الفصل الخامس ❤✨
احم احم اتأخرت تاني؟؟ يلا معلش مانا كل شويه اتاخر انتو اتعودتو بقا بس هحاول متأخرش عليكم 💗✨
*********************
روايه: آيَنِ آلَطِريَقُ 🫀؟
الفصل الخامس 🤍🦋
بقلم الكاتبه : جّوٌدٍيَ آحًمًدٍ
**********************
عماد: ياارب يمكن انا غلطت لما اتسرعت و وافقت علي كلام عيل بس..... انا فعلا غلطت لازم انهي كل حاجه دلوقتي و اقول ل روان اننا لازم نبعد... يمكن الساعه 12 ونص و الوقت اتأخر بس مش مهم لازم نبعد
عماد: ردي بقا يا روااان
(في المكالمة)
روان: الو
عماد بحزن: روان احنا لازم نب....
روان بمقاطعه: مش هينفع نخرج الاسبوع دا اخويا زعقلي و بابا و ماما شاكين فيا... انا اسفه
عماد بحزن: بس انا مش قصدي كده انا قصد...
روان ب حب: كنت عارفه انك هتتفهم الموضوع شكراا يلا تصبح على خير
عماد: بس يا روان الو الو... اوفف ليه كل ما احاول ابعد يحصل حاجه
**********************
« في صباح يوم جديد »
عشق: سليييييم اصحاا مصيببههههه
سليم: ايه البيت بيولع؟؟
عشق بمرح: لا بس لقيتك مش راضي تصحا و جيه ف دماغي الحل دا
سليم بغضب: يا بنت ال
هايدي (ام سليم و عشق) : بنت ايه؟
سليم: اجمل الناس طبعا
هايدي: ايوه كده
عشق: يبني كده هتتاخر علي شغلك انت نسيت هديه ميار ولا ايه؟
هايدي بشك: ميار مين يا سليم؟؟
عشق: احم طب اخلع انا بقااا
هايدي: خدي هنا يبتت بقول مين ميار حد يرد!!
سليم: في ايه يا عشق هتشككي ماما فيا.. امي ميار دي البنت اللي كانت السبب في موت بنتي الله يرحمها..
هايدي بحزن علي ابنها: متزعلش يحبيبي هي ف مكان احسن دلوقتي
سليم: ربنا يرحمهم...(ثم اكمل بمحاوله ل تغير الموضوع) المهم هي دي بقا و جتلي امبارح المكتب عشان اسامحها تاني ونا للاسف اتكلمت معاها ب طريقه وحشه جدا و قررت احاول اصلح غلطتي عشان طريقتي معاها كانت وحشه
هايدي بحنان : بالتوفيق يا ابني
**********************
«روان كانت صاحيه من بدري و بتشرب شاي بلبن في البلكونه و هي بتسمع اغنيه القصه و اللي كان و هي بتفتكر كل حاجه بينها و بين عمادكلام تاليا و ان حرام اللي بيعملوا دا و كلام ماري و انو حاجه عاديه»
القصه و اللي كان
اتنين حبو زمان
تفتكرو الحب كمل ولا مع الوقت هان؟
2×
هو كان قلبو خام و قليل فالكلام
لسه صغير لكنو مليان وحده
هي يزينه البنات بضفيره و فيونكات
ولا تعرف يعني ايه حب و لهفه و غرام
و قابلها ف مره صدفه اتبرجل اول ما شافها ابتسمت بان كسوفها احساس خطفه و خطفها
دا يومين و هتنساها مش دا الحب اللي يعيش
انسيه دي قلوبكم لسه بريئه مبتحبيش
دا كلام من اقرب ناس لما حكولهم سمعوه
و الحب مكنش بأيدهم يعني عشان ينسوه
روان بيتردد فودنها كلام كتير زي: بلاش تختاري الدنيا يبنتي، بس دا حرام يروان، حب ايه بس دا عمره ما كان سن حب، روان انا بحبك، ماشي موافق خلينا صحاب، نركب مركب، كنتي فين يا هانم
روان: يااربي زهقتت دماغي صدعت من التفكير بس ابقا اسكتي يا دماغي منك لله
**********************
سليم: انتي السكرتيره بتاعت ميار
ريم السكرتيره: ايوه يا فندم انا حضرتك عاوز ايه
سليم و هو ف ايده ورد : ممكن توصليلها دا؟
ريم السكرتيره: تمام يا فندم حاجه تانيه؟
سليم: لا شكرا... عن اذنك
**********************
ريم: استاذه ميار
ميار: نعم
ريم: في حد بعتلك الورد دا
ميار بأستغراب: طب متعرفيش مين هو؟
ريم: لا
ميار: طب روحي انتي دلوقتي
ريم: تحت امرك يافندم
ميار: هو مين اللي فكر فيا و عبرني دا بقا؟... دا في ورقه في بوكيه الورد!... والله و هتعيشي زي الروايات يا روما
اللي مكتوب ف الورقه: انا سليم المنشاوي اسف علي طريقتي معاكي امبارح انا مسامحك يا ميار اتمنا انك تقلبي الهديه و تقبلي اننا نكون اصدقاء
ميار: دا لأما سحر لأما انفصام ف الشخصيه... يعني امبارح تهزقني و النهارده عاوز نبقا صحاب
«جالها رساله علي الموبايل فتحتها و كان محتواها: اه يستي انفصام المهم موافقه ولا لا»
ميار بخوف: يا ماماا دا بيراقبني احم... مواافقه
«جالها رساله تاني من سليم محتواها: شطوره»
ميار: هو بيراقبني فعلا يلا اهو عشت ف احداث الروايات
**********************
«نسبنا من المجانين دول بقا و نروح ل المز ءء قصدي عماد»
عماد: انا ادركت غلطي بس كل ما احاول اصلحه يحصل حاجه تخليني اقرب اكتر!.... سليم انت معاياا؟؟
سليم: ها؟.. ايوه طبعا (كان بيبعت الرسايل ل ميار)
عماد: طب انت رأيك اني اعمل ايه دلوقتي؟.
