الفصل العاشر
مازن:دكتور دكتور بسرعة
*كانت تجلس الدكتورة بسمة في مكتبها تتابع عملها سمعت صوت حد بيزعق بصوت عالي طلعت تشوف مين *
الدكتورة بسمة:في اي يااستاذ
مازن:فهد مش مش فاكر اي حاجة هو مش فاكرنا
صدمة الدكتورة بسمة عندما سمعت الكلام :طيب اهدا انا هدخل اشوفه
*دخلت الدكتورة عند فهد ومريم ومازن معاها*
الدكتورة:استاذ فهد
فهد:مين فهد انا مش فاكر حاجة لي ومش فاكر انا مين
الدكتورة بسمة:انت فهد ودي اخت حضرتك ودا صديقك
فهد وهو بيمسك مخه وشعر بالم جامد:ااه انا معرفهمش انا اول مرة اشوفهم
مريم بدموع:انا مريم يا ابيه انت مش فاكرني انا حبيبتك مريم والنبي يا ابيه افتكرني انا مليش غيرك
*فهد بدا الالم يزيد عنده كل ما حاول يفتكر اكتر وقعد يصرخ من الالم وهو ماسك راسه*
الدكتورةبسمة:اتفضلو برا لو سمحتو
واعطت لفهد حقنة مهدا وخرجت
مازن:اي يادكتورة فهد حصل اي
الدكتورة بحزن:الاستاذ فهد فقد الذاكرة مؤقتا يعني ممكن اسبوع شهر او سنة منعرفش بس المهم محدش يحاول يفكره بالماضي علشان هيتعب اكتر لازم نسيبه لغايه لما يفتكر لوحده ولازم نبعده عن اي حاجة تفكره بالماضي
مازن بصدمة:ازاي ودي هنعملها ازاي
الدكتورة بسمة:معرفش بس هو لازم يبعد عن اي حاجة تفكره بالماضي لازم يعيش حياة جديدة
مازن بدموع:انا مش عارف اعمل اي .
الدكتورة بسمة:اهدا يااستاذ انت تعال عندي في المكتب ونفكر سواء هنعمل اي
مازن:ماشي بس اتصل الاول بالسوق يجي ياخد مريم يروحها البيت
مريم بدموع وانهيار:لا انا مش همشي انا مش هسيب ابيه فهد وامشي
اخدتها بسمة في حضنها :اهدي يا حبيبتي هيكون بخير ادعيله بس انت واوعدك انا انه هيكون بخير
مريم:انا مش عايزة فهد بيعد عني انا مقدرش اعيش ثانيه واحدة من غيره ارجوكي اتصرفي
بسمة بحزن:حاضر يا حبيبتي هعمل كل حاجة علشان يكون بخير علشانك
*اخدت بسمة مريم ومازن وذهبت الي مكتبها بعد ان طلبت من الممرضة ان تطلب من الدكتور يوسف يذهب الي مكتب الدكتورة بسمة*
الدكتور يوسف:حضرتك كنت عايزاني
بسمة:ايوا تعال اتفضل
يوسف:حاضر
بسمة:اعرفك الاستاذ مازن صديق المريض اللي عمل حادث وجبناه هنا الاستاذ فهد،ودي مريم اخت الاستاذ فهد ،ودا بقا الدكتور يوسف صديقي وزي اخويا
يوسف:اهلا اتشرفت بمعرفتكم
مازن :شكرا
بسمة :اظن يادكتور يوسف عرفت حالة الاستاذ فهد
يوسف:ااه عرفت
بسمة:احنا دلوقتي عايزين نفكر في حل علشان نبعده عن الماضي
يوسف:بصراحة انا يادكتورة مش عارف اقولك اي بس احنا نفكر سواء وانشاء الله هنوصل لحل
بسمة:انا عندي حل
مازن ويوسف مع بعض:اي هو قولي بسرعة
بسمة:انا عندي حل مش عارفة بصراحة بس حضرتك ياستاذ مازن هتوافق عليه ولا لا
مازن:طول ما فيه خير لفهد انا موافق
بسمة:طيب بص انا عايشة لوحدي بابا وماما متوفين انا اقدر اخده يعيش معايا وكمان علشان اقدر اتابع حالته ويبقا تحت عنيا ومتقلقش عليه
مازن:انا موافق طبعا وشكرا جدا يادكتورة ليكي انا عمري ما هنسالك الجميل ده