رواية مافيا - البارت السابع - بقلم يامن - مكتملة | روايتك

اركان: راح تكوني وراح تمشي على المسطرة من اليوم وطالع كيان: على المسطرة..!! اركان: اي مثل ما بدي وبزيادة كمان (بيحمل اركان حالو وبيطلع وهو بيبتسم ابتسامة نصر واستفزاز وكيان لسا صافنة بالفراغ قدامها) ****** تحت بالحديقة للقصر واقف اركان والتوينز جنبو صافنين بالقرب من المسبح اشهب: شو راح يصير هلق...؟؟ اركان: بشو....... ايسر: بشو يعني ..... مو شايف الاحداث صارت بزيادة يعني اركان: لا مو شاايف....!! اشهب: يعني مانها اول ازمة بتمرق علينا صحيح..... بس هاي المرة في كثير شغلات تغيرت اركان.... اركان: انت الي قلتها..... هاي مو اول ازمة ولا الاخيرة وللحين نحنا ببر الأمان اشهب: الجواكر بعد خبر وفاة رجب قامو الدنيا وقعدوها..... القيامة بعالم المافيا بلشت اركان: عملتو مثل ما خبرتكم....؟ ايسر: اي..... دبرنا القصة لتبين انو رجب تورط بأعمال اكبر منو ...وبالاخير مات بسببها اركان: هي الكزبة راح تتصدق لفترة قصيرة .... والجواكر ما رح يصدقوها وراح تنكشف بالاخر..!! اشهب: ما دامك عارف هالاشي ليش خليتنا نعمل هيك.... ليش قطعت ورقتو لرجب بهيك وقت؟ (اركان بيلتفت لناحية اشهب وبحكي وهو بيطلع بعيونو) اركان: شو رأيك انت.......؟؟ كنت خليه يعني ماسك سيفو ومسلطو على رقابنا...؟؟ كنت خليه يدخل بأمور اكبر منو ويطاول علي انا!!!! ايسر: بعيد عن الموضوع هاد هلق..... كنت بدك تحكي معنا بخصوص شي ثاني شو في.... صار شي....؟؟؟ اركان: لا ما صار شي بس الشرطة عم تبحبش ورانا وتدخل بتفاصيل اكبر منها وصفقة السلاح تاعت اليوم الي المفروض تكون عند الفجر تأجلت لبكرة المسا.... اشهب: ليش...؟؟؟ اركان: عيلتها لكيان...! عيلتها عم تدور عليها وبسبب الحادث الي صار عند الجامعة ... هنن شاكين انو كيان نخطفت من قبل عصابة المافيا ايسر: ههههههههههههه شاكين قلتلي هي مو نخطفت من عصابة المافيا هي تزوجت راسها هههههههههههه اركان: كثير بتضحك ماااا...... اشهب: اذا شفتها من ناحية ثانية (بيضحك ضحكة صغيرة) كثير والله بضحك هههههههههههههههههههههههه ايسر: يعني يا اخي معقول تتزوج بهاد الشكل وما نحتفل ولا نعمل شي وين الحفلات وين سهرة توديع العزوبية (بيدفشو ايسر بكتفو وبغمزو) اركان: حفلة قلتلي (بيمسكو اركان من يديه الثنتين وبحطو قدامو) اركان: تفضل هي حفلة (بيدفشو اركان لنص المسبح وبيوقع ايسر وبتبلل) ايسر: الله لا يوفقك المي كثيييير باردة اشهب: هههههههههههههههه معلش صرك يومين ما تحممت بلكن هيك ريحتك خفت شوي ايسر: ريحتي قلتلي ...... شو حقير اعطيني يدك لاطلع يلا اشهب: هههههههههه هات لشوف بلا ما تمرض وتموت من البرد نحنا متفقن ما نموت غير برش رصاص (ايسر بيمسك يد اشهب وبيجي ليطلع فبسحب يدو بخبث وبيوقع معو بنص المسبح) اشهب بيضرب يدو بالمي وبيحكي اشهب: الحق مو عليك .... الحق علي اجى يساعدك يوااطي ايسر: هههههههههههههههه يعني بترضاها اغرق