الفصل 43
نوف حضنتني بقوة....كأنها تشكرني بطريقتها....ريم ناظرتني بهدوء....وأنا ناظرتها ببرود...باستني
بخوف...وابتعدت....وسلمت على الباقي بهدوء....وبنات عمي سلمت عليهن بحرارة....خاصه اني كنت أكلمهن مع ريم
أحيانا....ونتراسل....صحيح علاقتي فيهن مو قويه كثير....بس عرفت شخصية كل وحده منهم....وعلى أكمل
وجه....كنت أشوف نظرات الحماس والفضول بعيون نجد وخلود ودانه...ونظرات شذى الهاديه....علقت عيوني
بعيونها...وهي ارتكبت ونزلتهم....ضحكت بداخلي....ضعيفه وحساسه وجبانه بس حنونه.....قطعني من
أفكاري....صوت نايف الهادئ:جازي....شنو صار؟....
قلت بهدوء:ماصار شيء....شيبغى يصير يعني؟....موضوع بينا وخلص...
قال وليد بدفاشه...وخبال:قسم بالله....توقعت أنك ماتجين يامجنونه...وأبوي يكفر فيك.....ويدخل فيك
سجن.....وبضحكه...أمانه كم مرة تهاشتوا وأنتم جايين؟....
قلت بصدق:ولامرة...
قال بصدمه:كذابه....
صرخ سلطان وهو يضرب كتف وليد اللي جالس جنبه بعنف:هييييييييييييييه....لا تقول كذابه....أنت
كذاب...وبصدق...أصلا جوجو ما تكذب ابد....
ضحكت على شكل وليد...اللي يدلك كتفه بألم......وقلت بضحكه:جاك الجواب....من شيخهم....
قال باستهزاء:ومنهو شيخهم ان شاء الله؟...
قلت بغرور:من غيره....سلطان....
ضحك سلطان بفرح...وهو يجي يجلس جنبي....قال بحماس:اي أنا شيخ الرجال....وجوجو شيخة النسوان....
قطعنا الصوت الهادئ اللي طلع من المجلس:وهذا الصح....وأقص لسان اللي يقول غيره....
الكل تجمد....تعلقت عيوني بعيوونه....وسط صدمة الكل....شفت وجهه الهادئ...ولا كانه اللي قبل شوي....يصيح صياح
البزران....وقفته اللي كلها شموخ وهيبه....ما أتوقع أحد حس بضيق غيري.....كان يرجاني بعيونه...وأنا أرده
بنظراتي....قطع علينا صوت جدي الفرحان:يهبى كل من قال غير هالكلام....نزلت عيوني بألم.....حسيت بقصه
بداخلي...أبي أفرغ اللي بداخلي...كل اللي صار قبل شوي تمثيل....في تمثيل....قمت بسرعه....وقلت بهدوء:وليد نزل
أغراضنا من السيارة...أبغى أبدل....حاسه بتعب.....
قال باعتراض:يووووه,....وانتي ماتملين من النوم....
صرخ أبوي بقل صبر:قم وانت ساكت...أختك تعبانه...وبحنان...روحي يابوك ارتاحي....الحين توصلك اغراضك....
الكل انصدم....ناظرت وليد اللي فاتح فمه,,,,قلت بحنيه:وليد ياقلبي...وربي مافيني حيل الحين....أحس راسي
مصدع...وبكره بسهر معاك للصبح......
ناظرت سلطان بحنيه:فيك نوم؟...
هز لي راسه بلا...ابتسمت له....وناظرت نايف...وبهدوء:نيوف حبيبي....دربالك على سلطان...لا تتركه بروحه....ولا جاه النوم...جيبه عندي....
هز لي راسه وقال:ان شاء الله....
ناظرت سلطان وبسته بخده:تصبح على خير حبيبي....اذا تبغى تنام...أنا فوق بالغرفه اللي نمنا فيها هذيك المره...وقبل لا
تنام...ارمي دشداشتك...والبس البيجامه....أنا راح احطها على السرير....طيب....
قال:طيب.....
لفيت على الكل وانا متجاهله ريم....وبهدوء:يالله تمسون على خير...واعذروني بس تدرون طريق سفر...وأحس حيلي منهد....
الكل مسى علي....قال جدي بحنيه:روحي يابوك ارتاحي...وماعليك....
