البارت الثاني عشر
ازا هسا فيه كيان: انا لهلق ما حكيت معك بخصوص الجامعة بس صار لازم نتفاهم....
بلف اركان وجهو وبطلع لقدام: مو وقتو هلق.... بنحكي بخصوصها بعدين
كيان: لتكون مفكرني بدي ازنك ......(ما بتكمل كلامها بقاطعها وهو بطلع بعيونها)
اركان: خذي شربي هي الكاسة وهديلي اعصابك......لانو انتي لما تعصبي ما بتعرفي شو بتخبصي
وطبعاً بدك ازني.... لاني زوجك يا متعلمة يا استازة يا محامية....
كيان: خذها واشربها لحالك.....(بتقوم وبتروح لعند غزالي تسحبها)
غزالي: شوووووو
كيان: قومي بدنا نروح للحمام.....
غزالي: بتعرفي وينو يعني......
كيان: بنسأل ما تخاافي......
غزلي: يلا لكن...
(بروحن الثنتين بمشن من نص الساحة واركان براقب فيها لوين رايحة)
رقية: هلق ببعت ريم وراهن... لتدلهن على مكان الحمام
بيطلع فيها اركان وبلف وجهو كأنو مو سامعها وبلتف على اشهب الي بحكي معو...
اركان: شو قلت....؟
اشهب: عم قلك رجالنا عم يعتنو برامز كثيير منيح.... شو راح تساوي فيه...؟
اركان: كلشي......السؤال الصح شو ما راح ساوي فيه
اشهب: هههه هاد العشم..... ما تنسو بكرة حفلة الجواكر.... وراح تكون حفلة ثنائية
كرمال يبعدو الشكوك عن الشرطة الي صارت عيونها 10على 10 على قسم كبير منهم
اركان: محلولة
اشهب: كمان مجد... ابن عمها لكيان
اركان: شبو زفت......
اشهب: اقتحم بيتنا بغيابنا مع مجموعة من الشرطة بحجة تفتيش .....
اركان: اي يقتحمووو.... خلي عم يلعب دور الشرطي معنا
اشهب: ما بدك نحطلو حد ونوقفو
اركان: هلق لااا.... ازا عمل شي جديد بنشوف
ايسر: بكرة راح شوف نسرين بخصوص اجتماع الجواكر
اشهب: اي منيح..... في كمان خبر بحكي انو ايليا بكرة راح يطلع من جحرو
اركان: هاد الكلب جاييه يوم ولا بالاحلام... راح شربو الدم وخليه يحكي توت....
عند كيان وغزالي
وهنن راجعات من الحمام بتخبط كيان بواحد طويل شوي ولابس لبس مرتب وعيونو خضر
كيان: العمى ضربك...... مو شايف منيح كل هالساحة جاي تمشي من عندي
امير: بلكن عجبني الجو هون .... عندك مانع
كيانك:راح يعجبك اكثر بس يجي جوزي ويخربطلك وجهك ويعملو شوارع لتمشي براحتك
امير: هههههههههههههههه تمام ريلاكس يروووحي
كيان: الله يااخذ روحك..... روح من وجهي لأطلعك اياها
امير: شو شرسة ...... قطة برية
كيان: لكن دير بالك لهالقطة تخرمشك
(بتحمل حالها كيان وبتروح مع غزالي)
امير: ههههههههههههههههههه
عند اركان
بتيجي كيان لتقعد جنبو بكون اشهب وايسر قاعدين
كيان: الله يخليكم لبعض ما احلاكم(بمسخرة وهي بذبل بعيونها زي المتأثر)
ايسر: الله يكرمك.......
كيان: اي ايمت ناويين......
ايسر: على شووووو
كيان: تكتبو كتابكم على زوجي......
- بكون اركان جاي يشرب مي بتشردق وبتفها لما حكت زوجي-
كيان: صحة صحة...دير بالك لتطلع روحك
اركان: شكلي انا الي راح اطلع بروحك هلق ازا بضلي تطولي لسانك هيك
كيان: متوحش.....(بتحمل حالها وبتروح عند امها)
ام كيان: شو بنتي....
كيان: شو امي....؟؟؟
ام كيان: ليش ما قعدتي جنب زوجك
كيان: مشغووول مع ايسر واشهب
ام مجد: بشو مشغول وتارك مرتو.....
كيان: اسألي عمي ابو المجد بشو مشغول...
(بتقرصها امها وبتزورها)
بتطلع فيها كيان انو شو حكيت
ريم: ليش هيك الناس بلشت تقوم مع بعضها
بتطلع كيان عالسحة الي صارت صفين....صف نسوان وصف قبالهم زلام
كيان: الظاهر بدهم يرقصو
_بتطلع كيان ناحية اركان الي كان واقف مقابيلو الشب الي اعترض طريقه وهي جاية من الحمام_
كيان: هذاك الحقير
غزالي: شبك... شو حكيتي
كيان: عم احكي مو هذاك الي شفناه عند الحمام
غزالي: اي هووو
كيان: شو عم يساوي عند اركان.....
