انا الشموخ وما رضيت البهاذيل كسرت خشم الناس من قو ذاتي - الفصل 27 - بقلم ضميانه عشقه - مكتملة | روايتك

حضنتني بقوة....وبهمس:دربالك على نفسك....ولاتستفزينه علشاني..... وبنفس الهمس رديت عليها::لاتخافين.... فكيتها ودخلت المكتب وهم معاي....قفلنا الباب وجلسنا......قلت لجدي:يبه أنا عقب اليوم مالي قعده بهالبيت..... قال بعصبيه:تهبيييين والله...ان طلعتي من الباب لأكسر رجولك.... قلت بخبث والله: أجل....تحمل أن.................................. وقطعني من ذكرياتي أمي وهي ترمي عباتي:جوجو ماما علامك؟.... ابتسمت بوجهها :مافيني شيء....وبفرح زين جيتوا....زهقت بروحي.... مسكت أمي خدي بحنيه:يابعد قلبي....لو أدري بتملين كنت مارحت...... جلست جدتي وبنص عين:وليه مارحتي معنا؟.... قلت بملل:يووووه مالي خلق لجلسة الحريم..... قالت سعاد اللي شايله جود:جازي خالك وين راح؟..... أخذت منها جود النايمه وأنا أبوسها بعنف:مع متعب.... وبعصبيه:أوووووف هالمتعب....مدري متى بيفكه؟.....أربع وعشرين ساعه لاصق فيه.....وانتبهت لي وبصراخ...جازي حرام  عليك....صحيتيها...."ضحكت بداخلي على غيره سعاد من حب خالي الكبير لمتعب...." رميتها عليها....وأنا أضحك....وبغرور:عشتو حاصلها جازي تبوسها.... وأخذت وهي تتحلطم...وتهديها....ناظرتني جدتي باستهزاء:وانتي ما شاء الله عليك متى ناويه تطولين لبسك؟..... ناظرت لبس باستغراب"شورت أسود،وبدي بدون أكمام أصفر"....وانفجرت ضحك....وهي عصبت....جدتي نقطة ضعفها....ان أحد يضحك عليها...تشك بنفسها....وبصراخ:ضحكتي من سرك بلا.....مهبولة عندك ...تضحكين علي.... شفت أمي اللي تضحك على ضحكي....وبس شافتها جدتي انهبلت:وانتي بعد....الله ياخذكم....جننتوني....ذبحتوني....انتي وعيالك...جبتولي الضغط والسكر والجلطه...وقعدت تضرب روحها....وأنا أضحك على شكلها....وأمي خافت....وعصبت علي....وتحب براس جدتي....وبعد ماطلعت روح أمي رضت عليها.....بس شرطت على أمي ماتبي تسمع صوتي..... وجالسات بالصاله...بعد مانزلت سعاد....وجدتي تناظرني بنص عين....وأنا أغمز بعيوني....وهي مطنشتني....جابت سعاد القهوة والحلا....وقعدنا نتقهوى....وأنا ساكته وهن يسولفن عن المره الوالده اللي راحولها....سوالف حريم يعني...وما ظلت سالفه ماقلنها.....وجدتي كل دقيقه تناظرني....تبيني أعتذر منها....بس طيب يامسيرة.....والله ما عتذر...."ياقلبي ماتصبر عني..."ونقطة ضعفك عندي.....قلت بخبث:سعاد... قالت بهدوء:هلا.... قلت بخبث:صح كتبت قصيده جديده.... قالت بفرح:صج...يالله سمعينا....وتكفين أبغاها عشق.....ولا تقولينها لفيصل....أبغى انا أقولها..... ضحكت بدلع وانا أهز راسي:نو نو...لا تسرقين أشعاري.....وبعناد...ووالله انه غزل..... قالت باستعجال:أقول لا يكثر بس....يالله قردي....حمستيني.... شفت من طرف عيني وجه جدتي الفرحان.....جدتي تموت على الشعر....هي خلتني أحبه....من كنت صغيره....كانت تقعدني بحضنها....وتقولي  أشعار حافضتها....بس لما كبرت شوي....صرت أنا أكتب شعر.....وبشهاده الكل اني مبدعه.....وجدتي كل ماشافت خشتي تبيني أقولها شعر  ...وهذا من أكبر أسباب حبها لي....ومن أكبر نقاط ضعفها قدامي.... قلت بدلع:لا... أقولك بس أنتي...بعد شوي.... صرخت جدتي بانفعال:ليه مالنا رب حنا بعد نسمع؟.....وباستهزاء...والا مستحيه ياويل حالي....وبعصبيه...قولي ياجويزي....لا أخلي باكوتي تلعب سامري على ظهرك..... أنا ضحكت.....وسعاد شرقت بالقهوة....وأمي تهدي:يايمه هدي شوي...لا يرتفع الضغط عليك....ولفيت علي وهي تغمزلي....جوجو ماما خلاص.... ناظرت أمي باستخفاف وهي تقلدها باستهزاء:جوجو ماما خلاص...وبعصبيه...ماقول الا مالت عليك من بنت....ذا اللي قدرتي عليه.... قالت أمي بضيق:يووووه يمه....يعني تبيني أذبحها..... قالت جدتي بصراخ:أجل تذبحني أنا....وترتاحون....وبلوم...كله منكم...أنتم اللي دلعتوها وخربتوها.... قالت أمي وهي تهدي:يايمه هدي الحين يرتفع الضغط عندك...... طبعا أنا وسعاد ضحك....على شكل جدتي....تصير جنان بس تعصب....وأمي تبينا نسكت تخزنا....وسعاد كل ماتمالك نفسها ترد تضحك...