انا الشموخ وما رضيت البهاذيل كسرت خشم الناس من قو ذاتي - الفصل 71 - بقلم ضميانه عشقه - مكتملة | روايتك

بعد ثلاث أيام.... كنا جالسين بمكتب عمي ناصر....أنا وهو وجدي....وعمي كان ندمان كثير....ويبغى يكلم نايف...اللي رافض رفض  كامل يكلم عمي....ووليد المهبول مستانس....واثنينهم مالهم نيه يجون....وعمي منقهر يبغاهم...ووليد ماخذ نايف حجه  له...ونايف للحين زعلان....وبصراحه يحق له....ثاني يوم من طلعته من البيت جاء جارنا الثاني....وهو يسأل عن  نايف...وقالنا السالفه كامله....وهو يقول جميله بعمري ما أنساه....صان عرضي....عسى ربي يصون عرضه....عز الله  يابو وليد انك ربيت وخلفت....وعزالله اني أشهد انه رجال وعن مليون....ربي يصلحه ويخليه لعين ترجيه....عسى خواته  مايصيحينه.....مثل ما فك ضيم بنتي....وفكها من ولد الحرام....اللي تعرض لها....وهي رايحه لبيت عمها....والله لو انها  من عمره....والله أنها ماتغلى عليه.....وبليا مهر...عمي لما سمع كلامه فرح كثير....ورحت معاه...وهو حالف يضرب  الولد كفوف....بدال الكف اللي عطاه لنايف بسبته....بس انصدمنا لما قالوا لنا الاستقبال...أنه الشرطة جت وأخذته....  انصدمنا...ورحنا المركز....وعرفنا انه جاهم أمر من السلطات العليا بالقبض عليه....بتهمه السكر... والعربده...بلعنا  ريقنا....وحنا نتنبأ منهو يكون هالشخص؟.....قال عمي بهمس:مافيه غيرها.... ناظرته بصدمه....ولما قلنا لجدي ضحك....اتصل جدي عليها...بس جوالها مغلق....اتصلنا على وليد...قال انها بعيده  عنه.....قاله عمي السالفه...بس ماقاله انه الولد بالحبس....وهو فرح....وقاله عمي انه بيكلم نايف....بس نايف  مارضى..... انرعبت من هالبنت...معقولة هي اللي بلغت....معقوله تعرف شخصيات واصله لذي الدرجه.....حسيت بالقهر...وأنا  ناوي أعرف السالفه كلها....ومصر وبعرف منهو مصدر هالقوة كلها؟..... قال جدي بهدوء:ناصر وتاليتها مع عيالك...متعزبين بيت الرجال....من غير حيا.....ولا مستحا.... قال بضيق:أقولك خلني أروح لهم....وأسحبهم سحب....بس أنت الله يهداك معارض..... قال جدي بضيق:أتصل على وليد...وطلع صوته..... طلع صوته يعني حطه سبيكر....اتصلنا....وطول وليد لما رد....ووصلنا صوته المرح:هلا يبه..... قال جدي بضيق:لاهلا ولا مرحبا....انتم ماتستحون....قاعدين عند الرجال.... قال ببشاشه:ول ول هذا الجد....شكل الأخلاق مقفله....وبمرح...آخ ياجدي لاتلومني بلاك ماشفت  الوناسه....وبفرح....تخيل جدي صارلنا بالمزرعه يومين....ولو الكيف كيفي....ماوريتكم خشتي.....هههه..... قال جدي بعصبيه:انثبر...من زين خشتك.... قال بخبث:جدي تبغى جازي صح؟.... زفر جدي بضيق....وبهدوء:وينها؟.... ضحك بخفه:أبدن طربانه....تغني وتقصد....وبحمااااس...تخيل جدي هي وجدها أبو فارس محاورة شغالين....منه بيتين  ومنها بيتين....وربي وناسه....وبحمااااس كبير.....لو تسمع صوتها يا جدي وهي تغني.....وبتهور...الحين  اسمعك.....الحين تغني هي.... بلعت ريقي....وثواني ووصلنا صوتها المبحوح العذآآآب....ونبرة الحزن الطاغيه فيه....وبكل شاعريه: ظآآآآآآلم وأخاف عليك من يوم واحسآآآآآآب.... ياخي حرآآآآآآم اللي تسويه فيني..... أرفـــــع يديني طالب رب الأربآآآآب..... وأتذكر العشرة وأنزل يديــــــــــــــــه..... شمت فينا أغراب وأبعاد وأقراب.... خليت ذا يحكي وهذي وذيا.... أأهديتلك البسمة وتهديني أنياب.... ليش الوفا بشرع مثلك خطيه؟.... ليش الوفااااااااااااااااااا بشرع مثلك خطيه؟.... وجاني كلام اني معك كنت كذآآآآآآآب..... واني محملك الشقى والأسيه..... وش باقي ماقلته حبيـــــــــــبي عليا؟...... وقال صوت رجال كبير شوي:هذاا الطرب اللي يفتح النفس.... قال فيصل بحنيه:منهو اللي مسبب لقلب خالها الوجع ذا؟.....