غزالي: ما راح تعرفي غير لتروحي تسأليه
كيان: الي مهتك يسأل
غزالي: م حدى هون مهتم غيرك يختي
كيان: اي كثثييير مهتمة..........هاد الناقصني
= بتيجي مجموعة من نسوان القرية لعندهم........
وحدة منهن: يلا يا بنتي قووومي لنرقص
كيان: بس انا ما بعرف ارقص
المراة: مو صعبة هي دبكة شعبية مشهورة
كيان: لاا الافضل اني ضل قاعدة
المراة: لك يلااااا يالشيخة بلا دلال...... ليك الشيخ كمان راح يقوم
= بتطلع ناحيتو كيان وهو بطلع فيها
كيان: اي يلا لكن
بقوم ايسر واشهب واركان بصفو جنب الموجودين ليرقصو ويدبكو سوا
ومقابيلهم النسوان ومعهم كيان وغزالي وريم ومريم.......
= ببلشو كلهم يرقصو رقصة شعبية بتعتمد على تحريك الرجلين اكثر شي وكيان بتحاول تقلدهم قد ما تقدر وبتتفشكل برجليها بس لانو شابكة يديها الثنيتن مع الي جنبها ما بتوقع وبتصير هي وغزالي يضحكو على بعض وعيون اشهب واركان عليهن......
كيان: هههههههههههههههه لك حااج ما عاد فيني راح اوقع وصير مسخرة
غزالي بضحك: بس حلوة ليكي شلون الكل مزبطها
= بتفلت يديها كيان وبتيجي تمشي بيجي اركان لعندها بشبك يدو بيدها وبسحبها ليروحو لمنطقة بعيدة شوي عن لموجودين
كيان: كأنو مفكرني شي عنزة او قطة كل ما بتشوفها بتيجي تسحبها هيك ......
بيوقف اركان: لا عاد تضحكي هيك قدام الخلق...!
كيان: شلون يعني هيك.....!
اركان: انتي ما بتضحك هيك بالبيت .... هل
ق قدام كل الرجال وهي بترقص عم تضحكي وبصوت عالي
كيان: مو وقت مرضك هلق...... مو ناقص غير تتحكم بضحكتي كمان
بعدين شو هالتخلف هاد.... ازا بدي اضحك بدي فكر وين اضحك ومين موجود
اركان: اي بدك تفكرررري.... بدك تفكري لانو اسمك على اسمي
كيان: لك انتتتتتتتتت...........(ما بتكمل كلامها....بتيجي وحدة كبيرة بالعمر شوي)
الختيارة: كيفك يالشيخ
اركان: هلا خالة.... نشكر الله
الختيارة: ما شاء الله عليك لساتك مزوق واختيارك لعروستك ما صدمني
مراة بتطير العقل
بتبتسملها كيان: شكراً الك هاد من زوقك
الختيارة: لشو الشكر هاي الحقيقة.... احلى بكثير من ليلى
كيان بابتسامة متصنعة بتلف وجها على اركان: ليلى.........
اركان: لازم نروح خالتي اسمحيلنا.......
كيان: انا ما بدي روح...... حابة اتسلى شوي مع الخالة
اركان: اي مو مشكلة كيان خانوم..... تسلي.... بس تعو قعدو هنيك لانو العالم راح تفقدكم بعدين(بمسخرة)
كيان: اي لا تخاااف.... نحنا مو الشيخ تميم.. ليتفقدونا كل شوي كرمال قصة جديدة
= بروح اركان بيقعد مكانو وبيجو عندو التوينز.... بتروح كيان والمرة الختيارة بقعدو عند امها ومرة عمها.
ام كيان: يا هلا..... مين هي بنتي...
كيان: اممممم بالحقيقة هي .... الخالة.......؟؟
الختيارة: انا ام احمد.... كنت بزماناتي اعتني باركان لما نولد
كيان: اوووووووه يعني انتي مثل المربية الو..؟
ام احمد: فيكي تحكي هيك شي.....
من لما كان اركان طفل وانا بعرفو...
كيان: عنجد.... هههههههههههههه
ام احمد: يديمها هالضحكة الحلوة بس لشو عم تضحكي.....
كيان: بعتزر بس بصراحة لما حكيتي اركان وطفل.... ما قدرت اتخايلو... يعني عم جاول بس ما عم شوف غير اركان نازل من بطن امو وهو هيك معصب وصاحب مشاكل
ام احمد: هو صاحب مشاكل ما ختلفنا..... من هو طفل ما كان يقعد بقرنة وحدة
كل شوي يطنطوط في مكان ......وكان مشكلجي هوهووووووووووو ما بنعدو مشاكلو
كيان: احكيلي شوي لكن عنهن....
ام احمد: مثل شو حابة احكيلك
كيان: مثلاً شو كن يعمل وهو صغير... شو الالعاب الي كان يحبها... كيف كان شكلو......