وجدتي تدعي علينا....وعلي بالذات....ولما زدت بالضحك....بصراخ:شوفي بنتك والله لأذبحها..... قالت أمي بعصبيه:جاااازي خلاص..... قلت بضحكه:ههههه يمه والله ما أقدر بطني.....بموت..... وبصراخ:ياعساك الموت قل آمين...... قالت أمي بخوف:بسم الله عليها يمه....عدوينها ان شاء الله...."أمي اذبحيها ولا تدعين علينا....تخاف...". دزتها جدتي عنها......وعصبيه:ياللي ماتستحين تدعين علي قدامي....أنا عدوتها بنتك....ياعساك الموت أنتي وياها....وسلطانوه معاكم......وبعصبيه....ياحسافة التسع الشهور اللي قعدتيهن ببطني......ياليت بطني يابسه....وماشفت العيال...ولا هالسلقه صارت حفيدتي وشيبت فيني..... أنا منفجره ضحك....وسعاد دافنه نفسها بالكنب....خافت من جدتي تعلم خالي فيصل ويذبحها...."هددتها جدتي قويه".....ولما انتبهت أن جدتي خلاص وصلت حدها....وتعبت....ماطاوعني قلبي....رغم انها دعت على سلطاني....بس سماح أدري من ورا قلبها....مره كانت راضيه علي....قلتلها ليه تدعين علي أنا وسلطان؟....ترا أزعل.....قالت بصدق:والله أني أدعي عليكم....بس أعاندكم....واقول بقلبي لعدوكم.....هههه.... المهم نرجع لمحور حديثنا.....قمت لجدتي وأنا أحب راسها...وهي تدزني...يعني تغلى...وأنا ألزق فيها وأبوس بخدودها....وهي بصراخ:وخري وجعتيني الله ياخذك.... قلت بضحكه وأنا أبوسها:سامحيني....وأتركك..... بنرفزة:خلاص سامحتك....وبتهديدها اللي كل مرة تقوله....وتراها آخر مره...هذاني بلغتك..... قلت بضحكه:ان شاء الله..... وقعدت وأنا أسولف مع أمي وسعاد....وأشوفها تفرك....وتحكك....ضحكت بداخلي....أوريك ياجده....قالت بهدوء:جااازي.....قولي الشعر.... قلت باستعباط:أي شعر؟.... قالت بعصبيه:قوليه أحسن لك...والا والله... بست وأنا أبوس راسها....من عيوني الحين أقولها....همست لسعاد:والله لأجننها.....راقبي بس.... سعاد بنفس الهمس وهي تضحك:حرام عليك.... قلت بضحكه وهمس:ياختي ضايق خلقي....ومافيه شيء بهالدنيا يونسني الا اني أهبل بجدتي..... ناظرتنا بشك...وبنص عين:ما شالله.....وشفيكن تهامسن؟....الله يديمه..... قلت بخبث:سعاد تقولي قوليلهم أي شعر قديم.....بس شعر الغزل بس قوليه لي أنا..... شهقت سعاد بصدمه....وجدتي عصبت:ياللي ماتستحين....حنا نسمع القديم وأنتي الغزل....يعني أن ماعندنا رياجيل....مانسمع....حرام  علينا....وحلال عليك....والله لأسمعه غصب عنك....وبس يجي فيصل ان ماخليته يتفاهم معاك ماكون مسيرة بنت ساير.... أنا انفجرت ضحك...على جدتي....ووجه سعاد اللي بهت.....وسعاد قعدت تعذر من جدتي....وجدتي ماتعطيها وجه...وغصب سامحتها....مدري  ليه؟....أحس جدتي ماتحب سعاد...مع أن سعاد ذهب وربي....وطيبه مع جدتي....بس جدتي مخها متعطل..... قالت بهدوء:قولي الشعر يالله.... ناظرت سعاد اللي تناظرني بلوم....وقلت بصوتي المبحوح"وصورة طلال بعد مارجعنا من الرياض....اتضحت قدامي..": لقيتك وآسفهلّ آلخآفق آلضآمي بعد لقيآك  وتسآوت كفّتك يآصآحبي مع كفّة آشوآقي... لمحتك في مجآهيم آلسنين وقلت يآحيّاك  فدآك آلقلب كآن آلقلب له وسط آلصدر بآقي... تمرك بآلحشآ هآك آلدلآل ومدّ لي يمنآك  تقهوى عبرت ٍ مآفآرقتني دآخل آحدآقي... وسلامتكم... الكل:صح لسانك.... قلت بدلع:صح بدنكم... قالت جدتي برجا:طلبتك....وحده ثانيه بعد....وبجديه...أبغاها غزل.... قلت بهدوء وأنا أتذكر ملامح طلال اللي ذبت فيها.....وضحكت وأنا أقول قريب يكون بيتك بعون الله..بس خل اللي ببالي يصير...:ابشري..... صاحبي لادارت الايّام واضناك الفراق  واستباحك كل جرح وصار لك مثل الخوي... اذكر اللي من فراقك ضاق صدره واستضاق  حالته تِشكى وصدره من همومه مرتوي.... كنّه المسجون ظلم وحِط بيديه الوثاق  وصار مجرم في عيون الناس لوانّه سِوي... وانت يانبض الخفوق ومنهله عذب المذاق  لاتزوّد ضيقة اللي من زمانه منكوي... وقطع كلامي صوت "سيتي":ماما أنوار.... لفينا بصدمه ....ودخلت أنوار اللي وجهها مرعوب....وسلمت علينا....وشوي وردت أنوار لطبيعتها....بس قلت أأجلها لما نصعد فوق وأعرف  شفيها...وهبلت بجدتي....وماكملتلها القصيده....وهي انجنت........