اعيديني الي - الفصل الثاني - بقلم يامن - مكتملة | روايتك

فتحلي الباب تطلعت عليه من فوق لتحت رجع بدني يرجف لانو هاللحظة الحاسمة بالنسبة لألي يمكن يكون هاد بيت رفيقو تجاهلت صوتي الداخلي وقلت بصوت مهزوز طبعاً ما نسيت غير بحة صوتي لحتى ما انكشف أمل. هون المدام! وائل. يا سلام تعي شوفي مين ناطرك عالباب سلام. يالله حبيبي جاية بلعت ريقي وتراجعت خطواتي لورا كنت بدي اهرب بدي اتخبا فجأة طلعت قدامي وحدة طويلة لابسة فستان أسود لنص فخدا وشعرا احمر لأخر رقبتها وهي عم تطقطق بالعلكة سلام. خير مين حضرتك جمعت كل طاقتي لطلعت الكلمات من تمي بصعوبة وانا عم ببكي أمل. يا أختاي انا مرة على باب الله وابني عندو عمليي وادا ما امنت مصاري العمليي ابني رح يموت بين ايديي اهئ طبقت الباب بوجهي وتركتني عم ببكي سلام. ناقصني شحادين وائل. حبيبي طولتي عند الباب سلام. هههههخهه اي فوت يالله حسيت وكأنو قلبي انشطر لنصين كان ماسك سكينتو وعم يطعن قلبي لأشلاء.... كانو عيوني عم يرفضو الي شافو وكيف رح يقبلو وهنن ما كانو يشوفو غيرو..... أذاني ما عم تتقبل الشي الي سمعتو كيف بتقول حبيبتي لغيري ونحنا تواعدنا انو الحب النا وبس... كانت كلمة حبيبي بمثابة السم الي فات جسمي اذبلت ،انكسرت ،غرقت بسبب هالكلمة نزلت عالدرج بتثاقل وكأني فقدت السيطرة على حالي .............................................. دقيت الباب فتحتلي لين لين. ما طولتي أمل. شفت الي بدي شوفو صارت تحكي بقلق لين. شو صار؟ ما قدرت اضبط اعصابي وصرت أبكي أمل. قلتلك في شي جواتي عم يصرخ انو خاين ما صدقتي قربتني لحضنا وصرت أبكي لحتى هديت بعدت عنها شوي ومسحت دموعي أمل. سعاد كيفها عذبتك؟ هزت راسها لين. مافي منها تفرجنا انا وياها عفيلم واكلنا بوشار صارت تركض لعندي سعاد وتمسكت برجليي سعاد. مامي اشتقتلك كتير نزلت لمستواها وحضنتا أمل. يا روح المامي وانا اشتقتلك كتيير ما بدك تروحي عالبيت سعاد. اي بدي روح اشتقت لبابا طبعت بوسة عخدا وفتت بدلت تيابي طالعت لين السنسال والمفتاح من جيبتها وعطتني ياهون لين. الحمدلله ما طولتي وما اضطريت روح عبيت عمك هزيت براسي ومسكت بأيد سعاد لنمشي وقفتي صوت لين بقلق لين. لحظة! التفتت لعندا أمل. شوو! لين. شو رح تعملي؟ أمل. هه شو رح اعمل يعني بس بدي ياه يرجع عالبيت لصب كل غضبي عليه انا مستحيل ابقى معو يوم واحد لين. اوعك بتكوني مجنونة ادا بتعملي هيك أمل. لك شو بدك ياني اعمل اسقفلو واقلو مشكور عالخيانة لين. أمل اهدي وروقي ادا خبرتي هلق رح تكوني الخسرانة الوحيدة انك تطلقي متل ماني شايفتك رح يحرموكي من بنتك أمل. الحضانة الي لوت تما لين. هه ضحكتيني ليش بهالحرب ضل فيها حضانة ما كل مين ايدو ألو وخصوصي لا تنسي انو بيت حماكي ايدون واصلة يعني ما رح تخسري غير انتي أمل. مشان الله حاج تخوفيني لين. انا ما عم خوفك عم نبهك اوعك تقوليلو هلق ما رح تستفادي شي بالعكس بيبطل يعملك حساب ومعد يخاف منك وممكن ينزلها ضرة عليكي أمل. طيب شو بدي أعمل لين. مبدئياً تجاهلي عملي حالك مالك خبر وبس تروق اعصابك شوي احكي معي لفهمك شو رح نعمل أمل. معك حق هلق تأخرت خليني أمشي ودعت اختي ومشيت