ام احمد: اركان ربي مع ايسر واشهب واغلب الوقت كان يلعب معه...لهيك ازا بتطلعي عليهم ما بتميزي انو هنن مو اخوة... كثير كان يفكروهن اولاد لعيلة التميم.. اركان ما كان يلعب مع حدى غيرهم وكمان هو كان يهرب من البيت كثيير شي ليركب الفرس شي ليسبح... وفي مرة هرب من البيت لوجه الصبح وهو لساتو صغير بس كرمال يشوف اليرعات المضيئة مع اشهب وايسر... ووقتها الست الوالدة خافت عليه كثيير ولما رجع عاقبتو من خوفها عليه
كان كثير حرك وما يقعد بمكان... شوي تشوفي قدامك بعدين مش موجود...
كيان: ههههههههههه اي لساتو هيك
ام احمد: كان كثير مشكلجي وعصبي.....مش طبيعي شو عنيد...الشي الي بدو اياه كان لازم يصير وازا ما اخذو بضل يحوص ويلوص هون وهون لياخذو بالقوة وما بحب ياخذ شي منو...
كيان: ولسااااتو ...عنيد وعصبي وما بنطاق.... قصدي طبعو يعني...
ام احمد: اي هههههههههههه حاسة فيكي... ديري بالك ما تضلي تحكي هيك عنو لأنو بحكولك بكرة بس تجيبي اول ولد وما تحبي طبع ابووه بيطلع شبهو بالزبط...
كيان: من غير شر ولد شووووو هاد
ام احمد: بكرة الله بيكرمكم ولا ما بدكم تجيبو ولاد.....
كيان: لااااا
ام كيان: لا شو مهضووومة....اكيد راح يجيها ولاد وراح ندللهم بعيونا
ام احمد: اي شو بعرفك....يمكن هلق تكوني حامل وما بتعرفي
اركان: مين الحامل؟؟
= بتطلع كيان في بصدمة وبتشهق انو كيف وصل فجأة
كيان: الواحد بيطلع صوت قبل ما يجي هيك خبط لزق
=بزورها اركان
اركان: اي بنعتزر ست كيان خوفناكي.....
ام احمد: ههههههههه اجى مين يردلك كلام
اركان: امري لله خالة..... اي ما فهمت كنتو عم تحكي حامل....!
مريم: مين الحامل..........؟
اوووووووووه الشيخ تميم راح يصير اب....
اركان: اب..........
= بيجي ايسر واشهب لعندو
ايسر: الله لا يوفقك.............لك راح صير عم وما بتقلي
سامع لك اشهب......... راح يجي اركان صغير ونصير عماااام
=بضمو بعض وابتسامتهم بتوصل لاخر ذانهم
=واركان لسا مصدوم من خبر الحمل وكيف كيان حامل...وكيان مصدومة وبدها تحكي ومش تاركينلها مجال....
رقية: ياااا ربي كنتنا حامل وانا ما بعرف... ايمت عرفتي.....
كيان: لك لحظة بسسسسسس......
اشهب: الف مبروك اخي
اركان بيطلع في كيان: انتي حامل.....!!
كيان وهي بتطلع في عيونو: طبعاً لااااا كيف بدي صير حامل يفهمان
ام احمد: ههههههههههههههه لك الغبية ليك... مو انتو متزوجين؟؟
رقية: شو قصدك.....
ايسر: العمى.....
كيان: لك شبكمممممممممممممم.. حمل شوووو..... ماني حامل فضحتو الدنيا ولميتو الناس هيك علينا
لك الي بقصدو انو انا واركان ما صرلنا شهر متزوجين.... لسا بكير عهالحكي...هي القصة وبسسسس
اركان: يعني مانك حمل
كيان: لاااااااااااااااا مني زفت...
ام احمد: بتوقع صار سوء فهم لما الكل تجمع هيك فجأة وكل واحد فهم شي
رقية: اي مو قصة...... ربنا كريم وان شاء الله ما بتخلص السنة الا واحنا شايفين ا
لصبي على يدك...
كيان: ان شاء الله ما بتخلص السنة الا وانا خالصة.....
رقية: ما فهمت.....؟
اركان: خلص يجماااعة فضوها سيرة وحاج تلمو الناس علينا..... لازم نرجع هلق عالقصر...اشهب
اشهب: نعم اخي.....
اركان: بتوزعو الاضاحي الي نذبحت وبتفرقو هلق الناس على بيوتها مع حصتها
اشهب: ولا يهمك هلق بنخلصها انا وايسر
اركان: تمام والباقي يطلعو عالسيارت لنوصلهم يلااا
رقية: تمام
= بيجي اركان يمشي ليطلع كيان بالسيارة معهم بس بوقف على صوت ولد صغير........
الولد: عمووووو عمووووووو لو سمحت ...........
اركان: تعال لهون..... وبينزل على رجليه لعندو
اركان: شو بدك يا شاطر
بتوقف كيان وبتيجي لعندهم
كيان: مين هاااد......؟