الفصل 6
غمرت لي رشا وهي تنغزني : اكيد تركي مغرقك بلياليه الحمرا
حمر وجهي : عيب بلا قلت ادب
جات الشغاله جابت العصير والمكسرات قضيناها ضحك وسوالف
جت دلال وجلست بغرور وحطت رجل على رجل : وش مقعد ذي معكم
رشا بعصبيه : دلال خليك بحالك لو سمحتي
ناظرتها من فوق لتحت : ومن انتي عشان تسكتيني
قمت باحترام وانا ماشيه قالت : اذا حضرت الملائكه خرجت الشياطين
ناضرتها بسخريه : واذا نطق السفيه فخير من اجابته السكوت
مشت وهي بقمه عصبيتها صرخت سديم : دلالال خلاص
مسكتني من شعري بقوه بنيت دلال اكبر مني
هي طويلة ومربربه وانا قصيره بالنسبه لها : لا تعلين صوتك يا حثاله لا تنسين ان ابوي متكرم عليك انتي وابوك لا تطاولين على اسيادك
ضحكت بالم : تبطون تصيرون اسيادي !
صفقتني كف بكل قوتها .. : عشان تعرفين قدرك بس ركضت لي سديم : ريما حبيبتي ما عليك منها
دفيتها بقوة : وخررري عني
ركضت للفله بسرعه لقيته بوجهي شهقت من البكي مسكني من يدي بقوه : شفيييييييك؟
شهقت بقوه : وخر عني الله يخليك رجعني عند امي ما ابيييك ما ابيييكم ركضت للغرفه وانا ابكي ضميت مخدتي وانا ابكي سمعت صراخهم بالحوش سكرت اذني وانا ابكي شوي دخل علي بقوة
: ريمـــــــــــا
انتفض جسمي برعب فتح اللحاف : وش قااالت لكك دلال انطقي !
: مـ..ـأ قالت لـ..ـي شي
مسكني من كتفي : وش قالت ؟
نزلت دموعي : اختك من دخلت وهي تضايقني ما سويت لها شي كل شوي ترمي علي كلام اتعبتني
حط يده على خدي : ضرتبك ؟
نزلت راسي وانا اشهق من البكي ناظرني بنظره غريبه اول مره اشوفها : اوجعتك
زاد صوت بكاي حسيت بشي غريب قاعد يصير فيني حضني بقوة وهو يمسح على ضهري شهقت بقوة وحسيت بانه ملاذي الوحيد تمسكت ببلوزته وانا ابكي واهمس بكلام غير مفهوم شد علي وهمس باذني : ششش اهدي خلاص
سكت شوي وهديت بعدته عني وانا امسح دموعي وهو يمسد شعري مسكت يده بالم : الله يخليك خف علي اانا مو قادره اتحملكم اختك من جهة وانت من جهة وش سويت لكم انا انا مالي ذذنب انا ضحية فلوس زي زيك !!!
ضحيه ومالي دخل سويت لكم شي اعتقوووني .. قام وطلع من الغرفه انسدحت على ضهري وانا افكر باللي جاي اول شهر وهذا حالي بكرا ارجع للمدرسه
اليوم الثاني الصبح قمت وانا احس بنشاط ناظرت تركي الي نايم بسلام جنبي الساعه 5 ونص الفجر
صحيته بشويش ما نفع قربت منه وصرت اهزه بخفه : تركي تركي قوم صلاة الفجر فتح عيونه وهو مقطب عيونه قام بسرعه بسم الله مشطت شعري ورفعته بوني تيل لبست قميصي الابيض وتنورتي لبست بوت الرياضه حطيت ميك اب الصباح بلشر ومسكرا وروج فاتح مسكت شنطتي وعباتي بيدي ونزلت لقيتهم ع الطاوله كالعاده بس بوقت بدري اكثر جلست بعد ما صبحت على عمي وخالتي ابتسمت لسديم وابتسم لي بطريقه تضحك خلتني غصب عني اضحك ناظرني فيصل بتعججب يوه اول مره اشوفه ذا ابتسم لي بطريقة مخيفه ارعبتني كملت اكل بهدوء ونزل تركي بعدي وجلست بمكانه جنبي ناظر ساعته بعد ما اكل بسرعه : يلا قومي
: طيب قمت واخذت عباتي التفت وراي ولقيت فيصل يناضرني بنفس النظره قشعر جلدي ومشيت بسرعه لتركي ومسكت يده احتمي فيه نفض يده بطريقة غريبه : احنا برا ماله داعي التمثيليات
اترتبكت : لا بس انا
