انا الشموخ وما رضيت البهاذيل كسرت خشم الناس من قو ذاتي - الفصل 58 - بقلم ضميانه عشقه - مكتملة | روايتك

صحيت على ازعاج سلطان وهو يصحيني....أنا نومي ثقيل....فتحت عيوني بضيق....وبس شافني فتحت عيوني....  تحولت تكشيرته الا فرحه كبيرة.....وقال بفرح:اووووووف ياحمارة تعبتيني....أنا أقول جازي... جوجو...  كلبه...حمارة....وبضيق....وضربت� � وماصحيتي..وكشر بوجهه.....انتي مجنونه.....خبله...جماد ...جماد انتي..... ضحكت على وجهه العابس بقوة....ناظرت الغرفه باستغراب.... وبعدها استوعبت بسرعه كل شيء صار......ناظرت  سلطان بألم....الله يأخذني....أكيد ارتبك ان المكان جديد....وأنا ساحبه على الدنيا.....قال بتوتر :جوجو حنا وين؟... قلت بهدوء....وأنا مليون حسرة تطعن بصدري:حنا الحين ببيت جدي.... قال بدلع:جوجو.... قلت بحب وانا للحين منسدحه بالسرير...وهو جالس جنبي:عيونها..... قال بدلع اكبر:أنا جوعان....ومسك بطنه وهو يبتسم....بطن سلطان تقول أنا جوعانه..... شهقت شهقه مصطنعه...وأنا أفز..:يخسى الجوع والله.....وحضنت بطنه بقوة....وبست بطنه برقه....يابطن سلطان  اصبري شوي....الحين أجيب لك أكل يشبعك.....لاتزعجين سلطوني ترا بعدين ازعل عليك..... ضحك سلطان بقوة....دايما أي شيء يوجعه يقولي كذا....وانا أكلمه وهو يفرح.....قطعنا صوته المستغرب:انهبلتي انتي  تكلمين بطنه..... ناظرت وجه جدي المنصدم.....وضحكت بقوة....وسلطان يطالع جدي بعبط......قال جدي بابتسامه على ضحكي:عساه  دوم.....اهجدي يابوك....علامك انهبلتي..... قلت وأنا أتنحنح...علشان اعدل صوتي اللي انبح بالمرة:وياك يايبه....وبمرح....سلطان هبل فيني.... ابتسم لي:والله مدري منو اللي مهبل بالثاني؟....وبهدوء....البسوا.. ..وتعالوا نفطر جميع....ولف علي....ترا ولد عمك معنا  تغطي.... زفرت وانا أحس بضيق....أووووف أنا للحين مرعوبه من نظراته....أخذت شور سريع....ولسلطان...صلينا وسلطان كل  دقيقه يعصب ويسب....يخربط بالآيه...ويعيد الصلاة من أول وجديد....وأنا ماسكه نفسي غصب......كملت صلاتي  وانفجرت ضحك.....لبست لي روب بيت خفيف...ولبست عباتي....وتلثمت....ولبست سلطان دشداشته  البيضاء....وسرحت شعره الطويل لورا.....وحطيت له جل شوي....وغرقته بدهن العود الفاخر...اللي أموت فيه....  وطلعنا وحنا بكامل أناقتنا.....ووصلنا لغرفة الطعام....قلت لسلطان يتنحنح ويسلم بصوت عالي....وطبعا سلطاني نفذ  كالعاده....انا سلمت بهدوء....وبست راس جدي...وراس أم عزيز....وجلست سلطان جنب جدي....وأنا جنب  سلطان....وجنبي خلود....ناظرت ببنات عمي اللي مومبين منهن شيء.....الكل سما وبدأ يأكل....حسيت بنظرات ناديه  الناريه لي....ناظرتها وأنا رافعه حاجب...بنظرة خير....وبسرعه نزلت عيونها....وبس التفت طاحت عيوني بعيونه  البارده......ناظرته ببرود...ولفيت أناظر سلطان اللي يأكل بهدوء.....قال جدي بحنيه:علامك يبه ماتأكلين؟.... قلت بهدوء:سلامتك يايبه.....بس ما احب أفطر الصبح.... ثواني وجابت الخدامه....كوب قهوتي الساخن....وريحته منتشرة بالمكان كله.....قال جدي باستنكار:لاحول  ولاقوة...يابوك كولي لك اكل....بدال هالقهوة اللي كل ماشفتك.....وانتي ماسكتها.....وبحنيه....شوفي جسمك تقول  عصايه.... شرقت خلود بالشاهي وهي تضحك....والكل تبعها....حتى سلطان....قال سلطان بمرح:حتى جده تهاوشها وتسميها أم  عصاقيل...وأم كرعان... هنا الكل انفجر ضحك...وعزيز كان يعلي صوت ضحكاته.....علشان يقهرني....وانا ولعت.....قلت بضيق:سلطان.... يبه....لاتضحكون علي.....وبدلال...