الفصل 10
وراحو لبيت جدهم اول مادخلت خلود البيت ......
البنات نطو عليها يضمونها ويبكون على بعض لين خلصت الدموع وسلمت على الكل وصعدت مع البنات
مزنه: خلود اخباركـ
خلود : بخير انتم اخباركم
مها: بخير وهـ فديتس متغيره
خلود: وشلون يعني
مزنه: ناحفه وطالعه حلوهـ
خلود: وهـ فديتس تسلمين الا تعالو بقولكم انا حامل
الكل: لاآآآآآآآآآآآآآآآآآآآآآآآآآآآآآآآآآآآآ
خلود: هههههههههههههههههههههآآي شفتو طلعت ام خخخخخ
مزنه: ويععععع احس بننتس بتدشر
خلود: وي بسم الله عليها
مها: اقول انا بعلمها كيف تغازل
عبير: وانا بخليها عربجيها
مزنه : وانابخليها طويلة لسان
خلود: ايه علشان اذبحكم
مها: وي وي يامجرمه انتي
مزنه: مها طنشي تعشي تنتعشي
مها: ايه والله انتس صادقه
شوي ويرن جوال خلود طلال المتصل
خلود: بنات اوووص
خلود: الو هلا وغلا
طلال وهو معصب : اي هلا وغلا ياوسخه
خلود بأستغراب : طلال وش فيك
طلال: كلها دقايق وجاي اطلقك
خلود بعصبيه: طلال وش السالفه
طلال: السالفه برسلها لتس ياللي ماتربيتي
وسكر بوجها وهي دموعها اربع اربع
مزنه: وشبك
خلود: يبي يطلقني
مها: وربي تافه وش المشكله ياخلود
خلود وهي تبكي : احبه ولااقدر على بعدهـ يقول برسل لتس السالفه ياللي ماتربيتي يقول لي انا وسخه
شوي الا ويرن تعلن وصول مسج من طلال
فتحت الرساله لقت
لقت صور لها مع واحد ماتعرف والصوره خالعه
جلست تبكي وارسل مره ثانيه
(خساره هانت العشره عليك وبانت الصوره
خساره ماتوقعتك تجي لحظه تبيعيني
كبيره كنتي بعيني وفيك العين معذوره
لاني صدق حبيتك وحبك كان معميني
عزاي ان مرني طيفك اموت بلحظه حظوره
واموت من القهر واحيا وباعرف ليه خنتيني)
خلود خلاص ماهي قادره انهارت اكثر قامت مزنه وارسلت له
(خلك مع اللـــــي ..
بالكذب يعطيـــــك ..
وانا ترى بلقا ملايين تسواك
لاتحسبنــــــــي ..
برخص النفس واجيك ..
مااذل نفسي لمثلك وشرواك
يحرم علـــــــي ..
وصلك وقربك ولااجيك
عيديــــن وثالثهم يوم فرقـاك)
خلود: ليـــه انا بس ليه كل اللي احبهم راحو ليه حبيت ابوي وتعلقت فيه وراح عني وحبيت طلال وتعلقت فيه وراح عني
مها: بس حنا مارحنا عنك
خلود: تكفووون لاترووحون عني تكفوون وربي بمووت اذا رحتوو عني
مزنه: ومن قالتس اننا بروح عنس
وبعد مروور 6 شهور
اليـــوم يـــوم زواج احلى ثلاثي وهو خالـــــ الهام ـــد + طـــــــــــــ مزنه ــارق + ســــــ مـها ــعد
خلود لابسه فستان اسووود وسيع علشان كرشتها وصبغة شعرها من الاسود للاشقر رمادي وقصت شعرهاقصة الكوكتيل على شعرها الطويل طالع خيالي واستشورته بس
وحطت ميك اب ناعم مرره طالعه مره خقق تذووب
اما عبير لابسه فستان احمر قصير لفوق الركبه وسوت شعرها بف وحطت شريطه حمره وحطت ميك اب ناعم طالعه كيووت
اما العروسات مافمايحتاج شرح
القاعه كانت كلها بالون الاحمر والابيض طالع خيالي
عبير واميره ورهف ورغد وخلود عند مزنه والهام ومها بالغرفه
خلود: يلا بنات بنزل يمكن يبون مساعده
مزنه: انتي اجلسي شكلتس تعبانه
خلود: اقول لاتعبانه ولا شي يلا باي
طلعت خلود ونزلت تحت
وانصدمت لما شافت ام طلال وريفال بس مااعطت للامر اهميه لان خلاص طلال عافها وهي عافت طلال