سليم: ادعي ربك انا مش بأيدي حاجه... ادعي ربك و قوله احكيله و اشكيله.... عماد انت حبيتها؟!.
عماد: حبيتها؟.... يعني ايه حب!؟... اقولك انا يعني اتعلق بشخص و اثق فيه و اشاركه كل حاجه عشان يطلع خاين و اقعد بين اربع حيطان زعلان علي حالي صح؟؟... محبتش روان و مش هحبها ولا هحب غيرها
سليم : بس مش دا الحب يا عماد
عماد و هو ماشي من بيت صاحبه سليم : بنسبالي هو دا الحب هو كلمه عامله زي الصبار من بعيد شكلو حلو بس كل ما بتقرب خطوه بتتشك يا سليم..
سليم: طب انت رايح فين دلوقتي؟؟
عماد : مش عارف رايح ف اي داهيه..
سليم : ربنا معاك يصحبي و يرشدك ل الطريق الصح
**********************
«عند تاليا كانت بتصلي و بتدعي ل روان»
تاليا: يارب ارشد روان للطريق الصح يارب هي بعدتني عنها بس انت قريب منها يارب ساعدها و ارشدها
(انتهت من الصلاه)
تاليا: وحشتيني اوي يا روان وحشني كلامنا و خناقتنا كل حاجه بس انتي اللي اختارتي للاسف... انا هفضل موجوده دايما لو احتاجتيني انا موجوده عشانك دايما و عشان انصحك.... بس انتي مش موجوده
ام تاليا : يا حبيبتي طب ما تحاولي معاها تاني؟
تاليا ببكاء : مش نافع يا ماما دي مش روان اللي انا اعرفها اصلا عشان احاول معاها تاني....
**********************
مراد: يعني ايه يا بابا اخلي بالي من روان الفتره الجايه مش فاهم؟؟!
هشام: يعني ركز و شوف اختك بتعمل ايه بدل ما انت مش فالح في حاجه كده... اختك امانه في رقبتك ل يوم الدين يا مراد
مراد: حاضر يا بابا.... عن اذنك عشان ورايا شغل
هشام: اتفضل (ثم اكمل في نفسه) انا عارف بنتي بتعمل ايه كويس هو اسبوع بس لو روان مجتش و حكتلي او حكت ل امها او اخوها يبقا نهارها اسود و مهبب معايا..
**********************
سالم بخبث : ايه الاخبار يا ماري؟.
ماري ب شر:كلو تمام و زي ما خطتت انا و ماجد روان حبت عماد
مجهول بخبث : حلو اوي كده.....ليكو الحلاوه
ماجد: بس المشكله ان عماد بدأ يفقد الثقه فيا و يرجع لربنا و مينفذش كلامي و قالي انو مش بيحبها و هيبعد!!
مجهول بغضب شديد : لازم تتصرف فااااهم!!
ماجد بخوف: فاهم.....انا فعلا دبرت حاجه كده هتخليه يقرب من روان اكتر
مجهول بغضب شديد : اي غلطه هتبقا مقابل روحك!!
ماجد بخوف : متقلقش يا كبير كلو تمام..
**********************
اسراء: مالك يا روان قاعده في البلكونة زعلانه كده ليه... شكلك كنتي بتعيطي
روان: لا يا ماما انا كويسه متقلقيش عليا
اسراء: روان حببتي انزلي شمي شويه هوا تحت متقعديش مدايقه و مخنوقه كده
روان: بس انا كويسه..
اسراء: اه ما هو واضح علي عينك اللي وارمه من العياط دي
روان: بس انا مش عاوزه انزل..
اسراء: يلا بقا متزعلنيش منك يرورو
روان بحزن: حاضر يا ماما
«لبست و نزلت تتمشي شويه»
روان بتغني اغنيه من اغاني امير عيد : لو النهارده مش يومنا يمكن بكره يكون و دي حكمه الايام هكون ف حياتك بس مليش مكان... لحظه معقول ممكن ابعد انا و عماد!!... هو انا حبيته؟...(و لنقطه الصفر التاني) حبيته!!
طب و ثقه اهلي و ربنا انا ازاي اعمل كده اكيد لا بس انا... انا حبيت عماد..!!
مجهول: حاسبي يا انسه....(ثم اكمل بصراخ) يا انسه حااسبي
عماد بصراخ: رواااااااااااااااان... مش تفتح يا اعمي دا انا هوديك ف ستين داهيه يا ***... اسعااف بسرعههه
«العربيه خبطت روان»
**********************
هل ممكن دي تكون نهايه قصتنا و روان تموت؟... و ازاي عماد شافها هل كان بيراقبها؟؟؟!!؟.... هل دي بدايه قصه جديده مع ميار و سليم!...
انتهي الفصل الخامس انتظروا الفصل السادس 🤍🦋
روايه: آيَنِ آلَطِريَقُ 🫀؟
بقلم الكاتبه: جّوٌدٍيَ آحًمًدٍ