قرية الجن - الفصل الثاني - بقلم يامن - مكتملة | روايتك

رجعنا عالبيت الصبح بحدود الساعة ٨ .. جورج راح ع شغلو و انا اتحممت بعدين فتت ع غرفتي لنام لان الليلة الماضية قضيتا خوف و أرهاق .. تمددت بتختي وغمضت عيوني فجأة سمعت صوت قطة عم تنوي مع انو كل اابواب و الشبابيك مسكرة .. طلعت من غرفتي باتجاه الصوت كان جاي من غرفة القعدة .. تجمدت بأرضي لما شفت هالمنظر ... أربع قطط سود ملتفين حولين سلة صغيرة وصوتن عم يعلى اكتر .. قربت شوي شوي وبعدت القطاط ونزلت شوف شوفي بالسلة... لقيت تياب بيبي صغير وعليهن قطع لحم معفن... رجعت لورا ومعدتي عم تقلب ورح استفرغ .. فتلت راسي ع الشباك لآخد نفس.. و رجعت اتطلعت لمكان السلة يلي كانت بس مالقيت لا سلة ولا قطاط .. يعني أوهام جديدة.... مع إني متأكدة انو يلي صار مو وهم ابداً وشفتو ولمستو .. رجعت ع غرفتي فتت وسكرت الباب وغمضت عيوني .. مابعرف بعد قديش فقت... بس لما فقت لقيت جورج فوق راسي كارين : ايمتا رجعت ؟؟ اديش الساعة ؟ جورج : كارين بتعرفي انو الجيران دقولي وجبتك من الشوارع كارين : شو عم تحكي انت .. مستحيل هاد الشي انا ماطلعت انا نمت والله نمت * *~ جورج : لك كارين روحي اسألي الجيران كلن حكو انك طلعتي من البيت بتياب النوم و انتي عم تضربي بالحيطان و الابواب ومو بوعيك ومارديتي ع حدا منهن لوقت اجيت انا و اخدتك كارين : لا لا شو عم تحكي ماصار هيك شي لك انا ماني متذكرة جورج : صار لازمك دكتور حطيت ايديي ع راسي وكنت منهارة ع الاخير وعم ابكي بصوت عالي.... بعد شوي وصلو نيرفا وهشام .. دخلو ع غرفتي و انا لساتني اعدة بتختي .. نيرفا : شبك كارين : انتي رفيقتي وبتفهمي عليي .. انا مو مجنونة و انا ماعم بتذكر هشام قلو لجورج والله مالي مجنونة ولا مريضة بس ماعم بتذكر شي عم يصير معي شغلات مابعرفا هشام : روقو شوي... انا عندي حل جورج : شو هو ؟؟ هشام : رح ناخد كارين لعند الدكتور جلستين وبس وعأساسن رح يبين اذا كارين مجنونة ولا لأ كارين : حتى انت !! نيرفا : وافقي و اثبتي لجورج انو يلي عم يصير معك مو تهيؤ... _________ اخدنا موعد مستعجل من الدكتور عأساس باليوم التاني .. طلعنا انا وجورج بالسيارة .. نزلت الشباك وعم اتطلع ع الشوارع و ابكي جورج : كارين والله بعرف انك مو مجنونة انا ما قلت هيك .. بس انتي من كتر التفكير و الضغط النفسي عم تتعب اعصابك ولازمك دكتور بس ليقدر يضبطلك افكارك وترتاحي وبعدا رح نوقف العلاج وترجعي طبيعية كارين : انشالله .. بس يلي قاهرني انو ماحدا عم يصدقني .. وصلنا ع الدكتور .. قبل لا انزل من السيارة اتطلعت بحورج نظرة كلا دموع حسيتا عم تنطق كلمة (مو ذنبي) ،. ابتسملي ونزلنا من السيارة سوا و فتنا عند الدكتور حكيتلو مشكلتي وطلب مني راجعو مرة تانية ليتفاهم معي بالتفاصيل .. بعدين طلب مني اطلع برات الغرفة و ترك جورج عندو ... طلعت وسكرت الباب وصرت اتفتل بغرفة الانتظار ،. كنت حاسة انو رح يقلو لجورج مرتك مجنونة .... فوق مصيبة اني ماقدرت جيب ولاد كمان مجنونة ... صرت اضحك وهز براسي لحتى صوت ضحكتي صار اعلى، طلعو جورج و الدكتور وقربو مني جورج : شبك؟؟ كل ماكان جورج يسألني شبك كنت قلو مافي شي واضحك اكتر لحد ما ضربني كف.. وقتا نقلبت ضحكتي لصوت مخنوق ونزلو دموعي الدكتور : دخلا لجووا ... دخلت اعدت ع الكرسي و كنت ساكتة وصافنة الدكتور : انا رح عيد الحكي يلي حكيتو لجورج قبل شوي قدامك... انت مابتعاني من مرض نفسي او عقلي انت مشكلتك بعيدة عن الطب .. بس مافيني اثبت هالشي لان مانو موجود بالعلم و الطب بيرفض هيك أشياء بعيدة عن المنطق .. بس أنا طبيب من تلاتين سنة وبقدر حدد الحالة من اول نظرة ومن خلال إشارات عبر المخ .. يعني انتي سليمة