الفصل 8
مزنه سفهته وارسل مسج ثاني فتحته
(يا حروف الشعر
روحي عانقيه
وانثري فوقه
ورود وعطريه
وبلغيه اني
اعزه بلغيه)
ردت عليه
(ممكن اعرف من انت وشلون جبت رقمي )
رد عليها
(ياترى هل انا في بالكم وقلبكم ولا نسيتوني ترى من غبت عنكم وانتم ساكنين بحشاي ودووم الدوم سارح بهواكم)
ردت مزنه
(ايه نسيناك بس اخلص قل من انت)
رد عليها
(كنت متوقع هالشي انا خلود يامزنه)
صدمه سكتت الكل
مها ودموعها اربع اربع: فديتها دقي عليها يمكن ترد
مزنه وهي تبكي : طيب طيب
عبير وجنى وهم يصرخون على مزنه: بسرعه انتي
مزنه: طيب
رد عليها طلال
مزنه: خلود وربي انك في بالنا وربي انك ماغبتي ابدآ عننا ودوم نجيب طاريك
طلال: لحظه اناديها لك
مزنه انصدمة من صوت طلال والتفتت على البنات تعلمهم
مها: يمكن هو اللي ساعدها
عبير: يمه عليتس ياخلود هين يالدوبا بس متى ترجعين
خلود: الو مزونه
مزنه :هلا وغلا خلود انطمي مافكرتي تجينا ولا عاجبس الجلسه بعيد عننا تدرين اننا فدنا الامل في اننا نلقاس
خلود: يابعد قلبي انتم وربي دايم انتم في بالي ولا غبتو ابدآ اسمعي ماابي احد يدري اني كلمتس
مزنه: بس عبير ومها وجنى جنبي يدرون
خلود: طيب غيركم لا
مزنه: ليش
خلود علمت مزنه بكل شي
مزنه: اوووووووووووخص ياخطنطيره انتي وش عندس
خلود: طيب حبيبتي بكلم البنات وربي وحشوني
مزنه: ايه ايه هم وانا ماوحشتس
خلود: وربي كلهم نفر نفر
مزنه: يس مدام خوذي مدام مها
خلود: يلا اعطي تلفون مدام مها
مها: الو يالدبا يالحيوانه
خلود: اح اح اح اهون عليتس
مها: لاماتهونين وربي وحشتينا
خلود: مو كثير وه بس فديتكم توني اعرف قدرس يامها
عبير وهي تاخذ الجوال من يد مها: قدر ولا صحن هاهاهاهاها
خلود: ههههههههه حلوه بس لا تعيدينها المهم اخباركم
عبير: كلنا بخير ناقصنا وجودس يالعجوز
خلود : انا عجوز
جنى: ايه عجوز
خلود: وهـ فديتس جنوي
جنى: فديتس انا يابعد روح وقلب جنى انتي
خلود: جنوي لازم اسكر يلا سلمي لي على البنات
جنوي : يوصل مع السلامه
سكرت خلود من جنى والتفتت تدور طلال بس مالقته
راحت لجناحه واخذت ورقه وقلم وكتبت
(طلال انا وافقت على الزواج منك بس ابي شرط وهو انك ماتتركني ياطلال
ارتجف قلبي
ضاعت مني القوة
الحلو يقرا رسالتي)
قامت خلود وتحطت الرساله على سريره
وطلعت من جناحه وراحت لغرفتها وجلست تحتري حركه منه
ساعه
ساعتين
ثلاث ساعات
دق دق دق<<الباب
قامت خلود قال من ورا الباب :ميــــن
طلال: افتحي ياحرم طلال
خلود استحت من الكلمه وقالت:طيب روح لصاله وبجيك
طلال : طيب بسرعه
خلود: طيب
راح طلال لصاله وجلست خلود تلبس
لبست بنطلون سكيني رمادي غامق وبلوزه سوده ولبست كعب اسود ورفعت شعرها ذيل حصان وحطت كحل اسود وروج احمر
طلعت خقق
ونزلت له
طلال من شافها خق عندها
طلال: هلاوغلا
خلود: هلابك
طلال: وافقتي طيب بنملك والزواج
خلود: خله سكاتي ماابي احد يدري
طلال: على راحتك الموهم ابيك تقولي لي متى تبين العرس
خلود بحيا: اللي تبي
طلال: انا لو علي من بكره
خلود راحت زبده بخبز : خلاص اللي تشوفه
طلال: اجل خلاص بكره اجيب اهلي والملاك ونملك وبدون عرس صح
خلود بحيا اكثر: صح
طلال: خلود ترا بعد اسبوع عندنا زواج وابيك تحضرينه لانك خلاص صرتي حرم طلال
خلود: اوكي
طلال: احبـــك خلود
خلود بحيا: وانا بعد
طلال: وانتي شنو
خلود: يووه خلاص ولا شي
طلال بحزن: يعني ماتحبيني
خلود: ماقلت كذا بس انت الله يهديك تستغبى علي
طلال: فديتني خليني استغبى عليك ولا على غيرك