هون لحالي اشهب: اي ريتك وانت غرقان بس قال اغرق قال.... لك المسبح ما بيوصل لنص رجلي..... بدك تغرق منو ايسر: اييييييي شو نقيت بسبب وقعة شو اركان كيف الوضع عندك...! اركان: بيوتيفوووووووووول اند سوبر وااااااااو (رائع وبجنن) بيشلح اركان بلوزتو وبقفز لعندهم وبصير يسبح بالمسبح ********** بالليل واركان طالع من غرفتو ورايح لمكتبو بيمرق من جنب غرفة كيان وبيسمع صوت بكى خفيف بقرب اكثر وبيطلع من شق صغير من الباب بشوف كيان وهي عم تبكي وضامة رجليها لصدرها وقاعدة على الارض بجنب التخت.......... بيصفن لحظات بعدها بكمل لتحت وبفوت على مكتبو. في الصبح ام ايسر بالمطبخ عم تحضر الاكل وايسر بيمزح معها وكل شوي ينكش غرض بالمطبخ ويوسخ شي بحجة انو عم يساعدها ام ايسر: لك ابني حااااااااج خربت الدنيا هون ايسر: لك لحق علي عم ساعدك يعني....!! ام ايسر: لاااااااااااا عم تساعدني كثييير بيمرق اركان من عندهم وبفوت للمطبخ وبحكي اركان: صباح الخير ام ايسر وايسر: صباح النور اركان: ايسر بس تخلص من هون الحقني على المكتب ونادي اشهب بطريقك (بحرك ايسر راسو بأنو اي وبشرب فنجان القهوة عالسريع مرة وحدة وبضل طالع من المطبخ ورا اركان) بالمكتب عند اركان بدق اشهب وايسر الباب وبفوتو اركان: شو الاحترام زايد اليوم..... عم تدقو الباب قبل ما تفوتو بفوت ايسر بقعد على الكرسي الي عند المكتب قدام اركان وبحط رجل على رجل وبحكي ايسر: صرت رجال متجوز .... ما بصير هلق نفوت عليك هيك مفاجأت .... بلاش انت تفاجأنا يعني............ههههههههههههه اشهب:شو صاير...؟ اركان: بدي احكي معكم بموضوع عيلة كيان بالاول وبعدها بشحنة اليوم المسا اشهب: شحنة اليوم المسا فهمنا بس اهل كيان............؟ شو في..... .. اركان: الموضوع بدو يصير كالتالي (بيحكي معهم ليحطو مخطط) بالمطبخ عند كيان وام ايسر كيان: صباح الخير خالة ام ايسر: يسعدلي هالصباح يا رب بتحبي حطلك فطور ...... لأنو الشباب ما راح يفطرو شوي وراح يطلعو كيان: على اساس يعني بدي اقعد معهم على نفس الطولة لأفطر ام ايسر: ما بصير تحكي هيك يا بنتي انتي خلص صرتي مرتو لأركان .... ومن الطبيعي تفطرو سوا كيان: ومن الطبيعي الي عم يعملو معي هاد الاسمر ام ايسر: الاسمر....؟؟ (كيان وهي عم تعمل ساندويشة لتاكلها) كيان: اركان.... زوجي.......هه ام ايسر: شبو .... شو عمل كيان: لك خالتي ما تجلطيني الله يرضى عليكي..ّ!! شو ضل ليعمل معي اكثر من هيك........ بس مو مشكلة انا بعرف كيف انتقم منو ودفعو الثمن اركان: اعلى ما بخيلك اركبيه (بتزور كيان وبتتشردق بلقمتها) (بصب اركان مي بالكاس وبقرب ليعطيها تشرب... بس هي ما بتاخذها وبتقوم لعند حنفية المي و بتشرب منها) كيان: الله لا يوفقك..... ما ضل غير روحي لتاخذها وكنت بدك توخذها...! اركان: لسانك هاد اذا بضل هيك بدي قصو قص....! فاهمة...! كيان: لا مو فاهمة اركان بيجي ليحكي شي بس بيلتفت لصوت ايسر لما فات ايسر: يلا اركن صار لازم