انا الشموخ وما رضيت البهاذيل كسرت خشم الناس من قو ذاتي - الفصل 90 - بقلم ضميانه عشقه - مكتملة | روايتك

ركبنا  السيارة....وأنا احس بالفرح...تذكرت ملابسي....وتعليق البنات اني ما اكشخ وكشرت.....ثواني وكل شيء  طار....وابتسمت بفرح....مايهمني رايهم....دامني كشخه وحلوة بعيونه.....وأكشخ عنده...مالي ومال الناس على قولة  الجازي....أهم شيء راحتي معاه....وزوجي وغيور حتى النخاع....وش أسوي؟....غير اني أقول الحمدلله......ناظرته  وهو رآكب السيارة....بكل شموخ مالي كرسيه....وعمتي جنبه....وأنا ورا خالد....سوالفه الهاديه مع عمتي.....ابتسامته  الهاديه....صوته الهادي....نظراته لي كل دقيقه....ابتساماته......وأنا أحس اني طايره....وأنا أناظر لكتله  هالرجوله....ملكي أنا وبس....كل شيء منك عسل....تذكرت مشعل وكشرت....الحمدلله ان الجازي متمشكله  معاه....ومايهمني السبب....دام هالشيء خلاني من نصيب خالد.....خالد الرجال العصبي العصامي....أحس بالأمان  معه...ورغم صعوبه طبعه الناري....الا انه ورا كل ذا...قلب مابه بهالخلايق مثيل له....لا خلا من هالقلب وصاحبه  يآرب.... وعيت من سرحآني على صوته الرآيق:مو ناويه تنزلين؟....ناظرته بصدمه وضحك....وشو هالشيء المهم اللي مآخذ  حبيبة قلبي من هالدنيا وشاغل بالها؟... نزلت وأنا أضحك...وسكر الباب....قلت بخجل:حبيبتك سرحانه بحبيبها.... ضحك بقوة...وهو يمسك يدي:لا خلا ولا عدم من هالحبيبه....عسآآآني فداها...وقطع كلامه وهو يناظرني  بسرعه....روحي ادخلي دآخل بسرعه... رحت دخلت البيت....سلمت على حريم عماني والبنات....الكل متجمع ببيتنا....ضحكت على تعليقات خلود ودآنه....وش  عندك متأخره؟....ههههه....ذولا والله خبلآت....رميت عبآتي....شفت نظراتهم المستغربه من لبسي العادي....بس مابه  احد تكلم....تجاهلتهم وانا أقوي نفسي بكلام الجازي...دامني حلوة بعيونه....وش علي بصورتي بعيون الناس.....حسيت  بالضيق انها مو موجوده....على الساعه عشر ونص تنحنح أبوي ودخل هو وجدي.....سلموا علي بحنيه....وقالوا أن  العيال بيدخلون.... لبست عباتي بسرعه...وتغطيت عدل...أدري بخآلد وغيرته المجنونه....شوي ودخلوا....شفت نظرات  خالد وهي تدورني بسرعه...وبس شافني ابتسم برآحه وهو يناظر لبسي.....وجلس الكل...وابوي وجدي معصبين على  أخواني أنهم تأخروا.....قال جدي بضيق:رريم يبه...اتصلي على اختك....وعطيني الجوال؟.... قلت بهدوء:ان شاء الله جدي.... اتصلت عليها....وبس رن...عطيت جدي الجوال...بس صرخ فيني:طلعي صوتها...علامك؟.... قال خالد بسرعه:جدي علامك؟....وش فيك عليها؟.... بلعت دموعي....وانا احس بالاحراج من جدي....والامتنان لخالد....وأدعي على عدو الجازي كله منها....حطيته  عام...ورديت لمكآني....رفعت عيوني وطاحت بعيونه....وبسرعه سالت دموعي....شفت صدمته....