: انتي وشو ؟
سفهته ومشيت لسياره ركبت قدام وعدلت حجابي زين وغطيت وجهي دخل السياره ومشا والصمت كان سيد المكان وصلنا المدرسه قال بامر : انزلي
التفت له وقلت له بتوتر : ااا ما معاي فلوس
ضرب جبهته : اووه صح طلع محفظته وعطاني عشرين واوو ههههههههههه جيت بنزل استوقفني صوته : انتبهي لنفسك
نزلت وانا ابتسم دخلت المدرسه فصخت عباتي ودخلتها في شنطتي تعطرت بعطري قوتشي باي قوتشي ومشت وانا اتمخطر احس بواناسه اشتقت للمدرسه صرخت بسيب : شوااااااااقه
التفت شوق وركضت لي تضمني : ريمـــا كيففك يا قلب شواق انتي
ضحكت وانا ابعدها عني : خلاص عصرتيني
مشينا سوا متوجهين للبنات كان اليوم ممتع مره فلوسني البنات طبعا بما انه معاي فلوس صادفت سديم سلمت عليها بمرح قالت لي باستغراب : احسك مو نفسك الي بالبيت ضحكت ضحكتي الهبلا
يمكن لاني مستحيه
بنهاية الدوام طلعت متعوده اني استنا سواقنا والقاه على طول دورت سيارة تريويك وما لقيتها مشيت ومشيت ولا لقيتها لمحت سديم تطلع وتروح لسواقهم ترددت اروح معها او لا بس ظارت السياره بسرعه من عند المدرسه تنهدت بطفش كل البنات طلعو ما بقا غيري وينه انتضرت نص ساعه مرت جمس من عندي وكلها شباب باين انهم من قسم العيال : ليش يا جميل واقف عند الباب
ضرب قلبي بسرعه مشيت برجع ادخل والجمس يمشي معي بهدوء نزل واحد منهم وجهه يخوف مسكني من يدي : وش فيك خايف يا اسمر يا مملوح
ركضت بسرعه دخلت المدرسه وانا انتفض نادى على اسمي اول ما دخلت طلعت من الباب وانا ادور تركي لقيته واقف قدامي رحت له بسرعه مسكت ذراعه ناظرني بسخريه : خير ؟
: كانـ.. كـ..ـانو
: كانو ايش؟
تورطت لايفهمني غلط : كانو بيخلون لحالي !
دفني بشويش : امشي بس
دخلت السياره بسكوت سالني بصرامه : كيف الدراسه
: الحمدالله
: ماشيه ؟ هذا اخر ترم لك وبعدها ابيك تدخلين تخصص كويس
ناظرته بسخريه : برفع راسك يا تركي
ابتسم وكمل طريقه وانا افكر في تقلباته ..
......
الساعه 3 العصر ..
قمت من النوم ولقيته صاحي ولابس ..
سألته بهدوء : طالع العمل ؟
ناظرني من فوق لتحت : ليكون صدقتي نفسك انك زوجتي يا البزر ..
قلت بغصه : اسفه
مشيت ودخلت الحمام سندت نفسي ع الباب وبلعت عبرتي حاولت اقوي نفسي بس ماقدر بكيت بصمت توضيت وطلعت وهو لسه موجود نزل راسي وانتثر شعري على وجهي ..
مثل الذهب هي خصلاتها ..
تلحف وجهً مثل البدر ..
لتتراقص على وجنتيها ..
وتستر ندى عينيها ..
مشت بصمت فتحت دولابها وعقلها بعيد كل البعد عن الي في الدولاب ..
قطع الصمت رنة تلفونها التفت ومسكته بيدين ترتجف ما غابت عن عيونه ..
ردت بهدوء : ألو ... أهلــــــــين .. كييفك ؟ .... هههههههههههههه .. الحمد الله بخير .... والله انا اكثر ... بإرتباك : هاه إييه .. وبوجه خجول : عيــــــب .. هههههههههه .. أوكـــ....
سحب منها الجوال بوجه غاضب انصدمت من ردت فعله حط السماعه ع اذنه يتأكد من الصوت
رماه على السرير بقهر وطلع رمشت بصدمه وهي تسمع صوت شوق الخفيف بالتليفون كتمت عبرتها وردت بالم : معاك يا شوق بس الجوال طاح علي
: إيش فييك ريما ؟
: مافيني شي تركي وصل احاكيك بعدين
: اييييييييييييييف بدينا بشغل الازواج يلا بيننا الو ..
