الفصل 3
تمضي الايام والسنوات نفس الروتين
وشله ميساء مستمرة بمشاكلها واستغلال سوار
انتشر خبر انتقال استاذ باسم لمدرسة اخرى
خيم الحزن على المدرسة رحل من كان يضحكنا رحل من كان يبهجنا وينسينا همنا يلي كان بس يشوف حد حزين يحاول ينسيه حزنة ويرسم البسمة على وجهه رحل الرجل المبتسم الذي لااعتقد
ان ياتي احد مثله
كم أخطأت فقومتني بحسن أسلوبك، وزللت فانتشلتني بلباقة تعاملك، وكم أحسنت فكنت لي مشجعاً، وأتقنت فكنت لي محفزاً
كلماتي هذه بحروفها الخجولة، فمهما تكلمت لن أوفيك حقك، فطوبى لك ولغبار الطباشير التي تُمسكها بيديك، وبوركت صفحات الكتب التي قلبتها.......
&&&&&&&&&&&&&&&&&&&&&&&&&&&&&&&&&&&&&&&&&&&&&&&&
كل هاذا تغير عندما وصلت لصف السادس
فقد تغيرت الفتيات (وشله ميساء)صارت ضعيفه جدآ اصبحت لدي صديقة كانت جبر لسنوات ماضيه
ميساء منال واخريات تركن الدراسه
نزلت من السيارة وبكل ثقه وغرور تقدمت احتضنت ابنت خالتها وزعت نضرها للفتيات الاخريات واستقرت على الفتاة الجالسه
قلببت عيونها وقالت بضيق:امشو ضاق نفسي
نجوى:خلينا نروح لصف
تسنيم:اوك
***
حطت يدينها بخصرها وقالت بعصبيه مصطنعه:لي ساعه ادور لك وانتي هنااا؟؟
ابتسمت لها:اجلسي
جلست وقالت وهي تفتح كيس الشبس:فاتك ايش صار
سوار:وش صار؟؟
اصاله:تشابكت خديجة ونجوى وكل وحدة تسب الثانية جات فريال كنها ثور حطوة بحلبه المصارعه وهجمت بنجوى واصواتهم عاليه
كملت كلامها وهي تروي الحدث بدقه:كنا منسجمين ونتفرج على الحدث حتى العيال يتفرجون دخل فجأة الاستاذ ايمن وماقدر لهن وفجأه ونشوف حاجه طايرة تحط بوجهه
:هههههه
:كانت جزمة فريال ههههههه
كان الاستاذ ايمن يصارخ بس ولاكن حد يسمعه خرج يطلب العون وشوي الا يدخل استاذ مجد وضبطهم
***
بالصف جالسة بالمقعد الاخير مع عبير
اصاله تأشر لها:سوار تعالي اجلسي جنبي غلا غايبه
سوار:تعرفيني احب اجلس هنااا
قالت عبير وهي غيرانه:لا سوار تجلس عندي
كشت عليها:مالت عليك وش دخلك انتي سوار تعالي(عملت حالها زعلانه)
ضحكت سوار واشرت لها على الباب
دخل الاستاذ والقاء التحيه وبدأ يشرح الدرس
***
بالفسحة
واقفة واطالع لاصاله يلي تكلم تسنيم
جات وقالت وهي تبتسم:تاخرت عليك
سوار:لا
اصاله:وش رأيك نروح للمكتبة
سوار:خلينا بالاول نراجع السورة
اصاله:اووو نسيت انتي حافظة
سوار:اييي بس احفظ زيادة
اصاله:بتدرسين السنة الجايه
سوار:مادري وانتي
اصالة:طبعآ
خرجت سوار الكتاب وبدأت هي واصاله التسميع وانضمت لهن عبير
بالجهه الاخرى
قاعدة وتتفرج لسوار بنضرات محرقه زفرت بضيق وقالت:يرحم ايام زمان يلي كانت تقعد لحالها ولاحد يقربها
قالت خديجه:انقلب الحال كل من بالمدرسه يحبها ويبغى يصاحبها
