البارت الثالث عشر
اكان: يلا لشوف قلي شو بك......
الولد بعيون مدمعة: ماما.....
اركان: شبها امك..........
الولد: مرضانة كثيير وتعبااانة... ماما بدها تموت لانو هي مريضة كثير واليوم طول الوقت نايمة بس
اركان: وينو ابوك...؟
الولد: بالبيت
اركان: ما تخاف .. امك ما راح يصيرلها اشي... هلق بنروح على بيتكم مع عمو الدكتور ليشوفها
الولد بعيون فرحانة: عنجد راح تطيب ماما
اركان: اي عنجد..........اشهب
اشهب: نعم.....
اركان: جهزو السيارة بنروح نشوف وين بيتو لهاد البطل
اشهب: جاهزة تحت امرك خيي
كيان: يا حرام كديشو صغير ومرعوب
اركان: روحي طلعي هلق مع ايسر كرمال يوصلكم وبس ارجع بنتفاهم....
كيان: رجلي على رجلك.......... ونا كمان بدي شوف وين بيتو لهالولد
اركان: وانتي شو بدك في بيتو للولد......
رايح حل القصة وراجع
كيان: رجلي على رجلك يالشيخ.... مو انا الشيخة.... من واجبي روح معك
اركان: ومين قلك انو من واجبات الشيخة تروح معي على بيت الناس....
لو تهتمي بواجبات بيتك وزوجك بكون منطقي اكثر(وبغمزها)
كيان: انت ما تقلق.... انا ادرى بشو اهتم
اركان: راح تصرعي راسي وتعمل بالاخير الي براسك ما هيك....!!
كيان: اااااااووه يا عيني عليك زوجي الحلو(بتحط يدها على وجهو وهو بطلع على حركة يدها) هلق صرت تعرف مرتك
يلاااا خلونا نروح.... اشهب انت خليك هون واهتم بالناس وايسر بوصل العيلة وانا واركان بنشوف شو القصة...
اشهب: امرك مرة اخي..... شي ثاني؟
كيان: اممممممممممم(بتعمل حالها انو عم تفكر) حالياً لا بس هيك
بيبتسم اركان وبعدها بروح بيطلع بالسيارة لتلحقو هي...
ايسر: حاسها عملت هيك بس لتبعدنا من وجه اركان وتضل معو....
اشهب: يمكن لأنها مرتو.... ولا ليكون اركان كاتب كتابو عليك كمان
ايسر: لا خفيف دم
=بتيجي غزالي لعندهم وايسر بغمز اشهب وبروح....
غزالي: وينها كيان.....؟
ما راح ترجع معنا.....
اشهب: راحت مع اركان مشوار صغير....
غزالي: مشوار....اي منيح لكاان
اشهب: اي....انتي ليش مو بالسيارة ايسر هلق راح يوصل العيلة
=بتطلع غزالي عالسيارة بعدها على اشهب
غزالي: سيارة يا دوب بتوسع 5 اشخاص بدها توسعني
هلق بس تيجي الي بعدها بطلع
اشهب: اي تمام...
غزاالي: لتكون يعني عم تحكي هيك بدك اياني روح من وجهك وازعجت حضرتك
اشهب وهو فاتح تمو: مين قلك هيك..........
غزالي: ما راح استنى حدى يحكيلي انا بروح بكرامتي
= بتيجي لتروح بمسكها اشهب وبسحبها لعندو وهي بتفتح عيونها على وسعهم
اشهب: انتي مرتبطة شي.....؟؟
غزالي بصدمة: لاااا
اشهب: اي منيح
غزالي: وانت مرتبط؟
اشهب: لاااا
غزالي: اي منيح
= بفلت يدها اشهب وبصير يضحك وهي بتبتسم على ضحكتو......
عند اركان وكيان بالسيارة وورا راكب معهم الولد
كيان: انت شو اسمك يا حلو....
الولد: مراد....
كيان: مراد.... شو حلو اسمك
بيطلع اركان فيها: عجبك الاسم يعني......
كيان: اي عجبني الاسم.... انت عجبك؟
اركان: اي عجبني....(بمسخرة)
كيان: اي طبعاً بدو يعجبك... مثل ما عجبك اسم ليلى مثلاً...
اركان: شو قصدك....
كيان: ما قصدي شي
= بتطلع السيارة عن حجرة وبيختل توازنها فبتتحرك كيان وبتميل لجهة اركان وبتيجي بحضنو
بيطلع اركان فيها وبتطلع فيه.....
كيان: اطلع قدامك شو بدك تموتنا....