وطول الطريق وانا عم نبه عسعاد انو كنا انا وياها عند لين مشان ما تحكي شي قدام تيتتها او ابوها فتت عالبيت من الباب الخلفي طمرت حالي بالتخت وعملت حالي مريضة أمل. سوسو حبيبتي انا مريضة وتعبانة رح نام لا تصحيني ماشي سعاد. ماما اقرالك قرآن مشان تطيبي ابتسمت أمل. اي ماما قريلي قرأن سحبت بنتي لعندي وحطيتا بحضني كانت عم تتلمس عشعري وعم تقريلي سورة الاخلاص رغم انها كانت عم تتلعثم وعم تخربط وترجع تعيد بالرغم من كل شي كنت مستمتعة هي بنتي هي وليدة قلبي الي بعرفها غفيت عصوتها وصحيت عصوت مرت عمي العالي ام وائل. لك انتي نايمة وانا مقبورة عقلبي عم اشتغل كل شغل البيت لحالي ما فيكي احساس ما فيكي ضمير لك عالأقل احكي انك رجعتي تجلست سعاد الصغيرة وحطت اصبعها عتما سعاد. هسسسس تيتة ماما بردانة ومريضة كتير انا بساعدك بدالها بس تلكي ماما نايمة ام وائل. لا تخافي تيتة لكن خلي ماما ترتاح وتعي انتي ساعديني قامت من جمبي وراحت لعند تيتها بسرعة كانت عم تحكي ببرءاة بنت ال 3 سنين في بقلبها ضمير وبتحس وعالم كبيرة وواعية ما عندن ياه ابتسمت جواتي رغم الآلم سعاد كانت سعادتي بهالحياة البائسة فتحت عيوني بصعوبة ما بعرف شقد نمت ما كنت عم شوف غير كوابيس كانت الدنيي كلا سواد قمت بتثاقل وفتحت موبايلي كانت الساعة عشرة يعني نمت اربع ساعات من دون ما حس شقيت باب غرفتي شوي وتطلعت من وراه كل البيت نام حتى سعاد بتكون نامت عند تيتتها لما سمعت طقة مفاتيح وائل حبست حالي بالتخت وعملت حالي نايمة حسيت عالضو لما شغل وائل. حبيبتي نايمة! ابتسمت جواتي بقهر كم حب صار عندك! بعد شوي كان مبدل تيابو طفى الضو ونام جمبي لفني من خاصرتي وصار يوشوش جمب ادني وائل. حبيبي من ايمتا بتنامي قبل ما اجي حركت راسي بأنزعاج كانت انفاسو عم تخليني جن بس فجأة لما تذكرت انو بيعمل مع سلام هيك انقلب مزاجي وخلاني حرك راسي بأنزعاج صار يكركرني لحتى فيق وائل. حبي خلص فيقي بدي احكي معك اشتقتلك كتير أمل. خلص تركني تعبانة كتير بدي نام باسني من جبيني وبعد عني وائل. اووف ماشي تصبحي عخير عالساعة 6:30 فتحت عيوني كان وائل لاففني من خاصرتي ونايم خلصت حالي من بين ايديه بصعوبة واجيت لقوم من التخت فجأة مسكني وحطني فوقو كان مثبتني بأيديه التنتين وائل. وين هربانة مني انا صاحيلك حطيت ايدي عقلبي واخدت نفس عميق أمل. اوووف نقزتني كان عم يطلع بعيوني وائل. وين رايحة تجاهلت نظراتو أمل. بدي قوم ضب البيت وأعمل الفطور احسن ما تفضحني مرت عمي وائل. عقوبة لألك لانك مبارح نمتي قبل ما اجي ما في روحة أمل. والله بدك تجيني الساعة 12 بالليل اجباري بدك تلاقيني نايمة بالنهاية انا ماني آلة عم فيق عال6 الصبح وائل. يا حبيبتي كل الشباب بيجتمعو بهالوقت يعني مو حلوة ما كون معهون شو بقلون مثلاً مرتي بتزعل ادا ما رجعت بكير كتمت قهري بقلبي وشتت نظري عنو شقدو مكيود أمل. انسى وائل انسى وائل. طيب حبيبتي فيكي شي صايرلك شي صرلك يومين ما عاجبتيني أمل. مافي شي بس تعبانة شوي وراسي عم يوجعني انا رح قوم شوف مرت عمي اكيد هلق رح تناديلي شديت حالي من بين ايديه وقمت بصعوبة سمعتو عم يتأفف تجاهلتو وطلعت ........................................ خلصت شغل البيت وبدلت لبنتي سعاد فتت عغرفتي ودقيت للين كنت خايفة من الخطوة الي جاية كتير أمل. مرحبا لين لين. اهلين أملي كيفك ضحكت بأستهزاء أمل. بربك هاد سؤال بينسأل هه لين. طبعاً بينسأل قلتلك أملي لتتذكري الأمل الي جواتك الي مستحيل ينطفا أمل. أفففف طيب لين قوليلي شو بدي أعمل ما عم طيق أطلع بوجهو لك معد فيي اكبت غضبي اكتر من هيك وهو عم يستفزني طلع شيطان ولا كأنو عامل شيي لين. امم انا فكرت بخطة رح تخلي يندم ويحس بنفس الأحساس الي حسيتي عالزبط أمل. خطة شو!! لين. لازم يشرب من نفس الكاس أمل. كاس شو لين حاج تلعبي بأعصابي لين. الخيانة... فتحت عيوني على وسعهون بأستغراب أمل. الخيانة!! بدك ياني خونو لين هه لين. لا طبعاً شو مجنونة لا تقاطعيني مشان تفهمي ببساطة حسسي انك عم تخوني رجعي لحيويتك ونشاطك وضحكتك وطنشي ابتسمت بمكر أمل. حلو كتير عجبني قفلت الخط مع لين وصرت خطط جواتي شو رح أعمل ابتسمت بقهر كان في جواتي كيد كبير شلت كل الافكار السلبية من راسي وقمت صليت ركعتين لوجه الله تعالى حسيت قلبي ارتاح شوي وصرت احسن المسا اجا وائل عالساعة 8 على غير عادتو شكلا الخطة بلشت تاخد مجراها من قبل ما تبلش لما سمعت طقة المفتاح تمددت عالتخت وعملت حالي عم احكي عالواتس وائل. مسالخير حبي أمل. اهلين وائل. مع مين عم تحكي أمل. مع لين مسحت المحادثة وطفيت الهاتف بسرعة وائل. ليش سكرتي صرت أحكي بتوتر أمل. آااه لإنك اجيت وائل. انتي زعلانة مني شي!! بلهجة مسخرة أمل. هه ليش لأزعل منك قمت من عالتخت. ليك انا رح روح جيب سعاد من عند بيت عمي اكيد بدن ينامو مسكني من معصم أيدي وقربني منو وائل. لكن ليش عم تتهربي مني وما عم تتطلعي بعيوني متل الأول مشان ما أضعف قلتا جواتي أنانيتو كانت عم تقتلني لما كنت بين ايديه وملك قلبو كان يحب ويتمعشق عليي وهلق لما حس اني رح افلت منو صار يهتم سحبت حالي من بين ايديه واتجهت ناح الباب أمل. رح جيب سعاد ومنحكي لما رجعت لقيتو متمدد عالتخت وغاطط بسابع نومة عيرت المنبه حضنت بنتي ونمت جمبون فقت عالساعة 3 بالليل كان وائل ضاممني وانا ضامة سعاد خلصت حالي من بين ايديهون اخدت موبايلي وطلعت شقيت الباب شوي ولما شفت انو حس عليي حطيت الهاتف عأدني وصرت احكي -شو الاخبار -ييي عنجد صار هيك -لك وانا كمان والله بس جوزي وبيت حمايي بالبيت ما فيني فوت واطلع عكيفي -لا اكيد منلتقى -هههه وانا كمان كان عم يمشي بأتجاهي بخطوات ثقيلة عليت نبرة صوتي شوي -ليكي لين منحكي بعدين يالله تصبحي عخير وائل. مع مين عم تحكي بهالوقت صرت احكي بتوتر أمل. مع سس قصدي مع لين وائل. عم تحكي مع لين بهالوقت؟؟ أمل. اي شوفيها ما أجاني نوم لقيتها فاتحة وصرنا نحكي مسك أيدي بعصبية وائل. عطيني موبايلك لشوف شديت ايدي منو بقوة أمل. اكيد ما عم تشك فيني وائل ! تركتو ورايي وفتت عالغرفة ندحشت بالفرشة وتركتو عم يحترق من القهر صرت عم بستمتع لما عم شوفو بهالحالة نسيت كل شي صار فيني وصار هدفي الوحيد الأنتقام الأنتقام شي بشع كتير وبنفس الوقت حلو ... الأنتقام متل الليل رغم الظلام الي موجود فيه الا انو حلو كتير... الأنتقام عالم لحالو