قالت فريال بغيرة:مادري وش شايفينها عمود الكهربه وتمشي ويارض شدي وماحد قدي نفسي اصفقها كف
تسنيم:ماقاهرني الا اصاله دايمآ معها وتركتني حتى غلا احسها تميل لها
فريال:اصاله وغلا يقربو لك صح
تسنيم بحقد:قرابه من بعيد
نجوى:شوفي كيف تطالع فينا كانا مو عاجبينها مالت عليها
تسنيم:انا من جيت المدرسه وانا مو طايقتها
***
بالصف
الكل بمقعدة خلوني اقلكم ترتيب الصف
بالمقعد الاول هند وسميرة والثاني اصاله وتقعد عندها غلا(بس اليوم غايبه)
الثالث والرابع فاضي المقعد الاخير انا وعبير
(طبعآ قلت لكم قبل ان الاهالي مايخلو البنات يكملو دراسه يعني عددنا الان6 طالبات فقط اما العيال كانو اكثر تقريبآ12)
لفت سميرة:سوار بستعير منك القلم
قالت اصاله:وليه سوار انا اقرب
سميرة:ياختي ابغى حق سوار وانتي ايش حاشرك
اصاله كشت عليها:مالت عليك
رفعت راسها من على الكتاب وقالت:اي لون تبغين
سميرة:بنفسجي
رفعت راسها اصاله يلي كانت تشخبط على الكرسي:وش تبين البنفسجي نكتب بالاسود والاحمر وال
قاطعتها سميرة:ياربي صبرني وش دخلك
اصاله:احب ادخل نفسي بكل شي
دخل استاذ مجد يلي صار يدرسنا اكثر من مادة بسبب عدم تواجد معلمين فقد انتقل اغلب المعلمين حتى استاذ انور غادر السنه الماضيه
:السلام عليكم ورحمة الله وبركاته
الجميع:وعليكم السلام ورحمة الله وبركاته
قال وهو يفتح كتابه:ماباقي شي على انتهاء السنه الدراسيه
(الطلاب السعادة تشع من وجوههم)
بدأ يشرح الدرس وعند انتهاء قال وهو يطالع بطلاب:كل واحد فيكم يرسم على اللوحه
الكل استغرب منه ويطالعون ببعض قال وهو يشوف علامات الاستغراب:هههه توديع لسنه هاذي (اشر لطالب)تعال انت
الطالب:وش ارسم ماعرف
الاستاذ مجد:ايي شي شخبط المهم ترسم
بدأ العيال بالاول الي يرسم شجرة ولي يرسم شبية راس ميكي ماوس ولي يرسم دائرة عليها عيون واذأن يعني مسخررة الكل قاعد يضحك
:ايش هاذا؟؟
قال الطالب وهو يشخبط باللوحة:خروف
الاستاذ مجد:ههههه خروف هاه اجلس اجلس سميرة دورك
طبعآ رسم البنات احلى من العيال مرتب
سميرة رسمت فراشة وهند وردة اصاله ثنتين بنات
الاستاذ مجد:مين ذول
اصاله:صديقات
ضحك الاستاذ وقال:انتي ومين؟؟
اصاله خلاص تلون وجهها جميع الالوان كل الصف يطالع لها ويترقب والاستاذ كاتم الضحكة على شكلها قالت وهي تأشر للكرسي الاخير:سوار
استاذ:وين غلا ياويلك منها هههه
ضحك الصف كله عليها
دور عبير هنا وقفت ومادرت وش ترسم
:فكرتي بشي
عبير:لا استاذ عادني فكر
الاستاذ مجد:منتظرين ابداعاتك
ماسكه الطبشور وتحرك بسلاسه لفت راسها للكل وقالت:لاتشوفون لين خلص (واشرت للاستاذ)
:وانت لاتشوف (ورجعت ترسم)
الاستاذ:اخلصي قال لاتشوفون (لف لطلبه وقال)هاذي نسيت اني استاذ ولا ايش؟؟
بعد ماخلصت
قال وهو حط يده بذقنه ويفكر:كاني شايف هاذا الوجه
