انا الشموخ وما رضيت البهاذيل كسرت خشم الناس من قو ذاتي - الفصل 105 - بقلم ضميانه عشقه - مكتملة | روايتك

وسكرت وهي تتنهد...وانصدمت وهي تشوف الكل ينـــآظرها...نآظرتني بعتب...وهمست:ليه ماقلتي لي انهم  موجودين؟... قلت بنفس الهمس :وأنا وش درآآآني؟... نـــآدآآآها جدي ورآحت سلمت عليه....وعلى ابوي وعمـــآمي والبنـــآت....نآدآها جدي تجلس جنبه....رآحت وجلست  جنبه بهدوء...قـــآل أبوي بقهر:منهو ذآ؟.... نآظرته بضيق وببرود:منهو اللي منهو ذآ؟..... قال ابوي بحده:جــــــآزي.... زفرت بضيق....وبضيق وآضح من نبرة صوتها المبحوح:ولد خـــآل أمي....جاني خآطب....ورديته وانتهى  الموضوع....استفســـآر ثـــآني يبه.....ولفت علينا...نوفــــآ حبيبتي جيبي لي مـــآي عطشـــــآنه مووووت..... الكل توسعت عيونهم...من كلمة يبه....قـــآل وليد بغمزه:ياخطير وصرنـــآ يبه.....والله وكبرنــــآ..... قال أبوي بحده:وليد انكتم....أحسن لك.... ضحكت الجـــآزي بخفه....ووليد ناظرها بتهديد...جـــآبت نوف المـــآي....عطت الرجــــآل ظهرها....ونزعت  لثمتها...وشربت منه شوي....وعدلت لثمتها...ونزلت الكوب اللي وآضح روجها فيه...على الطـــآوله.... جآآآآء سلطــــآن وشرب منه.....قآلت بحنيه:حيــــآتي عطشــــآن.... هز رآسه بايه شرب شوي...ورآح قعد بين وليد ونـــآيف......قال أبوي بهدوء:عندي استفســــآر...ومو وآحد.... نـــآظرته وهي تتنهد:تفضل من حقك تعرف كل شيء.... قال بهدوء:منهو هو؟...وليه ماوافقتي عليه؟....وليه تكرهينه؟....وأحلفك بالله اذا هو مأذيك تقولين لي؟...... قالت بهدوء:بالأوله هو يصير وآلد خـــآل أمي.....وماوافقت عليه....لأنه مايناسبني....مو عيبآ فيه....لا وربي  شآهد...مابه عيب...صايم ومصلي...وأصل وفصل وجـــآه ومـــآل.....ويكفي أن جدي أبو فـــآرس أبوه....بس سبحـــآن  الله ما أحسه يليق فيني ابد....ولا ينـــآسبني ابد.....أما بخصوص أكرهه...لا وربي الشـــآهد....لا اكرهه ولا  أحبه.....وبخصوص انه مأذيني ....فلا والله....والله الشـــآهد علي....اني حتى ملامح وجهه ماتذكرها....وحيـــآته أغلبها  عايشها برآ...وبثقه وصدقني...لو انه مأذيني بكلمه...فوالله جدي أبو فـــــآرس يمحيه من هالدنيــــآ ولا يحسب الله  خلقه.... تنهد أبوي برآحه وجلس....قـــآل جدي بمزح:عزلله ان قصيدتك مو هينه.....عيديها أبغى اسمعها عدل.... ضحكت بخفه:لا يبه....وهمست له بكلآآآآآم.....جدي انفجر ضحك....بشكل غريب....قــــآم جدي...ومسك يدهـــآ وقومها  معه.....وقال وهو يتنحنح ويكبح ضحكته:بأترخص منكم....شوي ورآآآجعين...بيني وبين هالبنت كلمة رآآآس.... قـــآل أبوي بحمـــآس:أجي معكم.... قال جدي بسرعه:لا..... ومشت هي وجدي....وتعلق فيها سلـــطآن....ضحكت وهو يهمس لها....جرت غترته....صفطتها بسرعه...وحطتها على  الكنب...وفوقها عقـــآله وطـــآقيته....ورتبت شعره.....