بيعيشك جواتو بغصب عنك وبيحركك متل الدمية عكيفو ... كل ما فتت أكتر على هالعالم بتتخدر اكتر بتتخدر حواسك ، قلبك وعقلك حتى الضمير بيتخدر... بلش وائل يلحظ الأختلاف الي عم عيشو عم يشوف وحدة تانية غير الي كانت قبل اشهر البسمة ما عم تفارق وشا دائماً مبسوطة ونشيطة الهدايا الي صارت تجيني من لين... اتصالات آخر الليل من لين... الحكي عالواتس اب مع لين... وحتى الحيوية والنشاط والإبتسامة بسبب لين... صرلو شهرين بيخلص شغلو وبيرجع عالبيت بسرعة حتى سلام ما بقى راح لعندا دائماً بالو مشغول وفي شي كابت عصدرو كان عم يروح ويجي بالغرفة بتوتر عم يشوفني عم بحكي عالوتس واضحك سحب الهاتف من ايدي وائل. وبعدين مع هالحالة أمل. اولاً ايا حالة تانياً تاني مرة لا تسحب الهاتف مني بهالطريقة اكتسى الغضب ملامح وشو وائل. ايا حالة يعني لين توسعت حدقة عيني وصرت أحكي بأستغراب أمل. لييين!! شبها لين وائل. خلصنا بقى لسا لين بالبيت لين بالشغل حتى بالزفت لين صرت احكي ببرود ولا مبالاة أمل. شبك ليش هيك معصب! وائل. من الزفت خلصنا بقى تعبت من هالبرود والجفا واللا مبالاة الي عندك ارحميني وفهميني شو سبب بعدك عني كل هالفترة أمل. اوووف وائل خلصنا بقى بتضل مزود الأمور قلتلك مافي شي زت الموبايل عالتخت وطلع وطبق الباب ورا بقوة اخدت الموبايل وبعتت رسالة للين أمل. لين الخطة الأولى ماشية تمام برأيي ما لازم نطول اكتر من هيك لانو يا حرام رح ينفجر خلينا نباشر بالخطة التانية لين. ههههه كتير منيح ........................................ بعد ساعتين رجع وائل عالبيت فتح باب الغرفة وطبقو بقوة لنقزت سعاد الي كانت نايمة بحضني كان مكتسي وجهو الغضب أمل. وائل شو عملت نقزت سعاد قرب مني ومسكني من رقبتي كان وجهو أحمر متل الدم وائل. شو عاملة سحبت حالي من بين ايديه وصرت أسعل أمل. لك شبك رح تخنقني وائل. بدي اقتلك كمان ما بس اخنقك انتي شو عملتي وليك سحبني من عالتخت وزتني عالأرض. ناوية تحفري قبرك بأيدك أمل. خلصنا بقى شو عم يصرلك لف شعري على أيدو وسحبني لعندو وائل. شو في ما هيك! شال ظرف من جيبتو وزتلي ياه عالأرض وائل. اتفضلي يا خانوم شوفي شوفي! مسكتو بتوتر وفتحتو كنت عم شوف شوفي وعم بتوتر بزيادة حطيت ايدي عتمي وشهقت من الصدمة!...#يتبع .................................................................. الجيد يرى الجميع جيدون والسيئ كذلك يرى الجميع مثله فكلٌ يرى الناس بعين خلقه. ............................................. كان قاعد عالرصيف مسح جبينو بكف ايدو وتنهد بعمق كان خايف يفتح الرسالة الي وصلتو، متوتر كتير وخايف تثبت التهمة عليي فتح الرسالة بتوتر ودقات قلبو فوق 100 طلعو الصور وصار يقلبهون وحدة ورا التانية لحتى وقع الموبايل من ايدو ووقع كبريائو معون عم يحكي مع حالو معقول تثبت شكوكو بمجرد صور ؟! بس هي الصور الها ما كان عم يتصور انو تعرض للغدر والخيانة ما عم بيصدق الي وصلو بس كيييف؟! كيف رح يثبت هالخيانة وكيف رح يكشفها ؟؟ بلش الغضب يبين على ملامح وجهو بطريقة غريبة عم يفكر كيف يرضي كبريائو ورجولتو بس كيف يا ترى رح يقدر يسيطر على غضبو لبين ما يوصل البيت ............................ شال ظرف من جيبتو وزتلي ياه عالأرض وائل. اتفضلي يا خانوم شوفي شوفي! مسكتو بتوتر وفتحتو كنت عم شوف شوفي وعم بتوتر بزيادة حطيت ايدي عتمي وشهقت من الصدمة! أمل. شششو هي الصور صار يصرخ وائل. مبينة وواضحة شو هي الزفت أمل. وطي صوتك سعاد نايمة وائل. يا واطية فوق خيانتك وحقارتك لسا عم تتباردي على غيمي لك انتي شوو آااه لو عاملة حساب لبنتك المدفوسة كان بتعملي هيك يا حقيرة مد أيدو واجا ليضربني كف مسكتا ونزلتا عالأرض أمل. خلصت استعراضك الرجولي رفسني عبطني لوقعت عالأرض وائل. ليكي وليك انا ما بيشرفني تكوني مرتي حطيت ايدي عبطني بألم وابتسمت بمكر أمل. عأساس انا الي بيشرفني نزل لمستواي وحاصر وجهي بأيدو وائل. شو قصدك وليك تطلعت بعيونو بتحدي وقوة وصرت زبطلو كرافتو أمل. قصدي يا استاز لما الواحد يكون بيتو من قزاز بلا ما يرمي الناس بحجارو يعني مافي داعي تتهم الكل بالخيانة لمجرد انك خاين وائل. شو قصدك هي صورك ولا مو صورك هزيت راسي أمل. مبلا صوري بس الهيئة ما وصلوك باقي الصور ستنى تكة وحدة بس مسكت موبايلي وبعتلو صور ألو ولسلام على نفس الرقم الي بعتلو منو صوري بتياب مو مستورة أمل. هي وصلوك باقي الصور فتحهون وعلى فكرة نفس الرقم الي بعتلك منو اول مرة فتح موبايلو بقلق وتوتر صار يقلب بين الصور وقلبو عم يدق بسرعة وكأنو ما عم يصدق الي عم يشوفو تأكد بهاللحظة انو خسرني حتى لو بقيت معو هو خسرني قاطع تفكيرو كلمتي كنت قاصدة أحرقو أمل. انا خنتك اي صح سكتت شوي ورجعت كملت. انا خنت الوعد بيناتنا اني ابقى حبك طول العمر بس انا من شهرين بطلت حبك كانت محبتك كل يوم عن يوم عم تنقص لحد ما بطلت حبك ولعد تعنيلي شي اسفة بعتذر منك ضل ساكت وما رد عليي ب ولا حرف كانت سعاد منكمشة عحالها من الخوف نمت جمبا وضميتا لحضني أمل. لا تخافي ماما انا وبابا عم نمزح مع بعض مافي شي بيخوف سعاد. عنجد ماما أمل. اي يا روح الماما لا تخافي قربت مني وضمتني سعاد. لكن ليش عم تبكي ما قلتلك لا تبكي ماما انا بحبك كتير مسحت دموعي وابتسمتلا أمل. وانا بحبك يا دنيتي يمكن ما كان لازم تصير المشكلة قدام سعاد حسيت بالذنب تجاهها خصوصي لما شفت خوفها كان وائل لساتو مصدوم من الي صار حابس راسو بين ايديه ولسا ما عم يستوعب قعد عالكرسي وصار يدخن سيكارة ورا التانية ما كان قادر يوقف الريحة مقرفة غير عن العادة ريحة اول مرة بشما وكبريائي ما عم يسمحلي اقلو يوقف او يفتح الشباك بهديك الليلة نمت ودموعي مغرقين خدودي رغم اني قلتلو بطلت حبك بس كان جواتي عكس هيك تماماً كلمة ما بيشرفني تكوني مرتي عم تحرق كياني وعم يتكرر صداها جواتي طول الليل فقت الصبح عيوني مورمين تطلعت حواليي كان لسا مانو نايم وسكن الدخان معبي الغرفة بدلت تيابي واجيت لأطلع استوقفني صوتو وائل. أمل!! التفتت لعندو وكأني عم بسألو بعيوني وائل. شو بدك لتسامحيني أمل. بتطلقني وائل سرح شعرو بأيديه وسحب نفس عميق وائل. بدك طلقك؟ أمل. يا ريت لانو معد فيني أبقى هون ولا ثانية تطلع بعيوني وائل. بطلقك بس بشرط سعاد بتبقى معي أمل. بس الحضانة لألي والقانون معي تطلع فيني بأستهزاء وائل. ليش ضل قانون به