نطلع لنلحق الشحنة (بيلتفت ايسر لعند كيان وببتسملها وبحكي) ايسر: صباح الخير مرة اخي بتقلب كيان عيونها وما بتعبرو (بيزورو اركان وبفوت اشهب لعندهم عالمطبخ) اشهب: شووووووو ما بدنا نطلع...... يل شباب راح نتأخر بيلتفت ناح كيان وبياخذ تفاحة من الطاولة وبيحكي شهب: صباحو مرة اخي كيان: لك الله لا يصبحكم بالخير.... لا انتو ولا اخوكم....! بيزورها اركان وبيجي يمشي لعندها بس بوقف على صوت ايسر وهو بحكي ايسر: اي هاااااااااااااااااااااااا ......... مرة اخ بتليق فينااا.........(وبصير يضحك) (واشهب بيضحك عليه وهو بياكل التفاحة) اركان: خلونا نطلع من هون قبل ما ارتكب جريمة (بيطلعو الثلاثة من القصر) ام ايسر: يلا بنتي عندنا شغل طويل اليوم كيان: شغل شو...........؟؟ ام ايسر: طلب مني اركان ننزل على السوق ونجيبلك كلشي ناقصك .... وبعدها نجهز لأنو راح نروح مشوار ضروري اليوم .... حسب ما فهمت كيان: ما خبرك لوين ام ايسر: لا والله ما بعرف ********* بالجامعة واقفة غزالي مع هديل وهي مضايقة ولسا مقهورة على رفيقتها هديل: خلص غزول........ بدك تضلي هيك قاهرة حالك غزالي: كيف بدي كون يعني....! ليكي الحالة الي وصلناها لك خايفة يكون صارلها شي لكيان هديل: لا تخافي .... خلي املك بربنا كبير لو صرلها شي سيء مثل ما عم تفكري.... كنا كلنا عرفنا.... الخبر السيء ما بتخبى وان شاء الله كينونة بخير غزالي بتتنهد: ان شاء الله يلا صار لازم ارجع كرمال اتحضر للامتحانات لأني كثير اهملت دراستي هالفترة عند مدخل الجامعة وغزالي طالعة بتوقف سيارة سودا وبينزل منها اشهب اشهب: عفواً يا انسة..... غزالي: نعم...؟ عم تحكي معي اشهب: اي من بعد اذنك اذا بتسمحي بدي احكي معك كلمتين ....لهيك اطلعي لو سمحتي بالسيارة لنتفاهم غزالي: عفواً............!!!!!! اطلع مع شخص ما بعرفو بسيارة وبتحكيها بكل وقااااحة كمان (اشهب بحط يدوعلى وجهو وبحكي) اشهب: الموضوع بخص كيان..!!! غزالي بتنصدم: كياااااان!!! اشهب: وهلق....! شو راح تطلعي بتتردد غزالي شوي بعدين بتقرر تخاطر وبتركب السيارة بعد تردد وهي عم تطلع بالشخص الطويل الي لابس قميص اسود مع بنطلون اسود وعيونو سكني وجسمو رياضي متناسق وواقف بثبات اشهب: شوووو.. قررتي غزالي: يلاااا اشهب بالسيارة وهو راكب قدام وجنبو غزالي اشهب: ليكي ..... الموضوع باختصار ودون طول سيرة كيان فاتت بأمور اكبر منها وما بينفع هلق تطلع منو بالبساطة الي فاتتها لأنو دخلت الحمام مش زي الطلعة منها وانا ما راح احكيلك شي لحتى توصلي لعندها لهيك ما بدي تسألي اي سؤال ولا تخافي انا ما عم اخطفك فما في داعي للتوتر انتي بأمان.....! غزالي: فكرت لو واحد بالمية اني شوف كيان بتخليني خاطر لدرجة اركب بسيارة رجال ما بعرفو ولا بعرف شو ممكن يصير معي ... فما راح يكون في مشكلة باني انتر لأوصل لعندها بس شو الي بضمنلي انك عم تحكي الحقيقة وما عم تكذب علي مثلاً..........؟؟ اشهب: فات الوقت لهاد السؤال لأنك صدقتي وخلصتي...... والا شو عم تعملي بسيارتي هلق...!! بتلف غزالي وجها ناحية البلور وهي بتأمل الطريق الي فاتت فيه السيارة متوجهة ناحية قصر كبير قدامو كمية كبيرة من لرجال الي بيحرسوه وحاملين اسلحة غزالي بينها وبين حالها: شو الي وقعتي فيه يا كياااااان..!!! لوين وصلتي!!! بالغرفة عند كيان وام ايسر بعد ما رجعو من السوق وفشلت كيان بالهرب ومحاولة التواصل مع عيلتها او الحصول على تلفون اي شخص بسبب الحراسة المشددة وام ايسر الي ما تركتها حتى بغرفة القياس وقفت جنبها...!! بتطلع ام ايسر وبفوت اركان لعند كيان اركان: صار الوقت لنحكي! كيان: بس انا ما بدي احكي معك اركان: تمام اذا هيك راح خلي اشهب يرجع غزالي للمكان الي اجت منو بتفتح كيان عيونها بسرعة على اكبر وسعهم وبتحكي كيان: غزالي ..........غزالي هووون....!!! اركان: اي .... شوي وراح توصل لهون كيان: كيف هيك......! اركان: اذا بتسمعي الكلام وبتعطيني المجال راح احكي بتجلس كيان على طرف التخت لتسمعو.... بيسحب اركان كرسي وبقعد مقابيل وجهااا اركان: الموضوع راح يكون كالتالي راح نتفق على انو الفترة الي غبتيها من البيت تعرضتي لحادث ونتيجة هاد الحادث ضليتي بالمستشفى طول هاد الوقت غايبة عن الوعي واليوم لصحيتي طبعاً الشرطة عندهم ادلة بسيطة انو انتي ممكن تكوني مخطوفة فبالتالي اول يوم نخطفتي فيه انتي هربتي وانتي بتهربي وقعتي وصار معك الحادث كيان: يعني خلصصصصصصصصصص.... راح اطلع من هون واخيراً (بتوقف كيان على رجليها مبسوطة وبتصير تطنطوط) اركان: القصة ما خلصت هون ولا راح تخلص كيان: ما فهمت شو قصدك...!!! اركان: يعني يا مدام نحنا متزوجين ... بحب ذكرك اذا نسيتي كيان: ما تزكرتوو بيوم من الايام لانساه..... واكيد راح نطلق ما هيك..! اركان: هه.... اكيد قلتيلي ما عليه.... هلق بتخبري القصة لرفيقتك او ما بعرف شو بدك تحكيلها بس اهلك راح يعرفو انو رفيقتك هي الي تعرفت عليكي بالمستشفى كرمال ما يصير معك مشاكل او يحكي شي حدى عليكي كيان: عاملي حالك هلق قلقان يعني وخايف شي حدى يحكي عني اركان: للمرة الثانية...... انتي مرتي اناااا والي بحكي عليكي بكون حكى علي اناااااا......... يا ريت تفهمي هاد الشي بلا ما فهمك اياه بالزور كيان: اي ما راح افهم ولا بدي............. (بيوقف اركان وما بخليها تكمل كلامها ليقاطعها ويقول) اركان: غيرت رأيي ..... ما راح تطلعي من هون ولا راح تشوفي رفيقتك.... بتروح كيان بتمسك يدو بسرعة وبتحكي كيان: ههههه تؤ تؤ تؤ شو هاد ما بتتحمل مزح انت خلص سكتت ايمت راح شوفها لغزالي....؟ اركان: هلق ( تحت بالصالون ) قاعدة غزالي على الكنباية واشهب واقف مع ايسر على الجهة الثنية بتهامسو بنزلت كياان واركان على الدرج اول ما بتشوف كيان غزالي بتنزل بسرعة ركض كل درجتين مع بعض لحتى وصلت عند غزالي وعانقتها غزالي: الحمد لله انك بخير............. كثييييييييييييييييييييير خفت عليكي انتي منيحة ما هيك.......؟؟؟