من الأمراض لاقو علاج تاني و أوجدو أسباب اللي عم بصير معك ... معافاية طلعنا من عند الدكتور كنت فرحانة انو ماطلعت مجنونة بس بنفس الوقت مكتئبة لان فيني شي غريب وصعب عالجو ... بهي الليلة كنت تعبانة شوي .. نيرفا و هشام راحو ع بيتن و جورج نايم و انا جنبو بس لسا مو جابيني نوم منيح... متل كل الليالي متعودة قوم من غرفتي لغرفة الاطفال يلي ما اجو لسا .. دخلت ع الغرفة كانت الدنيا ليل وهدوء بس ماحبيت اشعل الاضوية... رحت ع غرفة الاطفال .. فتحت الباب و فتت صرت اتطلع بكل زاوية بالغرفة بالرغم انو عتمة كتير بس كان في نور جاية من قلبي.. غمضت عيوني و انا حاطة ايدي ع قلبي مصدر النور .. (( ولدين عم يلعبو بالغرفة و الشبابيك مفتوحة وفي ضو شمس وفرح بالغرفة كلا.... انا اعدة ع التخت عم نادي للبنت و بإيدي المشط لسرحلا شعراتا .. حضنتا و انا عم ابكي ...)) لما فتحت عيوني شفل ليل و ظلام ومصدر النور انطفا .. دموعي ع خدودي بسكون .. فتحت الخزانة و طالعت افرول بيبي وضميتو و زادو دموعي ... سمعت صوت حكي غريب ورا ضهري جمدت.. برمت بسرعة كانت وحدة لابسة عباية حمرا ومغطية شعرا ووجها بشع كتير حكت بوجهي بلهجة بشعة ومرعبة فهمت كلمة منا ... « ملعونة .. ملعونة » نفخت بوجهي صوت و هوا بعدين اختفت و انا صرت اصرخ .. اجا جورج بسرعة لقاني مرمية ع الارض و عم ابكي و ارجف اخدني وطلعنا لبرا .. اعدنا بالصالون .. كل مين ع كنباية جورج : وبعدين !! كارين : مو بإيدي .. انا صح محرومة كون أم بس في شغلات عم تصير معي مو تهيؤات جورج : خلص انسي .. انا معك وجنبك كارين : الله لو مو كاتبلي انو يبعتلي ياك انت ماكان خلى اهلي يموتو و انا ضل لحالي .. انا ما الي غيرك جورج : انا جنبك والله بس انتي طيبي و ارجعي متل أول ورح عالجك بأحسن المشافي وعند أحسن الدكاترة و بأحسن الدول لتجيبي ولد بس انتي طيبي ولاعد تفكري كارين : انشالله يارب نمت ع طلوع الضو .. وجورج بقي سهران فوق راسي .. بعدين راح ع شغلو وماحسيت لوقت الضهر .. فئت ع صوت تلفوني عم يرن كان جورج ، طلب مني ما ضل لحالي بالبيت وروح لعند جارتنا أم الليل ... غسلت وجهي وغيرت تيابي .. شقة ام الليل كانت مقابل شقتنا هالمرة عايشة لحالا بالبيت مابتطلع ولابتفوت ولا بزورا حدا يعني كل شهر بشوفا مرتين لما بتكون طالعة تشتري ادويتا ومونة لبيتا وبس بعدين ماعد ينسمع صوتا .. عمرا فوق ال 55 سنة .. دائماً كل ماتشوفني تعزمني لعندا بس ما أفضا فوت... بعتلا خبر انو رح روح لعندا مشان تجهز... دقيت الباب ، فتحتلي وهي واقفة وراه و قالتلي بصوت واطي وناعم : اهلا وسهلا ، تفضلي بيتا بيشبه بيتي بالتصميم كتير بس الفرق بالنظافة و العفش... حيطان بيتا كانت رمادية بسبب قلة التنظيف و انا مابلوما لأن هي مرة كبيرة يمكن صعب عليها تنظف لحالا ... عفشا كان بسيط كتير... أجت و بأيدا صينية عليها فنجانين قهوة : تفضلي يا كارين كارين : يسلمو ايديكي ... مابتملي لحالك !! ام الليل : تعودت ع الوحدة كارين : ماعندك ولاد ؟ ام الليل : كان عندي بنت وماتت كارين : اه انا بعتذر آسفة... الله يرحما ام الليل : سمعت صريخك من فترة ؟ كنتي عم تقولي أجهضت و انحرمت كون أم ... الله يعوضك بطفل يفرح قلبك كارين : آمين طلعت من عندا ورجعت ع بيتي ... كنت حاسة راسي عم يجعني كتير ومحتاجة نام لأرجع اقدر اتحرك .. أول ما اتسطحت حسيت بحدا عم يحط ايدو ع ضهري .. شديت الحرام عليي أكتر وفكرت حالي عم اتوهم .. رجعت حسيت بحركة متأكدة منا .. برمت وشي بسرعة للجهة التانية .. لقيت وجه مرة لابسة عباية وفجأة اختفى انتفضت من مكاني وصرخت وصرت انفض التخت ... بعدين رجعت اعدت و انا عم اتنفس بصعوبة *يـــــــــ͢ـོ͓ـــتبــــــــــــــོـ͓ـــ͢ــ؏*