رجل وكبرياء إمرأة - الفصل 41 - بقلم عبق - مكتملة | روايتك

فتحت عيونها بكسل وهي تتوهم انها على سريرها .. ناظرت بالوجيه المرعبه الي كانت تتفحصها بكل دقه .. اتسعت عيونها من هول المفاجأه قالت بصوت مخنوق : ميين انتم؟؟؟؟ هزت حركت راسها صداع قوي يفتك فيها قالت بلغه انجليزيه : ما الذي اتى بي الى هنا ؟ ومن تكونون ؟ ابتسم لها اححد الاشخاص وقال بهدوء : لا تخافي يا صغيرتي سوف نستمتع فقط !! اخذت نفس عميق واطرافها ترتعد .. سمعت صوت قديييم لكنه مألووف لها .! دخل ابو اسراء بكل قوة وابتسم بوجهها رغم انه رجل كبير يبلغ الخمسينات الا انه يمتاز بعضلات مفتوله وجسم وبنيه قويه جداً !! مسكها من رقبتها وهو يشد قبضته عليها قال بقوه : بعدي عنو لراؤول ولا بدك تشوفي اشي ما شفتيه بحياتك !! شدت على اسنانها بقووة وقالت بضيق : ابعد عني انا مو خايفه منك !! : هيا كلمه وحده .. يا تخرجي من البلد وتفكينا منك ولا تدفعي لك شي كم مليون ولا من شاف ولا من دري !! : طلعه ماني طالعه وفلوس منتب شايف! شد قبضته ولكمها بقوووة صرخت بالم جسمها تعبان ومخدر وزود عن كذا مربطه وحالتها حاله !! ضعفت قوتها لكنها حاولت تجمع أي ذره قوه باقيه فيها لكنها همست بتعب : ااه يمه اااه .. مسك وجهها بقوه : رح تموتي سدئيني راؤول ما رح يخليكي ابداً !! وانا الفلوس تعميني عن كل شي لكن عشان ام اسراء واسراء رح اعطيك فرصه يومين تقرري فيهم مصيرك !! راح عنها وخلاها بين قرارين احلاهما مر بالنسبه لها .. تعطيهم الفلوس وتهرب للسعوديه ولا تقعد وتنفضح والاوراق كلها تنكشف !! ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ طلع من محل الهدايا والورد وهو حامل العلبه بيده وبوكيه الورد الكبير باليد الثانيه .. كان مبسوط لدرجه غير طبيعيه راح يصالحها ويكسب قلبها هي للحين فيها ذرات حب له لكنه بيكسبها وينعشها ويحيها ويخلي كيانها كله له !! دخل سيارته وشغل اغنيه تروقه اكثر .. اتصل عليها لكن جوالها كان مقفل استغرب لكنه حلل على طول انها ممكن تكون مشغوله او ما عندها بطاريه كل شي جايز .. لكنه استبعد انها تكون بالشركه لانه عارف ورثاء ميشيل ماراح يخلونها !! اتصل على فيصل وسكر بوجهه ما استغرب حركته لانه متعود !! وصل لشقته ودخل بهدوء حط اغراضه ع الطاوله .. ودخل ياخذ له دش .. كان مرتاح مبسوط مو حاس بشي يغني ويدندن وياخذ دشه بهدوء ورويه .. طلع من الحمام وكوى ملابسه قميص ابيض وجينز ازرق وجاكيت كحلي !! سرح شعره وبخ من عطره رشتين طلع من الغرفه ورجع حمل الاغراض بانتعاش ونزل لسيارته بطريقه لشقة ريما الي كان مخطط ينتظرها بغرفتها لحتى تجي ويفاجئها بوجوده ولكم ان تتخيلون الباقي .. نزل عند العماره سيارتها موجوده لا وش هالحظ .. انتبه على الحارس كيف مرتبش وواقف قريب من سيارتها لكنه طنش وكمل طريقه طلع الدرج درجه درجه بهدوء ورويه كمان .. كان صوت بعيد يعلى كل ما قرب للشقه صراخ وحوسه وصياح كل هذا كان ما يعطيه اهتمام عشان لا يعكر صفو مزاجه .. فتح الباب بشويش بعد ما تاكد من مصدر الصوت !! هدء المكان كله .. ناظر الصاله كيف معفوسه الابجوره مكسوره على الارض زياد وجهه احمر ومعصب وفيصل متنرفز وماسك الجوال وغيدا وامها يبكون لكنهم سكتوا اول ما انتبهوله !! قال بهدوء بارد : شفيكم ؟ صمت ! محد تجرأ يخبره حتى زياد !! ردد كلمته : شفيكم؟شصاير؟ احد يرد !! التفت يمين ويسار ونادى بصوت : ريمــا !! الصمت لسه موجود ومحد رد عليه !! حط الاغراض على الكنب ودخل المطبخ وبعده المجلس وبعده الغرفه وبعده غرفة ريما وغيدا .. ينادي عليها يبي يسمعها يبي يتاكد من وجودها عشان كل شي يصير بخير ومايهمه وش ماكان !! طلع من غرفتها بينمما رغد دخلت وقالت بخوف وقلق : كان طالعه من الشركه من 3 ساعات والحين الساعه 7 توسعت عيونه بصدمه كيف يعني كانت؟ ليش هي وين ؟ وين راحت؟ وينها ليش اختفت ؟ ليش؟ مسك يد امها بصدمه : وينها خالتي؟ سالت دمعتها وهي تمسك قلبها بقوة قلبها مقبووض تحس انها مو مرتاحه وبنتها ابد مو مرتاحه بالمكان الي هي موجوده فيه .. صرخ بصوت عالي : وييييييييييييييينها ؟؟؟؟؟ مسك زياد وضربه ع الجدار بقوة : كللللللللله منك كلـــــه منك قفز فيصل ومسك اخوه : تركي لا تتهور كل شيب يتصلح خليك هادي : كيف اصيرر هااددددي كييف ويينها طلعوها لي ابيها ابيييها جثى على ركبته وهو مقهور مقهوور ليش كل ماقرب تبعد وينها الحين وش تسوي كيف حالها عايشه ميته ؟ طلع من البيت بسرعه وهو يصرخ عليهم : انتم ما حافضتوا عليها قهرتوها قهرتوها .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ قضت اليوم الاول في جوع وبكاء صامت .. كان بين فتره وفتره يدخلون عليها ويضربونها ضرب مبرح وكانت تصرخ باسم امها وتتعذب تعبت من الضرب عطشانه بشده تبي أي نقطه ترويها وبس .. تبي تنام تبي ترتاح .. وتبي تركي !! الشي الوحيد الي في بالها الحين انها تبي تركي تبيه يطلعها من الي هي فيه !! لكن صوت في بالها اختلط بمشاعرها وصارت تبي زياد !! قلبها يوجعها وجسمها بالي !! متى تطلع من هنا متى ؟ متى تخلص من هالعذاب كله .. متى تنام مرتاحه ؟ متى ما تشيل هم أي شي وتكون حياتها سليمه من أي خطأ !! متى؟ رفعت راسها للسما وبكت بكت حالها وبكت بعدها عن رب العباد .. شكت لربها وبكت اكثر وهي تدعي .. وما كسر قلبها غير : يارب ثبتني على دينك وعلق قلبي فيك !! انهكتها الدنيا خلاص !! اكتفت من كل الهموم .. افزعها صوت الباب الي دخل منه راؤول ببدله راقيه اما هي ملابسها ممزقه شكلها بالي ونظارتها طايحه ع الارض ومكسوره !! قال بصوت ثابت : بعد الغد انتظر قرارك اما ان ان تسلميني المبلغ الذي اريد وتخرجي من البلاد او تنكشف الالاعيب وتسجني وتدفعين الغرامه !! وتحرمين ربما من دخول البلاد!! خرج ورزع الباب وراه .. حقدت عليه من كل قلبها .. ااه يمه وش اسوي !! حيرتها تفوق كل شي .. كان القرار الصحيح واضح!! هي لسه تملك الجواز السعودي ما تنازلت عنه !! واوراقها الثبوتيه موجوده !! كان ينقصها بس انها تترك شوائبها في ايطاليا وترجع ولا كأن شي صار لكن عنادها يمنعها !! لطالما عاندت على حساب نفسها والمصيبه تندم على عنادها بعدين وتدفع الثمن !! هالمره كان لازم تحكم عقلها لكن بعد ايش بعد ما خسرت كل شي!!!!!!!!!! لو انها ما زورت ؟ لو انها ما قبلت عرض ميشيل ؟ لو انها ما سافرت ايطاليا ؟ لو انها ما تزوجت تركي ؟ لو انها ما تسترت على دلال ؟ لو انها ماتت في عمليتها ؟ لو انها ما انولدت اساساً ؟ تممنت من كل قلبها تموت خلاص ماعادت تبي شي تبي تموت وبس ترتاح من كل شي وتجلس نايمه طول عمرها لين يوم القيامه !! ماكانت تدري ان بتفكيرها هذا كانت تأثم وتفتح عمل الشيطان الي كان راكبها !! ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ كان يلف في الشوارع وعيونه معلقه بالناس قلبه ينبض بقووة غير طبيعية .. خوفه عليها مخليه بحاله هستيريه .. واعصابه متنرفزة بشده من الكائن الي قاعد يشاركه قلقه وما سمح له يتحرك من دونه متعذر بانه راح يقدر يساعده لو صارله شي!!