رواية مافيا - البارت الخامس عشر - بقلم يامن - مكتملة | روايتك

بتمسك كيان كاس فيها مشروب احمر من طاولة كانت جنبها بعدها بتضل ماشية ناحية طاولة اركان كيان: هااااااي (بتلتف عليها الشقرة اول ما تلتف عليها بتكب كيان الكاس عليها من فوق راسها وبعدها بتصير تلولح بالكاس) كيان: اوووه نووووو انا اسفة........يييييييييي ما شفتك قدامي ليلى(الشقرة): لك شو عملتيييييي..... مو شايفة قدامك انتي.... اركان بصدمة: كياااان؟؟ كيان: اركااان...لك هاااي كيفك..... ليلى: انت بتعرفها لهي..... كيان: انت بتعرفها لهي(بتقلد صوتها بمسخرة) .......... لحظة لفكر هو بعرفني؟؟..........امممممممم اي والله بعرفني....يمكن لانو زوجي! ليلى: زوجك......؟ بيمسكها اركان من يدها وبسحبها ....... اركان: ايسر تعال وراي فوراااااااااااااااان...... ايسر: اكلناها....... على جنب اركان وايسر وكيان واقفين اركان: كيان كيف وصلت لهون.... كيان: على رجلي....... اركان بعصبية: انتي كيف بتيجي لهون ولابسة هيك كمان....(بأشر على فستانها الاسود الي بلا كمام) كيان: اما انت واقف هنيك مع هذيك الي مو لابسة اي شي غير قطعة حمرا عاادي..... اركان: ما تردي السؤال بسؤال......انتي كيف جيتي لهون كيان: ايسرالي جابني....... ايسر بصدمة: ايوووووووه حطيها براسو لهالمسكين...... كيان: انت الي جبتني لهون ولا لا.... ايسر: اي انا لأنو انتي حكيتي..............(ما بكمل كلامو وبتقاطعو كيان) كيان: هاااا سمعت.... هو الي جابني بدون كيف وليش.... بيزورها اركان وبعدها بطلع حولين المكان وانو جزء من الجواكر بلش ينسحب على الطاولات... اركان: خليكو هووون وبنتحاسب بس نطلع من هون.....شوي وراجع (بروح اركان للطاولة الي واقفة عليها ليلى وبحكي معها شي ما بتفهمو كيان...بتوقف كيان على روس اصابعها وهي بتتفرج عليهم) كيان: ليك شوووف الحقير كيف تركني هون ملحوشة معك وراح للحية الشقرة.... اي طبعاً خاف عليها لك العمى بمنظرها.....ليك شلون كلها 5كيلو ومو لابسة شي على جسمها... ايسر: التهي بحالك انتي...... لك كيف تضحكتي علي......انتي الي بعتي الرسالة مووو اركان...صح! كيان: طبعاً صح.... يعني برضيك انا انقبر بالبيت واخوك يخوني ايسر: هو مو جاي لهون ليتسلى .... هو جاي بشغل... كيان: والشقرة جزء من شغلو...... ايسر: اي طبعاً جزء....انتي شو بفهمك بهالحكي....... كيان: اي صح انا شو بفهمني.... انت والواطي جوزي بس بتفهموووو... ايسر بيضحك لما بتحكي الواطي: هههههههههههه لك وينك اركان تعال اسمع.... (بتيجي لعندهم بنت لابسة فستان ابيض قصير ومقطع وحاطة فل ميكب وبتعلك بعلكة) نسرين: لكن كرماال هي البنت بطلت تيجي عندي وتركتني..... ايسر: نسرين...... نسرين: اي نسرين.... الي كنت تتسلى معها وبعدها ختفيت فجأة وما عاد تسأل ولا ترد على تلفوناتي..... ايسر: اي اهلين.... كيان: مو منك من شكلك..... نسرين: عفواً؟؟؟ كيان: لا سلامتك يااا روحي...... (بيجي اركان لعندهم بعدها بيسحب كيان وبحكيلها تعي معي) كيان: شبك؟؟ اركان: شبني.....؟ هلق بلا ما تطلعي اعصابي عليكي.....بتروحي من هون فوراً بتخلي ايسر ياخذك وبترجعو عالبيت..... كيان: لو كان بدي ارجع على البيت ما كنت جيت اصلاً.... بيزورها اركان: ماشي يا كيان.....بنتحاسب هلق تعي معي على هذيك الطاولة دون ما تتنفسي.....بتقعدي عاقلة ما بتسألي شي ولا بتحكي مع حدى اي شي كيان: شو بدك تساوي؟؟ بدك تروح تلعب قمار معهم... اركان: الموضوع اكبر من لعب قمار.... في شغلة لازم حلها على هيك الطاولة ورا الورق كيان: تمام يلا لنحلها......(بتحط يدها بيدو وبتبتسملووو) اركان: ابتسامتك ما راح تشفعلك...... كيان: انت فكر بحالك هلق ما تفكر فيني..... (بيطلع فيها اركان وبعدها بروحو بقعدو على طاولة جنب بعض وعليها رجالين غير اركان وكل واحد فيهم معو وحدة شكل) كيان بتقرب من اذنو لاركان وبتحكيلو: ليك الزوووق ليك.... نيالك انت الوحيد الي معك مراة حلوة كل وحدة هون اقرف من الثانية وزي بنات الليل...تقول طالعات من القبر اركان بقرب من ذانها وبقول: انا الي راح اقبرك هلق ازا بترجعي تفتحي تمك.....(بحركلها راسو انو فهمتي) - بتلف كيان وبتقعد على كرسيها وهي بتراقب فيهم وهنن ماسكين ورق عليها رسمة الجوكر بالشدة وبزتو في الورق وهنن بطلعو على بعض - فجأة بوقف اركان وبمسك يد كيان....... كيان: شوفي؟ لوين رايحين.... اركان: تعي بدنا نرقص...... كيان: نرقص....... واللعبة؟ اركان: خلصت....(بمسك يدها وبنزلو على الساحة بكون في عدد قليل برقصو) بحط يدو على خصرها وبقربها منو وببلش يرقص معها..... بتطلع في كيان: هلق صرت بدك ترقص معي وانت طول الوقت عم تبهدل فيني...... اركان: لا زكية اسم الله عليكي...... - بيطلع حواليه بشكل سريع دون ما يلفت النظر وبقرب من ذان كيان كأنو حاطط راسو برقبتها وبحكي- اركان: في سلاح بجيبة جاكيتي..... بتسحبي دون ما تلفتي الانتباه مثل ما سحبتي تلفوني الصبح كيان: سلاح.........! لشو شو بدي اعمل فيه اركان: في بي شعر هالفترة ما عم ي روح من راسي... كيان: شعر...........وانت؟؟.....شو هو هالشعر؟ اركان: قال أبو العتاهية بعد تجربة في الحب : لاباركَ الله فِيمَنْ كانَ يُخْبرني أنَّ المُحِبِّين في لَهوٍ ولَذَّاتِ لَموْتَةٌ تأخذُ الإنْسانَ واحدةٌ خَيرٌ لَهُ من لِقاءِ المَوتِ مرَّاتِ. (بتطلع فيه كيان اول شي مو فهمانة بعد ما تستوعب شو معنى البيت بتخبطو برجلها وهو بطلع فيها كاتم وجع الضربة كيان.......) اركان: انتي هاد بس الي فهمتيه من بيت الشعر......... لك ما بقلك انك جدبة وبلوة حياتي خلص.... بتزورو كيان وبترجع تفكر بمخها....... كيان: انت قلت المحبين في لهو ولذات....وموتة وحدة احسن من الموت اكثر من مرة لما تحب..... يعني قصدك...........!!! قصدك انو انا سبب موتك.... ندمان يعني لأنو عرفتني.........ما فاتت الفرصة ازا ندماااااااااااا..................