اين الطريق؟! - الفصل الثاني ❤✨ - بقلم جّوٌدٍيَ آحًمًدٍ | روايتك

روايه: آيَنِ آلَطِريَقُ 🫀؟ الفصل التاني بقلم الكاتبه : جّوٌدٍيَ آحًمًدٍ ********************** عماد: احمم بصراحه يا روان انا كنت معاكي في حفله النهارده و اعجبت بيكي جدا و بصراحه انا براقبك من زمان وانا بحبك يروان. الكلمات دي نزلت علي روان و صدمتها جدا و لسه كانت هترد بس فجاءه ام روان دخلت: بت يروااان تاليا قاعده برا اخرجي اقعدي معاها.... مال وشك جاب الوان كده ليه يبت؟ روان: اتخضيت عشان دخلتي فجاءه يسوسو... حاضر هخرج اهو روان قفلت الفون و خرجت تقعد مع تاليا روان: احمم اا تاليا انا عملت مصيبة و مش عارفه اعمل ايه تاليا: حسيت عشان كده جيت تعالي نقعد في اوضتك و احكيلي روان و حست بندم علي اللي عملتو معاها الصبح: طيب يلا (في اوضه روان) روان: احم انا في ولد دخل كلمني..(و حكتلها كل حاجه) تاليا بغضب: انتي عبيطه يا رواان ازاي تسمحي لنفسك تردي عليه اصلا روان بتوتر: اظن عادي صح مانا في شله مختلطه؟ تاليا بغضب: لا مش عادي وجودك في الشله دي هيبوظك اصلا فوقي يرواااان انتي مش كده انتي محترمه سيبيهم عشان خاط..(كانت هتقول عشان خاطري بس افتكرت اللي حصل الصبح) عشان خاطر اغلي حاجه عندك روان: بس انا مبسوطه اني بقا عندي صحاب تاليا: و ثقه اهلك يروان تخيلي لو عرفو؟.. و تخيلي لو عرفو ان الحفله اللي انتي روحتيها بالفستان القصير دا كان فيها ولاد انتي عماله تغلطي يروان فوقي بقا انتي مبقتيش منتظمه في الصلاه حته روان: طب اعمل ايه بجد مش عارفه حاسه اني تايهه و مش عارفه اروح لمين و مين عاوز مصلحتي و مين عاوز يدمرني تاليا: انتي عارفه كويس بس اللي عرفتيهم دول غيرو وجهه نظرك لكل حاجه... سلام يروان بس فكري كويس تاليا مشيت و سابت روان تايهه مش عارفه ايه الصح و ايه الغلط كأنها طفله عمرها تلات سنين ام روان بأقتحام الغرفه كالعاده: مالك يبت يروان و عملتي ايه لتاليا كده دي خارجه بتعيط... روااان انتي معايا روان:ايوه يا ماما معاكي معرفش تاليا مالها ام روان بشك: طيب ماشي بس حافظي عليها يروان روان: حاضر خرجت الام روان فتحت موبيلها و كملت كلام مع عماد {في الشات} عماد: ها ايه ردك و روحتي فين روان: انا مش عارفه ارد اقول ايه فاا خلينا صحاب مؤقتا عماد: تمام... بس عايز ابقا اشوفك انتي في جامعة القاهره صح؟ روان: اه عماد: طب نتقابل بكره؟ (اتفقو علي معاد بعد محاضرات روان) نامت روان و جيه اليوم التاني و صحيت بدري و دخلت لمامتها في المطبخ روان: بببببخخخخ ام روان بخضه: الله يخربيتك يا بنت الجزمه روان بمرح: سوسو مش ملاحظه ان بتشتمي نفسك كتير الفتره دي؟ (و هنا سلاح الام كان لازم يدخل ) ام روان: غوري يااا بتت (و ضربت روان بالشبشب) روان: تسلمي يست الكل هروح اجهز عشان المحاضره المنيله (لبست هودي ابيض و بنطلون اسود و عملت شعرها ديل حصان ) و كانت اول مره روان تروح الجامعه لوحدها راحت و حضرت المحاضرات و اتصلت ب عماد روان: الو عماد: ايوه يرورو انتي فين؟ روان: قدام الجامعه عماد: ايوه شوفتك اهو روان: تمام عماد كان لابس قميص اسود و بنطلون اسود و نضاره شمس (مز من الاخررر) روان انبهرت لانها كانت متوقعه يطلع واحد سرسجي بس مبينتش انها انبهرت البت تقيله برضو عماد: ازيك يرورو عامله ايه؟ روان: الحمدلله كويسه وانت؟ عماد: انا بخير طول مانتي بخير.. يلا نقعد في مكان؟ روان: اشطا يلا عماد: هاتي ايدك روان: ايه يسطا انت هتاخد عليااا ولا ايه عماد بضحك: ههههههه يسطا!!.. هاتي ايدك بس (مسك ايدها قليل الادب الحيوان القذر) روان: هييح اما نشوف اخرتهاا تاليا مرحتش المحاضرات بتاعتها عشان كانت تعبانه بس راحت تاخد روان عشان تطمن عليها انها روحت و عشان تعرف حصل معاها ايه في الجامعه بس لقت روان واقفه مع عماد و اتصدمت و عرفت انو عماد تاليا بدموع: ليه يروان ليههه حرام عليكي كده مفيش غير حل واحد و هو اني اقول لبابها.(بس افتكرت ان ابو روان عصبي جدا و كده هيحصل مشكله كبيره لروان) تاليا روحت بيتها و قعدت تفكر تعمل ايه ********************** عند ماجد و هو بيتكلم في الموبايل مع حد ماجد بخبث: لا كلو تمام متقلقش يباشا الشخص:........... ماجد: ايوه بظبط كده دا اللي حصل الشخص:..... ماجد: تمام يباشا ********************** عدا اسبوعين و كل يوم روان بتقابل عماد و طبعا منغير ما اهلها يعرفو و ابتدا يبقا في مشاعر اعجاب و حب من ناحيه روان ل عماد اما بنسبه ل تاليا فا بتحاول تنصح روان تبعد لاكن روان مش بتهتم ليها نهائي و بنسبه ل عماد و سليم فا سليم بيحاول ينصح عماد يبعد و عماد للأسف حب روان بجد و الغلطه الصغيره اللي بنسبالهم كانت مجرد حاجه تافهه كبرت و الله واعلم هتكبر تاني ولا لا و في يوم من الايام روان و عماد كانو قاعدين في مطعم علي النيل عماد: ها يستي الاكل عجبك؟ روان: لا الاكل شغل فاخر من الاخرر بجدد عماد بضحك:لما ببقا معاكي بحس اني مع واحد صاحبي روان بمرح: يلا صاحبك صاحبك مش فارقه عماد بجديه: بجد مش فارقه؟ روان: هاا؟ عماد بيأس: ولا حاجه روان: طب هخلع انا عشان متأخرش علي اهلي عماد: طب استني ايه رأيك نركب مركب؟ روان بتفكير : ماشي يلا عماد : يلاااا ركبو مركب و كان وقت جميل و شغلو اغاني و استمتعو بس بعد شويه وقت روان حست ان في حد بيبصلها جامد بس مكنش عماد فا بتبص حواليها لقت..... ********************** انتهي الفصل التاني انتظروا الفصل التالت 🤍🦋 روايه: آيَنِ آلَطِريَقُ 🫀؟ بقلم الكاتبه: جّوٌدٍيَ آحًمًدٍ