علميني باسمه وأطلع روحه لك..... ضحكت بدلع...وبثقه:ماكان ولا صآآآآآر....منهو يوجع قلبي؟....وأنا الجازي....وبغرور...أنا أوجع قلوب....وقلبي  ماينوجع.... الكل ضحك....ويقولون:كفو....قدها وقدود..... قال سلطان بدلع:جازي بعد غني.... قالت بخبال غريب على شخصيتها الهاديه:حرام عليك سلطان...أحبالي الصوتيه تقطعن اليوم والسبه أنت.....وبدلع...يالله  بروح أنوم....أحس اني جوعانه نوووووووووووووووووم.... ضحك نايف:بدري.... قالت بحنيه:بدري من عمرك.....بس صاحيه من الصبح.....وبحماس....وبصحي الفجر...أدرب شعلان..... صرخ فيصل:جازي مو تنهكينه حرام عليك....وربي اليوم كسر خاطري.... قالت ببراءة وعيارة:أنا....حرام عليك...بس خاطري أرد لياقته بسرعه.....وبضحكه....شعلان شكله تعود على  الرباده....ولفت على سلطان....ورني عيونك....أشوف فيهن نومه.... قال سلطان باعتراض..:لا مافيهن.... ضحكت بشقاوه:ايه صح مافيهن....يالله تمسون على خير....ومو تطولون بالسهر...ترا أنا اغار.... ضحكوا جميع....قال الرجال الكبير:توكلي....الله يستر عليك.... ثواني ووصلنا صوت وليد....وبحماس:وشرايك جدي؟.... وتكلم هو وأبوه وجدي شوي وسكروا....وأنا قلبي يعصف....معقوله تحب....والا بس أغنيه طرت على بالها كذا....  وبقهر...والله لو تحب...لأنهيها من هالدنيا....نفضت هالأفكار...لا هي مو من هالنوعيه من البنات....اللي تدور عن  الحب....بالعكس أحسه من آخر أولوياتها......وبس سكروا الجوال.....انتبهت على جدي وهو يناديني....قلت  بسرعه:سم.... قال بهدوء:وين رحت؟... نزلت راسي...وبهدوء:مو بعيد...وناظرت جدي وبجديه....جدي بملك بأسرع وقت.... زفر جدي وعمي ناصر مع بعض بضيق واضح.....قلت بخوف من انهم قالولها وارفضت....تتحمل غضبي ساعتها..والله  لأوريها الويل....:خير... علامكم؟... قال جدي بضيق:أنا مغلقه جوالها عني....وزعلانه علي....ومستحيل أكلمها بهالموضوع بالذات...الا لما ترضى.... ناظرت عمي ناصر وانا أبغاه ينجدني....قال بهدوء:لاتناظرني كذا ياعزيز...أنت تدري انها ماتطيق مني كلمه...وأذا  سريت بموضوعك بيخرب من بدايته....وأنا بصراحه أبغاك لها....واذا تبغاني أكلمها....كلمتها علشانك.....بس تتحمل  الرفض ...من الحين اقولها لك..... تنهدت بقهر...وأنا عارف ان كلامهم صحيح....قال جدي بحنيه:اصبر يابوك....لما تهدأ البنت....ووعد رجال...ماتنكشف  على رجال غيرك وأنا أبوك....وتحرم على جميع رجال غيرك..... ابتسمت بفرحه من كلام جدي....اللي أثق فيه أكثر من نفسي....وارتحت انها لي طال الزمن والا قصر.....وبدينا نخطط  ...وابتسمت لأفكارنا....اللي بالتأكيد بتقربنا منها......ناظرت بوجيه جدي وعمي....وهم فرحانين بقراراتنا  وخططنا....وابتسمت بأسى....قدرتي على أقسى ثلاث قلوب بالناصر.....الله يستر منك بس....يابنت العم...... الأيام هذي من اسعد أيام حياتي....كل اللي احبهم بجنون حولي....سلطان خالي...نايف وليد...جدي أبوفارس....وأمي  وجدتي وسعاد....الكل....كنت قاعده واغني واتحاور بأبيات الشعر أنا وجدي أبو فارس....اللي فضى لي نفسه  هاليومين....لخاطر عيوني....فديت عيونه يارب....وجاب لي أحلى بشارة....حل مشاكل نايف كلها...بس للحين ماقلت  لنايف....أبغى أقوله على رواق.....طلعت منهم وأنا النوم راثعبي رثيعه....