الفصل الخامس عشر
*اخذت عصمت مريم وراحو الاوضة وفجاة سمع فهد صوت عياط جامد وصراخ جري علي اوضة بسمة*
فهد اخد بسمة في حضنه:مالك ياحبيبتي
بسمة: معتز معتز جيه تاني انا شوفته
فهد:معتز خلاص مشي مش هيجي تاني اهدي انتي
بسمة بدموع: انا بقولك جه هنا
فهد:طيب اهدي وارجعي نامي
بسمة: فهد متسبنيش خليك جمبي
فهد: مش هسيبك اهوه انا قاعد جمبك ومش همشي نامي يلا
*نامت بسمة وهي ماسكة ايد فهد وقعد فهد جمبها يتامل وجهها الملائكي البريئ*
فهد في نفسه:هي في حد لسا بالطيبه اللي انتي فيها دي انت فعلا ملاك اللي تعمل كل اللي انتي بتعمليه ده تبقا ملاك مش معقول تكون بشر
*نام فهد وبسمة في حضنه ومحسش بنفسه غير الصبح لما سمع صوت مريم بتصحيه*
فهد: انا اي اللي نومني هنا
مريم بغمزة: اسال نفسك ياابيه اي اللي نومك هنا
فهد:بنت انتي اي اللي جابك هنا وعايزة اي
مريم: دلوقتي بقيت بنت ماشي يامحي هعديها
فهد مسكها من هدومها:محي مين محي يابنت اي الكلام ده
مريم:سيبني ياعم بقولك
*كانت بسمة صاحيه وسامعة كل حاجة بس بتمثل انها نايمة وكانت بتضحك بصوت واطي شافتها مريم*
مريم: الحق الحق دي القطة الملايكة بضحكها وهي نايمة
*بسمة فتحت عنيها واتكسفت*
بسمة :صباح الخير انا كنت صاحيه ومحبتش اقطع كلامكم
فهد وابتسامة رائعة: صباح الفل
مريم بصتله: الله الله صباح الفل وبتضحك كمان دا في حياتك ما عملتها معايا
فهد:انت مش رايحة المدرسة
مريم: وانتي عايزني اروح المدرسة ليه انا مش رايحة المدرسة انا جايه هنا علشان اطمن علي الدكتورة بسمة واخلي بالي منها واخدها في حضني وغمزتلهم
*اتكسفو بسمة وفهد ووشهم بقا احمر*
مريم:اي دا الكتاكيت بيتكسفو
فهد:مريم انزلي تحت ياروحي
مريم: انزل تحت لي هتقولو كلام سر
فهد:اه هنقول كلام سر
مريم: طيب ما تعترفو لبعض انكم بتحبو بعض وبلاش تعاندو وتتجوزو وتبقالكم اوضة لوحدكم تقول كلامكم السر
فهد:مريم اطلعي برا
مريم: انت بتطردني ماشي انا هكلم ميزو حبيب قلبي واقوله يجي ياخدني
فهد:اجري يابنت من هنا
*جريت مريم بسرعة وقعدت تضحك علي فهد *
بسمة: انا اسفة اني تعبتك معايا
فهد بضيق:اسفة
بسمة: اه اسفة ،واسفة كمان اني قولت كلام كتير وانا مش في وعيه مكنش ينفع اقوله
فهد:الكلام اللي انتي قولتيه هو ده وقته
بسمة:قصدك اي
فهد:قصدي اني انا كمان بحب
بسمة بفرح حاولت تخفيها: بجد
فهد: بصي مش هكدب عليكي بس انا فعلا معجب بيكي وبشخصيتك وطيبه قلبك اللي مش موجودة عند حد
بسمة بفرحة كبيرة ودموعها بدأت تنزل :فهد انت بتتكلم جد
فهد:مالك انتي هتعيطي ولا اي
بسمة:انا فرحانة اوووي الحمدالله يارب احمدك واشكرك
فهد:قوليلي بقا انا لما احب اتقدملك اتقدم لمين .
*دخلت مريم عليهم وفتحت الباب بسرعة*
مريم :انت لما تحت تتقدملها تقدملي انا بس طبعا متجيش لوحدك
فهد:اومال اجيب مين معايا يا ست مريم
مريم بفخر:مريم هانم لو سمحت
فهد:كمان مريم هانم
بسمة بضحك:طبعا مريم هانم واجمل هانم كمان
فهد:اي دا انتو هتتفقو عليا ولا اي
بسمة بصت لمريم الاتنين اتكلمو مرة واحدة:ولي لا
فهد: يعني هي بقت كدا
مريم: اااه بقت كدا ولا يابابا من هنا روح جهز نفسك علشان تيجي تتقدم
فهد:طيب هسيبكم انا ورايح الشركة
بسمة:طيب خلي بالك من نفسك
فهد:حاضر وانتو كمان
*راح فهد الشركة وصل ودخل المكتب ودخلت وراه مي السكرتيرة *
مي السكرتيرة: صباح الخير يا فهد بيه
فهد:صباح النور ،في انهارده اجتماعات
مي:انهارده مفيش غير امضاء العقود
فهد:تمام حلو خالص اتفضلي انتي دلوقتي ولو شوفتي مازن بيه خليه يجي
مي: حاضر، تعوز حاجة تاني مني
فهد:لا اتفضلي
*خرجت مي كن مكتب فهد واول ما خرجت لقيت مازن في وشها *
مي: مازن بيه
مازن: نعم
مي:فهد بيه مستني حضرتك جو
مازن: هو فهد بيه جه
مي:اه جه ومستني حضرتك
مازن: ماشي خلاص روحي انت
*راح مازن مكتب فهد *
مازن: صباح الخير
فهد:صباح الفل
مازن:انت جيت مكنتش متوقع انك هتيجي
فهد:لقيت الامور تمام قولت اجي اشوف الشغل
مازن:ااه واي اخبار الدكتورة بسمة ولا اقول مرات اخويا المستقبلية
فهد:اااه منها مريم هي لحقت تقولك
مازن:تقولي اي انا محدش قالي حاجة
فهد :اومال انت عرفت منين
مازن:هو انت مشوفتش نفسك امبارح كنت خايف عليها ازاي وعامل زي المجنون
فهد:هو باين اوووي عليا
مازن :اااه باين اوووي انك واقع
فهد:اومال هي هبلة ولا بتستعبط
مازن:ولي متكونش بتتدلع عليك
فهد:تدلع
مازن:ااه ،والمهم امتا ونفرح بيكم
فهد :اقعد هحكيلك انا عملت اي
*حكي فهد لمازن كل اللي حصل *
مازن بضحك:عفريتة مريم دي
فهد:بس عسل واللي مطمني وخلاني احب بسمة اكتر اني مريم بتحبها اوووي
مازن:طيب اي رايك نعملهم مفاجأة انهارده ونروح نتقدم
فهد:ازاي
مازن:سهلة انت هتلبس بدلة وتجيب ورد وتجيب خاتم جميل وانا اجيب بابا وماما ونروح نفاجأهم بالخطوبه اي رايك