صعدت لفوق وأنا للحين أتظاهر بالقوة...دخلت الغرفه...نزعت عباتي وغطاي باختناق.....وثواني وانطق الباب...ودخلوا
خدامتين معاهم جنطتي وجنطة سلطان....ناظروني بصدمه واعجاب....عطيتهم نظره قويه...وأهربوا من وجهي....فتحت
جنطة سلطان....طلعت له بجامه....وحطيتها فوق السرير....علشان يشوفها ويلبسها....وماينسى....ما أبغاه ينام بثوبه...
يسويها عادي....أخذت لي بجامه خفيفه....ودخلت اخذت لي شور سريع....حسيت بدموعي اللي تسيل...تحت
الماي...وصوت شهقاتي المكتومه....علا صوتها....طلعت من الحمام...وأنا أنشف نفسي بفوطتي الورديه....بعد ماسكرت
الباب....لبست بيجامتي.....مشطت شعري بسريعه....وطاح على اكتافي وهو مبلل....ناظرت انعكاس صورتي بالمرايه
الكبيره...وحسيت اني كارهه نفسي....اليوم موناصر اللي انكسر...حتى انا انكسرت...مسحت دموعي....وأنا أقوي
نفسي...فتحت قفل الباب....وتركت الغرفه تغرق بالظلام...بعد ماطلعت لي لحاف....كتبت مسج اطمن خالي اننا
وصلنا...وانا نايف بخير"بسم الله عليه"....ثواني واتصل علي بسرعه....حطيته صامت...وأنا أكتم صوت شهقاتي...لا
تتصل ياخالي....ما اقدر أتكلم...أحس اني منهارة....أبغى أبعد عن الكل....اللي صار اليوم...أكبر مني كثير...كتبت مسج
سريع"خالي آسفه...ما اقدر أكلمك...قاعده مع الكل الحين....وما أبغى اكلمك قدامهم...."ثواني ووصلني رده"اذا
كذا...خلاص ياقلبي....بس كنت بتطمن عليك...."
زادت دموعي...على وشو تطمن ياخالي.؟....آخ لو تدري بحال بنتك.؟....ورحت بالنوم...علشان اهرب من هالدنيا...
وبعدها التزمت غرفتي...يومين ماشفت ناصر...أصلا كنت متعمده....ما أبغى أشوفه....للحين أحس انكساره...ودموعه
وشهقاته....خناجر بقلبي....ليه أحب ليه؟...وهو اللي دمر سلطان.....خفت اذا شفته اني راح انكسر اكثر...كنت محتاجه
ابعد شوي....اصفي ذهني...لآول مرة أحس اني ضايعه...أخواني اللي موقفي احسه قوى علاقتنا كثير....وكبرني
بعيونهم....مايفارقون غرفتي.....وام وليد اللي تعاملني حتى احسن من عيالها....والغدا والعشا تصعده لي بنفسها
فوق...أحس بامتنانها الكبير لي....وسلطان فرحان كثير....وبدر فديت قلبه...أخوي الصغير لازق فيني...وكل دقيقه قالي
انتي حلوة....وأخواني صاروا مايطلعون من البيت أبد....وتقربت منهم كثير بهالفترة....ريم يوم واحد وجتني تصيح...
وكسرت خاطري وسامحتها....مهما تسوي تكسر خاطري...ما أقدر أطول بزعلي عليها...وأخواني...سولفت لهم
عن خالي فيصل ...وحبي له...عن أمي...وعن جدتي...طفولتي أنا وسلطان....وهم فرحانين ويضحكون على مواقفنا....
وأعجبوا بشخصيه خالي فيصل....وهو بدورهم سولفولي كل واحد بروحه...وليد وخباله مع المدرسين....نوف وخجلها
اللي تجاوزته...سولفت لي عن البنات اللي معجبين فيها...وقالت لي برجا...لاتقولين لأحد....نصحتها بهدوء تبعد
عنهم...وأن أي شي تقوله لي....وانبنا بينا جسر أسرار وصداقه وأخوه كبيرة....ونايف شكا لي أوجاعه...وحسيت الدنيا
تظلم بوجهي....وقررت قرارات كثير....وخلاص من اليوم ببدأ......ابتدأ وقت الجد....قمت كشخت...ونزلت
تحت...لبنات عمي اللي جايين يشوفوني....من اليوم بيتغير كل شيء....ولازم أمشي خطواتي بثقه....