_بسبته الكل ضدي.. حتى أهلي الي ما هقيت يكسروني" - الفصل الرابع - بقلم سارا مهند | روايتك

بيت ابو هايف الكل كان موجود ابو هايف معصب: محسسسسسن فز محسن من صوت ابوه محسن: سم يبه ابو هايف: اسمعني علم يوصلك ويتعداك والله ان شفتك تناظر بنت سعود ولا تجيب لها شي ماتقعد في بيتي دقيقه تسمعني محسن انصدم من كلام ابوه: يبه وش هالكلام الله يخليك االكل يناظرون الي يحصل بصدمه مش عارفين وش قصه بنت سعود ابو هايف: تسسسمعني ولا لا هايف: اهدى يبه وما يصير الا الي يرضيك حسين: اقعد يبه وهدي محسن: انا مستحيل اسحب على ميار والي تبونه سووه انا كلمتك يبه قلت لك ابيهاااا ابيك تخطبها لي ما ابي غيري يخذها ابو هايف: كلمت سعووود يقول مايبي الناس تتكلم فيه وانت تحشم نفسك وتبطل هالحركات تبي نخطب لك البنات واجد بنت سعود ابعد لك من نجووم السماء هايف ناظر محسن: ولد لا تعصي ابوي واسمع وش يقول محسن بخنقه: اذا الموضوع عشان عمي سعود بكلمه يبه بس تكفى تكفى لا تحرمني منها ابو هايف: الظاهر مالي حشمه ولا لكلامي معنى محسن: محشوم يبه بس انت تدري وش كثر احب هالبنت وعادي بكلم عمي سعود والي تبيه يصير بس لا تحلف عليا لميار هايف: ولد مش وقت الخرابيط ذي شايف الموضوع كبر وشلون تروح تكلم سعود بعد الكلام الي قاله لبوي هاه حسين: اهدى وانسى هاذي ترا دامها من اولها مشاكل لا تتعمق اكثر راح محسن لبيت سعود والي يبيه الحين ياخذ ميار ................................................ بيت ابو راشد ام راشد: هاه راشد مابغيت تخطب وتونسنا راشد: والله ودي يمه بس مالقيت بنت الحلال الي ابيها ام راشد: انا ادور لك ازين بنننت راشد: الله يخليك يالغاليه مطلق ومعه كوب شاي: وش اسمع يناس اخوي راشد يبي يخطبب ويوسع صدره ومطلق المسكين بعدين راشد: وش المسكين انت مسكين ااااه ياقلبي لاتخليني افتح دفتر جروحي منك مطلق: افا يالكذوووب دفتر راشد: ايه دفتررر وبكل خط فيه جرح مطلق: زين اوريك النكبات الحين ام راشد: وش نكبات وش جروح اعقلو احسن مطلق: يمه تريه كذوب ذا والله اني انسان مسيكن وحالي حال نفسي هو بالأصح معي له دفتر اكاذيبه راشد يناظر مطلق بصدمه كيف يعبر عن نفسه وكانه مسكييين وماله شغل بخصوصيات غيره مطلق: هههههههه وش فيك تناظرني كذا راشد: ابد اتعلم منك شوي مطلق: هههههههههه ................................ فالمدرسه عند البنات اديم: افففف والله ملل هالامتحانات والخرابيط متى بفتتتك سلمى: اي والله صدقتي بس تدري عاد المرحله الجايه اصعب هنادي: توني استوعب اني خلاص باقي لي سنه واخلص اديم: اي حتى انا سارا: بنات روحو جيبو لنا شي جوعانه سلمى: يابنت خفي شوي ماغير بطني وجوعانه هنادي: على كثر الي تاكلينه بس مايبين عليج والله لو هو انا صايره دبه ويالله امشي من وزني البنات: ههههههههههههههههه سارا: خلاص انا بروح تبون شي اجيب لكم معي سلمى: ايه جيبي لي عصير تكفين هنادي: وانا شيبس اديم: انا ما ابغى راحت سارا ناظرت بوابه المدرسه وانصدمت من الي يناظر ويراقبه من اول صدت بضييق سارا: ياربي وش قصه هالهايف شوي وراحت له رغد وعرفت سارا انه اجا لها راحت للبنات وبالها مشغول في هايف وحركاته توها تجلس وجوالها يرن اخذت جوالها وراحت عن البنات سارا: نعم هايف: ينعم عليك سارا: وش تبي هايف: شايفك اليوم بدون نقاب وتمشي ع كيفك والبوابه مفتوحه خير سارا: وش دخلك امشي على كيفي بصفتك من تحاسبني هايف: بصفتي ولد عمك ومش يعني اذا صارت مشاكل وابتعدنا بننسى العادات سارا: وش من عادات يعني اتصالك الحين لي من العادات هايف: سمعتي الي سمعته ولا تكثري كلام اشوفك مره ثانيه بدون نقاب وشوفي وش بيصير وسكر الاتصال سارا: اموت واعرف وش يبي ذااا عجزت افهمه افففف .................................