وهمست له....وهو هز لها رآسه....ورآح وجلس جنب وليد  ونـــآيف....وهي توجهت لجدي....مسكت يده ودخلوا غرفة المكتب......زفرت بتعب....قـــآلت خــــآلتي ام خـــآلد  بحنيه:تعبـــآنه يمه.... ابتسمت لها من تحت نقـــآبي:لا عمه.... قالت خـــآلتي أم خـــآلد:الا صحيح أنتي شلون تمدحينه....والجـــآزي ماتتذكر حتى ملامح وجهه؟..... قلت بتعب وأنا أسند ظهري على الكنب:لأن الجــــآزي كـــآنت صغيره....لما ســـآفر برآ.....وحتى لما كنا نتجمع  الجـــآزي ماكـــآنت تحضر....وحتى اذا حضرت كـــآن جدي وخـــآلي يآخذونها هي وسلطــــآن ويطلعون....يروحون  البر...المزرعه.....يعني ماتعرفه كثير...حتى انا ما اتذكره كثير....بس الكل يمدح دآيما.....وأولهم خــــآلي....ويكفي انه  ولد جدي أبوفـــآرس...اللي مانلحق جزآآآآآه لو ايش ماصــــآر...... الكل سكت....وشوي وطلعوا والجــــآزي هــــآديه.....وجدي يتبوسم....نآظرتني بغرآبه....وفزت من مكــــآنها قربت  مني وبحنيه:فيك شيء؟.... قلت بتعب:لا مافيني شيء....لا تخـــآفين.... قالت بخوف:وليد شغل السيـــآرة بنوديها المستشفى.... قرب خـــآلد بسرعه:ليه وش فيها؟... قالت بعصبيه:وانا وش يدريني؟.....تعـــآل شيلها وانت ســـآكت....وصرخت...وليد بسرعه.... قلت بألم وانا أضغط على بطني:لا جـــآزي مافيني شيء..... صرخت بعصبيه:وشو اللي مافيك شيء؟....أنتي مجنونه.....وصرخت...أنت شيلها وش فيك؟.... شـــآلني خـــآلد بسرعه.....وطلعنا للمستشفى وابوي يسوق فينا....وأنا والجـــآزي ورآ......شوي وعوآآآآر  ذبحني...صحت من الوجع وصرخت....والجــــآزي تصرخ على ابوي وخـــآلد يعجلوووون......وثوآآآني والخوف لعب  فيني....قلت بتوتر وخوف:جــــآزي أنا أنزف....... كنت وآقفه....رآيحه وجـــآيه....قال أبوي بتعب:يابوك أذكري ربك...اجلسي...ترآكم صدعتوا رآسي..... نـــآظرت خـــآلد وهو حـــآط رآسه بين يدينه بتعب.....وأنا استغفرت وجلست جنب أبوي.....قال خــآلد بألم:مو كــأنهم  تأخروا.... قلت بتأييد:اي صح...تآخروا كثير.... جــآء خـــآلد بيروح لهم....بس منعته يد أبوي....وهو معصب علينا:أنتو بزآرين....خلو الدكتورة تشوف  شغلها....فضحتونا بالنـــآس.... نـــآظرنا بعض بعصبيه....وكل واحد اعطى الثـــآني ظهره......قبل شوي كنت بأرتكب بهالمخلوق جريمه.....الغبي  أختي مغمي عليها...وتنزف....وهو واقف على بـــآب الغرفه.....ويحلف ان مايكشف عليها رجـــآل.....أبوي يحـــآول فيه  وهو معند....وأنا ماضلت شتيمه مسبه....أعرفها بحيـــآتي ماقلتها له....والحمدلله الله رأف بحـــآلنا واستدعوا  دكتورة.....وللحين دآآآآخل.....غمضت عيوني بألم:يــــآرب احفظ أختي....يآرب مالنـــآ غير بعض.... مر شريط حيـــآتنا...سريع قدآم عيونا....مواقفنا....طيبتها اللي كنت أستغلها دآيما...حنيتها...حبها الكبير اللي دآيما  تحسسني فيه....بس أنا وآطيه...