بيبتسم اركان وبيطلع قدامو
كيان: اووووووووووووووووه اللهم صلعلى سيدنا محمد...اركن بيضحك
لك انت ضحكت من شوي ولا انا وصلت الجنة وشايفتك هنيك
بيرجع يبتسم اركان وبسرهة بمسحها وبقول: عم يتهيألك لأنو توازنك اختل... ما حدى ضحك
= بتضحك عليه كيان وبتبتسم بتلف ناحية الشباك وبتحط يده على راسها.... بيرجع بيطلع عليها اركان وبيبتسم
بعد بشوي بيصلو على البيت الي دلهم عليه مراد
اركان: هون بيتكم........
مراد: اي هووون... ماما جوااا....
كيان: انت حكيت مع الدكتور ما هيك
اركان: اي شوي وبيوصل....
كيان: تمام
=بدق اركن البيت بعدها بفتحو بكون لبيت صغير من غرفتين اول غرفة عند الباب بكون ابو مراد نايم على الصوفاية ومبين عليه انو سكران من قناني المشروب الي على الطاولة
اركان: وينها امك.....؟
مراد: جوااا هون بالغرفة....
كيان: انا راح فوت شوفها
اركان: تمام وانا راح صحي الجحش الي هون
= بتفوت كيان على الغرفة لجوا وبتلاقي ام مراد صاحية وجبينها كلو عرق ومبين التعب بوجها
كيان: الف سلاامة عليكي..... شكلك كثير تعبانة ووجهك مصفر
بعتزر ما عرفتك على حالي... انا كيان مرتو لاركان الشيخ تميم
ام مراد بصوت كلو تعب وبحة: اهه..اهل...اهلييين
كيان: خلص ما تتعبي حالك وتحكي شي0000 شوي وراح يصل الدكتور
مراد خبرنا انو حالتك تعبانة لهيك جينا لهون
= بدق اركان الباب بعدها بفوت
اركان: الدكتور وصل
= بتهزلو كيان براسها انو اي... وبفوت الدكتور
بيجي الدكتور يرف بلوزتها ليخفض من حرارتها ويفحصها منيح
اركان: خلي كيان تساعدك.... وانا راح استناكم برا لتخلصو مع مراد
كيان: تمام...
اركان: يلا يا بطل.... تعال معي
=بيطلعو اركان ومراد لعند باب البيت
مراد: ماما راح تطيب....
اركان
: طبعاً راح تطيب... هلق عمو الدكتور بيعطيها دوا وبترجع منيحة
مراد: بابا وين راح....
اركان: بعتو على مشوار كرمال هو الثاني يطيب منيح....
مراد: بابا كمان مرضان
اركان: اي مرضان شوي... بس هو راح يطيب
= بتيجي كيان لعندهم وعيونها مدمعات ومبين عليها شوي وراح تبكي.... بيطلع كيان فيها وبحكي لمراد يفوت لجوا
اركان: روح يا بطل شوف عمو الدكتور ازا خلص....
اركان: كياااان........!!
= بتيجي كيان لعندو وبتبكي وبترمي حالا بحضن اركان
اركان: شووووووووفي........؟ كيان شبك..... شو صايرلك....!
لك عم احكي معك شو صايرلك....؟ حدى ضايقك اشي.... صار اشي....؟؟
كيان: ااهىءءءءءءءءءءءءءءءءء اهىءءءءءءءءءءءءءءءءء وبضل تبكي
اركان: لك مين ضايقك... شو صار كرمال الله ما تخليني جن...هلق بفوت وبذبح كل الي جوا
= بتبعد كيان من حضنو وبتمسح دموعها وهي بتطلع فيه....
كيان: مسكين هاد لولد.... راح يربى دون ام....
اركان: لييش..؟ يعني هي...........!
كيان: ماتت (وبينزلو دموعها)
اركان: هششششششششش خلص حاج بقى(بضمها)
= بياخذ اركان كيان ومراد بالسيارة بعد ما اعدى امر بأنو يلقو القبض على ابو مراد بتهمة لضرب المفضي للموت
لأنو ام مراد ماتت نتيجة اصاباتها البليغة وحدوث مضاعفات معها بسبب الضرب والجروح الي كان سببها جوزها
بيوصلو للقصر
بينزل اركان كيان ومراد.....
اركان لأيسر: خذو لهالبطل لعند خالتي ام ايسر وخليها تبدلو ثيابو وتطعمو وتنيمو عندها اليوم وتهتم فيه
ايسر: حاضر هلق باخذو
اشهب: شو صار....؟
اركان: بعدين بحكيلك انت هلق روح شوفلي قصة حفلة بكرة لانو لازم نطلع على المدينة بكير
اشهب: تمام انا رايح
رقية: اركااان..........