: اوكي
قفلت منها وهي تبكي ما قدرت تمسك نفسها اكثر ضمت مخدتها وكتمت صوت شهقاتها فيها ..
مر وقت طويل وهي تبكي لما سمعت صوت سديم من عند الباب ..
دخلت الحمام غسلت وجهها وسحبت جينز وتيشرت وفتحت الباب : هلا
: أهلا أهلا وينك ما تنشافين ، هئئ شفيه وجهك منفوخ وعيونك حمر
: توني صاحيه من النوم .. ابتسمت بوجهها
ضحكت سديم : امشي معانا الحديقه ، لازم تعرفين كل يوم ع الساعه اربع اربع ونص نجتمع تحت بالحدييقه
تذكرت لوهله تصرفات دلال : لا مالي خلق
تعكر وجه سديم : اذا على دلال فما عليك منها
قلت بغصه : مالي خلق وربي
: امي تصرفت معاها
دمعت عيوني بسرعه عطيتها ضهري ودخلت
: ريما وش فيك ؟
رديت بصوت باكي : انا ما ابي اكون دخيله واسبب بينكم مشاكل وربي .. آآآه شهقت من البكي
ضمتها سديم وقالت بحنيه : يا قلبي انتي رشا تصرفاتها كذا حتى مع بنات عمتي .. ما يعجبها العجب وبيني وبينك احيانا الغيره تعميها
: بس انا ما سويت لها شي افهميني
: فاهمتك وربي يلا قومي غسلي وجهك والحقيني لا اشوتك
ابتسمت بألم : ان شا الله .. حمدت ربي بداخلي الي رزقني بسديم ورشا محد معبرني غيرهم !!
وينك يا شوق وربي ان تغسلين شراعهم نزلت تحت عندهم وكانو يسولفون عن حفل او حفل تخرج !
ابتسمت بوجه خالتي سلمت عليها وجلست ما اعطيتها أي اهتمام المدعوة دلال وقررت ابديها حرب السن بالسن والبادي اظلم ..
سديم : بيكون حفل تخرجي بالبيت وراح اعزم كل الناس
رشا : وبنخليها حفلتك انتي وريما
أيدوها الكل الا دلال طبعا عفست وجهها : لييه ما عندهم بيت ؟
ام تركي بصرامه : البيت بيتها يا دلال !!
دلال بسخريه : مسرع ورثتنا يمه
.. : بنـــــــت
التفتو لمصدر الصوت
..
ابو تركي : وربي لا احش لسانك حش ان سمعت مثل هالكلام ..
وقفت دلال : خلوها تنفعكم بنت ابوها مشت وهي تسمع صراخ ابوها ..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
: هه سواها النذل وخون فينا هين يا ابو تركي
: صل ع النبي يا اخوي الي سويته غلط
: لا ماهو غلط سلطان ماله مكان بيننا ونصيبه من الشركه 25% وشوله نقسمها بينا ونفتك ولا تنسا هو دخيل علينا من 4 سنين وحنا لنا دهر ..
: ولو يا ابو زيد مالك حق
: لا لي حق وماراح اخليه الا لما اخذ نصيبه
.. : لا يا ابو زيد ان طلع سلطان فانا طالع وراه ودورلك راس مال
: محشوم يا ابو تركي وان طلعت فانا وراك
أبو زيد بقهر : انا كنت معارض على شراكته من زمان وتحملو ما جنيتو
قام وطلع من قاعة الاجتماع بدخول سلطان ابوريما استغرب نظرات ابو زيد .. ودخل بعد ما رمى السلام
خير وش صاير ؟
: ما عليك منه يا سلطان حي الله سلطان
: الله يحيك شخبارك يا ابو بدر .. *ابوتركي*
: بخير بشوفتك ..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛
دخلت غرفتها سكرت الباب بكل قوتها نفثت بقهر ..
مسكت جوالها بسرعه دورت بين الاسماء وهي تختار اتصلت على اول اسم عجبها ..
ردت بدلع ماصخ : ألو .. هلا حبيبي .. ايوة كيفك ؟ .. هههاي لا ما فيني شي بس أبي اريّح نفسي .. مرت اخوي قاهرتني افففف ..
سوّلت لها نفسها فأطاعتها ..
عزم شيطانها على ان يغضب خالقها فأنصاعت لأوامره ..
نست وتناست ثقة ذويها ..
وفقدت قبل ذلك .. دينها ..