أنا نذله...والله يارب قومها لي بالسلآمه وعهدن علي.....أتغير...والله ما اجرحها...ولا  أذيها....ولا اعلي صوتي عليها....ولا انرفزها وأنا أتكلم معآها ببرود....طحت بتعب على الآرض وانا أصيح....أتخيلها  مآآآآتت...الحيـــآة من غيرها ماتنطـــآق....صح طيبتها تنرفزني....بس أحبها...والله أحبها....جاني أبوي يجري....وهو  يحضني ويسمي علي...وأنا تمسكت فيه...وأترجـــآه يروح يســـأل....ماعـــآد بي صبر....أبغى أختي والله  أبغــــآها.....مابغـــآها تموت....نص ســـآعه وأنا بأحضـــآن أبوي....وبعدها طلعت الدكتورة....كلنا هرولنا لها...وأولنا  خـــآلد....قـــآلت بتعب:الحمدلله على سلامتها....هي بخير الحين والجنين كمـــآن...وأنا عطيتها مثبتات...والباقي عليكم  وعليها.... حضنت ابوي بفرح....وخـــآلد شكر الله....والدكتورة كملت بعتب:بس ليه كذآ مزعلينها؟....المدآآآم متعرضه لضغوط  كثيره....وهي صحتها شوي تعبـــآنه....وهي تكبت....والضغط النفسي يذبحها.....المفروض تريحونها....مو  تأذونها...وصدقوني....أي توتر أو ضغط بتتعرض له المريضه....صدقوني انتم بهذآآآك الوقت تجـــآزفون بحيـــآتها.... شهقت بألم...وصرخ خـــآلد فيني بغضب:كله منك....كله منك.... صرخ فيه ابوي:أحشم نفسك....الدكتورة تقول ضغوط من زمـــآن يآخالد....مو من هاليوم....ريم كتومه...بس ورب  هالبيت....خلني أعرف بس انك مأذي بنتي...والله لتشوف اللي ماشفته بعمرك...كل شيء ولا بنـــآتي..... لأول مرة أحس لســـآني مربوط....كنت أنـــآظر خـــآلد بضيـــآع....معقوله أنا السبب.....مستحيل...أنا اضر روحي قبل  لا اضر ريم....ريم شيء كبير بالنسبه لي....معقوله انا اضر اخوآني بدون قصد....يمكن من كثر ما احبهم صرت أأذيهم  بدون قصد مني...... جرني أبوي لدآخل....شفت ريم بملامحها الرقيقه....ووجهها الأصفر...المرهق....شهقت وتركت يد أبوي...وتوجهت لها  وحضنتها بقوة....قلت بهمس وانا اصيح:آسفه...كله مني...وربي ماكـــآن قصدي..... قالت بحنيه:لآآآ حبيبتي....أنا اصلآآآ من فترة أحس بوجع يذبحني....بس أكـــآبر وأتحمل....وبمزح وهي تضحك...وزين  انك جبتيني غصب عني....والا لولاك يمكن كنت مت بروحي.... قلت بألم وانا أحضنها:بسم لله عليك...يومي قبل يومك..... بعدني ابوي بلطف عنها وهو يمزح:بل عليك يام لســـآن....بآس ريم برقه...يابختك بغلاتك عند أم لســـآن....هبلت  فينا..ومن دخلتي وهي صيــــآح.....أذتني.... نـــآظرتني بحنيه:يابعد قلبي...أم لســـآن مافيه مثل قلبها أبد.... وتجمد كلآآآآمهآ....وابتسمت بخفه....وقرب خـــآلد اللي الهم وآضح بوجهه....بآس رآسها..وجرني أبوي غصب عني برآ  الغرفه...وسكر البـــآب.....قلت بقهر:يبه ليه جريتني معك؟.... جلس وهو يتنهد وينــآظرني ويضحك:لأنك ماتستحين....رجـــآل ومرته وشدخلك بينهم؟.... جلست جنبه وبزعل:دخلني أن مرته تصير أختي.....وبتهديد....