= بيطلع اركان ناحيتها وكيان لسا واقفة جنبو
اركن: كيان طلعي على الغرفة
كيان: بسس.....
اركان: دون بسبسة لفوق اطلعي وارتاحي.....
=بتحمل حالها كيان وبتبلش تطلع شوي شوي وبتوقف على اخر الدرج لما بتسمع رقية بتحكيلو....
رقية: بدك تضل مهملني هيك ومطنشني.............
لك ابني ان مشتاقة ضمك واحكي معك وانت من لما رجعت ما عم تعبرني.....
لك عم موت وانا شايفتك بتطلع علي لهلق بعيون امك .....لك انت ليش هيك مقسي قلبك علي..
اركان: ما بدي حكي شي معك وانا طلع
رقية: حاج بقى انانية حااج.... لك ليش انت هيك.......ليش ما عم تحكي معي......!
اركان بعصبية وصوت عالي شوي: بدك تعمليلي حالك هلق الضحية والمسكينة يعني واحن عارفين كثير منيح انك الجلاد
رقية: انا ما كان بدي يصير هيك..........!
اركان: نحنا الثنين بنعرف كثير منيح انك انتي الي اخترتي هي الحياة... فما تضحكي على حالك وتحكي ما كان بدك يصير هيك.....لك انتي كان بدك تضلي متحكمة بحيااااااااااااتي واستغليتيني لتوصلي للي بدك ياه....
استغليتيني لتاخذي بانتقام بنتك وانا بعدو عمري ما طلع عن ال11سنة.....استغليتيني لتوصلي لمناصبك الفانية وتتحكمي بالكل دون ما حدى يحكيلك لاا... وبتيجي بهالبساطة تحكيلي ما كان بدي يصير هيك.....
رقية: انا بس كان بدي شوفك مبسووووط
اركان: كنتي دايماً بدك تعاستي مو سعادتي.... كلشي مصدر سعادة الي كنتي تحرميني منووووو حرمتيني من طفولتي والاشياء الي كان لازم يعملها طفل بال11 من عمرو...كنتي طفل جاهل يسمع كلمك وينفذ كلشي بدك اياه
كنتي بدك كلشي يمرق بسرعة لتتحكمي بكلشب وفيا انا......كنت ماكنة الية الك لتوصلي للي بدك اياه..ما كان في اي مبرر بيسمحلك تخليني عيش الي عشتو........
(بيخبط اركان مزهرية كانت على الطاولة بالارض وبعدها بيحمل حالو وبيطلع من البيت)
بتنزل كيان بسرعة عن الدرج وبتروح ورا اركان الي كان مشغل السيارة وبدو يروح........
بتوقف كيان قدام السيارة مباشرة وبتفتح يديها...
اركان: شو عم تساااااااوي يا مجنونة.......بعدي من طريقي بدي روح!
كيان: رجلي على رجلك......(بتروح بتفتح باب السيارة وبتقعد جنبو)
اركان: انا ما سمحتلك تركبي....
كيان: هي سيارة جوزي يعني سيارتي.... ما بسمحلك تسمحلي اصلاً
اركان: انتي يمت ما بدك بتعمليني جوزك وايمت ما بدك لا.........
كيان: قلتلي انك جاية وبعدها ما بلاقيك غير طالع بسيارتك.....اي انت اطلع بلسيارة وشم الهوا وغير جو وكيان بالبيت مثل الكلبة محبوسة......ليش مين كيان.......الله لا يردني لو بموت ما حدى بحس فيني اصلاً
<بيطلع فيها اركان>
اركان: عامليتلي كل هالدراما والمسلسل بس لأني طلعت بالسيارة...؟؟
بعدين هي مو اول مرة بطلع بلسيارة هلق حزت ببالك طلعتي.....
كيان: لوين رايحين
اركان: ما دخلك.... اركبتي دون ازن ما راح تسل هلق عن شي
كيان: ماني قلقانة بس بسأل كرمالك يعني...
اركان: كرمالي....
كيان: اي .... يعني انو ....انو ازا تعبان انا بسوق السيارة
اركان: ماني تعبان ما تخافي
كيان: مين قلك اني خااايفة.........
بيرن تلفون اركان وبتمسكو كيان.... بيطلع فيها
كيان: مسكتو لانك عم تسوق قلتت بشوف بدالك بلا ما تموتنا....
اركان: اهااا... بلا ما نموت....
مين الي بيتصل؟؟
كيان: مرتك الثانية....
اركان: مرتي الثانية........؟؟