انه حزين وعلمت ان الموضوع يتعلق بالسيده علياء ولذلك ذهبت الى جانا وتحدثت معها في الموضوع واقترحت عليها جانا ان تذهب هي وكندا لمقابله علي وكريم ويفاتحهُم في الموضوع من الواضح ان السيده علياء محرجه ان تتكلم معهم في الموضوع ووافقت كندا على الفكره واتفقوا ان يتقابلوا مع الشباب وبالفعل ذهبوا الى المطعم واخذت كنده كريم بعيدا قليلا حتى لا يرى الجميع رده فعله من الممكن ان يغضب او يوافق هي لا تعلم وفعلت مثلها جانا واخذت علي بعيدا عن المطعم وتكلمت كندا مع كريم وقالت له: كريم حبيبي انا عايزه اتكلم معاك في موضوع كريم: قولي يا حبيبتي عايزه تقولي ايه : بس انا بصراحه خايفه من رد فعلك كريم :يا حبيبة قلبي ازاي تخافي مني ده لسه اقل من شهر على فرحنا واكون جوزك انا مش عايز اكون جوزك بس يا كندا انا عايز اكون مصدر امانك وحمايتك اكون لك صديق قبل الزوج اي حاجه تكوني عايزه تقوليها تيجي تقوليها من غير ما تخافي او تقلقي يا حبيبتي وانا اوعدك ان حتى بعد الجواز هفضل صديق ليكي حتى لو احنا زعلانين من بعض تيجي تقولي لي انا عايزه كريم صاحبي مش كريم جوزي وهتلاقيني دايما ليك مستمع انا هكون لك العالم كله يا كنده مش هخليك محتاجه اصدقاء ولا اخ ولا اب ولا ام هكون ليكي كل دول فرحة كندا كثيرا بكلام كريم وقالت له: طيب تعال نقعد على الصخره دي وبعدما جلسوا تكلمت وقالت: كريم يا حبيبي انا وانت بعد ما نتجوز وكمان هنا وعلي هيتجوزوا ماما علياء هتكون لوحدها في البيت كريم: لا يا حبيبتي مش هتكون لوحدها احنا هنتجوز معاها في البيت :لا يا حبيبي مش قصدي على البيت قصدي يعني انها دلوقتي مشغوله بيكم واهتمامها بيكم وبشغلها بس بعد ما انتم تتجوزوا هيكون كل واحد عنده اللي يهتم بيه وقتها هي هتحس بفراغ عاطفي وانها وحيده كريم: قصدك ايه يا كنده :كريم يا حبيبي عمي خالد ما اتجوزش قبل كده بسببي انا يا كريم وبدات دموعها في الهطول وقالت لما بابا وماما اتوفوا عمي خالد هو اللي رباني ورفض انه يتجوز خوفا من انه يظلمني او ان مراته ما تحبنيش وتعاملني معامله وحشه هو اللي عوضني عن حنان امي وابويا واخواتي واصدقائي هو كل حاجه ليا في الدنيا يا كريم وهو وحيد انا كنت مكرره اني لما اتجوز هتجوز معاه في فيلته عشان مش هسيبه لوحده مش بعد ما ضيع عمره كله علشاني وما لوش في الدنيا غيري اسيبه يعيش وحيد نظر لها كريم وقال :انا اسف يا حبيبتي بس احنا هنعيش مع ماما وبعدين عمك خالد راجل ويعرف يعيش لوحده لكن ماما ست ومحتاجه اللي يحميها ويا ستي لو على عمك خالد هنزوره كل يوم كنده :انا ما اقصدش كده يا كريم انا قصدي ليه نخلي فيهم حد وحيد عمي خالد معجب بمامتك يا كريم وعايز يتجوزها وده مش عيب ولا حرام ده شرع ربنا يا كريم ومامتك هتعيش مع عمي خالد والاثنين هيونسوا بعض وما يكونش حد فيهم وحيد واحنا يا حبيبي كل واحد هيكون مع شريك حياته ليه نسيبهم يعيش كل واحد لوحده هو هيهتم بيها وهي هتهتم بيه وبكده نبقى حلينا المشكله ولا انت تقلق على مامتك ولا انا اقلق على عمي ارجوك يا كريم وافق علشان خاطري وبعدين يا حبيبي دي مش حاجه تضرك في اي حاجه خالص ولا تخليك محرج من حد شرع ربنا عمره ما كان سبب في احراج حد يا كريم ارجوك يا حبيبي وافق كريم :وماما عارفه بالموضوع ده : بصراحه يا كريم ايوه عمي خالد فاتحها في الموضوع وطلب ايديها للجواز بس انا حسيت ان مامتك محرجه تفتح معاكم الموضوع علشان كده عايزاك تخفف عليها الحرج ده يا كريم وتفاتحها انت في الموضوع وتقول لها لو عايزه تتجوز علشان ما تكونش وحيده تتجوز وان انت مش زعلان ارجوك يا كريم علشان خاطري يا حبيبي كريم :خلاص يا حبيبتي اي اللي انتي عايزاه وعندك حق لي نسيب كل واحد منهم وحيد خليهم يونسوا بعض فرحة كنده بشده وحضنت كريم دون وعي منها وبعدما انتبهت ما فعلت ابتعدت عن كريم وقالت له: انا اسفه كريم وهو ينظر لها بعشق: اسفه على ايه ده انا مستعد اجوزهم دلوقتي عشان اخذ حضن ثاني ضحكة كنده بشده وقالت له: ومستعجل لي بعد شهر هكون في حضنك ومش هخرج منه ابدا ابتسم لها كريم بعشق وعند جانا وعلي تكلمت جانا: علي يا حبيبي : نعم يا روح قلبي : هو ينفع يا علي اثنين يحبوا بعض يتفرقوا بعيد عن بعض : لا طبعا يا روحي ما ينفعش خالص :طب ينفع يا حبيبي نحلل الحب والجواز لينا ونحرموا على غيرنا :لا يا روحي وبعدين هنحرمه ازاي ده شرع ربنا :عندك حق يا حبيبي علشان كده اونكل خالد عم كنده عايز يتجوز مامتك يا حبيبي موافق يا علي هم بيحبوا بعض يرضيك نكسر قلوبهم يا علي ارجوك يا لولي :يا خبر ابيض هو بعد لولي دي انا اقدر ارفض ولا اتكلم انا اللي يتجوز امي هقول له يا عمي عادي انا ما عنديش مشكله ابتسمت له جانا بحب وقالت له: ربنا ما يحرمنيش منك يا لولي