ودز لي  بسرعه:"أمسحي دموعك....لا تخليني اررتكب بجدي جريمه الحين"..... ضحكت من بين دموعي....الكل ناظرني باستغراب.....بس الكل طنشني وهم يسمعون صوتها الحاد وهي تضحك:هلا  يابعد قلب جوجو والله.....أدري تاخرت بس وربي غصب عني....شوي وتلقيني قدامك منزرعه....آمري أنتي بس...... قال جدي بحنيه ما المسها الا لما يكلم الجازي:هلابك أكثر....ماينفع هالترحيب لي أنا..... ضحكت بشقاوه وبدلع:كلن وقدره يالغالي....الكل شهق بصدمه....وكملت هي بضحكه:هلا وغلا بشيخهم....هلا بكبيرنا  والله.....هلا بهالصوت ياعسآني فدوة لراعيه.....هلا بالغالي....هلا بأبوي وحبيبي.....وبضحكه....ذا ترحيبك يالغالي..... قال بضحكه واسعه...وفرحه بانت على وجهه :لا خلا ولا عدم من هالترحيب وراعيته....وبعتب....وينك يايبه تأخرتوا  كثير؟..... قالت بضحكه:أبد يالغالي....تمشينا شوي....وسوآلف وضحك واخذنا الوقت..... قال بحب:استعجلوا يابوك....من الصبح وأنا اتحرآك.....مشتاق لك كثير...... قالت بحنيه:تشتاقلك العافيه.....ان شاء الله قريب....شوي وبنوصل....وبهدوء....جدي ريم قريبه منك ابغاها..... قال بهدوء:ايه ....ناظرني بحنيه....تعالي يبه كلمي اختك.... قمت من مكآني وأخذت الجوال....وجدي مسك يدي وجلسني بينه وبين أبوي....مسكت الجوال وحولته ...وقلت  بهدوء:هلا جوجو.... سكتت شووي...ووصلني صوتها الغاضب:وش فيك؟.... قلت بضيق وانا اناظر خآلد:مافيني شيء..... قالت بحده:ريم تكلمي....لا وربي أجي أقلب البيت فوق رآسك....خآلد مضايقك.... قلت بهمس مقهور:لا والله مو هو...وش فيك؟...بس تجين بقولك.... قالت بحده:أحلفي انه مو هو.... قلت بقهر:وربي مو هو..... سكرت منها بضيق....زفرت بقهر....وشفت خآلد اللي يناظرني بحنيه....قال أبوي بحنيه وهو يمسك كتفه:فيك شيء  يبه؟.... قلت بهدوء:لا يبه مافيني شيء..... وقعد الكل يسولف....وأنا قمت جلست مع البنات.....شوي وانفتح الباب بدفاشه....وصراخ جازي:كيفي ياوليد....أناا  كذا....عاجبك كان بها....مو عاجبك مو هامني شيء....زين....كيفي......أووووووو ف......غلطآن ولك وجه  تتكلم....فارق وجهي هالساعه....لأا وربي تشوف اللي بعمرك ماشفته..... قال وليد باستنكار:أنتي ليه اسلوبك زفت كذا؟.....ترى ماصار شيء يستدعي ذا كله.....غلطت صح....بس خلآص  اعتذرت....وانتهينا.... قالت بعصبيه:كيفي....مالك شغل....أنا زفت واسلوبي زفت....مالك لا أنت ولا غيرك شغل زين.......واعتذاااااااااارك  مرفوووووووض.....تفهمني ياوليد مرفووووووض...... الكل قام...قال ناصر بعصبيه:أنتم وش فيكم؟... قال وليد بعصبيه:اسألها المجنونه ذي.... صرخ فيه أبوي بعصبيه:احشم روحك يازفت.... وجازي تناظر وهي رافعه حاجبها وتطالع الكل بضيق.....ونايف وسلطان جنبها....ويناظرونها.....ووليد يستغفر  بضيق....صرخ أبوي بقهر:وش فيكم؟....