الفصل الرابع
*في المستشفي*
الممرضة:دكتورة بسمة دكتورة بسمة
بسمة:في اي نعم
الممرضة:الحقي في خناقة جامدة مع دكتور معتز ودكتور يوسف
بسمة:انتي بتقولي اي فين الخناقة دي
الممرضة:في قسم الكشف المجاني
*جريت بسمة بسرعة علي القسم فوجدة معتز ودكتور يوسف بيتخانقو والناس اللي موجودة في المستشفي حوليهم بتتفرج*
بسمة بزعيق:في اي هنا يادكاترة اي اللي بيحصل دا
دكتور يوسف:دكتورة بسمة هو
ولم يكمل كلامه قاطعته بسمة:كل واحد يتفضل علي شغله مش عايزة اول حد هنا ودكتور يوسف ودكتور معتز الاقيهم في مكتبي دلوقتي حالا
ذهبت بسمة لمكتبها وذهب كل الموجودين كل منهم الي مكانه وذهب يوسف ومعتز لمكتب الدكتورة بسمة
بسمة بضيق:تقدرو تفهموني اي اللي كان بيحصل دا
الدكتور يوسف:يادكتورة والله هو اللي بدا انا بس كنت بنصحه
الدكتور معتز:وانا مطلبتش من حد نصائح خليك في حالك بقا
دكتورة بسمة:دكتور معتز ياريت تتكلم باسلوب احسن من كدا،وتفهموني اي اللي حصل براحة
الدكتور يوسف:يادكتورة الدكتور معتز بيتعامل مع الناس اللي بتتعالج في القسم المجاني بأسلوب وحش ومش بيعمل شغله كامل
الدكتور معتز:محصلش
الدكتور يوسف :لا حصل وكل الدكاترة هنا عارفين كدا وحتي المرضا بيشتكو من معاملة حضرتك ومبقوش بيجو يتعالجو زي الاول
الدكتور معتز بزعيق:وهما علشان مبقوش بيجو يتعالجو زي الاول يبقا السبب انا طيب ما في القسم ده في اكتر من دكتور
الدكتورة بسمة بنرفزة:دكتور معتز وطي صوتك
الدكتور معتز:انتي مش سامعة بيقول اي
الدكتور يوسف:والله يادكتورة هي دا اللي حصل وسبب المشكله اني روحت وطلبت منه انه يتعامل بأسلوب كويس مع الناس بس هو دا اللي حصل
الدكتور معتز:انتي ملكش الحق انك تطلب مني كدا
الدكتورة بسمة:دكتور معتز لو مش هتشتغل شغلك كويس وتحسن اسلوبك مع الناس تقدر تقولي علشان كدا الموضوع ذاد عن حده،وانت يادكتور يوسف لما تحصل مشكله تاني زي كدا تقدر تيجي تقولي وبلاش تتصرف من نفسك علشان بعض الدكاترة مش بيحبو النصائح
الدكتور يوسف:حاضر يادكتورة وانا اسف اني اتصرفت التصرف ده
دكتورة بسمة:حصل خير تقدر تتفضلو يا دكاترة علي الشغل بس الاول لازم تتاسفو لبعض
*تأسف الدكتور يوسف للدكتور معتز وكذلك الدكتور معتز تأسف للدكتور يوسف وراح كل واحد علي شغله