سلمت عليها وراحت من عندهم ترقص بكرشتها ويا عبير
بعد الاستهبال والرقص والضحك
جاء وقت الزفه مزنه
طفت الانور وكانت على المنصه بنت جارهم الصغير عمرها 6 سنوات نائمه لابسه لبس الاميره وشعرها مستشور وعليه تاج بدت موسيقى هادئه بعدها قامت البنت تدور
حول نفسها كأنها تدور على شي لين تتعثر رجلها وشافت عصاة سحريه اخذتها ورفعتها لسماء ثم وجهتها لبوابة العروس بعدها انفتح الباب وطلع زي البخار ووجهو النور لها
وشافو مزنه تتقدم وتبدآ الموسيقى الهاديه
وزفو المعرس وابوها واخوها وودعوها وراحت مع المعرس للفندق
وجاء وقت زفت مها
وكانت الزفه عباره عن ست بنات الاولى بنت صغيرهـ عمرها 6 سنوات ولابسه فستان والثانيه عمرها 10 ولابسه لبس الابتدائيه والثالثه 13 ولابسه لبس المتوسط والرابعه 17
لابسه لبس الثنوي والخامسه 20 لابسه عبايه ومعاها كتب الجامعه والسادسه 22 وكانت عبير ولابسه لابس التخرج والسابعه وهي العروس وانزفو كلهم على موسيقى هاديه
وزفو المعرس وابوها واخوها وودعوها وراحت مع المعرس للفندق
وجاء وقت زفت الهام
كان الزفه عباره عن شاشه على الكوشه تعرض للمعازيم صور الهام وخالد من هم صغار الين عقد قارنهم وبعدها انزفت الهام على اغنية هاديه بدون ماتسمع زغاريد الحريم
لين وصلت نص الجسر ومن بعده توقفت الاغنية وسمعة زغاريد الحريم التفتت شافت المعرس خالد داخل ومعه اهله وتروح له تاخذه من اهله وتبدآ على اغنية كلها شوق وحب
وبعدها دخل اخوها وامه وسلمو وباركو لها وودعوها وراحت معه للفندق
في الشقه عند ياسر واخوانه
فارس وهو معصب: شفت ياياسر كله منك ماتت ماتت جنى راحت
ياسر وهو حزين: ماكنت بتوقع انها بتموت وربي
فرآس: يلا ياشيخ راحت وهي حزنانه عليك وشايله بخاطره اكيد وربي حرام عليك
فارس: هذا مايستاهلها ابدآ توني ادري انك انسان نذل ياياسر
ياسر: بس خلاص حرام عليكم انا ماتركتها انا احبها بس انت تعرف اني تهورت على بنت عندي بالعياده والحين لازم اتزوجها
فرآس: حرام علينا طيب ماسألت هي وش كانت تقول بقلبها اكيد تقول ياسر حرام عليك بس رحمتها لا مارحمتها ليش نرحمك حنا هاه جاوب
فارس: هذا وين له وجه يجاوب وربي انا استحي من نفسي بس انت
فرآس: اقول فارس امش لانصير مثله من عاشر قوما اربعين يوما صار منهم
وطلعو وتركوو اخوهم بالحاله
بالقاعه وبالتحديد بالممر اللي بين الرجال والحريم كانت خلود تكلم صديقتها رنيم
خلود: لاحبيبتي
رنيم : طيب خلود انا لازم اسكر يلا باي
خلود: مع السلامه وسكرت الجوال وجت تبي تدخل شافت زوله زول نصفها الثاني
طلال: اخبارك خلود
خلود تحاول تخفي شوقها له: بخير بدوونك
طلال ببرود : دوم
خلود جت بتروح بس مسك طلال يدها وقال : سامحيني
خلود:كيف اسامحك وانت جرحتني واهنتني اتركني ياطلال اتركني
الـــبــارت الــتــاسع
طلال بحزن: والله ياخلود اني ماكنت ادري وربي وربي
خلود:.............
طلال: خلود ورب الكون اني احبك مازلت افكر فيك ابرار هي اللي ركبت الصور وربي انا مثلك مصدوم وربي
خلود وهي تنهي النقاش:انتهيت مع السلامه
وراحت خلود داخل وتركت طلال غارق بحزن
بالفندق وبالتحديد شقة طارق ومزنه
طارق:مزنه احبك
مزنه صارت طماطم:.....
