الفصل السادس
فريدة هانم: اي يا مازن مالك ياحبيبي وشك مخضوض كدا وبتجري في اي
مازن:بعدين يا ماما بعدين
فريدة:طيب رايح فين
*ذهب مازن ولم يرد عليها وذهب فريد الي غرفتها *
فريدة:حسين ياحسين قوم شوف في اي
حسين:في اي مالك
فريدة:انا مليش ابنك اللي مش عارفة ماله نزل يجري بسرعة وكان وشه مخطوف مش عارفة ماله
حسين:انت بتقولي اي ومقلكيش رايح فين
فريدة:بقولك كان بيجري ومردش عليا قوم اتصل بيه وشوفه فين انا قلقانة عليه اوووي
حسين:طيب اهدي انا هتصل بيه واشوف
فريدة:ايوا ياريت بسرعة
*حاول حسين يرن عليه اكتر من مرة بس من غير فايدة مش بيرد برضو*
في المستشفى
مازن:في واحد جه هنا من كام ساعة هو فين
الممرض:اه جه واحد عامل حادثة جابته الدكتورة بسمة ودخل اوضة العمليات وهو دلوقتي في العنايه المركزة مش هينفع تشوفه
مازن:ازاي مش هينفع انا اخوه
الممرض:حالته مش مستقرة ومش هينفع حد يدخله دلوقتي
مازن:مين الدكتورة اللي جابته وعملتله العمليه انا عايز اشوفها
الممرض:الدكتورة بسمة هي اللي جابته وعملت له العمليه
مازن:فين الدكتورة دي القيها.
الممرض:مكتبها في الدور التاني هتلاقيها فيه
*جري مازن بسرعة علي الدور التاني وسال علي مكتب الدكتورة بسمة لغايه لما لاقاه دخل بسرعة من غير ما يستأذن فوجد الدكتورة بسمة بتعيط ومعاها الدكتور يوسف*
مازن بدموع علي صديقه:في واحد جه هنا من شويه عامل حادث وقالولي انتي اللي جبته اي اللي حصله هو عامل اي
الدكتورة بتوتر:هو هو كويس بس حالته مش مستقرة انشاء الله هيكون بخير بس انت ادعيله
مازن:يارب يارب
الدكتورة بسمة:هو حضرتك تقربله اي
مازن بدموع:انا صاحبه واخوه
الدكتورة بسمة: طيب اهدا كدا وادعيله صدقني هو هيكون بخير
مازن:هو حضرتك لما جبتيه هما لقتيه فين ومين اللي خبطه ؟
*اول ما سال مازن السوال ده بسمة حست اني خلاص نهايتها قربت وخافت وتوترت جامد ومعرفتش هتقوله اي وبصت للدكتور يوسف *
الدكتور يوسف:هي لاقته غرقان في دمه والناس حواليه راحة ساعدته وجابته لهنا علشان تعالجه
مازن:طيب هو مين اللي خبطه متعرفيش ازاي عمل الحادثة دي
الدكتورة بسمة بتوتر:م معرفش
مازن:وربي ما هسيب اللي عمل كدا وهجيبه حتي لو كان تحت الارض لازم اجيبه وياويله لو حصله حاجة فهد هخلي اللي عمل كدا يتمنى الموت وميطلهوش
*لاحظ الدكتور يوسف هنا حالة بسمة وأنه بدأ يبان عليها الخوف وأنها ممكن تعترف بكل حاجة فحاول يتصرف بسرعة*
الدكتور يوسف:انشاء الله يقوم بالسلامة فهد بيه وتلاقي اللي عمل كدا ،تقدر دلوقتي تطمن عليه في العنايه المركزة بس تشوفه من بعيد
مازن:ماشي
*ذهب مازن اللي العنايه المركزة ،وبمجرد خروجه من مكتب الدكتورة بسمة انهارة الدكتورة بسمة من العياط *