ويكون بعلمك...ترى اذا طلع هو سبب اللي فيها...وربي  يويله مني..... هز رآسه بضيق...وبقهر:أنتي ماتتوبين....يعني انا اذا عرفت انه هو السبب بأسكت عنه......فصوني لســـآنك يابنت  أحسن.... ونـــآظرني بنص عين....ولف عني....وانا تكتفت بضيق...ثوآني ورن جوآآآآلي...وشهقت وأنا أشوف رقم أمي.....لف  علي بسرعه...حطيته صـــآمت....ونآظرته بهلع:أمي.... مافاتتني لمحة الوجع اللي ارتسمت على وجهه....بس بسرعه سيطر عليها....قلت بسرعه:وسلــطآآآن نسيته....بنروح  نـــآخذه وتوديني لبيتنا....أقول لأمي الموضوع ونجي هنا.... هز رآسه بضيـــآع لي...ورحت أخذت سلـــطآآآآن....وطبعـــآ أذبحونـــآ بالأسئله....قلنا عـــــآدي تعب خفيف.....وودآنا  لبيتنا....وبس بلغت أمي انهبلت....وهبلت بخـــآلي...رحنا المستشفى....وطمنتنا الدكتورة,.....ولقينا ريم نـــآيمه وخـــآلد  عندها....أمي حلفت ان خــــآلد يرجع البيت وهي بتبقى مع ريم.....وخـــآصه وهي تشوف التعب بوجهه.....وطردتنا  كمـــآن حنــــآ.....ردينا البيت وخـــآلي سوآ تحقيق لي...ليه تعبت؟....وشو السبب؟...وأنا كل دقيقه مطلعه لي  كذبه....لأني لو قلت له...أني شـــآكه بخــــآلد....وربي يذبحه...وبقلب بــــآرد..... دخلت الجنــــآح....وحسيت بغصه....أول مرة تفـــآرقني من تزوجنا.....من تزوجنا....هذي أول ليله بتنـــآم بعيد  عني....رميت نفسي بتعب على سريري....اليوم كنت رآح أموت....بس تخيلت انه بيصير فيها شيء....بسم لله  عليها....بغيت أمووووت....كل شيء أتقبله....الا خســـآرتي لريم....حسيت برغبه كبيرة بالصيـــآح....بس دمعي ماقوآ  ينزل....يـــآطول هالليله...من غيرك يـــآريم....أنبت نفسي بقسوة.....كل التعب اللي جــآها بسببي.....أنا أضغط عليها  كثير ....ما ابغـــآها تصير مثل أمي...لو ابوي دللها وعزها وقدرها...تطـــآولت عليه....لحد مافـــآض فيه الكيل...وانتهى  كل شيء بالطلآآآآآآق.....أنا ما اتقبل أن ريم تبعد عني....لكذا ابغى أسيطر عليها....أدري اني أقتل أشيآآآآآء كثيرة وحلوة  فيها...بس مو ذنبي....والله اني أحبها...وأمووووت فيها......بس غصب عني.....ومو بكيفي...... من طلعوا وأنا متجمد....طلعت لجنـــآحي....وحبست نفسي....وأنا كل مافيني يرجف....وش قصدها؟....تقصدني أو  لا....تذكرت نبرتها الوآثقه والغرور الواضح فيها.....عزلله ان ظني ماخـــآب...كلامها وقف شعر جسمي....هالبنت  متمكنه مني كثيرر.....لدرجه صـــآرت ترعبني.....عمر ماوصلت حرمه للمكــآنه اللي وصلت لها هي وبفترة  قيــــآسيه......ضغطت على رآآآْسي بألم....اطلعي من رآسي يابنت نـــآصر....مانتيب قدي واللي خلقك مانتيب  قدي....حسيت بحــــآله مجنونه تصيبني...قلت بهمس:لزوم أكلم جدي يعجل بمووضوعنا....قبل انهبل.....لزوم  ياعزيز....وأبحرت بأحلآآآمي بالموقف كــــآمل وانها رفضته علشـــآني....لخـــآطر عزيز وبس....وياليته صدق....