دخل الجميع نوبه ضحك وبصعوبه وقفو
(كان يشبه الاستاذ انور مسكينه عبير متعقدة منه هههعع)
طلب منهم يصفقو لهاااا والكل كان يصفق بعد مايرسم اي طالب/ة
وقال وهو يلتقط صورة لرسمة:راح ارسلها له هههههه
رجعت لمقعدها وهي تتلقى المدح من البنات
:ماشاءالله نفسه بضبط
:على اساس ماتعرفين الرسم
:مبدعه ياعبير ههههههه
جا دور سوار رسمت بيت وجنبه حديقة ورد ومواصله ترسم
قال طالب:وش هاذا؟؟
صفقة طالب جنبه:شمس يا غبي
(عامل حاله فهيم ههههه)
الاستاذ مجد باعجأب:ماشاءالله مبدعه ياسوار
البنات مبهورات برسمة
قال طالب:رسمتي احلى منها صح ياعيال
لف له واحد وقال:تعلم ترسم كما العالم بعدين قول رسمي احلى
قال طالب مغرور:رسمة عاديه مافيها شي مبهر وماتستاهل كل هاذا المدح
قالت عبير بصوت مسموع:رسماتهم خرابيش دجاج ويقولون رسماتنا احلى صدق مافي نضر
لف لها الطالب المغرور وعطاها نضرة بلعت ريقها وقالت لسوار:اعوذبالله ذا لمن يطالع يفجع
:ههههه ذا يلي قال انه رسم خروف
:اييي ههههه
******
جات الاختبارات وبعدها الامتحانات انتهت السنه الدراسيه والكل راح يعطل طبعآ عطلتنا بالبيت مانروح لاي مكان صحيح ملل بس فكينا من الدارسة ومرت السنه كلمح البصر
******
واقفه ومتكتفه بيدينها:مدري ليش ابوي سامح لك تدرسين هاذي السنه واحنا وحدة خامس وسادس والثانية رابع
لبست حجابها وقالت وهي تضبطة:ههههههه ابوك يالغيرة
منال:هاذا غير عادل نحن مقابلين المطبخ اربعشرين ساعه
لفت لها روعة يلي حطت الخبزة بالطاوة:احمدي ربك غيرك بالمشافي اربع وعشرين ساعه
منال:الحمدلله ياختي ملل ايش هاذا البنات مايكملو دراسه والعيال يدرسو عادي اين حقوق الانسان تجي تشوف
قالت سوار وهي خارجه:يالله انا رايحه
منال:ايش تبينا نودعك للباب
ضحكت سوار وقالت:موتي قهر
طلت منال من الشباك صفقت بيدينها وقالت:مالت عليك
******
:لحظة سوار
:خير؟؟
ابتسمت وقالت:صباح الخير
سوار ابتسمت لها:صباح النور(وتقدمتها)
فاديه:لحضة خلينا نمشي مع بعض
لمن قربو من المدرسه اصاله وغلا كانو بالطريق المقابل لوحت اصاله يدها لسوار وتقابلو امام المدرسه فاديه راحت لعند صحباتها
اصاله بابتسامه وهي تحضنها:واجتمعنا من جديد
سوار:وين عبير لاتقولون تركت المدرسه
جاتهم من خلف:ههههه قاعدة على قلبكم
اصاله تمسك يد سوار:ياااقلبييي وربي اشتقت لك يارب مانفترق ابدآ
ابتسمت سوار لها وقالت:امين
عبير تحاول تفك تشابك يدينهم:بس اتركي البنت بتكسرين يدها
غلا بغيرة وهي تتقدمهم:خلونا نقعد هناك
اصاله:سمعت من عمي ان هاذي السنه جابو مدرسات
غلا:لا حبيبتي المدرسات ذول لصف اول لين صف رابع
عبير:اخخ لو المدرسه خاصه للبنات
اصاله:وين هند وسميرة
سوار:سميرة قايله ماراح تكمل اما هند مادري