طارق: تحبيني .؟
مزنه تهز راسها بأيه
طارق: وش ايه تحبيني ولا لا ابيك تقولينها ترني مو اطرم علشان تكلميني بالاشارات
مزنه قامت من السرير : بروح البس وين الحمام(وانتم بكرامه)
طارق: على يمينكـ بس لاتتأخرين
مزنه:طيب
راحت مزنه تغير ملابسها وطلعت بس مالقت طارق شوي تسمع صكت باب التفتت شافت طارق يناظرها بخبث
قرب منها طارق
مزنه:طار....
قاطعها طارق وهو يحط اصبعه بفمها علشان يسكتها:اششششش
وماحست الا وهي على السرير
بـ شقة الهام وخالد
خالد: وهـ فديت اللي يستحون
الهام بحيا: بس خالد وربي استحي
خالد: اقول الهام ابي اجيب منك 10 عيال وش قلتي
الهام: الله كل هذولا
خالد: ايه
الهام: تراني منيب دجاجه
خالد: وانا قلت دجاجه
الهام: لايعني اذا انت تبي 10 عيال بصير دجاجه بمشي وابيض وراي
خالد فطس ضحك على الهام
بــ شقة مها وسعد
مها: سعد ابي اغير لبسي اطلع تكفى
سعد: طيب خليني اساعدك
مها: سعد واللي يرحم امك اطلع ماابي مساعده
سعد: واذا قلت طلعه مافيه
مها: سعـ...
قاطعها سعد:خلاص كلها لبس بساعدك فيه
قام سعد يساعد مها و..و...و..و..
بعد مارجع الكل لبيته راحو عبير وخلود لبيت الجد ينامون هناك
عبير: صدق وقح جاي بعد 6 شهور يقول سامحيني ولا هذي ابرار احسن جعل ربي ياخذها علشان تفتكين منها
خلود: مهما كان لاتدعين عليها
عبير: تدافعين عليها بعد ما هدمت بيتك
خلود: مادافعت بس مو احنا اللي ندعي على الناس ادعي لها الهدايه وبس اما انك تدعي ان ربي يموت فهذا انا ماارضها لوهي بنتك ياعبير وش راح تسوي مو راح تبكين وراح تدعين لها الهدايه
خلاص فكري في امها المسكينه اذا ماتت ابرار وش راح يصير لها
عبير: مااقول الا طيبتك الزايده ماراح تنفعك بـ دنيا كلها ذئاب
خلود تغيير الموضوع: اقول عبوره وش يسوون الحين البنات
عبير فهمت عليها:يسوون نفس ماسوى طلال بك يوم زواجتس
خلود وهي تضحك: تصدقين اني طردته برا الجناح ههههههههههههههه
عبير: اووما عاد هههههههههههه مسكين
خلود: احسن محد قاله يقرب مني هههههههههههههه
عبير:آممممممم خلود
خلود: لبيه
عبير: لبيتي بـمنى ابي اقولتس موضوع بس سر بيننا
خلود: سرتس في بير ماله قاع قولي
عبير: انا وراكان نحب بعض اوكي وهو قالي انه يبي يتزوجني وعطاني وقت افكر واعلمه قبل مايجي يخطبني رسمي ويعلم اهلي
خلود:عبير اذا انتي تحبينه وهو يبادلتس فـ هذا نعمه اما يكون حب من طرف واحد فـ لاتوافقين وراكان رجال ماعليه كلام
عبير: شكرآ رفعتي من معنوياتي
دخل عليهم الجد
الجد: السلام عليكم
عبير وخلود: وعليكم السلام
خلود: غريبه مانمت جدي
الجد: وشلون انام يابنتي وانا فرحان
عبير: من ايش فرحان فرحنا معك
الجد: فرحان لاني جالس اشوف احفادي يكبرون ويتزوجون قدام عيني وبكره بشوف عيالهم اذا ربي عطاني عمر
خلود قامت تحب راسه ويده : عسى عمرك طويل
الجد بحزن: وانتي خلود منتب راجعه لزوجس
خلود: لاتحاول يايبه خلاص طلال عفته
الجد ودموعه تطيح من عينه وهو يقوم منهم: الله يهديكم يارب ويستر عليكم
عبير: تصدقين خلود مرات احس اني اموووت بجدي كثير
خلود: وربي ان مافي قلب زي قلبه الله يوفقه يارب
عبير: امين