ديسمبر الممطر - الفصلُ21 - بقلم رغد نور الدين | روايتك

كان قبل قليل # أيمن و جاسر جالسين في البيت ، أيمن جالس يدرس في الصاله و جاسر منسدح على الكنبه في غرفته و ماسك الموبايل فجأهههههه رمى جاسر الموبايل جنبه ونزل جري لتحت وجلس مع أيمن وحط إيده على وجهه : أستغفر الله العظيم من كل ذنب عظيم أيمن طالع فيه مستغرب : الحمدلله والشكر وشفيك !! جاسر اطلق تنهيده : أنا كنت اتكلم مع بنت لي فتره بس البنت كانت هويتها مجهوله ، وحتى انا هويتي مجهوله ، تقدر تقول اني اقدر افضفض لهذي البنت و تحل لي المشكله اللي واقع فيهاا او افكر فيها وأخيرا البنت لقت حل للمشكله بس المفاجئه هي انها قاعده ادور حل لنفسهاا واتصلت علي وهزئتنيي وما ادري تلخبطت ، سااااعدنيي أيمن مستغرب و يستوعب كل هالكلام اللي قاله جاسر : اي زين كمل وش اللي صار !! جاسر بحزن : طلعت البنت هي لجين وما ادري شلون عرفتني أيمن وسع عيونه على اخرهن : منجدك انتَ؟؟؟؟؟؟ جاسر هز راسه بالإيجااب ورمى راسه ع المخده : ما توقعت صححح حتى اناا انصدمت وما ادري شلون درت و انا مسجل كلشي بإيميل وهمي !! أيمن و هو يتريق على صوت جاسر : ماااااا توقعت انت شفيك صاااحي وهو يأشر على راسه : عقلك فيهه شي او وشوو ، اشهاذي حركات العيااال القاعد تسويها يعني موضوع تافه كبرته لهذي الدرجه ياخي والله خرعتني ما توقعت وش اللي ما توقعته وانت حياتك كلها ايميلات وهميات شفيك ياعم انت بس اقول الله يثبت علينا العقل والدين !! جاسر قام يروح للساحه طالع في اخوه نظره مليانه حزن : تدري انا الغلطان الجاي افضفضلك الحق مو عليك علي اناااا أيمن رجع مسك الكتاب : لا بلاهاا هالفضفضه وقطع حديثهم إتصال على موبايل أيمن من فيصل : هلا ابوي فيصل وهو يلهث : ااايمن وين انت أيمن عدل جلسته: في البيت ليش اشفيك؟ فيصل : لجين نقلوها ع المشفى وانا في المشفى تعال خذني للبيت لأن شوي و بوقع ع الأرض وسيارتي مو معاي أيمن قام من مكانه : لججججييننن اشفيهااااااا ييااا؟ فيصل : ما ادري يقولون لقيوها مغمى عليها وللحين الدكاتره ما طمنونا أيمن : طيب جاااي جاي الحين جاسر اللي قلبه كاد يوقف لما سمع هذي المكالمهه !! : وشفيهاا لجين يا أيمن أيمن قام : ما ادري قالو مغمى عليها والدكاتره للحين ما طمنوهم جاسر مصدووووم : انت راااااااايح أيمن وهو يركض نحو الغرفه بيبدل ملابسه : اايي جاسر : اجلل بروح معك!! أيمن : لا ما ترووووحح جاسر بعصبيه : الا بروح وغصب عن الكل طبعا أيمن سكت عااارف ان لو جاسر قفل رااسه بيسوي اللي يبغااااااه !! راحو ركض للسياره ووصلوا للمستشفى .