(ما بتكمل كلامها الا واركان ببوسها وبخليها تبلع كل حروفها....بعدها بمسكها من شعرها وبرفع راسها وبتطلع فيها) اركان: كل مرة بطولي فيها لسانك وبتبهريني بغبائك...... خلص بعرف كيف سكتك.... سمعيني صوتك هلق(بتطلع فيه كيان وهي فاتحة عيونها على وسعهم) اركان: هيك بدي اياكي شاطرة وعاقلة....(بيمسح على شعرها وبضمها) - بتبخبطو كيان بكوع يدها في بطنو- كيان: انت في البيت ما بتبوسني... هلق قدام كل هالعالم حليت في عينننن....(برجع ببوسها) اركان: ما سمعت شو حكيتي......؟ ايوا هيك شاطرة.........هلق سحبي السلاح من الجيبة الداخلية وحطيه تحت فستانك... كيان: ليش؟ بيمسكها اركان من راسها وبحكيلها: ممكن ما تسألي شي وتاخذيه بسكوت تام.. كيان: ممكن.....(بتحضنو زي ما عملت الصبح وهو بضحك عليها وبتحط يدها على االجاكيت بتسحبو بعدها بتحط السلاح بالجربان الي برجلها تحت الفستان) اركان: هلق اشهب وغزالي برا بالسيارة عم يستنوكي......راح تطلعي معهم دون اي حرف وازا بتفتحي تمك هالمرة....................!!! (بتعملو كيان بيدها انو سكتت) اركان: برافو عليكي...... بيجي ايسر لعندهم....... اركان: خذ كيان واطلع معها... اشهب براااا ايسر: تمام..... وانت؟ اركان: انا راح الحقم بعد سااعة ايسر: اوكي ي بيبي.. يلا بشوفك اركان: نصرف يلاااا.... بيطلع ايسر وكسان وعيونها لسا عليه......بيطلع عليها اركان وببتسملها... بالسيارة عند اشهب اشهب: كأنو طولو شوي..... غزالي: هاااا ليكهم موهاد ايسر والي معو كيان اشهب: اي هما...... كيان: هااااااي غزالي: اهلييييييين..... فوتي يلااا بيطلع ايسر قدام جنب اشهب وغزالي وكيان لورااااا..... كيان: شو رايكم نستنى اركان ليجي اشهب: ازا كنتي مستغنية عن روحك استني انتي واحنا رايحين..... ****** جوا عند اركان بيزبط ركان بدلتو وبعدها بقعد على الكرسي وبرفع رجليه الثنتين على الطاولة نص المكان صار فاضي ..... بيجو ثنين لابسين بدلات سودا لعندو واحد منهم: انت اركان ما هيك.... اركان: وهل يخفى القمر........ الرجال: هههه لا واثق من حالك وانت راح تنتهي اليوم اركان: شوف يا حلو..... انا ما بنتهي....انا بنهي! وبعرف كثير انك شرطي متخفي على اساس جوكر وجاي بشكل مخصوص منشاني - بينزل اركان رجلو عن الطاولة وبخافو لثنين بيجو ليرفعو السلح.... بيمسك يدو اركان وبحكيلو- اركان: لك لااا تخاف لهسا ما عملت شي.... بس نزلت رجلي عن الطاولة الرجال: عم تستخف فينا انت...... اركان: الله يسامحك هلق هيك انت شايفني الرجال: انت عارف كثير منيح نحنا كيف بنشوفك ههههههه اركان: من غير طولة سيرة وبلبلة..... خلينا نقوم ..... الشرطي: يا عيني عليك..... تيجي منك مو منااااا....تهمك كثرو كثيير اركان: اعلا ما بخيلك اركبوووو... ما حدى بقدر يثبت شي علي الا ازا بدي...ولو ما بدي انت ما بتكون موجود هون ****** بالسيارة عند اشهب وايسر بيجي اشهب اتصال برد عليه وبعدها بوقف السيارة فجأة.......... ايسر: شو في؟؟ ليش هيك وقفت اشهب: الجوكر الكبير وقع بيد الشخص الغلط....... ايسر: شو عم تحكي.......... اشهب: لازم ندخل بس بالاول نوصل لبنات لمكان قريب....... كيان: واركان.........ما بروح لمكان حتى يجي اركان........ ايسر: اول ما يخلص اركان شغلو بيلحقنا........... كيان: قلبي ناقزني...... صاير شي مع اركان وعم تخبو علي..........!! ايسر: شو بتحبي الدراما مرة اخي........شو بدو يصير مع الكينغ ما تخافي كلشي خير..... كيان: اي ان شاء الله اشهب: شوي وراجعين تعال ايسر لقدام..... بينزل ايسر واشهب من السيارة و كيان بتزور فيهم.... كيان: شاكة انو مخبين علي شي...ليش هيك عم يتهامسو غزالي: شو بدو يصير بهالوقت القصير......؟ كيان: اركان اعطاني سلااح وصار يحكي معي حكي غريب ونحنا عم نرقص وحكى موت وعذب وحب وابصر شو غزالي: ههههههههههه وشو الغريب بالموضوع.......يمكن الاستاذ عشقانك كيان: اكيد عشقاني..... مو بكيفو غصب عنو هههههههههههه غزالي: يؤبرني الواثق من حالو......... كيان: شو صار معك انتي واشهب غزالي: ما بعرف..... اشهب شخص كثير كتوم وهاادي... يعني ما بتعرفي بشو بفكر او شو ببالو بيحكي معي بطريقة حلوة كثير بتنسيني وين انااا(بتصير تطلع في من السيارة وهي ضاربة كوع) لك اخخخخخخخخخ شكلي عشقتو لهالاشهب......... كيان: اي منيح...... هيك بضل بس انو يعترفلك وموضوعكم ججاهز..... غزالي: لو سمحتي ما تحكي هيك.... كأنو شي هم على قلبك وبدك تخلصي مناا.... كيان: لك هبلة مو هيك القصة.........القصة انو نحنا انا واياكي بطلات هالقصة....ولازم ننقز هالوحش من المافيا ونرجعهم للحياة الواقعية لنعيش مرتاحات البال....... غزالي: لك نحنا شلون نعمى على قلبنا ووصلنا لهون...... كيان: انتي الي حكيتيها........ نعمى على قلبنا.... وهذول الحرمية سرقو للقلب دون اذن.... ما بتعرفي لا ايمت ولا كيف حبيتيه.... غزالي: شوي وبنألف شعر فيهم.......يخزي العين ***** برا عند ايسر واشهب اشهب: لازم نتصرف بأسرع وقت.........الشرطة ما راح توقف بس انو ركان بيدها ايسر: الي قاهرني اركان ما بوقع بهيك فخ........لك ليش هيك عمل ليييييييش كنا بنقدر نحل الموضوع دون ما يلمسو شعرة منو اشهب: وما راح يلمسوه على جثتي...... لازم نلاقي حل سريع.... اركان تسرع وعمل هي الخطة لحالو وهو كان عارف انو راح ينمسك وهاد فخ مع هيك وقع فيه قصداً..... ايسر: اركاان ما راح ينام اليوم بالسجن...بدو يعصب يعصب ويفقع كمان راح يطلع ليوم مثل ما تصرف دون ما يخبرنا ونحنا كمان راح نتصرف.......!! = برن تلفون اشهب الي كان بالسيارة بتطلع كيان على الاسم كيان: اركااااااااان.......... = بتفتح خط وبتسمع صوت شخص بحكي...... الرجال: المعلم اركان راح مع الشرطة ونحنا مثل ما طلبت منها .... وراااه بس الظاهر انو راح يضل الليلة بالنظارة ولمحامي مراد عم يحكي انو ماسكين شي مستاهل عليه.........والا ما تجرأو يلمسوه.... كيان:😳😳😳😳 اركاااااااان