ضحكت على سلطان لما قلت أبي اشوف  عيونك فيهن نومه....بقق عيونه....يعني مافيه نوم....يابعد قلبي....لو شفتوا فرحته بأخواني.....من شفت فرحته...حلفت  اني ماخليهم يفارقونه....وبس نرجع باقلب الموازيين كلها....أبدى ماعندي سعادة سلطان وراحته....انصدمت من حبه  الكبير لهم....وخاصه وليد...ماتوقعت لهذي الدرجه تعلق فيهم.....طلعت من بيت الشعر وأنا أضحك....لفيت الشال  علي...وأنا أحس بلفحة الهوا البارد....وقعدت أمشي....للبيت....حسيت بأحد يتبعني....وخفت....بس قويت نفسي...وبس  وصلت البيت....لفيت وطاحت عيوني بعيونه....الولهانه....وهو ابتسم لي...واختفى بسرعه....تجمدت وأنا أسكر الباب  واتسند عليه...وقلبي يتراعد....يمه وش جابه؟...بسم الله الرحمن الرحيم.....مسكت قلبي المرتجف بألم.....يمه ...ياقلبي  هو...متغير كثير....ياويل حالي عز الله طار النوم....وفارق جفونك يالجازي....تمالكت نفسي...وتصنعت الهدوء....  ودخلت للمجلس....ناظرت جدتي بعتب...وصديت عنها...حسيت فيها تضايقت....بس طنشتها....تستاهل....أنا  تطرد أخواني من بيتي.....انهبلت قبل يومين....فضحتني....تخيلوا تقول....ماصارت ليه ماجابوا أمهم وأبوهم  بالمرة؟...وسمعتها وماخليت كلمه ماقلتها....وأخذت أخواني وطلعت من البيت....طبعا هم ماسمعوا....وخالي وامي  وسعاد يتصلون علي...وانا مطنشتهم...وخالي فضح جدتي فضيحه....وماخلى كلمه ماقالها....وخالي انهبل....يقول  المجنونه الحين تأخذهم لفندق....ترا تسويها....ومارديت الا وخالي كل دقيقه يايتصل....يايدز مسج....ورديت عليه بطلعة  الروح....وقعدت أتغلى وأتعير....وخالي يتعذر مني...وأنا أقوله لا بنروح لفندق...وأنا كذابه....حتى بطايقي البنك  بالبيت...بس علشان ماحد يغلط على أخواني....حتى أقرب الناس لي مابغاهم يمنون على أخواني...قدر اخواني من قدري  وقدر سلطان.....وما أسمح لمخلوق ينقص من قدرهم...من ما كان.....وفعلا رديت....وزعلت على جدتي وماكلمتها....  واذا سولفت انا أقوم...وهي تولع....واذا أنا كنت أسولف تجي تقعد وهي تتبوسم....وأنا أقطع سالفتي...وأقول  بضيق:يووووه أنا رايحه لأخواني....بعدين أكملك السالفه... وجدتي تقعد تسب فيني وتشتم....وأنا أسجلهن لها....طيب يابنت ساير....تبغيني أرضى بدون اعتذار....والله لأخليك  تعتذرين غصب عنك...وطبعك الخايس لازم تتوبين منه....جدتي من النوع اللي تضيق عينه كثير....يعني حنا غصب  ومتحملتنا....ودايما أصلا تعايرنا ان خالي اللي يصرف علينا...وياكثر ماحنت على خالي تبغاه يطلب ناصر مصرف  لنا....بس خالي مايرد عليها الحمدلله....ولما جاوا أخواني انهبلت....كلكم على قلب ولدي الضعيف....يلحق عليكم والا  على أخوانكم....كل مرة كنت أطنشها....والا أطفرها....بس الحين ماقدرت....كلامها قوي كثير....وجرحني وحز  بخاطري...وضحكت وأنا أتذكر شكلها الندمان...وكسرت خاطري.....وربي اشتقت لها.... دخلت وتوجهت لأمي....وأنا أسلم بهمس....انسدحت على رجلين أمي بتعب...وغمضت عيوني....وصورته قبل شوي  مافارقتني....وأمي قعدت تلعب بشعري....وجدتي تسولف عن أيام زمان....يقال تسوي لي اغراء...وأنا مانيب ناشدة  عنها....ماني فاضيه...>>>>هههههه..... حسيت بالدفا عقب الجليد اللي صار لي قبل شوي..وسؤال براسي...ياترى متى جاء؟....ولييييه بهالوقت ليه؟.....لخبطت  كل حساباتي يالغالي....والله حرام....لاتعذبني اكثر....لاتعذبني أرجآآآآك.....وبدأ يتسلل النوم لعيوني شوي شوي....لحد  ماغفيت...ومافيه بعيوني غيره....ونظرة عيونه مافارقتني.....يالبييييييييي� �ييه بس.....