_بسبته الكل ضدي.. حتى أهلي الي ما هقيت يكسروني" - الفصل الثاني - بقلم سارا مهند | روايتك

سارا: هلا اديمو اديم: بنت وينك ليه ما حظرتي اليوم سارا: انا لحالي ف البيت ابوي وامي ف المستشفى اديم: عسى ماشر سارا: اخوي مطلق تعبان وودوه المستشفى اديم: اها.. سارا: اي علميني وش صار ف المدرسه اليوم اديم: ابد طال عمرك ذيك الاحداث الي تعرفينها سارا: وسلمى وهنادي وينهن انتي معهن اديم: توهن راحين كنا معا بعض سارا: زين.. يلا بسكر اديم: مع السلامه. ................................. في بيت ابو هايف: ابو هايف) شخص عصبي وما يبي يصير الا الي يرضيه وتحت أمره ام هايف) لطيفه وحنونه والى الحين وهي تكلم ابو هايف ينهي مشاكله مع ابو راشد وابو هايف مايبي هالطاري ابد هايف) شخص جذاب وحلو وما يرد لابوه كلمه رغد) اخت هايف تحب بيت ابو راشد وبالاكثر سارا وتبي تنهي هالخصام غزيل) اخت رغد مخطوبه وبتعرس قريب وتكره طاري بيت ابو راشد وما تطييق سارا ابد حسين) اخو هايف ويجهزون له بيعرس محسن) الاصغر ف العايله وتوه مكمل الثانويه هايف: هاه يبه كلمت عمي؟ ابو هايف: اتصلت فيه وترد عليه سارا بنت ماتستحي ترد على جوال ابوها هايف: اها سارا ابو هايف ناظره بطرف عين: وش تقول؟ هايف: هاه ولا شي ابو هايف: قم قم روح السوق جيب لامك الي تقول هايف: ابشر هايف: يمه ام هايف: هلا ياوليدي هايف: هلا فيج وش تبون اجيب لكم انا رايح السوق رغد: بكتب لك وش نبي هايف: والي يرحم ابوك لا تكتبين انتي يمه تكفين اكتبي انتي ذي باتخليني اقش السوق كله تبي اشياء مالها داعي رغد: وشههو يالكذوب انت البخيل الي ماتبي تجيب شي.. عطني الفلوس وانا بروح اجيب هايف: ضفي وجهك احسن لك قالت اروح.. غزيل: خلاص ولا تعصب انا اكتب لك هايف: يا جعلني منحرم منج بس رغد: وش ماتنحرم ابشرك بتعرس بعد اسبوع من الاخر الكل بيروح وادوم لكم انا ي فديتني هايف: مصيبه يا ام لسان متى تعرسي ونفتك منك ام هايف: لا تزعل اختك يمه تراها تغليك بس لسانها ياربي بس رغد: وش انا اغلي هايف ههههههه من متى؟ هايف: عاد امي تقول لا تزعلها يمه ذي لا ذمه ولاضمير غزيل: ولا تحس اصلاً لو ننقفها نقف الكل: هههههههههههههههههههه هايف: اقول بسرعه اكتبو اروح احسن ما يمردغني ابوي الحين رغد: يكون مسوي خييييير فيني هايف: انقلعي بس ..................................... عند مطلق صحى ولقى ابوه وامه ام راشد: مطلق طمني عنك يمه كيفك الحين مطلق بصوت تعبان: الحمدلله يمه بخير ابو راشد: الحمدلله على سلامتك وانا ابوك مطلق:الله يسلمك يبه ام راشد:قم اكل ذا ما اكلت من الصباح مطلق:يعطيك العافيه الا راشد وينه ابو راشد:ف الدوام راح من بدري مطلق:زين ........................... عند سارا..راحت تشوف من يطق الباب سارا:مين راشد:سارا انا راشد سارا:هلا راشد راشد:اهلين فيج وين مطلق ما صحيتيه سارا:الا صحيته بس كان تعبان وودوه المستشفى راشد:سلامات وش فيه؟ سارا:مسخن والحين يجو راشد:زين ......................... عند البنات.. سلمى:بنات كلمتو سارا ماشفتها اليوم اديم: اي كلمتها تقول اخوها مطلق تعبان وما قدرت تجي هنادي:عسى ماشر وش فيه اديم:سخونه بس.. .......................... ابو هايف:محسسن محسن:هلا يبه ابو هايف:جب القهوه والحقني لبرا ابيك بموضوع محسن:ابشر راح اخذ القهوه ومدها لابوه محسن:سم يبه وش بغيت ابو هايف:ولد ماودك تعرس محسن ناظر ابوه بصدمه:يبه هايف اكبر مني وبعدين من وين طلع طاري الزواج الحين ابو هايف:ابيك تعرس قبل هايف محسن:لييه يبه توني على ذا الموضوع ابو هايف:ما ابغى اعتراض قلتها كلمه تفهم وماترد ولا بس عملك تراقب بنت سعود محسن ناظر ابوه بصدمه وش عرفه انه يحب بنت سعود:يبه وش ذا الكلام الله يخليك ابو هايف:ايه تحسبني مافهم حركاتك تراك مفضوح وادري انك تحبها بس شيل هالفكره من راسك محسن: ليه تراك اذا تبني اعرس مستحيل اعرس بغيرها احبها وما ابيها تروح مني ابو هايف: مجنون انت تبي تعرس من بزر محسن: عشان كذا ما ابي اتزوج الحين بنتظرها ابو هايف: بتجنني انت وش تبي فيها هاه محسن: يبه الله يخليك الا ميار ابيها يبه ابو هايف: عجزت اربيكم عن ذي الخرابيط بس والله ان زوجت هايف انك بتعرس بعده بها ولا بغيرها تسمع محسن: الي تبيه يبه ابشر .................................. رجع مطلق البيت الكل راحو يسلمون عليه ابو راشد: يلا نامو تصحو من بدري يلا راشد: ابشر يبه راح ابو راشد وام راشد ينامو سارا: ما ابغى انام الحين تكفون اقعدو معي مطلق: طيب بس نبي وناسه راشد: ايه سارا اطبخي لنا شي لما افتح فلم نشوفه سارا: والله وناسه بس بهدوء لا يسمع ابوي مطلق: ايه يلا روحي فتح راشد فلم رعب والدنياء ظلام ومطلق يخاااف بس مايبين خوفه يدري لو يستسلم ويعلمهم بيطقطقون عليه بس عجزز لان المكان يخووف مطلق: راشد تكفى دور لنا فلم غير الرعب راشد: ليه خفت وحنا خابرينك كفو مطلق: والله يخوف الفلم على الاقل شغلو الانوار تكفوون سارا: ههههههه اه يا مطيلق ي خووي تعال خذ ايدي وخلك شاد عليها عشان مايخذك الوحش راشد: هههههه اي اي تراني بفزع معك لو يجي مستحيل اترك اخوي هههههه مطلق: الشرهه على الي يقعد معكم ويسامركم بروح انام باي سارا: سكر الباب عشان ماياخذوك ترى ماتحمل غيابك عننا راشد: ههههههههههه .............................