ترا أزعل...وزعل جازي تراااه شين.... قال جدي بحنيه وهو يناظرني:تعلميني بزعلك....عساني مازعلك بيوم.... ابتسمت له...والكل بدأ يأكل وأنا أناظر بخار كوبي الكوفي حقي......ومتجاهله نظراته اللي وترتني كثير.....قطعني من  أفكاري صوت جوالي....ناظرت خالي يتصل فيني.....قمت وأنا أخذ كوب الكوفي وجوالي....ورديت  بفرح:ارحبوااااا..... حقدت على اللي اتصل عليها....تذكرت نظرتها لناديه وبغيت انفجر ضحك.....سرحت بطيفها اللي راح....هالبنت وراها  لغز كبير....تذكرت الأوراق اللي قالي عليهن عمي ناصر.....وهن سبب المصايب كلها....همس لي جدي:عمك شفته؟.... ناظرته بضيق...وبجديه:لا والله ياجدي....ان شاء الله يداوم اليوم..... وقمت وأنا أعدل غترتي....جت ناديه بتقومني بس أمرتها تجلس....طلعت وأنا اسمع صوت ضحكاتها العاليه....تسندت  على الباب....وأنا أسمعها وهي تقول بكل دلال:يابعد قلب قلب جوجو أنت.... وتعلقت عيونها بعيوني...وحسيت بارتباك لأول مرة أحس فيه....قلت بهمس:من تكلمين؟..... ناظرتني ثواني...وبعدها ارفعت حاجب بتحدي وغرور....وبصوتها الأنثوي وللحين عينها بعيني:يابعد عمري  أنت....تدري شكلي بتهور خلاص.....ههههههههه..... أنا انصدمت من عنادها....قلت بهمس مسوع وأنا ضاغط على أسناني:من تكلمين؟..... وهي للحين بنفس نظراتها....كملت ببرود:أوكي قلبي....شوي وأكلمك....وبعناد...وانتبه على شغلك.....يالله مع السلامه  حبيبي.... قربت لها وأنا أبغى ألعن ساعتها......حاولت أجر الجوال منها....وهي حطته ورا ظهرها بعناد.....قربت منها  كثير.....وعيوني بعيونها الغضبانه....وأحس النار والعه بجوفي:عطيني الجوال لأكسر وجهك...... هزت راسها بلا وهي تناظرني بكل برود......قربت لها لدرجة ان ريحة عطرها الصارخ اقتحمتني.....لويت يدها  بقوة...وأنا أصر على أسناني:من تكلمين؟..... ناظرتني بعيونها النجلا اللي تذبح.....ويدها على صدري.....تجمدت من عيونها الكبيرة....يالله كل ذي عيون....نظراتها  تذبح....نسيت كل شيء....وماحسيت الا بدفتها القويه....انصدمت بعد ماوعيت على حالي.....قالت بتهديد وهي رافعه  اصبعها بوجهي:آخر مرة تقرب مني....والا ورب البيت لأدفنك بأرضك....وباستهزاء....ومايحق لك ياولد  عمي....مايحق لك لا تسألني....ولا تقرب مني......وناظرتني بقوة وثقه....ومو أنا اللي أنسأل أكلم منو؟.....فاهم....ولو  ماكنت ببيتك عرفت شلون أرد عليك عدل...... وتعدتني وأنا متجمد....مو معقوله....شلوون دفتني بهالقوة؟.....وشلون بنظرة وحده من عيونها ودتني لعالم  ثاني....وسيطرت علي....مو معقول والله مو معقول.....انتبهت على تركي اللي يبقى يروح الشركه معاي....رحت مريته  وأنا ساكت....واذا تكلمت جاوبت باجوبه مختصرة على تركي......وصلت الشركه...ووصيت السكرتير أي فاكس لي أو  لعمي يجيني بسرعه....وعلى الساعه عشر دخل علي....ومعاه الفاكس....حسيت بارتجاف...وأنا ابغى أفتحه....حاولت  أتوقع شنو اللي مرتبط بمستقبلها....وخلاها تخرب الدنيا كلها....فتحته وانصدمت وأنا أشوف شهايدها وورقة ترك من  الجامعه....طلعت عيوني....معقوله عرفت....ومعقوله انها سوت كل هالسالفه علشان شهايد.....اتصلت على عمي  ومغلق.....وحسيت بالقلق عليه....ربي يعينك ياعم....وربي يعينك معاي...حطيت أوراقه بالخزنه.....ونظراتها للحين  يرتجف قلبي منها...هالبنت فيها بلا....تذكرت كلام جدي....وهو ينعاد براسي للمرة المليون......وطلعت من الشركه وأنا  ناوي ادور عمي ناصر.....اتصلت على رقمه اللي مايعرفه غيري.......وأنا ناوي أحل أي خلاف بينه وبين جدي  اليوم....