تكلموا أحسن لكم..... الكل انتفض الا هي....رافعه حاجب بضيق....وشوي وتقدمت بهدوء....وببرود وهي تبوسه:ماصار شيء ....كنا نتناقش  بس.... قال باستنكار:تتناقشون واصواتكم واصله للسما..... قالت ببرود وهي تهز كتوفها:عادي...نقاشنا حامي شوي....مو وليد..... قال وليد بضيق:ايه.... قربت لجدي الواقف بضيق....سلمت عليه بنفس البرود....وعلى عمامي...وعلى البنات....وحريم عماني.....وصلت  عندي وحضنتني بقوة....وبحده:أحلفك بالله....منهو اللي مضايقك؟....قوليلي أسمه ووالله ليشوف اللي بعمره ماشافه.... صحت بضعف وانا بأحضانها.....وحسيتها صارت ترجف....غصب نطق لساني....وبضيق:جدي بس قالي كلمتين وانا  تدرين حسآسه ومع الحمل الحساسيه طاقه السما....ناظرتني بضيق....قلت بهمس سريع...والله ماقال شيء يسوي.,....بس  أنا متضايقه شوي.... ناظرتني بشك....وكنها تقول أدري بخآالد....جلست بين نايف وسلطان بضيق....والكل يسألها عن حالها....وهي تجآوب  بالمختصر....وسلطان لآزق فيها....قمت وأنا أمسك يده..وأناظره بحب....من زمآن عنه....وهو من الحيا  ماعرفني.....قلت بحنيه:سلطان حبيبي ماسلمت علي..... بس سمع صوتي....أخذني بحضنه بقوة وهو يضحك....وأنا من الفرحه صحت....اول مرة سلطان يحضني كذا....يمكن  لأني من زمان مارحت لهم....قالت جازي بضيق...وهي تحرك جوالها بملل بيدها:سلطان بشويش....ريم ببطنها ببيبي لا  توجعها.... فكني بسرعه وهو منصدم....ناظر بطني....ومسكها...وبعد يده....قال بصدمه وهو يناظرني ويناظر جازي:جوجو ترآ  اللي يكذب يدخل النار..... قالت بملل:أنا ما اكذب....شوف بطنها كبيره..... قلت بخجل وأنا أبوس خدوده:ماتكذب حبيبي....عادي.... قال بصدمه:يعني انتي نفس سعاد وخالي..... قلت بخجل:ايه.... ضحك سلطآآآن بخبث....شهقت الجازي وهي تسكر فمه بقوة....وتضحك.....الكل ناظرها باستغراب....وسلطان  يضحك.....قالت بتهديد:سلطآن سر خلاص.....لاتتكلم.....عيب الكلآآآم..... قال بعصبيه:يوووووه....ليه تقولين سر؟....وبرجا....أبغى أقول....وبضحكه...مو عيب الكلآآآآآم.... قالت بلا مبالاة:قول....وأنا أموت....وكيفك..... وجلست ببرود...قلت باستغراب:جازي...اتركيه يقول علامك؟....وش فيك؟.... مسكت كتفه....وهو دزني....ويناظر الجازي اللي تسولف مع نايف....ومطنشته....عيونه امتلت دموع....قرب  لها....وحط راسه على رجلينها....وبندم:خلاص لاتمووتين....آس.... قطعت كلامه....وهي ترفع رآسه....وتحضنه برقه....وبجديه وهي تناظر عيونه:لاتعتذر لأحد....مهما كان....مليون مرة  اقول لك لا تعتذر لمخلوق....وبمزح....تعال أجلس جنبي.... جلس جنبها....وقعدوا يسولفون عن طلعتهم....هي ونايف....ووليد يناظرها بقهر....وسلطآآن يناظر لبطنها....ويناظر  لبطني....بعدها حط يده على بطن الجازي....ناظرته بصدمه...قال ببراءة:ليه مافي هنا بيبي؟....